ಉಮಾಕಾನ್ತಾಯ ಕಾನ್ತಾಯ ಕಾಮಿತಾರ್ಥ ಪ್ರದಾಯಿನೇ
ಶ್ರೀಗಿರೀಶಾಯ ದೇವಾಯ ಮಲ್ಲಿನಾಥಾಯ ಮಙ್ಗಳಮ್ ॥
ಸರ್ವಮಙ್ಗಳ ರೂಪಾಯ ಶ್ರೀ ನಗೇನ್ದ್ರ ನಿವಾಸಿನೇ
ಗಙ್ಗಾಧರಾಯ ನಾಥಾಯ ಶ್ರೀಗಿರೀಶಾಯ ಮಙ್ಗಳಮ್ ॥
ಸತ್ಯಾನನ್ದ ಸ್ವರೂಪಾಯ ನಿತ್ಯಾನನ್ದ ವಿಧಾಯನೇ
ಸ್ತುತ್ಯಾಯ ಶ್ರುತಿಗಮ್ಯಾಯ ಶ್ರೀಗಿರೀಶಾಯ ಮಙ್ಗಳಮ್ ॥
ಮುಕ್ತಿಪ್ರದಾಯ ಮುಖ್ಯಾಯ ಭಕ್ತಾನುಗ್ರಹಕಾರಿಣೇ
ಸುನ್ದರೇಶಾಯ ಸೌಮ್ಯಾಯ ಶ್ರೀಗಿರೀಶಾಯ ಮಙ್ಗಳಮ್ ॥
ಶ್ರೀಶೈಲೇ ಶಿಖರೇಶ್ವರಂ ಗಣಪತಿಂ ಶ್ರೀ ಹಟಕೇಶಂ
ಪುನಸ್ಸಾರಙ್ಗೇಶ್ವರ ಬಿನ್ದುತೀರ್ಥಮಮಲಂ ಘಣ್ಟಾರ್ಕ ಸಿದ್ಧೇಶ್ವರಮ್ ।
ಗಙ್ಗಾಂ ಶ್ರೀ ಭ್ರಮರಾಮ್ಬಿಕಾಂ ಗಿರಿಸುತಾಮಾರಾಮವೀರೇಶ್ವರಂ
ಶಙ್ಖಞ್ಚಕ್ರ ವರಾಹತೀರ್ಥಮನಿಶಂ ಶ್ರೀಶೈಲನಾಥಂ ಭಜೇ ॥
ಹಸ್ತೇಕುರಙ್ಗಂ ಗಿರಿಮಧ್ಯರಙ್ಗಂ ಶೃಙ್ಗಾರಿತಾಙ್ಗಂ ಗಿರಿಜಾನುಷಙ್ಗಮ್
ಮೂರ್ದೇನ್ದುಗಙ್ಗಂ ಮದನಾಙ್ಗ ಭಙ್ಗಂ ಶ್ರೀಶೈಲಲಿಙ್ಗಂ ಶಿರಸಾ ನಮಾಮಿ ॥