ದುರ್ಗಾ ಶಿವಾ ಮಹಾಲಕ್ಷ್ಮೀ-ರ್ಮಹಾಗೌರೀ ಚ ಚಣ್ಡಿಕಾ ।
ಸರ್ವಜ್ಞಾ ಸರ್ವಲೋಕೇಶೀ ಸರ್ವಕರ್ಮಫಲಪ್ರದಾ ॥ 1 ॥
ಸರ್ವತೀರ್ಥಮಯೀ ಪುಣ್ಯಾ ದೇವಯೋನಿ-ರಯೋನಿಜಾ ।
ಭೂಮಿಜಾ ನಿರ್ಗುಣಾಽಽಧಾರಶಕ್ತಿ ಶ್ಚಾನೀಶ್ವರೀ ತಥಾ ॥ 2 ॥
ನಿರ್ಗುಣಾ ನಿರಹಙ್ಕಾರಾ ಸರ್ವಗರ್ವವಿಮರ್ದಿನೀ ।
ಸರ್ವಲೋಕಪ್ರಿಯಾ ವಾಣೀ ಸರ್ವವಿದ್ಯಾಧಿದೇವತಾ ॥ 3 ॥
ಪಾರ್ವತೀ ದೇವಮಾತಾ ಚ ವನೀಶಾ ವಿನ್ಧ್ಯವಾಸಿನೀ ।
ತೇಜೋವತೀ ಮಹಾಮಾತಾ ಕೋಟಿಸೂರ್ಯಸಮಪ್ರಭಾ ॥ 4 ॥
ದೇವತಾ ವಹ್ನಿರೂಪಾ ಚ ಸತೇಜಾ ವರ್ಣರೂಪಿಣೀ ।
ಗುಣಾಶ್ರಯಾ ಗುಣಮಧ್ಯಾ ಗುಣತ್ರಯವಿವರ್ಜಿತಾ ॥ 5 ॥
ಕರ್ಮಜ್ಞಾನಪ್ರದಾ ಕಾನ್ತಾ ಸರ್ವಸಂಹಾರಕಾರಿಣೀ ।
ಧರ್ಮಜ್ಞಾ ಧರ್ಮನಿಷ್ಠಾ ಚ ಸರ್ವಕರ್ಮವಿವರ್ಜಿತಾ ॥ 6 ॥
ಕಾಮಾಕ್ಷೀ ಕಾಮಸಂಹರ್ತ್ರೀ ಕಾಮಕ್ರೋಧವಿವರ್ಜಿತಾ ।
ಶಾಙ್ಕರೀ ಶಾಮ್ಭವೀ ಶಾನ್ತಾ ಚನ್ದ್ರಸೂರ್ಯಾಗ್ನಿಲೋಚನಾ ॥ 7 ॥
ಸುಜಯಾ ಜಯಭೂಮಿಷ್ಠಾ ಜಾಹ್ನವೀ ಜನಪೂಜಿತಾ ।
ಶಾಸ್ತ್ರೀ ಶಾಸ್ತ್ರಮಯೀ ನಿತ್ಯಾ ಶುಭಾ ಚನ್ದ್ರಾರ್ಧಮಸ್ತಕಾ ॥ 8 ॥
ಭಾರತೀ ಭ್ರಾಮರೀ ಕಲ್ಪಾ ಕರಾಳೀ ಕೃಷ್ಣಪಿಙ್ಗಳಾ ।
ಬ್ರಾಹ್ಮೀ ನಾರಾಯಣೀ ರೌದ್ರೀ ಚನ್ದ್ರಾಮೃತಪರಿಸ್ರುತಾ ॥ 9 ॥
ಜ್ಯೇಷ್ಠೇನ್ದಿರಾ ಮಹಾಮಾಯಾ ಜಗತ್ಸೃಷ್ಟ್ಯಧಿಕಾರಿಣೀ ।
ಬ್ರಹ್ಮಾಣ್ಡಕೋಟಿಸಂಸ್ಥಾನಾ ಕಾಮಿನೀ ಕಮಲಾಲಯಾ ॥ 10 ॥
ಕಾತ್ಯಾಯನೀ ಕಲಾತೀತಾ ಕಾಲಸಂಹಾರಕಾರಿಣೀ ।
ಯೋಗನಿಷ್ಠಾ ಯೋಗಿಗಮ್ಯಾ ಯೋಗಿಧ್ಯೇಯಾ ತಪಸ್ವಿನೀ ॥ 11 ॥
ಜ್ಞಾನರೂಪಾ ನಿರಾಕಾರಾ ಭಕ್ತಾಭೀಷ್ಟಫಲಪ್ರದಾ ।
ಭೂತಾತ್ಮಿಕಾ ಭೂತಮಾತಾ ಭೂತೇಶಾ ಭೂತಧಾರಿಣೀ ॥ 12 ॥
ಸ್ವಧಾ ನಾರೀಮಧ್ಯಗತಾ ಷಡಾಧಾರಾದಿವರ್ಧಿನೀ ।
ಮೋಹಿತಾಂಶುಭವಾ ಶುಭ್ರಾ ಸೂಕ್ಷ್ಮಾ ಮಾತಾ ನಿರಾಲಸಾ ॥ 13 ॥
ನಿಮ್ನಗಾ ನೀಲಸಙ್ಕಾಶಾ ನಿತ್ಯಾನನ್ದಾ ಹರಾ ಪರಾ ।
ಸರ್ವಜ್ಞಾನಪ್ರದಾಽಽನನ್ತಾ ಸತ್ಯಾ ದುರ್ಲಭರೂಪಿಣೀ ॥ 14 ॥
ಸರಸ್ವತೀ ಸರ್ವಗತಾ ಸರ್ವಾಭೀಷ್ಟಪ್ರದಾಯಿನೀ ।
ಇತಿ ಶ್ರೀದುರ್ಗಾಷ್ಟೋತ್ತರಶತನಾಮಸ್ತೋತ್ರಂ ಸಮಾಪ್ತಮ್ ॥
