View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

മഹാ ഗണപതി സഹസ്രനാമ സ്തോത്രമ്

മുനിരുവാച
കഥം നാമ്നാം സഹസ്രം തം ഗണേശ ഉപദിഷ്ടവാന് ।
ശിവദം തന്മമാചക്ഷ്വ ലോകാനുഗ്രഹതത്പര ॥ 1 ॥

ബ്രഹ്മോവാച
ദേവഃ പൂര്വം പുരാരാതിഃ പുരത്രയജയോദ്യമേ ।
അനര്ചനാദ്ഗണേശസ്യ ജാതോ വിഘ്നാകുലഃ കില ॥ 2 ॥

മനസാ സ വിനിര്ധാര്യ ദദൃശേ വിഘ്നകാരണമ് ।
മഹാഗണപതിം ഭക്ത്യാ സമഭ്യര്ച്യ യഥാവിധി ॥ 3 ॥

വിഘ്നപ്രശമനോപായമപൃച്ഛദപരിശ്രമമ് ।
സംതുഷ്ടഃ പൂജയാ ശംഭോര്മഹാഗണപതിഃ സ്വയമ് ॥ 4 ॥

സര്വവിഘ്നപ്രശമനം സര്വകാമഫലപ്രദമ് ।
തതസ്തസ്മൈ സ്വയം നാമ്നാം സഹസ്രമിദമബ്രവീത് ॥ 5 ॥

അസ്യ ശ്രീമഹാഗണപതിസഹസ്രനാമസ്തോത്രമാലാമംത്രസ്യ ।
ഗണേശ ഋഷിഃ, മഹാഗണപതിര്ദേവതാ, നാനാവിധാനിച്ഛംദാംസി ।
ഹുമിതി ബീജമ്, തുംഗമിതി ശക്തിഃ, സ്വാഹാശക്തിരിതി കീലകമ് ।
സകലവിഘ്നവിനാശനദ്വാരാ ശ്രീമഹാഗണപതിപ്രസാദസിദ്ധ്യര്ഥേ ജപേ വിനിയോഗഃ ।

അഥ കരന്യാസഃ
ഗണേശ്വരോ ഗണക്രീഡ ഇത്യംഗുഷ്ഠാഭ്യാം നമഃ ।
കുമാരഗുരുരീശാന ഇതി തര്ജനീഭ്യാം നമഃ ॥
ബ്രഹ്മാംഡകുംഭശ്ചിദ്വ്യോമേതി മധ്യമാഭ്യാം നമഃ ।
രക്തോ രക്താംബരധര ഇത്യനാമികാഭ്യാം നമഃ
സര്വസദ്ഗുരുസംസേവ്യ ഇതി കനിഷ്ഠികാഭ്യാം നമഃ ।
ലുപ്തവിഘ്നഃ സ്വഭക്താനാമിതി കരതലകരപൃഷ്ഠാഭ്യാം നമഃ ॥

അഥ അംഗന്യാസഃ
ഛംദശ്ഛംദോദ്ഭവ ഇതി ഹൃദയായ നമഃ ।
നിഷ്കലോ നിര്മല ഇതി ശിരസേ സ്വാഹാ ।
സൃഷ്ടിസ്ഥിതിലയക്രീഡ ഇതി ശിഖായൈ വഷട് ।
ജ്ഞാനം വിജ്ഞാനമാനംദ ഇതി കവചായ ഹുമ് ।
അഷ്ടാംഗയോഗഫലഭൃദിതി നേത്രത്രയായ വൌഷട് ।
അനംതശക്തിസഹിത ഇത്യസ്ത്രായ ഫട് ।
ഭൂര്ഭുവഃ സ്വരോം ഇതി ദിഗ്ബംധഃ ।

അഥ ധ്യാനമ്
ഗജവദനമചിംത്യം തീക്ഷ്ണദംഷ്ട്രം ത്രിനേത്രം
ബൃഹദുദരമശേഷം ഭൂതിരാജം പുരാണമ് ।
അമരവരസുപൂജ്യം രക്തവര്ണം സുരേശം
പശുപതിസുതമീശം വിഘ്നരാജം നമാമി ॥

ശ്രീഗണപതിരുവാച
ഓം ഗണേശ്വരോ ഗണക്രീഡോ ഗണനാഥോ ഗണാധിപഃ ।
ഏകദംതോ വക്രതുംഡോ ഗജവക്ത്രോ മഹോദരഃ ॥ 1 ॥

ലംബോദരോ ധൂമ്രവര്ണോ വികടോ വിഘ്നനാശനഃ ।
സുമുഖോ ദുര്മുഖോ ബുദ്ധോ വിഘ്നരാജോ ഗജാനനഃ ॥ 2 ॥

ഭീമഃ പ്രമോദ ആമോദഃ സുരാനംദോ മദോത്കടഃ ।
ഹേരംബഃ ശംബരഃ ശംഭുര്ലംബകര്ണോ മഹാബലഃ ॥ 3 ॥

നംദനോ ലംപടോ ഭീമോ മേഘനാദോ ഗണംജയഃ ।
വിനായകോ വിരൂപാക്ഷോ വീരഃ ശൂരവരപ്രദഃ ॥ 4 ॥

മഹാഗണപതിര്ബുദ്ധിപ്രിയഃ ക്ഷിപ്രപ്രസാദനഃ ।
രുദ്രപ്രിയോ ഗണാധ്യക്ഷ ഉമാപുത്രോഽഘനാശനഃ ॥ 5 ॥

കുമാരഗുരുരീശാനപുത്രോ മൂഷകവാഹനഃ ।
സിദ്ധിപ്രിയഃ സിദ്ധിപതിഃ സിദ്ധഃ സിദ്ധിവിനായകഃ ॥ 6 ॥

അവിഘ്നസ്തുംബുരുഃ സിംഹവാഹനോ മോഹിനീപ്രിയഃ ।
കടംകടോ രാജപുത്രഃ ശാകലഃ സംമിതോമിതഃ ॥ 7 ॥

കൂഷ്മാംഡസാമസംഭൂതിര്ദുര്ജയോ ധൂര്ജയോ ജയഃ ।
ഭൂപതിര്ഭുവനപതിര്ഭൂതാനാം പതിരവ്യയഃ ॥ 8 ॥

വിശ്വകര്താ വിശ്വമുഖോ വിശ്വരൂപോ നിധിര്ഗുണഃ ।
കവിഃ കവീനാമൃഷഭോ ബ്രഹ്മണ്യോ ബ്രഹ്മവിത്പ്രിയഃ ॥ 9 ॥

ജ്യേഷ്ഠരാജോ നിധിപതിര്നിധിപ്രിയപതിപ്രിയഃ ।
ഹിരണ്മയപുരാംതഃസ്ഥഃ സൂര്യമംഡലമധ്യഗഃ ॥ 10 ॥

കരാഹതിധ്വസ്തസിംധുസലിലഃ പൂഷദംതഭിത് ।
ഉമാംകകേലികുതുകീ മുക്തിദഃ കുലപാവനഃ ॥ 11 ॥

കിരീടീ കുംഡലീ ഹാരീ വനമാലീ മനോമയഃ ।
വൈമുഖ്യഹതദൈത്യശ്രീഃ പാദാഹതിജിതക്ഷിതിഃ ॥ 12 ॥

സദ്യോജാതഃ സ്വര്ണമുംജമേഖലീ ദുര്നിമിത്തഹൃത് ।
ദുഃസ്വപ്നഹൃത്പ്രസഹനോ ഗുണീ നാദപ്രതിഷ്ഠിതഃ ॥ 13 ॥

സുരൂപഃ സര്വനേത്രാധിവാസോ വീരാസനാശ്രയഃ ।
പീതാംബരഃ ഖംഡരദഃ ഖംഡവൈശാഖസംസ്ഥിതഃ ॥ 14 ॥

ചിത്രാംഗഃ ശ്യാമദശനോ ഭാലചംദ്രോ ഹവിര്ഭുജഃ ।
യോഗാധിപസ്താരകസ്ഥഃ പുരുഷോ ഗജകര്ണകഃ ॥ 15 ॥

ഗണാധിരാജോ വിജയഃ സ്ഥിരോ ഗജപതിധ്വജീ ।
ദേവദേവഃ സ്മരഃ പ്രാണദീപകോ വായുകീലകഃ ॥ 16 ॥

വിപശ്ചിദ്വരദോ നാദോ നാദഭിന്നമഹാചലഃ ।
വരാഹരദനോ മൃത്യുംജയോ വ്യാഘ്രാജിനാംബരഃ ॥ 17 ॥

ഇച്ഛാശക്തിഭവോ ദേവത്രാതാ ദൈത്യവിമര്ദനഃ ।
ശംഭുവക്ത്രോദ്ഭവഃ ശംഭുകോപഹാ ശംഭുഹാസ്യഭൂഃ ॥ 18 ॥

ശംഭുതേജാഃ ശിവാശോകഹാരീ ഗൌരീസുഖാവഹഃ ।
ഉമാംഗമലജോ ഗൌരീതേജോഭൂഃ സ്വര്ധുനീഭവഃ ॥ 19 ॥

യജ്ഞകായോ മഹാനാദോ ഗിരിവര്ഷ്മാ ശുഭാനനഃ ।
സര്വാത്മാ സര്വദേവാത്മാ ബ്രഹ്മമൂര്ധാ കകുപ്ശ്രുതിഃ ॥ 20 ॥

ബ്രഹ്മാംഡകുംഭശ്ചിദ്വ്യോമഭാലഃസത്യശിരോരുഹഃ ।
ജഗജ്ജന്മലയോന്മേഷനിമേഷോഽഗ്ന്യര്കസോമദൃക് ॥ 21 ॥

ഗിരീംദ്രൈകരദോ ധര്മാധര്മോഷ്ഠഃ സാമബൃംഹിതഃ ।
ഗ്രഹര്ക്ഷദശനോ വാണീജിഹ്വോ വാസവനാസികഃ ॥ 22 ॥

ഭ്രൂമധ്യസംസ്ഥിതകരോ ബ്രഹ്മവിദ്യാമദോദകഃ ।
കുലാചലാംസഃ സോമാര്കഘംടോ രുദ്രശിരോധരഃ ॥ 23 ॥

നദീനദഭുജഃ സര്പാംഗുലീകസ്താരകാനഖഃ ।
വ്യോമനാഭിഃ ശ്രീഹൃദയോ മേരുപൃഷ്ഠോഽര്ണവോദരഃ ॥ 24 ॥

കുക്ഷിസ്ഥയക്ഷഗംധര്വരക്ഷഃകിന്നരമാനുഷഃ ।
പൃഥ്വീകടിഃ സൃഷ്ടിലിംഗഃ ശൈലോരുര്ദസ്രജാനുകഃ ॥ 25 ॥

പാതാലജംഘോ മുനിപാത്കാലാംഗുഷ്ഠസ്ത്രയീതനുഃ ।
ജ്യോതിര്മംഡലലാംഗൂലോ ഹൃദയാലാനനിശ്ചലഃ ॥ 26 ॥

ഹൃത്പദ്മകര്ണികാശാലീ വിയത്കേലിസരോവരഃ ।
സദ്ഭക്തധ്യാനനിഗഡഃ പൂജാവാരിനിവാരിതഃ ॥ 27 ॥

പ്രതാപീ കാശ്യപോ മംതാ ഗണകോ വിഷ്ടപീ ബലീ ।
യശസ്വീ ധാര്മികോ ജേതാ പ്രഥമഃ പ്രമഥേശ്വരഃ ॥ 28 ॥

ചിംതാമണിര്ദ്വീപപതിഃ കല്പദ്രുമവനാലയഃ ।
രത്നമംഡപമധ്യസ്ഥോ രത്നസിംഹാസനാശ്രയഃ ॥ 29 ॥

തീവ്രാശിരോദ്ധൃതപദോ ജ്വാലിനീമൌലിലാലിതഃ ।
നംദാനംദിതപീഠശ്രീര്ഭോഗദോ ഭൂഷിതാസനഃ ॥ 30 ॥

സകാമദായിനീപീഠഃ സ്ഫുരദുഗ്രാസനാശ്രയഃ ।
തേജോവതീശിരോരത്നം സത്യാനിത്യാവതംസിതഃ ॥ 31 ॥

സവിഘ്നനാശിനീപീഠഃ സര്വശക്ത്യംബുജാലയഃ ।
ലിപിപദ്മാസനാധാരോ വഹ്നിധാമത്രയാലയഃ ॥ 32 ॥

ഉന്നതപ്രപദോ ഗൂഢഗുല്ഫഃ സംവൃതപാര്ഷ്ണികഃ ।
പീനജംഘഃ ശ്ലിഷ്ടജാനുഃ സ്ഥൂലോരുഃ പ്രോന്നമത്കടിഃ ॥ 33 ॥

നിമ്നനാഭിഃ സ്ഥൂലകുക്ഷിഃ പീനവക്ഷാ ബൃഹദ്ഭുജഃ ।
പീനസ്കംധഃ കംബുകംഠോ ലംബോഷ്ഠോ ലംബനാസികഃ ॥ 34 ॥

ഭഗ്നവാമരദസ്തുംഗസവ്യദംതോ മഹാഹനുഃ ।
ഹ്രസ്വനേത്രത്രയഃ ശൂര്പകര്ണോ നിബിഡമസ്തകഃ ॥ 35 ॥

സ്തബകാകാരകുംഭാഗ്രോ രത്നമൌലിര്നിരംകുശഃ ।
സര്പഹാരകടീസൂത്രഃ സര്പയജ്ഞോപവീതവാന് ॥ 36 ॥

സര്പകോടീരകടകഃ സര്പഗ്രൈവേയകാംഗദഃ ।
സര്പകക്ഷോദരാബംധഃ സര്പരാജോത്തരച്ഛദഃ ॥ 37 ॥

രക്തോ രക്താംബരധരോ രക്തമാലാവിഭൂഷണഃ ।
രക്തേക്ഷനോ രക്തകരോ രക്തതാല്വോഷ്ഠപല്ലവഃ ॥ 38 ॥

ശ്വേതഃ ശ്വേതാംബരധരഃ ശ്വേതമാലാവിഭൂഷണഃ ।
ശ്വേതാതപത്രരുചിരഃ ശ്വേതചാമരവീജിതഃ ॥ 39 ॥

സര്വാവയവസംപൂര്ണഃ സര്വലക്ഷണലക്ഷിതഃ ।
സര്വാഭരണശോഭാഢ്യഃ സര്വശോഭാസമന്വിതഃ ॥ 40 ॥

സര്വമംഗലമാംഗല്യഃ സര്വകാരണകാരണമ് ।
സര്വദേവവരഃ ശാരംഗീ ബീജപൂരീ ഗദാധരഃ ॥ 41 ॥

ശുഭാംഗോ ലോകസാരംഗഃ സുതംതുസ്തംതുവര്ധനഃ ।
കിരീടീ കുംഡലീ ഹാരീ വനമാലീ ശുഭാംഗദഃ ॥ 42 ॥

ഇക്ഷുചാപധരഃ ശൂലീ ചക്രപാണിഃ സരോജഭൃത് ।
പാശീ ധൃതോത്പലഃ ശാലിമംജരീഭൃത്സ്വദംതഭൃത് ॥ 43 ॥

കല്പവല്ലീധരോ വിശ്വാഭയദൈകകരോ വശീ ।
അക്ഷമാലാധരോ ജ്ഞാനമുദ്രാവാന് മുദ്ഗരായുധഃ ॥ 44 ॥

പൂര്ണപാത്രീ കംബുധരോ വിധൃതാംകുശമൂലകഃ ।
കരസ്ഥാമ്രഫലശ്ചൂതകലികാഭൃത്കുഠാരവാന് ॥ 45 ॥

പുഷ്കരസ്ഥസ്വര്ണഘടീപൂര്ണരത്നാഭിവര്ഷകഃ ।
ഭാരതീസുംദരീനാഥോ വിനായകരതിപ്രിയഃ ॥ 46 ॥

മഹാലക്ഷ്മീപ്രിയതമഃ സിദ്ധലക്ഷ്മീമനോരമഃ ।
രമാരമേശപൂര്വാംഗോ ദക്ഷിണോമാമഹേശ്വരഃ ॥ 47 ॥

മഹീവരാഹവാമാംഗോ രതികംദര്പപശ്ചിമഃ ।
ആമോദമോദജനനഃ സപ്രമോദപ്രമോദനഃ ॥ 48 ॥

സംവര്ധിതമഹാവൃദ്ധിരൃദ്ധിസിദ്ധിപ്രവര്ധനഃ ।
ദംതസൌമുഖ്യസുമുഖഃ കാംതികംദലിതാശ്രയഃ ॥ 49 ॥

മദനാവത്യാശ്രിതാംഘ്രിഃ കൃതവൈമുഖ്യദുര്മുഖഃ ।
വിഘ്നസംപല്ലവഃ പദ്മഃ സര്വോന്നതമദദ്രവഃ ॥ 50 ॥

വിഘ്നകൃന്നിമ്നചരണോ ദ്രാവിണീശക്തിസത്കൃതഃ ।
തീവ്രാപ്രസന്നനയനോ ജ്വാലിനീപാലിതൈകദൃക് ॥ 51 ॥

മോഹിനീമോഹനോ ഭോഗദായിനീകാംതിമംഡനഃ ।
കാമിനീകാംതവക്ത്രശ്രീരധിഷ്ഠിതവസുംധരഃ ॥ 52 ॥

വസുധാരാമദോന്നാദോ മഹാശംഖനിധിപ്രിയഃ ।
നമദ്വസുമതീമാലീ മഹാപദ്മനിധിഃ പ്രഭുഃ ॥ 53 ॥

സര്വസദ്ഗുരുസംസേവ്യഃ ശോചിഷ്കേശഹൃദാശ്രയഃ ।
ഈശാനമൂര്ധാ ദേവേംദ്രശിഖഃ പവനനംദനഃ ॥ 54 ॥

പ്രത്യുഗ്രനയനോ ദിവ്യോ ദിവ്യാസ്ത്രശതപര്വധൃക് ।
ഐരാവതാദിസര്വാശാവാരണോ വാരണപ്രിയഃ ॥ 55 ॥

വജ്രാദ്യസ്ത്രപരീവാരോ ഗണചംഡസമാശ്രയഃ ।
ജയാജയപരികരോ വിജയാവിജയാവഹഃ ॥ 56 ॥

അജയാര്ചിതപാദാബ്ജോ നിത്യാനംദവനസ്ഥിതഃ ।
വിലാസിനീകൃതോല്ലാസഃ ശൌംഡീ സൌംദര്യമംഡിതഃ ॥ 57 ॥

അനംതാനംതസുഖദഃ സുമംഗലസുമംഗലഃ ।
ജ്ഞാനാശ്രയഃ ക്രിയാധാര ഇച്ഛാശക്തിനിഷേവിതഃ ॥ 58 ॥

സുഭഗാസംശ്രിതപദോ ലലിതാലലിതാശ്രയഃ ।
കാമിനീപാലനഃ കാമകാമിനീകേലിലാലിതഃ ॥ 59 ॥

സരസ്വത്യാശ്രയോ ഗൌരീനംദനഃ ശ്രീനികേതനഃ ।
ഗുരുഗുപ്തപദോ വാചാസിദ്ധോ വാഗീശ്വരീപതിഃ ॥ 60 ॥

നലിനീകാമുകോ വാമാരാമോ ജ്യേഷ്ഠാമനോരമഃ ।
രൌദ്രീമുദ്രിതപാദാബ്ജോ ഹുംബീജസ്തുംഗശക്തികഃ ॥ 61 ॥

വിശ്വാദിജനനത്രാണഃ സ്വാഹാശക്തിഃ സകീലകഃ ।
അമൃതാബ്ധികൃതാവാസോ മദഘൂര്ണിതലോചനഃ ॥ 62 ॥

ഉച്ഛിഷ്ടോച്ഛിഷ്ടഗണകോ ഗണേശോ ഗണനായകഃ ।
സാര്വകാലികസംസിദ്ധിര്നിത്യസേവ്യോ ദിഗംബരഃ ॥ 63 ॥

അനപായോഽനംതദൃഷ്ടിരപ്രമേയോഽജരാമരഃ ।
അനാവിലോഽപ്രതിഹതിരച്യുതോഽമൃതമക്ഷരഃ ॥ 64 ॥

അപ്രതര്ക്യോഽക്ഷയോഽജയ്യോഽനാധാരോഽനാമയോമലഃ ।
അമേയസിദ്ധിരദ്വൈതമഘോരോഽഗ്നിസമാനനഃ ॥ 65 ॥

അനാകാരോഽബ്ധിഭൂമ്യഗ്നിബലഘ്നോഽവ്യക്തലക്ഷണഃ ।
ആധാരപീഠമാധാര ആധാരാധേയവര്ജിതഃ ॥ 66 ॥

ആഖുകേതന ആശാപൂരക ആഖുമഹാരഥഃ ।
ഇക്ഷുസാഗരമധ്യസ്ഥ ഇക്ഷുഭക്ഷണലാലസഃ ॥ 67 ॥

ഇക്ഷുചാപാതിരേകശ്രീരിക്ഷുചാപനിഷേവിതഃ ।
ഇംദ്രഗോപസമാനശ്രീരിംദ്രനീലസമദ്യുതിഃ ॥ 68 ॥

ഇംദീവരദലശ്യാമ ഇംദുമംഡലമംഡിതഃ ।
ഇധ്മപ്രിയ ഇഡാഭാഗ ഇഡാവാനിംദിരാപ്രിയഃ ॥ 69 ॥

ഇക്ഷ്വാകുവിഘ്നവിധ്വംസീ ഇതികര്തവ്യതേപ്സിതഃ ।
ഈശാനമൌലിരീശാന ഈശാനപ്രിയ ഈതിഹാ ॥ 70 ॥

ഈഷണാത്രയകല്പാംത ഈഹാമാത്രവിവര്ജിതഃ ।
ഉപേംദ്ര ഉഡുഭൃന്മൌലിരുഡുനാഥകരപ്രിയഃ ॥ 71 ॥

ഉന്നതാനന ഉത്തുംഗ ഉദാരസ്ത്രിദശാഗ്രണീഃ ।
ഊര്ജസ്വാനൂഷ്മലമദ ഊഹാപോഹദുരാസദഃ ॥ 72 ॥

ഋഗ്യജുഃസാമനയന ഋദ്ധിസിദ്ധിസമര്പകഃ ।
ഋജുചിത്തൈകസുലഭോ ഋണത്രയവിമോചനഃ ॥ 73 ॥

ലുപ്തവിഘ്നഃ സ്വഭക്താനാം ലുപ്തശക്തിഃ സുരദ്വിഷാമ് ।
ലുപ്തശ്രീര്വിമുഖാര്ചാനാം ലൂതാവിസ്ഫോടനാശനഃ ॥ 74 ॥

ഏകാരപീഠമധ്യസ്ഥ ഏകപാദകൃതാസനഃ ।
ഏജിതാഖിലദൈത്യശ്രീരേധിതാഖിലസംശ്രയഃ ॥ 75 ॥

ഐശ്വര്യനിധിരൈശ്വര്യമൈഹികാമുഷ്മികപ്രദഃ ।
ഐരംമദസമോന്മേഷ ഐരാവതസമാനനഃ ॥ 76 ॥

ഓംകാരവാച്യ ഓംകാര ഓജസ്വാനോഷധീപതിഃ ।
ഔദാര്യനിധിരൌദ്ധത്യധൈര്യ ഔന്നത്യനിഃസമഃ ॥ 77 ॥

അംകുശഃ സുരനാഗാനാമംകുശാകാരസംസ്ഥിതഃ ।
അഃ സമസ്തവിസര്ഗാംതപദേഷു പരികീര്തിതഃ ॥ 78 ॥

കമംഡലുധരഃ കല്പഃ കപര്ദീ കലഭാനനഃ ।
കര്മസാക്ഷീ കര്മകര്താ കര്മാകര്മഫലപ്രദഃ ॥ 79 ॥

കദംബഗോലകാകാരഃ കൂഷ്മാംഡഗണനായകഃ ।
കാരുണ്യദേഹഃ കപിലഃ കഥകഃ കടിസൂത്രഭൃത് ॥ 80 ॥

ഖര്വഃ ഖഡ്ഗപ്രിയഃ ഖഡ്ഗഃ ഖാംതാംതഃസ്ഥഃ ഖനിര്മലഃ ।
ഖല്വാടശൃംഗനിലയഃ ഖട്വാംഗീ ഖദുരാസദഃ ॥ 81 ॥

ഗുണാഢ്യോ ഗഹനോ ഗദ്യോ ഗദ്യപദ്യസുധാര്ണവഃ ।
ഗദ്യഗാനപ്രിയോ ഗര്ജോ ഗീതഗീര്വാണപൂര്വജഃ ॥ 82 ॥

ഗുഹ്യാചാരരതോ ഗുഹ്യോ ഗുഹ്യാഗമനിരൂപിതഃ ।
ഗുഹാശയോ ഗുഡാബ്ധിസ്ഥോ ഗുരുഗമ്യോ ഗുരുര്ഗുരുഃ ॥ 83 ॥

ഘംടാഘര്ഘരികാമാലീ ഘടകുംഭോ ഘടോദരഃ ।
ങകാരവാച്യോ ങാകാരോ ങകാരാകാരശുംഡഭൃത് ॥ 84 ॥

ചംഡശ്ചംഡേശ്വരശ്ചംഡീ ചംഡേശശ്ചംഡവിക്രമഃ ।
ചരാചരപിതാ ചിംതാമണിശ്ചര്വണലാലസഃ ॥ 85 ॥

ഛംദശ്ഛംദോദ്ഭവശ്ഛംദോ ദുര്ലക്ഷ്യശ്ഛംദവിഗ്രഹഃ ।
ജഗദ്യോനിര്ജഗത്സാക്ഷീ ജഗദീശോ ജഗന്മയഃ ॥ 86 ॥

ജപ്യോ ജപപരോ ജാപ്യോ ജിഹ്വാസിംഹാസനപ്രഭുഃ ।
സ്രവദ്ഗംഡോല്ലസദ്ധാനഝംകാരിഭ്രമരാകുലഃ ॥ 87 ॥

ടംകാരസ്ഫാരസംരാവഷ്ടംകാരമണിനൂപുരഃ ।
ഠദ്വയീപല്ലവാംതസ്ഥസര്വമംത്രേഷു സിദ്ധിദഃ ॥ 88 ॥

ഡിംഡിമുംഡോ ഡാകിനീശോ ഡാമരോ ഡിംഡിമപ്രിയഃ ।
ഢക്കാനിനാദമുദിതോ ഢൌംകോ ഢുംഢിവിനായകഃ ॥ 89 ॥

തത്ത്വാനാം പ്രകൃതിസ്തത്ത്വം തത്ത്വംപദനിരൂപിതഃ ।
താരകാംതരസംസ്ഥാനസ്താരകസ്താരകാംതകഃ ॥ 90 ॥

സ്ഥാണുഃ സ്ഥാണുപ്രിയഃ സ്ഥാതാ സ്ഥാവരം ജംഗമം ജഗത് ।
ദക്ഷയജ്ഞപ്രമഥനോ ദാതാ ദാനം ദമോ ദയാ ॥ 91 ॥

ദയാവാംദിവ്യവിഭവോ ദംഡഭൃദ്ദംഡനായകഃ ।
ദംതപ്രഭിന്നാഭ്രമാലോ ദൈത്യവാരണദാരണഃ ॥ 92 ॥

ദംഷ്ട്രാലഗ്നദ്വീപഘടോ ദേവാര്ഥനൃഗജാകൃതിഃ ।
ധനം ധനപതേര്ബംധുര്ധനദോ ധരണീധരഃ ॥ 93 ॥

ധ്യാനൈകപ്രകടോ ധ്യേയോ ധ്യാനം ധ്യാനപരായണഃ ।
ധ്വനിപ്രകൃതിചീത്കാരോ ബ്രഹ്മാംഡാവലിമേഖലഃ ॥ 94 ॥

നംദ്യോ നംദിപ്രിയോ നാദോ നാദമധ്യപ്രതിഷ്ഠിതഃ ।
നിഷ്കലോ നിര്മലോ നിത്യോ നിത്യാനിത്യോ നിരാമയഃ ॥ 95 ॥

പരം വ്യോമ പരം ധാമ പരമാത്മാ പരം പദമ് ॥ 96 ॥

പരാത്പരഃ പശുപതിഃ പശുപാശവിമോചനഃ ।
പൂര്ണാനംദഃ പരാനംദഃ പുരാണപുരുഷോത്തമഃ ॥ 97 ॥

പദ്മപ്രസന്നവദനഃ പ്രണതാജ്ഞാനനാശനഃ ।
പ്രമാണപ്രത്യയാതീതഃ പ്രണതാര്തിനിവാരണഃ ॥ 98 ॥

ഫണിഹസ്തഃ ഫണിപതിഃ ഫൂത്കാരഃ ഫണിതപ്രിയഃ ।
ബാണാര്ചിതാംഘ്രിയുഗലോ ബാലകേലികുതൂഹലീ ।
ബ്രഹ്മ ബ്രഹ്മാര്ചിതപദോ ബ്രഹ്മചാരീ ബൃഹസ്പതിഃ ॥ 99 ॥

ബൃഹത്തമോ ബ്രഹ്മപരോ ബ്രഹ്മണ്യോ ബ്രഹ്മവിത്പ്രിയഃ ।
ബൃഹന്നാദാഗ്ര്യചീത്കാരോ ബ്രഹ്മാംഡാവലിമേഖലഃ ॥ 100 ॥

ഭ്രൂക്ഷേപദത്തലക്ഷ്മീകോ ഭര്ഗോ ഭദ്രോ ഭയാപഹഃ ।
ഭഗവാന് ഭക്തിസുലഭോ ഭൂതിദോ ഭൂതിഭൂഷണഃ ॥ 101 ॥

ഭവ്യോ ഭൂതാലയോ ഭോഗദാതാ ഭ്രൂമധ്യഗോചരഃ ।
മംത്രോ മംത്രപതിര്മംത്രീ മദമത്തോ മനോ മയഃ ॥ 102 ॥

മേഖലാഹീശ്വരോ മംദഗതിര്മംദനിഭേക്ഷണഃ ।
മഹാബലോ മഹാവീര്യോ മഹാപ്രാണോ മഹാമനാഃ ॥ 103 ॥

യജ്ഞോ യജ്ഞപതിര്യജ്ഞഗോപ്താ യജ്ഞഫലപ്രദഃ ।
യശസ്കരോ യോഗഗമ്യോ യാജ്ഞികോ യാജകപ്രിയഃ ॥ 104 ॥

രസോ രസപ്രിയോ രസ്യോ രംജകോ രാവണാര്ചിതഃ ।
രാജ്യരക്ഷാകരോ രത്നഗര്ഭോ രാജ്യസുഖപ്രദഃ ॥ 105 ॥

ലക്ഷോ ലക്ഷപതിര്ലക്ഷ്യോ ലയസ്ഥോ ലഡ്ഡുകപ്രിയഃ ।
ലാസപ്രിയോ ലാസ്യപരോ ലാഭകൃല്ലോകവിശ്രുതഃ ॥ 106 ॥

വരേണ്യോ വഹ്നിവദനോ വംദ്യോ വേദാംതഗോചരഃ ।
വികര്താ വിശ്വതശ്ചക്ഷുര്വിധാതാ വിശ്വതോമുഖഃ ॥ 107 ॥

വാമദേവോ വിശ്വനേതാ വജ്രിവജ്രനിവാരണഃ ।
വിവസ്വദ്ബംധനോ വിശ്വാധാരോ വിശ്വേശ്വരോ വിഭുഃ ॥ 108 ॥

ശബ്ദബ്രഹ്മ ശമപ്രാപ്യഃ ശംഭുശക്തിഗണേശ്വരഃ ।
ശാസ്താ ശിഖാഗ്രനിലയഃ ശരണ്യഃ ശംബരേശ്വരഃ ॥ 109 ॥

ഷഡൃതുകുസുമസ്രഗ്വീ ഷഡാധാരഃ ഷഡക്ഷരഃ ।
സംസാരവൈദ്യഃ സര്വജ്ഞഃ സര്വഭേഷജഭേഷജമ് ॥ 110 ॥

സൃഷ്ടിസ്ഥിതിലയക്രീഡഃ സുരകുംജരഭേദകഃ ।
സിംദൂരിതമഹാകുംഭഃ സദസദ്ഭക്തിദായകഃ ॥ 111 ॥

സാക്ഷീ സമുദ്രമഥനഃ സ്വയംവേദ്യഃ സ്വദക്ഷിണഃ ।
സ്വതംത്രഃ സത്യസംകല്പഃ സാമഗാനരതഃ സുഖീ ॥ 112 ॥

ഹംസോ ഹസ്തിപിശാചീശോ ഹവനം ഹവ്യകവ്യഭുക് ।
ഹവ്യം ഹുതപ്രിയോ ഹൃഷ്ടോ ഹൃല്ലേഖാമംത്രമധ്യഗഃ ॥ 113 ॥

ക്ഷേത്രാധിപഃ ക്ഷമാഭര്താ ക്ഷമാക്ഷമപരായണഃ ।
ക്ഷിപ്രക്ഷേമകരഃ ക്ഷേമാനംദഃ ക്ഷോണീസുരദ്രുമഃ ॥ 114 ॥

ധര്മപ്രദോഽര്ഥദഃ കാമദാതാ സൌഭാഗ്യവര്ധനഃ ।
വിദ്യാപ്രദോ വിഭവദോ ഭുക്തിമുക്തിഫലപ്രദഃ ॥ 115 ॥

ആഭിരൂപ്യകരോ വീരശ്രീപ്രദോ വിജയപ്രദഃ ।
സര്വവശ്യകരോ ഗര്ഭദോഷഹാ പുത്രപൌത്രദഃ ॥ 116 ॥

മേധാദഃ കീര്തിദഃ ശോകഹാരീ ദൌര്ഭാഗ്യനാശനഃ ।
പ്രതിവാദിമുഖസ്തംഭോ രുഷ്ടചിത്തപ്രസാദനഃ ॥ 117 ॥

പരാഭിചാരശമനോ ദുഃഖഹാ ബംധമോക്ഷദഃ ।
ലവസ്ത്രുടിഃ കലാ കാഷ്ഠാ നിമേഷസ്തത്പരക്ഷണഃ ॥ 118 ॥

ഘടീ മുഹൂര്തഃ പ്രഹരോ ദിവാ നക്തമഹര്നിശമ് ।
പക്ഷോ മാസര്ത്വയനാബ്ദയുഗം കല്പോ മഹാലയഃ ॥ 119 ॥

രാശിസ്താരാ തിഥിര്യോഗോ വാരഃ കരണമംശകമ് ।
ലഗ്നം ഹോരാ കാലചക്രം മേരുഃ സപ്തര്ഷയോ ധ്രുവഃ ॥ 120 ॥

രാഹുര്മംദഃ കവിര്ജീവോ ബുധോ ഭൌമഃ ശശീ രവിഃ ।
കാലഃ സൃഷ്ടിഃ സ്ഥിതിര്വിശ്വം സ്ഥാവരം ജംഗമം ജഗത് ॥ 121 ॥

ഭൂരാപോഽഗ്നിര്മരുദ്വ്യോമാഹംകൃതിഃ പ്രകൃതിഃ പുമാന് ।
ബ്രഹ്മാ വിഷ്ണുഃ ശിവോ രുദ്ര ഈശഃ ശക്തിഃ സദാശിവഃ ॥ 122 ॥

ത്രിദശാഃ പിതരഃ സിദ്ധാ യക്ഷാ രക്ഷാംസി കിന്നരാഃ ।
സിദ്ധവിദ്യാധരാ ഭൂതാ മനുഷ്യാഃ പശവഃ ഖഗാഃ ॥ 123 ॥

സമുദ്രാഃ സരിതഃ ശൈലാ ഭൂതം ഭവ്യം ഭവോദ്ഭവഃ ।
സാംഖ്യം പാതംജലം യോഗം പുരാണാനി ശ്രുതിഃ സ്മൃതിഃ ॥ 124 ॥

വേദാംഗാനി സദാചാരോ മീമാംസാ ന്യായവിസ്തരഃ ।
ആയുര്വേദോ ധനുര്വേദോ ഗാംധര്വം കാവ്യനാടകമ് ॥ 125 ॥

വൈഖാനസം ഭാഗവതം മാനുഷം പാംചരാത്രകമ് ।
ശൈവം പാശുപതം കാലാമുഖംഭൈരവശാസനമ് ॥ 126 ॥

ശാക്തം വൈനായകം സൌരം ജൈനമാര്ഹതസംഹിതാ ।
സദസദ്വ്യക്തമവ്യക്തം സചേതനമചേതനമ് ॥ 127 ॥

ബംധോ മോക്ഷഃ സുഖം ഭോഗോ യോഗഃ സത്യമണുര്മഹാന് ।
സ്വസ്തി ഹുംഫട് സ്വധാ സ്വാഹാ ശ്രൌഷട് വൌഷട് വഷണ് നമഃ 128 ॥

ജ്ഞാനം വിജ്ഞാനമാനംദോ ബോധഃ സംവിത്സമോഽസമഃ ।
ഏക ഏകാക്ഷരാധാര ഏകാക്ഷരപരായണഃ ॥ 129 ॥

ഏകാഗ്രധീരേകവീര ഏകോഽനേകസ്വരൂപധൃക് ।
ദ്വിരൂപോ ദ്വിഭുജോ ദ്വ്യക്ഷോ ദ്വിരദോ ദ്വീപരക്ഷകഃ ॥ 130 ॥

ദ്വൈമാതുരോ ദ്വിവദനോ ദ്വംദ്വഹീനോ ദ്വയാതിഗഃ ।
ത്രിധാമാ ത്രികരസ്ത്രേതാ ത്രിവര്ഗഫലദായകഃ ॥ 131 ॥

ത്രിഗുണാത്മാ ത്രിലോകാദിസ്ത്രിശക്തീശസ്ത്രിലോചനഃ ।
ചതുര്വിധവചോവൃത്തിപരിവൃത്തിപ്രവര്തകഃ ॥ 132 ॥

ചതുര്ബാഹുശ്ചതുര്ദംതശ്ചതുരാത്മാ ചതുര്ഭുജഃ ।
ചതുര്വിധോപായമയശ്ചതുര്വര്ണാശ്രമാശ്രയഃ 133 ॥

ചതുര്ഥീപൂജനപ്രീതശ്ചതുര്ഥീതിഥിസംഭവഃ ॥
പംചാക്ഷരാത്മാ പംചാത്മാ പംചാസ്യഃ പംചകൃത്തമഃ ॥ 134 ॥

പംചാധാരഃ പംചവര്ണഃ പംചാക്ഷരപരായണഃ ।
പംചതാലഃ പംചകരഃ പംചപ്രണവമാതൃകഃ ॥ 135 ॥

പംചബ്രഹ്മമയസ്ഫൂര്തിഃ പംചാവരണവാരിതഃ ।
പംചഭക്ഷപ്രിയഃ പംചബാണഃ പംചശിഖാത്മകഃ ॥ 136 ॥

ഷട്കോണപീഠഃ ഷട്ചക്രധാമാ ഷഡ്ഗ്രംഥിഭേദകഃ ।
ഷഡംഗധ്വാംതവിധ്വംസീ ഷഡംഗുലമഹാഹ്രദഃ ॥ 137 ॥

ഷണ്മുഖഃ ഷണ്മുഖഭ്രാതാ ഷട്ശക്തിപരിവാരിതഃ ।
ഷഡ്വൈരിവര്ഗവിധ്വംസീ ഷഡൂര്മിഭയഭംജനഃ ॥ 138 ॥

ഷട്തര്കദൂരഃ ഷട്കര്മാ ഷഡ്ഗുണഃ ഷഡ്രസാശ്രയഃ ।
സപ്തപാതാലചരണഃ സപ്തദ്വീപോരുമംഡലഃ ॥ 139 ॥

സപ്തസ്വര്ലോകമുകുടഃ സപ്തസപ്തിവരപ്രദഃ ।
സപ്താംഗരാജ്യസുഖദഃ സപ്തര്ഷിഗണവംദിതഃ ॥ 140 ॥

സപ്തച്ഛംദോനിധിഃ സപ്തഹോത്രഃ സപ്തസ്വരാശ്രയഃ ।
സപ്താബ്ധികേലികാസാരഃ സപ്തമാതൃനിഷേവിതഃ ॥ 141 ॥

സപ്തച്ഛംദോ മോദമദഃ സപ്തച്ഛംദോ മഖപ്രഭുഃ ।
അഷ്ടമൂര്തിര്ധ്യേയമൂര്തിരഷ്ടപ്രകൃതികാരണമ് ॥ 142 ॥

അഷ്ടാംഗയോഗഫലഭൃദഷ്ടപത്രാംബുജാസനഃ ।
അഷ്ടശക്തിസമാനശ്രീരഷ്ടൈശ്വര്യപ്രവര്ധനഃ ॥ 143 ॥

അഷ്ടപീഠോപപീഠശ്രീരഷ്ടമാതൃസമാവൃതഃ ।
അഷ്ടഭൈരവസേവ്യോഽഷ്ടവസുവംദ്യോഽഷ്ടമൂര്തിഭൃത് ॥ 144 ॥

അഷ്ടചക്രസ്ഫുരന്മൂര്തിരഷ്ടദ്രവ്യഹവിഃപ്രിയഃ ।
അഷ്ടശ്രീരഷ്ടസാമശ്രീരഷ്ടൈശ്വര്യപ്രദായകഃ ।
നവനാഗാസനാധ്യാസീ നവനിധ്യനുശാസിതഃ ॥ 145 ॥

നവദ്വാരപുരാവൃത്തോ നവദ്വാരനികേതനഃ ।
നവനാഥമഹാനാഥോ നവനാഗവിഭൂഷിതഃ ॥ 146 ॥

നവനാരായണസ്തുല്യോ നവദുര്ഗാനിഷേവിതഃ ।
നവരത്നവിചിത്രാംഗോ നവശക്തിശിരോദ്ധൃതഃ ॥ 147 ॥

ദശാത്മകോ ദശഭുജോ ദശദിക്പതിവംദിതഃ ।
ദശാധ്യായോ ദശപ്രാണോ ദശേംദ്രിയനിയാമകഃ ॥ 148 ॥

ദശാക്ഷരമഹാമംത്രോ ദശാശാവ്യാപിവിഗ്രഹഃ ।
ഏകാദശമഹാരുദ്രൈഃസ്തുതശ്ചൈകാദശാക്ഷരഃ ॥ 149 ॥

ദ്വാദശദ്വിദശാഷ്ടാദിദോര്ദംഡാസ്ത്രനികേതനഃ ।
ത്രയോദശഭിദാഭിന്നോ വിശ്വേദേവാധിദൈവതമ് ॥ 150 ॥

ചതുര്ദശേംദ്രവരദശ്ചതുര്ദശമനുപ്രഭുഃ ।
ചതുര്ദശാദ്യവിദ്യാഢ്യശ്ചതുര്ദശജഗത്പതിഃ ॥ 151 ॥

സാമപംചദശഃ പംചദശീശീതാംശുനിര്മലഃ ।
തിഥിപംചദശാകാരസ്തിഥ്യാ പംചദശാര്ചിതഃ ॥ 152 ॥

ഷോഡശാധാരനിലയഃ ഷോഡശസ്വരമാതൃകഃ ।
ഷോഡശാംതപദാവാസഃ ഷോഡശേംദുകലാത്മകഃ ॥ 153 ॥

കലാസപ്തദശീ സപ്തദശസപ്തദശാക്ഷരഃ ।
അഷ്ടാദശദ്വീപപതിരഷ്ടാദശപുരാണകൃത് ॥ 154 ॥

അഷ്ടാദശൌഷധീസൃഷ്ടിരഷ്ടാദശവിധിഃ സ്മൃതഃ ।
അഷ്ടാദശലിപിവ്യഷ്ടിസമഷ്ടിജ്ഞാനകോവിദഃ ॥ 155 ॥

അഷ്ടാദശാന്നസംപത്തിരഷ്ടാദശവിജാതികൃത് ।
ഏകവിംശഃ പുമാനേകവിംശത്യംഗുലിപല്ലവഃ ॥ 156 ॥

ചതുര്വിംശതിതത്ത്വാത്മാ പംചവിംശാഖ്യപൂരുഷഃ ।
സപ്തവിംശതിതാരേശഃ സപ്തവിംശതിയോഗകൃത് ॥ 157 ॥

ദ്വാത്രിംശദ്ഭൈരവാധീശശ്ചതുസ്ത്രിംശന്മഹാഹ്രദഃ ।
ഷട്ത്രിംശത്തത്ത്വസംഭൂതിരഷ്ടത്രിംശത്കലാത്മകഃ ॥ 158 ॥

പംചാശദ്വിഷ്ണുശക്തീശഃ പംചാശന്മാതൃകാലയഃ ।
ദ്വിപംചാശദ്വപുഃശ്രേണീത്രിഷഷ്ട്യക്ഷരസംശ്രയഃ ।
പംചാശദക്ഷരശ്രേണീപംചാശദ്രുദ്രവിഗ്രഹഃ ॥ 159 ॥

ചതുഃഷഷ്ടിമഹാസിദ്ധിയോഗിനീവൃംദവംദിതഃ ।
നമദേകോനപംചാശന്മരുദ്വര്ഗനിരര്ഗലഃ ॥ 160 ॥

ചതുഃഷഷ്ട്യര്ഥനിര്ണേതാ ചതുഃഷഷ്ടികലാനിധിഃ ।
അഷ്ടഷഷ്ടിമഹാതീര്ഥക്ഷേത്രഭൈരവവംദിതഃ ॥ 161 ॥

ചതുര്നവതിമംത്രാത്മാ ഷണ്ണവത്യധികപ്രഭുഃ ।
ശതാനംദഃ ശതധൃതിഃ ശതപത്രായതേക്ഷണഃ ॥ 162 ॥

ശതാനീകഃ ശതമഖഃ ശതധാരാവരായുധഃ ।
സഹസ്രപത്രനിലയഃ സഹസ്രഫണിഭൂഷണഃ ॥ 163 ॥

സഹസ്രശീര്ഷാ പുരുഷഃ സഹസ്രാക്ഷഃ സഹസ്രപാത് ।
സഹസ്രനാമസംസ്തുത്യഃ സഹസ്രാക്ഷബലാപഹഃ ॥ 164 ॥

ദശസാഹസ്രഫണിഭൃത്ഫണിരാജകൃതാസനഃ ।
അഷ്ടാശീതിസഹസ്രാദ്യമഹര്ഷിസ്തോത്രപാഠിതഃ ॥ 165 ॥

ലക്ഷാധാരഃ പ്രിയാധാരോ ലക്ഷാധാരമനോമയഃ ।
ചതുര്ലക്ഷജപപ്രീതശ്ചതുര്ലക്ഷപ്രകാശകഃ ॥ 166 ॥

ചതുരശീതിലക്ഷാണാം ജീവാനാം ദേഹസംസ്ഥിതഃ ।
കോടിസൂര്യപ്രതീകാശഃ കോടിചംദ്രാംശുനിര്മലഃ ॥ 167 ॥

ശിവോദ്ഭവാദ്യഷ്ടകോടിവൈനായകധുരംധരഃ ।
സപ്തകോടിമഹാമംത്രമംത്രിതാവയവദ്യുതിഃ ॥ 168 ॥

ത്രയസ്ത്രിംശത്കോടിസുരശ്രേണീപ്രണതപാദുകഃ ।
അനംതദേവതാസേവ്യോ ഹ്യനംതശുഭദായകഃ ॥ 169 ॥

അനംതനാമാനംതശ്രീരനംതോഽനംതസൌഖ്യദഃ ।
അനംതശക്തിസഹിതോ ഹ്യനംതമുനിസംസ്തുതഃ ॥ 170 ॥

ഇതി വൈനായകം നാമ്നാം സഹസ്രമിദമീരിതമ് ।
ഇദം ബ്രാഹ്മേ മുഹൂര്തേ യഃ പഠതി പ്രത്യഹം നരഃ ॥ 171 ॥

കരസ്ഥം തസ്യ സകലമൈഹികാമുഷ്മികം സുഖമ് ।
ആയുരാരോഗ്യമൈശ്വര്യം ധൈര്യം ശൌര്യം ബലം യശഃ ॥ 172 ॥

മേധാ പ്രജ്ഞാ ധൃതിഃ കാംതിഃ സൌഭാഗ്യമഭിരൂപതാ ।
സത്യം ദയാ ക്ഷമാ ശാംതിര്ദാക്ഷിണ്യം ധര്മശീലതാ ॥ 173 ॥

ജഗത്സംവനനം വിശ്വസംവാദോ വേദപാടവമ് ।
സഭാപാംഡിത്യമൌദാര്യം ഗാംഭീര്യം ബ്രഹ്മവര്ചസമ് ॥ 174 ॥

ഓജസ്തേജഃ കുലം ശീലം പ്രതാപോ വീര്യമാര്യതാ ।
ജ്ഞാനം വിജ്ഞാനമാസ്തിക്യം സ്ഥൈര്യം വിശ്വാസതാ തഥാ ॥ 175 ॥

ധനധാന്യാദിവൃദ്ധിശ്ച സകൃദസ്യ ജപാദ്ഭവേത് ।
വശ്യം ചതുര്വിധം വിശ്വം ജപാദസ്യ പ്രജായതേ ॥ 176 ॥

രാജ്ഞോ രാജകലത്രസ്യ രാജപുത്രസ്യ മംത്രിണഃ ।
ജപ്യതേ യസ്യ വശ്യാര്ഥേ സ ദാസസ്തസ്യ ജായതേ ॥ 177 ॥

ധര്മാര്ഥകാമമോക്ഷാണാമനായാസേന സാധനമ് ।
ശാകിനീഡാകിനീരക്ഷോയക്ഷഗ്രഹഭയാപഹമ് ॥ 178 ॥

സാമ്രാജ്യസുഖദം സര്വസപത്നമദമര്ദനമ് ।
സമസ്തകലഹധ്വംസി ദഗ്ധബീജപ്രരോഹണമ് ॥ 179 ॥

ദുഃസ്വപ്നശമനം ക്രുദ്ധസ്വാമിചിത്തപ്രസാദനമ് ।
ഷഡ്വര്ഗാഷ്ടമഹാസിദ്ധിത്രികാലജ്ഞാനകാരണമ് ॥ 180 ॥

പരകൃത്യപ്രശമനം പരചക്രപ്രമര്ദനമ് ।
സംഗ്രാമമാര്ഗേ സവേഷാമിദമേകം ജയാവഹമ് ॥ 181 ॥

സര്വവംധ്യത്വദോഷഘ്നം ഗര്ഭരക്ഷൈകകാരണമ് ।
പഠ്യതേ പ്രത്യഹം യത്ര സ്തോത്രം ഗണപതേരിദമ് ॥ 182 ॥

ദേശേ തത്ര ന ദുര്ഭിക്ഷമീതയോ ദുരിതാനി ച ।
ന തദ്ഗേഹം ജഹാതി ശ്രീര്യത്രായം ജപ്യതേ സ്തവഃ ॥ 183 ॥

ക്ഷയകുഷ്ഠപ്രമേഹാര്ശഭഗംദരവിഷൂചികാഃ ।
ഗുല്മം പ്ലീഹാനമശമാനമതിസാരം മഹോദരമ് ॥ 184 ॥

കാസം ശ്വാസമുദാവര്തം ശൂലം ശോഫാമയോദരമ് ।
ശിരോരോഗം വമിം ഹിക്കാം ഗംഡമാലാമരോചകമ് ॥ 185 ॥

വാതപിത്തകഫദ്വംദ്വത്രിദോഷജനിതജ്വരമ് ।
ആഗംതുവിഷമം ശീതമുഷ്ണം ചൈകാഹികാദികമ് ॥ 186 ॥

ഇത്യാദ്യുക്തമനുക്തം വാ രോഗദോഷാദിസംഭവമ് ।
സര്വം പ്രശമയത്യാശു സ്തോത്രസ്യാസ്യ സകൃജ്ജപഃ ॥ 187 ॥

പ്രാപ്യതേഽസ്യ ജപാത്സിദ്ധിഃ സ്ത്രീശൂദ്രൈഃ പതിതൈരപി ।
സഹസ്രനാമമംത്രോഽയം ജപിതവ്യഃ ശുഭാപ്തയേ ॥ 188 ॥

മഹാഗണപതേഃ സ്തോത്രം സകാമഃ പ്രജപന്നിദമ് ।
ഇച്ഛയാ സകലാന് ഭോഗാനുപഭുജ്യേഹ പാര്ഥിവാന് ॥ 189 ॥

മനോരഥഫലൈര്ദിവ്യൈര്വ്യോമയാനൈര്മനോരമൈഃ ।
ചംദ്രേംദ്രഭാസ്കരോപേംദ്രബ്രഹ്മശര്വാദിസദ്മസു ॥ 190 ॥

കാമരൂപഃ കാമഗതിഃ കാമദഃ കാമദേശ്വരഃ ।
ഭുക്ത്വാ യഥേപ്സിതാന്ഭോഗാനഭീഷ്ടൈഃ സഹ ബംധുഭിഃ ॥ 191 ॥

ഗണേശാനുചരോ ഭൂത്വാ ഗണോ ഗണപതിപ്രിയഃ ।
നംദീശ്വരാദിസാനംദൈര്നംദിതഃ സകലൈര്ഗണൈഃ ॥ 192 ॥

ശിവാഭ്യാം കൃപയാ പുത്രനിര്വിശേഷം ച ലാലിതഃ ।
ശിവഭക്തഃ പൂര്ണകാമോ ഗണേശ്വരവരാത്പുനഃ ॥ 193 ॥

ജാതിസ്മരോ ധര്മപരഃ സാര്വഭൌമോഽഭിജായതേ ।
നിഷ്കാമസ്തു ജപന്നിത്യം ഭക്ത്യാ വിഘ്നേശതത്പരഃ ॥ 194 ॥

യോഗസിദ്ധിം പരാം പ്രാപ്യ ജ്ഞാനവൈരാഗ്യസംയുതഃ ।
നിരംതരേ നിരാബാധേ പരമാനംദസംജ്ഞിതേ ॥ 195 ॥

വിശ്വോത്തീര്ണേ പരേ പൂര്ണേ പുനരാവൃത്തിവര്ജിതേ ।
ലീനോ വൈനായകേ ധാമ്നി രമതേ നിത്യനിര്വൃതേ ॥ 196 ॥

യോ നാമഭിര്ഹുതൈര്ദത്തൈഃ പൂജയേദര്ചയേ​ഏന്നരഃ ।
രാജാനോ വശ്യതാം യാംതി രിപവോ യാംതി ദാസതാമ് ॥ 197 ॥

തസ്യ സിധ്യംതി മംത്രാണാം ദുര്ലഭാശ്ചേഷ്ടസിദ്ധയഃ ।
മൂലമംത്രാദപി സ്തോത്രമിദം പ്രിയതമം മമ ॥ 198 ॥

നഭസ്യേ മാസി ശുക്ലായാം ചതുര്ഥ്യാം മമ ജന്മനി ।
ദൂര്വാഭിര്നാമഭിഃ പൂജാം തര്പണം വിധിവച്ചരേത് ॥ 199 ॥

അഷ്ടദ്രവ്യൈര്വിശേഷേണ കുര്യാദ്ഭക്തിസുസംയുതഃ ।
തസ്യേപ്സിതം ധനം ധാന്യമൈശ്വര്യം വിജയോ യശഃ ॥ 200 ॥

ഭവിഷ്യതി ന സംദേഹഃ പുത്രപൌത്രാദികം സുഖമ് ।
ഇദം പ്രജപിതം സ്തോത്രം പഠിതം ശ്രാവിതം ശ്രുതമ് ॥ 201 ॥

വ്യാകൃതം ചര്ചിതം ധ്യാതം വിമൃഷ്ടമഭിവംദിതമ് ।
ഇഹാമുത്ര ച വിശ്വേഷാം വിശ്വൈശ്വര്യപ്രദായകമ് ॥ 202 ॥

സ്വച്ഛംദചാരിണാപ്യേഷ യേന സംധാര്യതേ സ്തവഃ ।
സ രക്ഷ്യതേ ശിവോദ്ഭൂതൈര്ഗണൈരധ്യഷ്ടകോടിഭിഃ ॥ 203 ॥

ലിഖിതം പുസ്തകസ്തോത്രം മംത്രഭൂതം പ്രപൂജയേത് ।
തത്ര സര്വോത്തമാ ലക്ഷ്മീഃ സന്നിധത്തേ നിരംതരമ് ॥ 204 ॥

ദാനൈരശേഷൈരഖിലൈര്വ്രതൈശ്ച തീര്ഥൈരശേഷൈരഖിലൈര്മഖൈശ്ച ।
ന തത്ഫലം വിംദതി യദ്ഗണേശസഹസ്രനാമസ്മരണേന സദ്യഃ ॥ 205 ॥

ഏതന്നാമ്നാം സഹസ്രം പഠതി ദിനമണൌ പ്രത്യഹംപ്രോജ്ജിഹാനേ
സായം മധ്യംദിനേ വാ ത്രിഷവണമഥവാ സംതതം വാ ജനോ യഃ ।
സ സ്യാദൈശ്വര്യധുര്യഃ പ്രഭവതി വചസാം കീര്തിമുച്ചൈസ്തനോതി
ദാരിദ്ര്യം ഹംതി വിശ്വം വശയതി സുചിരം വര്ധതേ പുത്രപൌത്രൈഃ ॥ 206 ॥

അകിംചനോപ്യേകചിത്തോ നിയതോ നിയതാസനഃ ।
പ്രജപംശ്ചതുരോ മാസാന് ഗണേശാര്ചനതത്പരഃ ॥ 207 ॥

ദരിദ്രതാം സമുന്മൂല്യ സപ്തജന്മാനുഗാമപി ।
ലഭതേ മഹതീം ലക്ഷ്മീമിത്യാജ്ഞാ പാരമേശ്വരീ ॥ 208 ॥

ആയുഷ്യം വീതരോഗം കുലമതിവിമലം സംപദശ്ചാര്തിനാശഃ
കീര്തിര്നിത്യാവദാതാ ഭവതി ഖലു നവാ കാംതിരവ്യാജഭവ്യാ ।
പുത്രാഃ സംതഃ കലത്രം ഗുണവദഭിമതം യദ്യദന്യച്ച തത്ത -
ന്നിത്യം യഃ സ്തോത്രമേതത് പഠതി ഗണപതേസ്തസ്യ ഹസ്തേ സമസ്തമ് ॥ 209 ॥

ഗണംജയോ ഗണപതിര്ഹേരംബോ ധരണീധരഃ ।
മഹാഗണപതിര്ബുദ്ധിപ്രിയഃ ക്ഷിപ്രപ്രസാദനഃ ॥ 210 ॥

അമോഘസിദ്ധിരമൃതമംത്രശ്ചിംതാമണിര്നിധിഃ ।
സുമംഗലോ ബീജമാശാപൂരകോ വരദഃ കലഃ ॥ 211 ॥

കാശ്യപോ നംദനോ വാചാസിദ്ധോ ഢുംഢിര്വിനായകഃ ।
മോദകൈരേഭിരത്രൈകവിംശത്യാ നാമഭിഃ പുമാന് ॥ 212 ॥

ഉപായനം ദദേദ്ഭക്ത്യാ മത്പ്രസാദം ചികീര്ഷതി ।
വത്സരം വിഘ്നരാജോഽസ്യ തഥ്യമിഷ്ടാര്ഥസിദ്ധയേ ॥ 213 ॥

യഃ സ്തൌതി മദ്ഗതമനാ മമാരാധനതത്പരഃ ।
സ്തുതോ നാമ്നാ സഹസ്രേണ തേനാഹം നാത്ര സംശയഃ ॥ 214 ॥

നമോ നമഃ സുരവരപൂജിതാംഘ്രയേ
നമോ നമോ നിരുപമമംഗലാത്മനേ ।
നമോ നമോ വിപുലദയൈകസിദ്ധയേ
നമോ നമഃ കരികലഭാനനായ തേ ॥ 215 ॥

കിംകിണീഗണരചിതചരണഃ
പ്രകടിതഗുരുമിതചാരുകരണഃ ।
മദജലലഹരീകലിതകപോലഃ
ശമയതു ദുരിതം ഗണപതിനാമ്നാ ॥ 216 ॥

॥ ഇതി ശ്രീഗണേശപുരാണേ ഉപാസനാഖംഡേ ഈശ്വരഗണേശസംവാദേ
ഗണേശസഹസ്രനാമസ്തോത്രം നാമ ഷട്ചത്വാരിംശോധ്യായഃ ॥




Browse Related Categories: