atha shhODashO.adhyaayaH ।
shreebhagavaanuvaacha ।
abhayaM sattvasaMshuddhirjjhNaanayOgavyavasthitiH ।
daanaM damashcha yajjhNashcha svaadhyaayastapa aarjavam ॥ 1 ॥
ahiMsaa satyamakrOdhastyaagaH shaantirapaishunam ।
dayaa bhootEshhvalOluptvaM maardavaM hreerachaapalam ॥ 2 ॥
tEjaH kshhamaa dhRRitiH shauchamadrOhO naatimaanitaa ।
bhavanti saMpadaM daiveemabhijaatasya bhaarata ॥ 3 ॥
dambhO darpO.abhimaanashcha krOdhaH paarushhyamEva cha ।
ajjhNaanaM chaabhijaatasya paartha saMpadamaasureem ॥ 4 ॥
daivee saMpadvimOkshhaaya nibandhaayaasuree mataa ।
maa shuchaH saMpadaM daiveemabhijaatO.asi paaMDava ॥ 5 ॥
dvau bhootasargau lOkE.asmindaiva aasura Eva cha ।
daivO vistarashaH prOkta aasuraM paartha mE shRRiNu ॥ 6 ॥
pravRRittiM cha nivRRittiM cha janaa na viduraasuraaH ।
na shauchaM naapi chaachaarO na satyaM tEshhu vidyatE ॥ 7 ॥
asatyamapratishhThaM tE jagadaahuraneeshvaram ।
aparasparasaMbhootaM kimanyatkaamahaitukam ॥ 8 ॥
EtaaM dRRishhTimavashhTabhya nashhTaatmaanO.alpabuddhayaH ।
prabhavantyugrakarmaaNaH kshhayaaya jagatO.ahitaaH ॥ 9 ॥
kaamamaashritya dushhpooraM dambhamaanamadaanvitaaH ।
mOhaadgRRiheetvaasadgraahaanpravartantE.ashuchivrataaH ॥ 10 ॥
chintaamaparimEyaaM cha pralayaantaamupaashritaaH ।
kaamOpabhOgaparamaa Etaavaditi nishchitaaH ॥ 11 ॥
aashaapaashashatairbaddhaaH kaamakrOdhaparaayaNaaH ।
eehantE kaamabhOgaarthamanyaayEnaarthasaMchayaan ॥ 12 ॥
idamadya mayaa labdhamimaM praapsyE manOratham ।
idamasteedamapi mE bhavishhyati punardhanam ॥ 13 ॥
asau mayaa hataH shatrurhanishhyE chaaparaanapi ।
eeshvarO.ahamahaM bhOgee siddhO.ahaM balavaansukhee ॥ 14 ॥
aaDhyO.abhijanavaanasmi kO.anyOsti sadRRishO mayaa ।
yakshhyE daasyaami mOdishhya ityajjhNaanavimOhitaaH ॥ 15 ॥
anEkachittavibhraantaa mOhajaalasamaavRRitaaH ।
prasaktaaH kaamabhOgEshhu patanti narakE.ashuchau ॥ 16 ॥
aatmasaMbhaavitaaH stabdhaa dhanamaanamadaanvitaaH ।
yajantE naamayajjhNaistE dambhEnaavidhipoorvakam ॥ 17 ॥
ahaMkaaraM balaM darpaM kaamaM krOdhaM cha saMshritaaH ।
maamaatmaparadEhEshhu pradvishhantO.abhyasooyakaaH ॥ 18 ॥
taanahaM dvishhataH krooraansaMsaarEshhu naraadhamaan ।
kshhipaamyajasramashubhaanaasureeshhvEva yOnishhu ॥ 19 ॥
aasureeM yOnimaapannaa mooDhaa janmani janmani ।
maamapraapyaiva kauntEya tatO yaantyadhamaaM gatim ॥ 20 ॥
trividhaM narakasyEdaM dvaaraM naashanamaatmanaH ।
kaamaH krOdhastathaa lObhastasmaadEtattrayaM tyajEt ॥ 21 ॥
EtairvimuktaH kauntEya tamOdvaaraistribhirnaraH ।
aacharatyaatmanaH shrEyastatO yaati paraaM gatim ॥ 22 ॥
yaH shaastravidhimutsRRijya vartatE kaamakaarataH ।
na sa siddhimavaapnOti na sukhaM na paraaM gatim ॥ 23 ॥
tasmaachChaastraM pramaaNaM tE kaaryaakaaryavyavasthitau ।
jjhNaatvaa shaastravidhaanOktaM karma kartumihaarhasi ॥ 24 ॥
OM tatsaditi shreemadbhagavadgeetaasoopanishhatsu brahmavidyaayaaM yOgashaastrE shreekRRishhNaarjunasaMvaadE
daivaasurasaMpadvibhaagayOgO naama shhODashO.adhyaayaH ॥16 ॥
Browse Related Categories:
