PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |

ശ്രീ വേംകടേശ മംഗളാശാസനമ്

ശ്രിയഃ കാംതായ കല്യാണനിധയേ നിധയേഽര്ഥിനാമ് |
ശ്രീവേംകട നിവാസായ ശ്രീനിവാസായ മംഗളമ് ‖ 1 ‖

ലക്ഷ്മീ സവിഭ്രമാലോക സുഭ്രൂ വിഭ്രമ ചക്ഷുഷേ |
ചക്ഷുഷേ സര്വലോകാനാം വേംകടേശായ മംഗളമ് ‖ 2 ‖

ശ്രീവേംകടാദ്രി ശൃംഗാഗ്ര മംഗളാഭരണാംഘ്രയേ |
മംഗളാനാം നിവാസായ ശ്രീനിവാസായ മംഗളമ് ‖ 3 ‖

സര്വാവയ സൌംദര്യ സംപദാ സര്വചേതസാമ് |
സദാ സമ്മോഹനായാസ്തു വേംകടേശായ മംഗളമ് ‖ 4 ‖

നിത്യായ നിരവദ്യായ സത്യാനംദ ചിദാത്മനേ |
സര്വാംതരാത്മനേ ശീമദ്-വേംകടേശായ മംഗളമ് ‖ 5 ‖

സ്വത സ്സര്വവിദേ സര്വ ശക്തയേ സര്വശേഷിണേ |
സുലഭായ സുശീലായ വേംകടേശായ മംഗളമ് ‖ 6 ‖

പരസ്മൈ ബ്രഹ്മണേ പൂര്ണകാമായ പരമാത്മനേ |
പ്രയുംജേ പരതത്ത്വായ വേംകടേശായ മംഗളമ് ‖ 7 ‖

ആകാലതത്ത്വ മശ്രാംത മാത്മനാ മനുപശ്യതാമ് |
അതൃപ്ത്യമൃത രൂപായ വേംകടേശായ മംഗളമ് ‖ 8 ‖

പ്രായഃ സ്വചരണൌ പുംസാം ശരണ്യത്വേന പാണിനാ |
കൃപയാഽഽദിശതേ ശ്രീമദ്-വേംകടേശായ മംഗളമ് ‖ 9 ‖

ദയാഽമൃത തരംഗിണ്യാ സ്തരംഗൈരിവ ശീതലൈഃ |
അപാംഗൈ സ്സിംചതേ വിശ്വം വേംകടേശായ മംഗളമ് ‖ 10 ‖

സ്രഗ്-ഭൂഷാംബര ഹേതീനാം സുഷമാഽഽവഹമൂര്തയേ |
സര്വാര്തി ശമനായാസ്തു വേംകടേശായ മംഗളമ് ‖ 11 ‖

ശ്രീവൈകുംഠ വിരക്തായ സ്വാമി പുഷ്കരിണീതടേ |
രമയാ രമമാണായ വേംകടേശായ മംഗളമ് ‖ 12 ‖

ശ്രീമത്-സുംദരജാ മാതൃമുനി മാനസവാസിനേ |
സര്വലോക നിവാസായ ശ്രീനിവാസായ മംഗളമ് ‖ 13 ‖

മംഗളാ ശാസനപരൈര്-മദാചാര്യ പുരോഗമൈഃ |
സര്വൈശ്ച പൂര്വൈരാചാര്യൈഃ സത്കൃതായാസ്തു മംഗളമ് ‖ 14 ‖

ശ്രീ പദ്മാവതീ സമേത ശ്രീ ശ്രീനിവാസ പരബ്രഹ്മണേ നമഃ