ಮಾರ್ಕಣ್ಡೇಯ ಉವಾಚ ।
ನಾರಾಯಣಂ ಪರಬ್ರಹ್ಮ ಸರ್ವ-ಕಾರಣ-ಕಾರಣಮ್ ।
ಪ್ರಪದ್ಯೇ ವೇಙ್ಕಟೇಶಾಖ್ಯಂ ತದೇವ ಕವಚಂ ಮಮ ॥ 1 ॥
ಸಹಸ್ರ-ಶೀರ್ಷಾ ಪುರುಷೋ ವೇಙ್ಕಟೇಶ-ಶ್ಶಿರೋಽವತು ।
ಪ್ರಾಣೇಶಃ ಪ್ರಾಣ-ನಿಲಯಃ ಪ್ರಾಣಾನ್ ರಕ್ಷತು ಮೇ ಹರಿಃ ॥ 2 ॥
ಆಕಾಶರಾ-ಟ್ಸುತಾನಾಥ ಆತ್ಮಾನಂ ಮೇ ಸದಾವತು ।
ದೇವದೇವೋತ್ತಮೋ ಪಾಯಾದ್ದೇಹಂ ಮೇ ವೇಙ್ಕಟೇಶ್ವರಃ ॥ 3 ॥
ಸರ್ವತ್ರ ಸರ್ವಕಾಲೇಷು ಮಙ್ಗಾಮ್ಬಾಜಾ-ನಿರೀಶ್ವರಃ ।
ಪಾಲಯೇನ್ಮಾಂ ಸದಾ ಕರ್ಮ-ಸಾಫಲ್ಯಂ ನಃ ಪ್ರಯಚ್ಛತು ॥ 4 ॥
ಯ ಏತ-ದ್ವಜ್ರಕವಚ-ಮಭೇದ್ಯಂ ವೇಙ್ಕಟೇಶಿತುಃ ।
ಸಾಯಂ ಪ್ರಾತಃ ಪಠೇನ್ನಿತ್ಯಂ ಮೃತ್ಯುಂ ತರತಿ ನಿರ್ಭಯಃ ॥ 5 ॥
ಇತಿ ಮಾರ್ಕಣ್ಡೇಯ-ಕೃತಂ ಶ್ರೀ ವೇಙ್ಕಟೇಶ್ವರ ವಜ್ರಕವಚ-ಸ್ತೋತ್ರಂ ಸಮ್ಪೂರ್ಣಮ್ ॥