View this in:
English Devanagari Telugu Tamil Kannada Malayalam Gujarati Oriya Bengali |

શ્રી વેંકટેશ મંગળાશાસનમ્

શ્રિયઃ કાંતાય કલ્યાણનિધયે નિધયેઽર્થિનામ્ |
શ્રીવેંકટ નિવાસાય શ્રીનિવાસાય મંગળમ્ ‖ 1 ‖

લક્ષ્મી સવિભ્રમાલોક સુભ્રૂ વિભ્રમ ચક્ષુષે |
ચક્ષુષે સર્વલોકાનાં વેંકટેશાય મંગળમ્ ‖ 2 ‖

શ્રીવેંકટાદ્રિ શૃંગાગ્ર મંગળાભરણાંઘ્રયે |
મંગળાનાં નિવાસાય શ્રીનિવાસાય મંગળમ્ ‖ 3 ‖

સર્વાવય સૌંદર્ય સંપદા સર્વચેતસામ્ |
સદા સમ્મોહનાયાસ્તુ વેંકટેશાય મંગળમ્ ‖ 4 ‖

નિત્યાય નિરવદ્યાય સત્યાનંદ ચિદાત્મને |
સર્વાંતરાત્મને શીમદ્-વેંકટેશાય મંગળમ્ ‖ 5 ‖

સ્વત સ્સર્વવિદે સર્વ શક્તયે સર્વશેષિણે |
સુલભાય સુશીલાય વેંકટેશાય મંગળમ્ ‖ 6 ‖

પરસ્મૈ બ્રહ્મણે પૂર્ણકામાય પરમાત્મને |
પ્રયુંજે પરતત્ત્વાય વેંકટેશાય મંગળમ્ ‖ 7 ‖

આકાલતત્ત્વ મશ્રાંત માત્મના મનુપશ્યતામ્ |
અતૃપ્ત્યમૃત રૂપાય વેંકટેશાય મંગળમ્ ‖ 8 ‖

પ્રાયઃ સ્વચરણૌ પુંસાં શરણ્યત્વેન પાણિના |
કૃપયાઽઽદિશતે શ્રીમદ્-વેંકટેશાય મંગળમ્ ‖ 9 ‖

દયાઽમૃત તરંગિણ્યા સ્તરંગૈરિવ શીતલૈઃ |
અપાંગૈ સ્સિંચતે વિશ્વં વેંકટેશાય મંગળમ્ ‖ 10 ‖

સ્રગ્-ભૂષાંબર હેતીનાં સુષમાઽઽવહમૂર્તયે |
સર્વાર્તિ શમનાયાસ્તુ વેંકટેશાય મંગળમ્ ‖ 11 ‖

શ્રીવૈકુંઠ વિરક્તાય સ્વામિ પુષ્કરિણીતટે |
રમયા રમમાણાય વેંકટેશાય મંગળમ્ ‖ 12 ‖

શ્રીમત્-સુંદરજા માતૃમુનિ માનસવાસિને |
સર્વલોક નિવાસાય શ્રીનિવાસાય મંગળમ્ ‖ 13 ‖

મંગળા શાસનપરૈર્-મદાચાર્ય પુરોગમૈઃ |
સર્વૈશ્ચ પૂર્વૈરાચાર્યૈઃ સત્કૃતાયાસ્તુ મંગળમ્ ‖ 14 ‖

શ્રી પદ્માવતી સમેત શ્રી શ્રીનિવાસ પરબ્રહ્મણે નમઃ