ଅଖଂଡମଂଡଲାକାରଂ ଵ୍ୟାପ୍ତଂ ୟେନ ଚରାଚରମ୍ ।
ତତ୍ପଦଂ ଦର୍ଶିତଂ ୟେନ ତସ୍ମୈ ଶ୍ରୀଗୁରଵେ ନମଃ ॥ 1 ॥

ଅଜ୍ଞାନତିମିରାଂଧସ୍ୟ ଜ୍ଞାନାଂଜନଶଲାକୟା ।
ଚକ୍ଷୁରୁନ୍ମୀଲିତଂ ୟେନ ତସ୍ମୈ ଶ୍ରୀଗୁରଵେ ନମଃ ॥ 2 ॥

ଗୁରୁର୍ବ୍ରହ୍ମା ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।
ଗୁରୁରେଵ ପରଂବ୍ରହ୍ମ ତସ୍ମୈ ଶ୍ରୀଗୁରଵେ ନମଃ ॥ 3 ॥

ସ୍ଥାଵରଂ ଜଂଗମଂ ଵ୍ୟାପ୍ତଂ ୟତ୍କିଂଚିତ୍ସଚରାଚରମ୍ ।
ତତ୍ପଦଂ ଦର୍ଶିତଂ ୟେନ ତସ୍ମୈ ଶ୍ରୀଗୁରଵେ ନମଃ ॥ 4 ॥

ଚିନ୍ମୟଂ ଵ୍ୟାପିୟତ୍ସର୍ଵଂ ତ୍ରୈଲୋକ୍ୟଂ ସଚରାଚରମ୍ ।
ତତ୍ପଦଂ ଦର୍ଶିତଂ ୟେନ ତସ୍ମୈ ଶ୍ରୀଗୁରଵେ ନମଃ ॥ 5 ॥

ତ୍ସର୍ଵଶ୍ରୁତିଶିରୋରତ୍ନଵିରାଜିତ ପଦାଂବୁଜଃ ।
ଵେଦାଂତାଂବୁଜସୂର୍ୟୋୟଃ ତସ୍ମୈ ଶ୍ରୀଗୁରଵେ ନମଃ ॥ 6 ॥

ଚୈତନ୍ୟଃ ଶାଶ୍ଵତଃଶାଂତୋ ଵ୍ୟୋମାତୀତୋ ନିରଂଜନଃ ।
ବିଂଦୁନାଦ କଲାତୀତଃ ତସ୍ମୈ ଶ୍ରୀଗୁରଵେ ନମଃ ॥ 7 ॥

ଜ୍ଞାନଶକ୍ତିସମାରୂଢଃ ତତ୍ତ୍ଵମାଲାଵିଭୂଷିତଃ ।
ଭୁକ୍ତିମୁକ୍ତିପ୍ରଦାତା ଚ ତସ୍ମୈ ଶ୍ରୀଗୁରଵେ ନମଃ ॥ 8 ॥

ଅନେକଜନ୍ମସଂପ୍ରାପ୍ତ କର୍ମବଂଧଵିଦାହିନେ ।
ଆତ୍ମଜ୍ଞାନପ୍ରଦାନେନ ତସ୍ମୈ ଶ୍ରୀଗୁରଵେ ନମଃ ॥ 9 ॥

ଶୋଷଣଂ ଭଵସିଂଧୋଶ୍ଚ ଜ୍ଞାପଣଂ ସାରସଂପଦଃ ।
ଗୁରୋଃ ପାଦୋଦକଂ ସମ୍ୟକ୍ ତସ୍ମୈ ଶ୍ରୀଗୁରଵେ ନମଃ ॥ 10 ॥

ନ ଗୁରୋରଧିକଂ ତତ୍ତ୍ଵଂ ନ ଗୁରୋରଧିକଂ ତପଃ ।
ତତ୍ତ୍ଵଜ୍ଞାନାତ୍ପରଂ ନାସ୍ତି ତସ୍ମୈ ଶ୍ରୀଗୁରଵେ ନମଃ ॥ 11 ॥

ମନ୍ନାଥଃ ଶ୍ରୀଜଗନ୍ନାଥଃ ମଦ୍ଗୁରୁଃ ଶ୍ରୀଜଗଦ୍ଗୁରୁଃ ।
ମଦାତ୍ମା ସର୍ଵଭୂତାତ୍ମା ତସ୍ମୈ ଶ୍ରୀଗୁରଵେ ନମଃ ॥ 12 ॥

ଗୁରୁରାଦିରନାଦିଶ୍ଚ ଗୁରୁଃ ପରମଦୈଵତମ୍ ।
ଗୁରୋଃ ପରତରଂ ନାସ୍ତି ତସ୍ମୈ ଶ୍ରୀଗୁରଵେ ନମଃ ॥ 13 ॥

ତ୍ଵମେଵ ମାତା ଚ ପିତା ତ୍ଵମେଵ
ତ୍ଵମେଵ ବଂଧୁଶ୍ଚ ସଖା ତ୍ଵମେଵ ।
ତ୍ଵମେଵ ଵିଦ୍ୟା ଦ୍ରଵିଣଂ ତ୍ଵମେଵ
ତ୍ଵମେଵ ସର୍ଵଂ ମମ ଦେଵ ଦେଵ ॥ 14 ॥