atha saptadashO.adhyaayaH ।
arjuna uvaacha ।
yE shaastravidhimutsRRijya yajantE shraddhayaanvitaaH ।
tEshhaaM nishhThaa tu kaa kRRishhNa sattvamaahO rajastamaH ॥ 1 ॥
shreebhagavaanuvaacha ।
trividhaa bhavati shraddhaa dEhinaaM saa svabhaavajaa ।
saattvikee raajasee chaiva taamasee chEti taaM shRRiNu ॥ 2 ॥
sattvaanuroopaa sarvasya shraddhaa bhavati bhaarata ।
shraddhaamayO.ayaM purushhO yO yachChraddhaH sa Eva saH ॥ 3 ॥
yajantE saattvikaa dEvaanyakshharakshhaaMsi raajasaaH ।
prEtaanbhootagaNaaMshchaanyE yajantE taamasaa janaaH ॥ 4 ॥
ashaastravihitaM ghOraM tapyantE yE tapO janaaH ।
dambhaahaMkaarasaMyuktaaH kaamaraagabalaanvitaaH ॥ 5 ॥
karshhayantaH shareerasthaM bhootagraamamachEtasaH ।
maaM chaivaantaHshareerasthaM taanviddhyaasuranishchayaan ॥ 6 ॥
aahaarastvapi sarvasya trividhO bhavati priyaH ।
yajjhNastapastathaa daanaM tEshhaaM bhEdamimaM shRRiNu ॥ 7 ॥
aayuHsattvabalaarOgyasukhapreetivivardhanaaH ।
rasyaaH snigdhaaH sthiraa hRRidyaa aahaaraaH saattvikapriyaaH ॥ 8 ॥
kaTvamlalavaNaatyushhNateekshhNarookshhavidaahinaH ।
aahaaraa raajasasyEshhTaa duHkhashOkaamayapradaaH ॥ 9 ॥
yaatayaamaM gatarasaM pooti paryushhitaM cha yat ।
uchChishhTamapi chaamEdhyaM bhOjanaM taamasapriyam ॥ 10 ॥
aphalaakaankshhibhiryajjhNO vidhidRRishhTO ya ijyatE ।
yashhTavyamEvEti manaH samaadhaaya sa saattvikaH ॥ 11 ॥
abhisaMdhaaya tu phalaM dambhaarthamapi chaiva yat ।
ijyatE bharatashrEshhTha taM yajjhNaM viddhi raajasam ॥ 12 ॥
vidhiheenamasRRishhTaannaM mantraheenamadakshhiNam ।
shraddhaavirahitaM yajjhNaM taamasaM parichakshhatE ॥ 13 ॥
dEvadvijagurupraajjhNapoojanaM shauchamaarjavam ।
brahmacharyamahiMsaa cha shaareeraM tapa uchyatE ॥ 14 ॥
anudvEgakaraM vaakyaM satyaM priyahitaM cha yat ।
svaadhyaayaabhyasanaM chaiva vaanmayaM tapa uchyatE ॥ 15 ॥
manaH prasaadaH saumyatvaM maunamaatmavinigrahaH ।
bhaavasaMshuddhirityEtattapO maanasamuchyatE ॥ 16 ॥
shraddhayaa parayaa taptaM tapastattrividhaM naraiH ।
aphalaakaankshhibhiryuktaiH saattvikaM parichakshhatE ॥ 17 ॥
satkaaramaanapoojaarthaM tapO dambhEna chaiva yat ।
kriyatE tadiha prOktaM raajasaM chalamadhruvam ॥ 18 ॥
mooDhagraahENaatmanO yatpeeDayaa kriyatE tapaH ।
parasyOtsaadanaarthaM vaa tattaamasamudaahRRitam ॥ 19 ॥
daatavyamiti yaddaanaM deeyatE.anupakaariNE ।
dEshE kaalE cha paatrE cha taddaanaM saattvikaM smRRitam ॥ 20 ॥
yattu prattyupakaaraarthaM phalamuddishya vaa punaH ।
deeyatE cha pariklishhTaM taddaanaM raajasaM smRRitam ॥ 21 ॥
adEshakaalE yaddaanamapaatrEbhyashcha deeyatE ।
asatkRRitamavajjhNaataM tattaamasamudaahRRitam ॥ 22 ॥
OM tatsaditi nirdEshO brahmaNastrividhaH smRRitaH ।
braahmaNaastEna vEdaashcha yajjhNaashcha vihitaaH puraa ॥ 23 ॥
tasmaadOmityudaahRRitya yajjhNadaanatapaHkriyaaH ।
pravartantE vidhaanOktaaH satataM brahmavaadinaam ॥ 24 ॥
tadityanabhisaMdhaaya phalaM yajjhNatapaHkriyaaH ।
daanakriyaashcha vividhaaH kriyantE mOkshhakaankshhibhiH ॥ 25 ॥
sadbhaavE saadhubhaavE cha sadityEtatprayujyatE ।
prashastE karmaNi tathaa sachChabdaH paartha yujyatE ॥ 26 ॥
yajjhNE tapasi daanE cha sthitiH saditi chOchyatE ।
karma chaiva tadartheeyaM sadityEvaabhidheeyatE ॥ 27 ॥
ashraddhayaa hutaM dattaM tapastaptaM kRRitaM cha yat ।
asadityuchyatE paartha na cha tatprEpya nO iha ॥ 28 ॥
OM tatsaditi shreemadbhagavadgeetaasoopanishhatsu brahmavidyaayaaM yOgashaastrE shreekRRishhNaarjunasaMvaadE
shraddhaatrayavibhaagayOgO naama saptadashO.adhyaayaH ॥17 ॥
Browse Related Categories: