ఉమాకాన్తాయ కాన్తాయ కామితార్థ ప్రదాయినే
శ్రీగిరీశాయ దేవాయ మల్లినాథాయ మఙ్గళమ్ ॥
సర్వమఙ్గళ రూపాయ శ్రీ నగేన్ద్ర నివాసినే
గఙ్గాధరాయ నాథాయ శ్రీగిరీశాయ మఙ్గళమ్ ॥
సత్యానన్ద స్వరూపాయ నిత్యానన్ద విధాయనే
స్తుత్యాయ శ్రుతిగమ్యాయ శ్రీగిరీశాయ మఙ్గళమ్ ॥
ముక్తిప్రదాయ ముఖ్యాయ భక్తానుగ్రహకారిణే
సున్దరేశాయ సౌమ్యాయ శ్రీగిరీశాయ మఙ్గళమ్ ॥
శ్రీశైలే శిఖరేశ్వరం గణపతిం శ్రీ హటకేశం
పునస్సారఙ్గేశ్వర బిన్దుతీర్థమమలం ఘణ్టార్క సిద్ధేశ్వరమ్ ।
గఙ్గాం శ్రీ భ్రమరామ్బికాం గిరిసుతామారామవీరేశ్వరం
శఙ్ఖఞ్చక్ర వరాహతీర్థమనిశం శ్రీశైలనాథం భజే ॥
హస్తేకురఙ్గం గిరిమధ్యరఙ్గం శృఙ్గారితాఙ్గం గిరిజానుషఙ్గమ్
మూర్దేన్దుగఙ్గం మదనాఙ్గ భఙ్గం శ్రీశైలలిఙ్గం శిరసా నమామి ॥