॥ ଶ୍ରୀ ଵିଷ୍ଣୁ ଅଷ୍ଟୋତ୍ତର ଶତନାମସ୍ତୋତ୍ରମ୍ ॥
ଵାସୁଦେଵଂ ହୃଷୀକେଶଂ ଵାମନଂ ଜଲଶାଯିନମ୍ ।
ଜନାର୍ଦନଂ ହରିଂ କୃଷ୍ଣଂ ଶ୍ରୀଵକ୍ଷଂ ଗରୁଡଧ୍ଵଜମ୍ ॥ 1 ॥
ଵାରାହଂ ପୁଂଡରୀକାକ୍ଷଂ ନୃସିଂହଂ ନରକାଂତକମ୍ ।
ଅଵ୍ଯକ୍ତଂ ଶାଶ୍ଵତଂ ଵିଷ୍ଣୁମନଂତମଜମଵ୍ଯଯମ୍ ॥ 2 ॥
ନାରାଯଣଂ ଗଦାଧ୍ଯକ୍ଷଂ ଗୋଵିଂଦଂ କୀର୍ତିଭାଜନମ୍ ।
ଗୋଵର୍ଧନୋଦ୍ଧରଂ ଦେଵଂ ଭୂଧରଂ ଭୁଵନେଶ୍ଵରମ୍ ॥ 3 ॥
ଵେତ୍ତାରଂ ଯଜ୍ଞପୁରୁଷଂ ଯଜ୍ଞେଶଂ ଯଜ୍ଞଵାହନମ୍ ।
ଚକ୍ରପାଣିଂ ଗଦାପାଣିଂ ଶଂଖପାଣିଂ ନରୋତ୍ତମମ୍ ॥ 4 ॥
ଵୈକୁଂଠଂ ଦୁଷ୍ଟଦମନଂ ଭୂଗର୍ଭଂ ପୀତଵାସସମ୍ ।
ତ୍ରିଵିକ୍ରମଂ ତ୍ରିକାଲଜ୍ଞଂ ତ୍ରିମୂର୍ତିଂ ନଂଦକେଶ୍ଵରମ୍ ॥ 5 ॥
ରାମଂ ରାମଂ ହଯଗ୍ରୀଵଂ ଭୀମଂ ରୋଉଦ୍ରଂ ଭଵୋଦ୍ଭଵମ୍ ।
ଶ୍ରୀପତିଂ ଶ୍ରୀଧରଂ ଶ୍ରୀଶଂ ମଂଗଲଂ ମଂଗଲାଯୁଧମ୍ ॥ 6 ॥
ଦାମୋଦରଂ ଦମୋପେତଂ କେଶଵଂ କେଶିସୂଦନମ୍ ।
ଵରେଣ୍ଯଂ ଵରଦଂ ଵିଷ୍ଣୁମାନଂଦଂ ଵାସୁଦେଵଜମ୍ ॥ 7 ॥
ହିରଣ୍ଯରେତସଂ ଦୀପ୍ତଂ ପୁରାଣଂ ପୁରୁଷୋତ୍ତମମ୍ ।
ସକଲଂ ନିଷ୍କଲଂ ଶୁଦ୍ଧଂ ନିର୍ଗୁଣଂ ଗୁଣଶାଶ୍ଵତମ୍ ॥ 8 ॥
ହିରଣ୍ଯତନୁସଂକାଶଂ ସୂର୍ଯାଯୁତସମପ୍ରଭମ୍ ।
ମେଘଶ୍ଯାମଂ ଚତୁର୍ବାହୁଂ କୁଶଲଂ କମଲେକ୍ଷଣମ୍ ॥ 9 ॥
ଜ୍ଯୋତୀରୂପମରୂପଂ ଚ ସ୍ଵରୂପଂ ରୂପସଂସ୍ଥିତମ୍ ।
ସର୍ଵଜ୍ଞଂ ସର୍ଵରୂପସ୍ଥଂ ସର୍ଵେଶଂ ସର୍ଵତୋମୁଖମ୍ ॥ 10 ॥
ଜ୍ଞାନଂ କୂଟସ୍ଥମଚଲଂ ଜ୍ଞ୍ହାନଦଂ ପରମଂ ପ୍ରଭୁମ୍ ।
ଯୋଗୀଶଂ ଯୋଗନିଷ୍ଣାତଂ ଯୋଗିସଂଯୋଗରୂପିଣମ୍ ॥ 11 ॥
ଈଶ୍ଵରଂ ସର୍ଵଭୂତାନାଂ ଵଂଦେ ଭୂତମଯଂ ପ୍ରଭୁମ୍ ।
ଇତି ନାମଶତଂ ଦିଵ୍ଯଂ ଵୈଷ୍ଣଵଂ ଖଲୁ ପାପହମ୍ ॥ 12 ॥
ଵ୍ଯାସେନ କଥିତଂ ପୂର୍ଵଂ ସର୍ଵପାପପ୍ରଣାଶନମ୍ ।
ଯଃ ପଠେତ୍ ପ୍ରାତରୁତ୍ଥାଯ ସ ଭଵେଦ୍ ଵୈଷ୍ଣଵୋ ନରଃ ॥ 13 ॥
ସର୍ଵପାପଵିଶୁଦ୍ଧାତ୍ମା ଵିଷ୍ଣୁସାଯୁଜ୍ଯମାପ୍ନୁଯାତ୍ ।
ଚାଂଦ୍ରାଯଣସହସ୍ରାଣି କନ୍ଯାଦାନଶତାନି ଚ ॥ 14 ॥
ଗଵାଂ ଲକ୍ଷସହସ୍ରାଣି ମୁକ୍ତିଭାଗୀ ଭଵେନ୍ନରଃ ।
ଅଶ୍ଵମେଧାଯୁତଂ ପୁଣ୍ଯଂ ଫଲଂ ପ୍ରାପ୍ନୋତି ମାନଵଃ ॥ 15 ॥
॥ ଇତି ଶ୍ରୀଵିଷ୍ଣୁପୁରାଣେ ଶ୍ରୀ ଵିଷ୍ଣୁ ଅଷ୍ଟୋତ୍ତର ଶତନାସ୍ତୋତ୍ରମ୍ ॥
Browse Related Categories: