View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ଶ୍ରୀମଦ୍ଭଗଵଦ୍ଗୀତା ମୂଲମ୍ - ସପ୍ତଦଶୋଽଧ୍ୟାୟଃ

ଅଥ ସପ୍ତଦଶୋଽଧ୍ୟାୟଃ ।
ଶ୍ରଦ୍ଧାତ୍ରୟଵିଭାଗୟୋଗଃ

ଅର୍ଜୁନ ଉଵାଚ ।
ୟେ ଶାସ୍ତ୍ରଵିଧିମୁତ୍ସୃଜ୍ୟ ୟଜଂତେ ଶ୍ରଦ୍ଧୟାନ୍ଵିତାଃ ।
ତେଷାଂ ନିଷ୍ଠା ତୁ କା କୃଷ୍ଣ ସତ୍ତ୍ଵମାହୋ ରଜସ୍ତମଃ ॥ 1 ॥

ଶ୍ରୀଭଗଵାନୁଵାଚ ।
ତ୍ରିଵିଧା ଭଵତି ଶ୍ରଦ୍ଧା ଦେହିନାଂ ସା ସ୍ଵଭାଵଜା ।
ସାତ୍ତ୍ଵିକୀ ରାଜସୀ ଚୈଵ ତାମସୀ ଚେତି ତାଂ ଶୃଣୁ ॥ 2 ॥

ସତ୍ତ୍ଵାନୁରୂପା ସର୍ଵସ୍ୟ ଶ୍ରଦ୍ଧା ଭଵତି ଭାରତ ।
ଶ୍ରଦ୍ଧାମୟୋଽୟଂ ପୁରୁଷୋ ୟୋ ୟଚ୍ଛ୍ରଦ୍ଧଃ ସ ଏଵ ସଃ ॥ 3 ॥

ୟଜଂତେ ସାତ୍ତ୍ଵିକା ଦେଵାନ୍ୟକ୍ଷରକ୍ଷାଂସି ରାଜସାଃ ।
ପ୍ରେତାନ୍ଭୂତଗଣାଂଶ୍ଚାନ୍ୟେ ୟଜଂତେ ତାମସା ଜନାଃ ॥ 4 ॥

ଅଶାସ୍ତ୍ରଵିହିତଂ ଘୋରଂ ତପ୍ୟଂତେ ୟେ ତପୋ ଜନାଃ ।
ଦଂଭାହଂକାରସଂୟୁକ୍ତାଃ କାମରାଗବଲାନ୍ଵିତାଃ ॥ 5 ॥

କର୍ଷୟଂତଃ ଶରୀରସ୍ଥଂ ଭୂତଗ୍ରାମମଚେତସଃ ।
ମାଂ ଚୈଵାଂତଃଶରୀରସ୍ଥଂ ତାନ୍ଵିଦ୍ଧ୍ୟାସୁରନିଶ୍ଚୟାନ୍ ॥ 6 ॥

ଆହାରସ୍ତ୍ଵପି ସର୍ଵସ୍ୟ ତ୍ରିଵିଧୋ ଭଵତି ପ୍ରିୟଃ ।
ୟଜ୍ଞସ୍ତପସ୍ତଥା ଦାନଂ ତେଷାଂ ଭେଦମିମଂ ଶୃଣୁ ॥ 7 ॥

ଆୟୁଃସତ୍ତ୍ଵବଲାରୋଗ୍ୟସୁଖପ୍ରୀତିଵିଵର୍ଧନାଃ ।
ରସ୍ୟାଃ ସ୍ନିଗ୍ଧାଃ ସ୍ଥିରା ହୃଦ୍ୟା ଆହାରାଃ ସାତ୍ତ୍ଵିକପ୍ରିୟାଃ ॥ 8 ॥

କଟ୍ଵମ୍ଲଲଵଣାତ୍ୟୁଷ୍ଣତୀକ୍ଷ୍ଣରୂକ୍ଷଵିଦାହିନଃ ।
ଆହାରା ରାଜସସ୍ୟେଷ୍ଟା ଦୁଃଖଶୋକାମୟପ୍ରଦାଃ ॥ 9 ॥

ୟାତୟାମଂ ଗତରସଂ ପୂତି ପର୍ୟୁଷିତଂ ଚ ୟତ୍ ।
ଉଚ୍ଛିଷ୍ଟମପି ଚାମେଧ୍ୟଂ ଭୋଜନଂ ତାମସପ୍ରିୟମ୍ ॥ 10 ॥

ଅଫଲାକାଂକ୍ଷିଭିର୍ୟଜ୍ଞୋ ଵିଧିଦୃଷ୍ଟୋ ୟ ଇଜ୍ୟତେ ।
ୟଷ୍ଟଵ୍ୟମେଵେତି ମନଃ ସମାଧାୟ ସ ସାତ୍ତ୍ଵିକଃ ॥ 11 ॥

ଅଭିସଂଧାୟ ତୁ ଫଲଂ ଦଂଭାର୍ଥମପି ଚୈଵ ୟତ୍ ।
ଇଜ୍ୟତେ ଭରତଶ୍ରେଷ୍ଠ ତଂ ୟଜ୍ଞଂ ଵିଦ୍ଧି ରାଜସମ୍ ॥ 12 ॥

ଵିଧିହୀନମସୃଷ୍ଟାନ୍ନଂ ମଂତ୍ରହୀନମଦକ୍ଷିଣମ୍ ।
ଶ୍ରଦ୍ଧାଵିରହିତଂ ୟଜ୍ଞଂ ତାମସଂ ପରିଚକ୍ଷତେ ॥ 13 ॥

ଦେଵଦ୍ଵିଜଗୁରୁପ୍ରାଜ୍ଞପୂଜନଂ ଶୌଚମାର୍ଜଵମ୍ ।
ବ୍ରହ୍ମଚର୍ୟମହିଂସା ଚ ଶାରୀରଂ ତପ ଉଚ୍ୟତେ ॥ 14 ॥

ଅନୁଦ୍ଵେଗକରଂ ଵାକ୍ୟଂ ସତ୍ୟଂ ପ୍ରିୟହିତଂ ଚ ୟତ୍ ।
ସ୍ଵାଧ୍ୟାୟାଭ୍ୟସନଂ ଚୈଵ ଵାଙ୍ମୟଂ ତପ ଉଚ୍ୟତେ ॥ 15 ॥

ମନଃ ପ୍ରସାଦଃ ସୌମ୍ୟତ୍ଵଂ ମୌନମାତ୍ମଵିନିଗ୍ରହଃ ।
ଭାଵସଂଶୁଦ୍ଧିରିତ୍ୟେତତ୍ତପୋ ମାନସମୁଚ୍ୟତେ ॥ 16 ॥

ଶ୍ରଦ୍ଧୟା ପରୟା ତପ୍ତଂ ତପସ୍ତତ୍ତ୍ରିଵିଧଂ ନରୈଃ ।
ଅଫଲାକାଂକ୍ଷିଭିର୍ୟୁକ୍ତୈଃ ସାତ୍ତ୍ଵିକଂ ପରିଚକ୍ଷତେ ॥ 17 ॥

ସତ୍କାରମାନପୂଜାର୍ଥଂ ତପୋ ଦଂଭେନ ଚୈଵ ୟତ୍ ।
କ୍ରିୟତେ ତଦିହ ପ୍ରୋକ୍ତଂ ରାଜସଂ ଚଲମଧ୍ରୁଵମ୍ ॥ 18 ॥

ମୂଢଗ୍ରାହେଣାତ୍ମନୋ ୟତ୍ପୀଡୟା କ୍ରିୟତେ ତପଃ ।
ପରସ୍ୟୋତ୍ସାଦନାର୍ଥଂ ଵା ତତ୍ତାମସମୁଦାହୃତମ୍ ॥ 19 ॥

ଦାତଵ୍ୟମିତି ୟଦ୍ଦାନଂ ଦୀୟତେଽନୁପକାରିଣେ ।
ଦେଶେ କାଲେ ଚ ପାତ୍ରେ ଚ ତଦ୍ଦାନଂ ସାତ୍ତ୍ଵିକଂ ସ୍ମୃତମ୍ ॥ 20 ॥

ୟତ୍ତୁ ପ୍ରତ୍ତ୍ୟୁପକାରାର୍ଥଂ ଫଲମୁଦ୍ଦିଶ୍ୟ ଵା ପୁନଃ ।
ଦୀୟତେ ଚ ପରିକ୍ଲିଷ୍ଟଂ ତଦ୍ଦାନଂ ରାଜସଂ ସ୍ମୃତମ୍ ॥ 21 ॥

ଅଦେଶକାଲେ ୟଦ୍ଦାନମପାତ୍ରେଭ୍ୟଶ୍ଚ ଦୀୟତେ ।
ଅସତ୍କୃତମଵଜ୍ଞାତଂ ତତ୍ତାମସମୁଦାହୃତମ୍ ॥ 22 ॥

ଓଂ ତତ୍ସଦିତି ନିର୍ଦେଶୋ ବ୍ରହ୍ମଣସ୍ତ୍ରିଵିଧଃ ସ୍ମୃତଃ ।
ବ୍ରାହ୍ମଣାସ୍ତେନ ଵେଦାଶ୍ଚ ୟଜ୍ଞାଶ୍ଚ ଵିହିତାଃ ପୁରା ॥ 23 ॥

ତସ୍ମାଦୋମିତ୍ୟୁଦାହୃତ୍ୟ ୟଜ୍ଞଦାନତପଃକ୍ରିୟାଃ ।
ପ୍ରଵର୍ତଂତେ ଵିଧାନୋକ୍ତାଃ ସତତଂ ବ୍ରହ୍ମଵାଦିନାମ୍ ॥ 24 ॥

ତଦିତ୍ୟନଭିସଂଧାୟ ଫଲଂ ୟଜ୍ଞତପଃକ୍ରିୟାଃ ।
ଦାନକ୍ରିୟାଶ୍ଚ ଵିଵିଧାଃ କ୍ରିୟଂତେ ମୋକ୍ଷକାଂକ୍ଷିଭିଃ ॥ 25 ॥

ସଦ୍ଭାଵେ ସାଧୁଭାଵେ ଚ ସଦିତ୍ୟେତତ୍ପ୍ରୟୁଜ୍ୟତେ ।
ପ୍ରଶସ୍ତେ କର୍ମଣି ତଥା ସଚ୍ଛବ୍ଦଃ ପାର୍ଥ ୟୁଜ୍ୟତେ ॥ 26 ॥

ୟଜ୍ଞେ ତପସି ଦାନେ ଚ ସ୍ଥିତିଃ ସଦିତି ଚୋଚ୍ୟତେ ।
କର୍ମ ଚୈଵ ତଦର୍ଥୀୟଂ ସଦିତ୍ୟେଵାଭିଧୀୟତେ ॥ 27 ॥

ଅଶ୍ରଦ୍ଧୟା ହୁତଂ ଦତ୍ତଂ ତପସ୍ତପ୍ତଂ କୃତଂ ଚ ୟତ୍ ।
ଅସଦିତ୍ୟୁଚ୍ୟତେ ପାର୍ଥ ନ ଚ ତତ୍ପ୍ରେପ୍ୟ ନୋ ଇହ ॥ 28 ॥

ଓଂ ତତ୍ସଦିତି ଶ୍ରୀମଦ୍ଭଗଵଦ୍ଗୀତାସୂପନିଷତ୍ସୁ ବ୍ରହ୍ମଵିଦ୍ୟାୟାଂ ୟୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନସଂଵାଦେ

ଶ୍ରଦ୍ଧାତ୍ରୟଵିଭାଗୟୋଗୋ ନାମ ସପ୍ତଦଶୋଽଧ୍ୟାୟଃ ॥17 ॥




Browse Related Categories: