॥ அத² ஶ்ரீ து³ர்கா³ ஸஹஸ்ரனாமஸ்தோத்ரம் ॥

நாரத³ உவாச -
குமார கு³ணக³ம்பீ⁴ர தே³வஸேனாபதே ப்ரபோ⁴ ।
ஸர்வாபீ⁴ஷ்டப்ரத³ம் பும்ஸாம் ஸர்வபாபப்ரணாஶனம் ॥ 1॥

கு³ஹ்யாத்³கு³ஹ்யதரம் ஸ்தோத்ரம் ப⁴க்திவர்த⁴கமஞ்ஜஸா ।
மங்க³லம் க்³ரஹபீடா³தி³ஶான்தித³ம் வக்துமர்ஹஸி ॥ 2॥

ஸ்கன்த³ உவாச -
ஶ்ருணு நாரத³ தே³வர்ஷே லோகானுக்³ரஹகாம்யயா ।
யத்ப்ருச்ச²ஸி பரம் புண்யம் தத்தே வக்ஷ்யாமி கௌதுகாத் ॥ 3॥

மாதா மே லோகஜனநீ ஹிமவன்னக³ஸத்தமாத் ।
மேனாயாம் ப்³ரஹ்மவாதி³ன்யாம் ப்ராது³ர்பூ⁴தா ஹரப்ரியா ॥ 4॥

மஹதா தபஸாராத்⁴ய ஶங்கரம் லோகஶங்கரம் ।
ஸ்வமேவ வல்லப⁴ம் பே⁴ஜே கலேவ ஹி கலானிதி⁴ம் ॥ 5॥

நகா³னாமதி⁴ராஜஸ்து ஹிமவான் விரஹாதுர: ।
ஸ்வஸுதாயா: பரிக்ஷீணே வஸிஷ்டே²ன ப்ரபோ³தி⁴த: ॥ 6॥

த்ரிலோகஜனநீ ஸேயம் ப்ரஸன்னா த்வயி புண்யத: ।
ப்ராது³ர்பூ⁴தா ஸுதாத்வேன தத்³வியோக³ம் ஶுப⁴ம் த்யஜ ॥ 7॥

ப³ஹுரூபா ச து³ர்கே³யம் ப³ஹுனாம்னீ ஸனாதனீ ।
ஸனாதனஸ்ய ஜாயா ஸா புத்ரீமோஹம் த்யஜாது⁴னா ॥ 8॥

இதி ப்ரபோ³தி⁴த: ஶைல: தாம் துஷ்டாவ பராம் ஶிவாம் ।
ததா³ ப்ரஸன்னா ஸா து³ர்கா³ பிதரம் ப்ராஹ நன்தி³னீ ॥ 9॥

மத்ப்ரஸாதா³த்பரம் ஸ்தோத்ரம் ஹ்ருத³யே ப்ரதிபா⁴ஸதாம் ।
தேன நாம்னாம் ஸஹஸ்ரேண பூஜயன் காமமாப்னுஹி ॥ 1௦॥

இத்யுக்த்வான்தர்ஹிதாயாம் து ஹ்ருத³யே ஸ்பு²ரிதம் ததா³ ।
நாம்னாம் ஸஹஸ்ரம் து³ர்கா³யா: ப்ருச்ச²தே மே யது³க்தவான் ॥ 11॥

மங்க³லானாம் மங்க³லம் தத்³ து³ர்கா³னாம ஸஹஸ்ரகம் ।
ஸர்வாபீ⁴ஷ்டப்ரதா³ம் பும்ஸாம் ப்³ரவீம்யகி²லகாமத³ம் ॥ 12॥

து³ர்கா³தே³வீ ஸமாக்²யாதா ஹிமவான்ருஷிருச்யதே ।
ச²ன்தோ³னுஷ்டுப் ஜபோ தே³வ்யா: ப்ரீதயே க்ரியதே ஸதா³ ॥ 13॥

அஸ்ய ஶ்ரீது³ர்கா³ஸ்தோத்ரமஹாமன்த்ரஸ்ய । ஹிமவான் ருஷி: । அனுஷ்டுப் ச²ன்த:³ ।
து³ர்கா³ப⁴க³வதீ தே³வதா । ஶ்ரீது³ர்கா³ப்ரஸாத³ஸித்³த்⁴யர்தே² ஜபே வினியோக:³ । ।

ஶ்ரீப⁴க³வத்யை து³ர்கா³யை நம: ।

தே³வீத்⁴யானம்
ஓம் ஹ்ரீம் காலாப்⁴ராபா⁴ம் கடாக்ஷைரரிகுலப⁴யதா³ம் மௌலிப³த்³தே⁴ன்து³ரேகா²ம்
ஶங்க²ம் சக்ரம் க்ருபாணம் த்ரிஶிக²மபி கரைருத்³வஹன்தீம் த்ரினேத்ராம் ।
ஸிம்ஹஸ்கன்தா⁴தி⁴ரூடா⁴ம் த்ரிபு⁴வனமகி²லம் தேஜஸா பூரயன்தீம்
த்⁴யாயேத்³ து³ர்கா³ம் ஜயாக்²யாம் த்ரித³ஶபரிவ்ருதாம் ஸேவிதாம் ஸித்³தி⁴காமை: ॥

ஶ்ரீ ஜயது³ர்கா³யை நம: ।

ஓம் ஶிவாதோ²மா ரமா ஶக்திரனந்தா நிஷ்கலாமலா ।
ஶான்தா மாஹேஶ்வரீ நித்யா ஶாஶ்வதா பரமா க்ஷமா ॥ 1॥

அசின்த்யா கேவலானந்தா ஶிவாத்மா பரமாத்மிகா ।
அனாதி³ரவ்யயா ஶுத்³தா⁴ ஸர்வஜ்ஞா ஸர்வகா³சலா ॥ 2॥

ஏகானேகவிபா⁴க³ஸ்தா² மாயாதீதா ஸுனிர்மலா ।
மஹாமாஹேஶ்வரீ ஸத்யா மஹாதே³வீ நிரஞ்ஜனா ॥ 3॥

காஷ்டா² ஸர்வான்தரஸ்தா²பி சிச்ச²க்திஶ்சாத்ரிலாலிதா ।
ஸர்வா ஸர்வாத்மிகா விஶ்வா ஜ்யோதீரூபாக்ஷராம்ருதா ॥ 4॥

ஶான்தா ப்ரதிஷ்டா² ஸர்வேஶா நிவ்ருத்திரம்ருதப்ரதா³ ।
வ்யோமமூர்திர்வ்யோமஸம்ஸ்தா² வ்யோமதா⁴ராச்யுதாதுலா ॥ 5॥

அனாதி³னித⁴னாமோகா⁴ காரணாத்மகலாகுலா ।
ருதுப்ரத²மஜானாபி⁴ரம்ருதாத்மஸமாஶ்ரயா ॥ 6॥

ப்ராணேஶ்வரப்ரியா நம்யா மஹாமஹிஷகா⁴தினீ ।
ப்ராணேஶ்வரீ ப்ராணரூபா ப்ரதா⁴னபுருஷேஶ்வரீ ॥ 7॥

ஸர்வஶக்திகலாகாமா மஹிஷேஷ்டவினாஶினீ ।
ஸர்வகார்யனியன்த்ரீ ச ஸர்வபூ⁴தேஶ்வரேஶ்வரீ ॥ 8॥

அங்க³தா³தி³த⁴ரா சைவ ததா² முகுடதா⁴ரிணீ ।
ஸனாதனீ மஹானந்தா³காஶயோனிஸ்ததே²ச்யதே ॥ 9॥

சித்ப்ரகாஶஸ்வரூபா ச மஹாயோகே³ஶ்வரேஶ்வரீ ।
மஹாமாயா ஸது³ஷ்பாரா மூலப்ரக்ருதிரீஶிகா ॥ 1௦॥

ஸம்ஸாரயோனி: ஸகலா ஸர்வஶக்திஸமுத்³ப⁴வா ।
ஸம்ஸாரபாரா து³ர்வாரா து³ர்னிரீக்ஷா து³ராஸதா³ ॥ 11॥

ப்ராணஶக்திஶ்ச ஸேவ்யா ச யோகி³னீ பரமாகலா ।
மஹாவிபூ⁴திர்து³ர்த³ர்ஶா மூலப்ரக்ருதிஸம்ப⁴வா ॥ 12॥

அனாத்³யனந்தவிப⁴வா பரார்தா² புருஷாரணி: ।
ஸர்க³ஸ்தி²த்யன்தக்ருச்சைவ ஸுது³ர்வாச்யா து³ரத்யயா ॥ 13॥

ஶப்³த³க³ம்யா ஶப்³த³மாயா ஶப்³தா³க்²யானந்த³விக்³ரஹா ।
ப்ரதா⁴னபுருஷாதீதா ப்ரதா⁴னபுருஷாத்மிகா ॥ 14॥

புராணீ சின்மயா பும்ஸாமிஷ்டதா³ புஷ்டிரூபிணீ ।
பூதான்தரஸ்தா² கூடஸ்தா² மஹாபுருஷஸஞ்ஜ்ஞிதா ॥ 15॥

ஜன்மம்ருத்யுஜராதீதா ஸர்வஶக்திஸ்வரூபிணீ ।
வாஞ்சா²ப்ரதா³னவச்சி²ன்னப்ரதா⁴னானுப்ரவேஶினீ ॥ 16॥

க்ஷேத்ரஜ்ஞாசின்த்யஶக்திஸ்து ப்ரோச்யதேவ்யக்தலக்ஷணா ।
மலாபவர்ஜிதானாதி³மாயா த்ரிதயதத்த்விகா ॥ 17॥

ப்ரீதிஶ்ச ப்ரக்ருதிஶ்சைவ கு³ஹாவாஸா ததோ²ச்யதே ।
மஹாமாயா நகோ³த்பன்னா தாமஸீ ச த்⁴ருவா ததா² ॥ 18॥

வ்யக்தாவ்யக்தாத்மிகா க்ருஷ்ணா ரக்தா ஶுக்லா ஹ்யகாரணா ।
ப்ரோச்யதே கார்யஜனநீ நித்யப்ரஸவத⁴ர்மிணீ ॥ 19॥

ஸர்க³ப்ரலயமுக்தா ச ஸ்ருஷ்டிஸ்தி²த்யன்தத⁴ர்மிணீ ।
ப்³ரஹ்மக³ர்பா⁴ சதுர்விம்ஶஸ்வரூபா பத்³மவாஸினீ ॥ 2௦॥

அச்யுதாஹ்லாதி³கா வித்³யுத்³ப்³ரஹ்மயோனிர்மஹாலயா ।
மஹாலக்ஷ்மீ ஸமுத்³பா⁴வபா⁴விதாத்மாமஹேஶ்வரீ ॥ 21॥

மஹாவிமானமத்⁴யஸ்தா² மஹானித்³ரா ஸகௌதுகா ।
ஸர்வார்த²தா⁴ரிணீ ஸூக்ஷ்மா ஹ்யவித்³தா⁴ பரமார்த²தா³ ॥ 22॥

அனந்தரூபானந்தார்தா² ததா² புருஷமோஹினீ ।
அனேகானேகஹஸ்தா ச காலத்ரயவிவர்ஜிதா ॥ 23॥

ப்³ரஹ்மஜன்மா ஹரப்ரீதா மதிர்ப்³ரஹ்மஶிவாத்மிகா ।
ப்³ரஹ்மேஶவிஷ்ணுஸம்பூஜ்யா ப்³ரஹ்மாக்²யா ப்³ரஹ்மஸஞ்ஜ்ஞிதா ॥ 24॥

வ்யக்தா ப்ரத²மஜா ப்³ராஹ்மீ மஹாராத்ரீ: ப்ரகீர்திதா ।
ஜ்ஞானஸ்வரூபா வைராக்³யரூபா ஹ்யைஶ்வர்யரூபிணீ ॥ 25॥

த⁴ர்மாத்மிகா ப்³ரஹ்மமூர்தி: ப்ரதிஶ்ருதபுமர்தி²கா ।
அபாம்யோனி: ஸ்வயம்பூ⁴தா மானஸீ தத்த்வஸம்ப⁴வா ॥ 26॥

ஈஶ்வரஸ்ய ப்ரியா ப்ரோக்தா ஶங்கரார்த⁴ஶரீரிணீ ।
ப⁴வானீ சைவ ருத்³ராணீ மஹாலக்ஷ்மீஸ்ததா²ம்பி³கா ॥ 27॥

மஹேஶ்வரஸமுத்பன்னா பு⁴க்திமுக்தி ப்ரதா³யினீ ।
ஸர்வேஶ்வரீ ஸர்வவன்த்³யா நித்யமுக்தா ஸுமானஸா ॥ 28॥

மஹேன்த்³ரோபேன்த்³ரனமிதா ஶாங்கரீஶானுவர்தினீ ।
ஈஶ்வரார்தா⁴ஸனக³தா மாஹேஶ்வரபதிவ்ரதா ॥ 29॥

ஸம்ஸாரஶோஷிணீ சைவ பார்வதீ ஹிமவத்ஸுதா ।
பரமானந்த³தா³த்ரீ ச கு³ணாக்³ர்யா யோக³தா³ ததா² ॥ 3௦॥

ஜ்ஞானமூர்திஶ்ச ஸாவித்ரீ லக்ஷ்மீ: ஶ்ரீ: கமலா ததா² ।
அனந்தகு³ணக³ம்பீ⁴ரா ஹ்யுரோனீலமணிப்ரபா⁴ ॥ 31॥

ஸரோஜனிலயா க³ங்கா³ யோகி³த்⁴யேயாஸுரார்தி³னீ ।
ஸரஸ்வதீ ஸர்வவித்³யா ஜகஜ³்ஜ்யேஷ்டா² ஸுமங்க³லா ॥ 32॥

வாக்³தே³வீ வரதா³ வர்யா கீர்தி: ஸர்வார்த²ஸாதி⁴கா ।
வாகீ³ஶ்வரீ ப்³ரஹ்மவித்³யா மஹாவித்³யா ஸுஶோப⁴னா ॥ 33॥

க்³ராஹ்யவித்³யா வேத³வித்³யா த⁴ர்மவித்³யாத்மபா⁴விதா ।
ஸ்வாஹா விஶ்வம்ப⁴ரா ஸித்³தி⁴: ஸாத்⁴யா மேதா⁴ த்⁴ருதி: க்ருதி: ॥ 34॥

ஸுனீதி: ஸங்க்ருதிஶ்சைவ கீர்திதா நரவாஹினீ ।
பூஜாவிபா⁴வினீ ஸௌம்யா போ⁴க்³யபா⁴க்³ போ⁴க³தா³யினீ ॥ 35॥

ஶோபா⁴வதீ ஶாங்கரீ ச லோலா மாலாவிபூ⁴ஷிதா ।
பரமேஷ்டி²ப்ரியா சைவ த்ரிலோகீஸுன்த³ரீ மாதா ॥ 36॥

நன்தா³ ஸன்த்⁴யா காமதா⁴த்ரீ மஹாதே³வீ ஸுஸாத்த்விகா ।
மஹாமஹிஷத³ர்பக்⁴னீ பத்³மமாலாக⁴ஹாரிணீ ॥ 37॥

விசித்ரமுகுடா ராமா காமதா³தா ப்ரகீர்திதா ।
பிதாம்ப³ரத⁴ரா தி³வ்யவிபூ⁴ஷண விபூ⁴ஷிதா ॥ 38॥

தி³வ்யாக்²யா ஸோமவத³னா ஜக³த்ஸம்ஸ்ருஷ்டிவர்ஜிதா ।
நிர்யன்த்ரா யன்த்ரவாஹஸ்தா² நன்தி³னீ ருத்³ரகாலிகா ॥ 39॥

ஆதி³த்யவர்ணா கௌமாரீ மயூரவரவாஹினீ ।
பத்³மாஸனக³தா கௌ³ரீ மஹாகாலீ ஸுரார்சிதா ॥ 4௦॥

அதி³திர்னியதா ரௌத்³ரீ பத்³மக³ர்பா⁴ விவாஹனா ।
விரூபாக்ஷா கேஶிவாஹா கு³ஹாபுரனிவாஸினீ ॥ 41॥

மஹாப²லானவத்³யாங்கீ³ காமரூபா ஸரித்³வரா ।
பா⁴ஸ்வத்³ரூபா முக்திதா³த்ரீ ப்ரணதக்லேஶப⁴ஞ்ஜனா ॥ 42॥

கௌஶிகீ கோ³மினீ ராத்ரிஸ்த்ரித³ஶாரிவினாஶினீ ।
ப³ஹுரூபா ஸுரூபா ச விரூபா ரூபவர்ஜிதா ॥ 43॥

ப⁴க்தார்திஶமனா ப⁴வ்யா ப⁴வபா⁴வவினாஶினீ ।
ஸர்வஜ்ஞானபரீதாங்கீ³ ஸர்வாஸுரவிமர்தி³கா ॥ 44॥

பிகஸ்வனீ ஸாமகீ³தா ப⁴வாங்கனிலயா ப்ரியா ।
தீ³க்ஷா வித்³யாத⁴ரீ தீ³ப்தா மஹேன்த்³ராஹிதபாதினீ ॥ 45॥

ஸர்வதே³வமயா த³க்ஷா ஸமுத்³ரான்தரவாஸினீ ।
அகலங்கா நிராதா⁴ரா நித்யஸித்³தா⁴ நிராமயா ॥ 46॥

காமதே⁴னுப்³ருஹத்³க³ர்பா⁴ தீ⁴மதீ மௌனநாஶினீ ।
நி:ஸங்கல்பா நிராதங்கா வினயா வினயப்ரதா³ ॥ 47॥

ஜ்வாலாமாலா ஸஹஸ்ராட்⁴யா தே³வதே³வீ மனோமயா ।
ஸுப⁴கா³ ஸுவிஶுத்³தா⁴ ச வஸுதே³வஸமுத்³ப⁴வா ॥ 48॥

மஹேன்த்³ரோபேன்த்³ரப⁴கி³னீ ப⁴க்திக³ம்யா பராவரா ।
ஜ்ஞானஜ்ஞேயா பராதீதா வேதா³ன்தவிஷயா மதி: ॥ 49॥

த³க்ஷிணா தா³ஹிகா த³ஹ்யா ஸர்வபூ⁴தஹ்ருதி³ஸ்தி²தா ।
யோக³மாயா விபா⁴கஜ³்ஞா மஹாமோஹா க³ரீயஸீ ॥ 5௦॥

ஸன்த்⁴யா ஸர்வஸமுத்³பூ⁴தா ப்³ரஹ்மவ்ருக்ஷாஶ்ரியாதி³தி: ।
பீ³ஜாங்குரஸமுத்³பூ⁴தா மஹாஶக்திர்மஹாமதி: ॥ 51॥

க்²யாதி: ப்ரஜ்ஞாவதீ ஸஞ்ஜ்ஞா மஹாபோ⁴கீ³ன்த்³ரஶாயினீ ।
ஹீங்க்ருதி: ஶங்கரீ ஶான்திர்க³ன்த⁴ர்வக³ணஸேவிதா ॥ 52॥

வைஶ்வானரீ மஹாஶூலா தே³வஸேனா ப⁴வப்ரியா ।
மஹாராத்ரீ பரானந்தா³ ஶசீ து³:ஸ்வப்னநாஶினீ ॥ 53॥

ஈட்³யா ஜயா ஜக³த்³தா⁴த்ரீ து³ர்விஜ்ஞேயா ஸுரூபிணீ ।
கு³ஹாம்பி³கா க³ணோத்பன்னா மஹாபீடா² மருத்ஸுதா ॥ 54॥

ஹவ்யவாஹா ப⁴வானந்தா³ ஜக³த்³யோனி: ப்ரகீர்திதா ।
ஜக³ன்மாதா ஜக³ன்ம்ருத்யுர்ஜராதீதா ச பு³த்³தி⁴தா³ ॥ 55॥

ஸித்³தி⁴தா³த்ரீ ரத்னக³ர்பா⁴ ரத்னக³ர்பா⁴ஶ்ரயா பரா ।
தை³த்யஹன்த்ரீ ஸ்வேஷ்டதா³த்ரீ மங்க³லைகஸுவிக்³ரஹா ॥ 56॥

புருஷான்தர்க³தா சைவ ஸமாதி⁴ஸ்தா² தபஸ்வினீ ।
தி³விஸ்தி²தா த்ரிணேத்ரா ச ஸர்வேன்த்³ரியமனாத்⁴ருதி: ॥ 57॥

ஸர்வபூ⁴தஹ்ருதி³ஸ்தா² ச ததா² ஸம்ஸாரதாரிணீ ।
வேத்³யா ப்³ரஹ்மவிவேத்³யா ச மஹாலீலா ப்ரகீர்திதா ॥ 58॥

ப்³ராஹ்மணிப்³ருஹதீ ப்³ராஹ்மீ ப்³ரஹ்மபூ⁴தாக⁴ஹாரிணீ ।
ஹிரண்மயீ மஹாதா³த்ரீ ஸம்ஸாரபரிவர்திகா ॥ 59॥

ஸுமாலினீ ஸுரூபா ச பா⁴ஸ்வினீ தா⁴ரிணீ ததா² ।
உன்மூலினீ ஸர்வஸபா⁴ ஸர்வப்ரத்யயஸாக்ஷிணீ ॥ 6௦॥

ஸுஸௌம்யா சன்த்³ரவத³னா தாண்ட³வாஸக்தமானஸா ।
ஸத்த்வஶுத்³தி⁴கரீ ஶுத்³தா⁴ மலத்ரயவினாஶினீ ॥ 61॥

ஜக³த்த்த்ரயீ ஜக³ன்மூர்திஸ்த்ரிமூர்திரம்ருதாஶ்ரயா ।
விமானஸ்தா² விஶோகா ச ஶோகனாஶின்யனாஹதா ॥ 62॥

ஹேமகுண்ட³லினீ காலீ பத்³மவாஸா ஸனாதனீ ।
ஸதா³கீர்தி: ஸர்வபூ⁴தஶயா தே³வீ ஸதாம்ப்ரியா ॥ 63॥

ப்³ரஹ்மமூர்திகலா சைவ க்ருத்திகா கஞ்ஜமாலினீ ।
வ்யோமகேஶா க்ரியாஶக்திரிச்சா²ஶக்தி: பராக³தி: ॥ 64॥

க்ஷோபி⁴கா க²ண்டி³காபே⁴த்³யா பே⁴தா³பே⁴த³விவர்ஜிதா ।
அபி⁴ன்னா பி⁴ன்னஸம்ஸ்தா²னா வஶினீ வம்ஶதா⁴ரிணீ ॥ 65॥

கு³ஹ்யஶக்திர்கு³ஹ்யதத்த்வா ஸர்வதா³ ஸர்வதோமுகீ² ।
ப⁴கி³னீ ச நிராதா⁴ரா நிராஹாரா ப்ரகீர்திதா ॥ 66॥

நிரங்குஶபதோ³த்³பூ⁴தா சக்ரஹஸ்தா விஶோதி⁴கா ।
ஸ்ரக்³விணீ பத்³மஸம்பே⁴த³காரிணீ பரிகீர்திதா ॥ 67॥

பராவரவிதா⁴னஜ்ஞா மஹாபுருஷபூர்வஜா ।
பராவரஜ்ஞா வித்³யா ச வித்³யுஜ்ஜிஹ்வா ஜிதாஶ்ரயா ॥ 68॥

வித்³யாமயீ ஸஹஸ்ராக்ஷீ ஸஹஸ்ரவத³னாத்மஜா ।
ஸஹஸ்ரரஶ்மி:ஸத்வஸ்தா² மஹேஶ்வரபதா³ஶ்ரயா ॥ 69॥

ஜ்வாலினீ ஸன்மயா வ்யாப்தா சின்மயா பத்³மபே⁴தி³கா ।
மஹாஶ்ரயா மஹாமன்த்ரா மஹாதே³வமனோரமா ॥ 7௦॥

வ்யோமலக்ஷ்மீ: ஸிம்ஹரதா² சேகிதானாமிதப்ரபா⁴ ।
விஶ்வேஶ்வரீ ப⁴க³வதீ ஸகலா காலஹாரிணீ ॥ 71॥

ஸர்வவேத்³யா ஸர்வப⁴த்³ரா கு³ஹ்யா தூ³டா⁴ கு³ஹாரணீ ।
ப்ரலயா யோக³தா⁴த்ரீ ச க³ங்கா³ விஶ்வேஶ்வரீ ததா² ॥ 72॥

காமதா³ கனகா கான்தா கஞ்ஜக³ர்ப⁴ப்ரபா⁴ ததா² ।
புண்யதா³ காலகேஶா ச போ⁴க்த்த்ரீ புஷ்கரிணீ ததா² ॥ 73॥

ஸுரேஶ்வரீ பூ⁴திதா³த்ரீ பூ⁴திபூ⁴ஷா ப்ரகீர்திதா ।
பஞ்சப்³ரஹ்மஸமுத்பன்னா பரமார்தா²ர்த²விக்³ரஹா ॥ 74॥

வர்ணோத³யா பா⁴னுமூர்திர்வாக்³விஜ்ஞேயா மனோஜவா ।
மனோஹரா மஹோரஸ்கா தாமஸீ வேத³ரூபிணீ ॥ 75॥

வேத³ஶக்திர்வேத³மாதா வேத³வித்³யாப்ரகாஶினீ ।
யோகே³ஶ்வரேஶ்வரீ மாயா மஹாஶக்திர்மஹாமயீ ॥ 76॥

விஶ்வான்த:ஸ்தா² வியன்மூர்திர்பா⁴ர்க³வீ ஸுரஸுன்த³ரீ ।
ஸுரபி⁴ர்னந்தி³னீ வித்³யா நன்த³கோ³பதனூத்³ப⁴வா ॥ 77॥

பா⁴ரதீ பரமானந்தா³ பராவரவிபே⁴தி³கா ।
ஸர்வப்ரஹரணோபேதா காம்யா காமேஶ்வரேஶ்வரீ ॥ 78॥

அனந்தானந்த³விப⁴வா ஹ்ருல்லேகா² கனகப்ரபா⁴ ।
கூஷ்மாண்டா³ த⁴னரத்னாட்⁴யா ஸுக³ன்தா⁴ க³ன்த⁴தா³யினீ ॥ 79॥

த்ரிவிக்ரமபதோ³த்³பூ⁴தா சதுராஸ்யா ஶிவோத³யா ।
ஸுது³ர்லபா⁴ த⁴னாத்⁴யக்ஷா த⁴ன்யா பிங்க³லலோசனா ॥ 8௦॥

ஶான்தா ப்ரபா⁴ஸ்வரூபா ச பங்கஜாயதலோசனா ।
இன்த்³ராக்ஷீ ஹ்ருத³யான்த:ஸ்தா² ஶிவா மாதா ச ஸத்க்ரியா ॥ 81॥

கி³ரிஜா ச ஸுகூ³டா⁴ ச நித்யபுஷ்டா நிரன்தரா ।
து³ர்கா³ காத்யாயனீ சண்டீ³ சன்த்³ரிகா கான்தவிக்³ரஹா ॥ 82॥

ஹிரண்யவர்ணா ஜக³தீ ஜக³த்³யன்த்ரப்ரவர்திகா ।
மன்த³ராத்³ரினிவாஸா ச ஶாரதா³ ஸ்வர்ணமாலினீ ॥ 83॥

ரத்னமாலா ரத்னக³ர்பா⁴ வ்யுஷ்டிர்விஶ்வப்ரமாதி²னீ ।
பத்³மானந்தா³ பத்³மனிபா⁴ நித்யபுஷ்டா க்ருதோத்³ப⁴வா ॥ 84॥

நாராயணீ து³ஷ்டஶிக்ஷா ஸூர்யமாதா வ்ருஷப்ரியா ।
மஹேன்த்³ரப⁴கி³னீ ஸத்யா ஸத்யபா⁴ஷா ஸுகோமலா ॥ 85॥

வாமா ச பஞ்சதபஸாம் வரதா³த்ரீ ப்ரகீர்திதா ।
வாச்யவர்ணேஶ்வரீ வித்³யா து³ர்ஜயா து³ரதிக்ரமா ॥ 86॥

காலராத்ரிர்மஹாவேகா³ வீரப⁴த்³ரப்ரியா ஹிதா ।
ப⁴த்³ரகாலீ ஜக³ன்மாதா ப⁴க்தானாம் ப⁴த்³ரதா³யினீ ॥ 87॥

கராலா பிங்க³லாகாரா காமபே⁴த்த்ரீ மஹாமனா: ।
யஶஸ்வினீ யஶோதா³ ச ஷட³த்⁴வபரிவர்திகா ॥ 88॥

ஶங்கி²னீ பத்³மினீ ஸங்க்³யா ஸாங்க்³யயோக³ப்ரவர்திகா ।
சைத்ராதி³ர்வத்ஸராரூடா⁴ ஜக³த்ஸம்பூரணீன்த்³ரஜா ॥ 89॥

ஶும்ப⁴க்⁴னீ கே²சராராத்⁴யா கம்பு³க்³ரீவா ப³லீடி³தா ।
க²கா³ரூடா⁴ மஹைஶ்வர்யா ஸுபத்³மனிலயா ததா² ॥ 9௦॥

விரக்தா க³ருட³ஸ்தா² ச ஜக³தீஹ்ருத்³கு³ஹாஶ்ரயா ।
ஶும்பா⁴தி³மத²னா ப⁴க்தஹ்ருத்³க³ஹ்வரனிவாஸினீ ॥ 91॥

ஜக³த்த்த்ரயாரணீ ஸித்³த⁴ஸங்கல்பா காமதா³ ததா² ।
ஸர்வவிஜ்ஞானதா³த்ரீ சானல்பகல்மஷஹாரிணீ ॥ 92॥

ஸகலோபனிஷத்³க³ம்யா து³ஷ்டது³ஷ்ப்ரேக்ஷ்யஸத்தமா ।
ஸத்³வ்ருதா லோகஸம்வ்யாப்தா துஷ்டி: புஷ்டி: க்ரியாவதீ ॥ 93॥

விஶ்வாமரேஶ்வரீ சைவ பு⁴க்திமுக்திப்ரதா³யினீ ।
ஶிவாத்⁴ருதா லோஹிதாக்ஷீ ஸர்பமாலாவிபூ⁴ஷணா ॥ 94॥

நிரானந்தா³ த்ரிஶூலாஸித⁴னுர்பா³ணாதி³தா⁴ரிணீ ।
அஶேஷத்⁴யேயமூர்திஶ்ச தே³வதானாம் ச தே³வதா ॥ 95॥

வராம்பி³கா கி³ரே: புத்ரீ நிஶும்ப⁴வினிபாதினீ ।
ஸுவர்ணா ஸ்வர்ணலஸிதானந்தவர்ணா ஸதா³த்⁴ருதா ॥ 96॥

ஶாங்கரீ ஶான்தஹ்ருத³யா அஹோராத்ரவிதா⁴யிகா ।
விஶ்வகோ³ப்த்ரீ கூ³ட⁴ரூபா கு³ணபூர்ணா ச கா³ர்க்³யஜா ॥ 97॥

கௌ³ரீ ஶாகம்ப⁴ரீ ஸத்யஸன்தா⁴ ஸன்த்⁴யாத்ரயீத்⁴ருதா ।
ஸர்வபாபவினிர்முக்தா ஸர்வப³ன்த⁴விவர்ஜிதா ॥ 98॥

ஸாங்க்³யயோக³ஸமாக்²யாதா அப்ரமேயா முனீடி³தா ।
விஶுத்³த⁴ஸுகுலோத்³பூ⁴தா பி³ன்து³னாத³ஸமாத்³ருதா ॥ 99॥

ஶம்பு⁴வாமாங்ககா³ சைவ ஶஶிதுல்யனிபா⁴னநா ।
வனமாலாவிராஜன்தீ அனந்தஶயனாத்³ருதா ॥ 1௦௦॥

நரனாராயணோத்³பூ⁴தா நாரஸிம்ஹீ ப்ரகீர்திதா ।
தை³த்யப்ரமாதி²னீ ஶங்க²சக்ரபத்³மக³தா³த⁴ரா ॥ 1௦1॥

ஸங்கர்ஷணஸமுத்பன்னா அம்பி³கா ஸஜ்ஜனாஶ்ரயா ।
ஸுவ்ருதா ஸுன்த³ரீ சைவ த⁴ர்மகாமார்த²தா³யினீ ॥ 1௦2॥

மோக்ஷதா³ ப⁴க்தினிலயா புராணபுருஷாத்³ருதா ।
மஹாவிபூ⁴திதா³ராத்⁴யா ஸரோஜனிலயாஸமா ॥ 1௦3॥

அஷ்டாத³ஶபு⁴ஜானாதி³ர்னீலோத்பலத³லாக்ஷிணீ ।
ஸர்வஶக்திஸமாரூடா⁴ த⁴ர்மாத⁴ர்மவிவர்ஜிதா ॥ 1௦4॥

வைராக்³யஜ்ஞானநிரதா நிராலோகா நிரின்த்³ரியா ।
விசித்ரக³ஹனாதா⁴ரா ஶாஶ்வதஸ்தா²னவாஸினீ ॥ 1௦5॥

ஜ்ஞானேஶ்வரீ பீதசேலா வேத³வேதா³ங்க³பாரகா³ ।
மனஸ்வினீ மன்யுமாதா மஹாமன்யுஸமுத்³ப⁴வா ॥ 1௦6॥

அமன்யுரம்ருதாஸ்வாதா³ புரன்த³ரபரிஷ்டுதா ।
அஶோச்யா பி⁴ன்னவிஷயா ஹிரண்யரஜதப்ரியா ॥ 1௦7॥

ஹிரண்யஜனநீ பீ⁴மா ஹேமாப⁴ரணபூ⁴ஷிதா ।
விப்⁴ராஜமானா து³ர்ஜ்ஞேயா ஜ்யோதிஷ்டோமப²லப்ரதா³ ॥ 1௦8॥

மஹானித்³ராஸமுத்பத்திரனித்³ரா ஸத்யதே³வதா ।
தீ³ர்கா⁴ ககுத்³மினீ பிங்கஜ³டாதா⁴ரா மனோஜ்ஞதீ⁴: ॥ 1௦9॥

மஹாஶ்ரயா ரமோத்பன்னா தம:பாரே ப்ரதிஷ்டி²தா ।
த்ரிதத்த்வமாதா த்ரிவிதா⁴ ஸுஸூக்ஷ்மா பத்³மஸம்ஶ்ரயா ॥ 11௦॥

ஶான்த்யதீதகலாதீதவிகாரா ஶ்வேதசேலிகா ।
சித்ரமாயா ஶிவஜ்ஞானஸ்வரூபா தை³த்யமாதி²னீ ॥ 111॥

காஶ்யபீ காலஸர்பாப⁴வேணிகா ஶாஸ்த்ரயோனிகா ।
த்ரயீமூர்தி: க்ரியாமூர்திஶ்சதுர்வர்கா³ ச த³ர்ஶினீ ॥ 112॥

நாராயணீ நரோத்பன்னா கௌமுதீ³ கான்திதா⁴ரிணீ ।
கௌஶிகீ லலிதா லீலா பராவரவிபா⁴வினீ ॥ 113॥

வரேண்யாத்³பு⁴தமஹாத்ம்யா வட³வா வாமலோசனா ।
ஸுப⁴த்³ரா சேதனாராத்⁴யா ஶான்திதா³ ஶான்திவர்தி⁴னீ ॥ 114॥

ஜயாதி³ஶக்திஜனநீ ஶக்திசக்ரப்ரவர்திகா ।
த்ரிஶக்திஜனநீ ஜன்யா ஷட்ஸூத்ரபரிவர்ணிதா ॥ 115॥

ஸுதௌ⁴தகர்மணாராத்⁴யா யுகா³ன்தத³ஹனாத்மிகா ।
ஸங்கர்ஷிணீ ஜக³த்³தா⁴த்ரீ காமயோனி: கிரீடினீ ॥ 116॥

ஐன்த்³ரீ த்ரைலோக்யனமிதா வைஷ்ணவீ பரமேஶ்வரீ ।
ப்ரத்³யும்னஜனநீ பி³ம்ப³ஸமோஷ்டீ² பத்³மலோசனா ॥ 117॥

மதோ³த்கடா ஹம்ஸக³தி: ப்ரசண்டா³ சண்ட³விக்ரமா ।
வ்ருஷாதீ⁴ஶா பராத்மா ச வின்த்⁴யா பர்வதவாஸினீ ॥ 118॥

ஹிமவன்மேருனிலயா கைலாஸபுரவாஸினீ ।
சாணூரஹன்த்ரீ நீதிஜ்ஞா காமரூபா த்ரயீதனு: ॥ 119॥

வ்ரதஸ்னாதா த⁴ர்மஶீலா ஸிம்ஹாஸனநிவாஸினீ ।
வீரப⁴த்³ராத்³ருதா வீரா மஹாகாலஸமுத்³ப⁴வா ॥ 12௦॥

வித்³யாத⁴ரார்சிதா ஸித்³த⁴ஸாத்⁴யாராதி⁴தபாது³கா ।
ஶ்ரத்³தா⁴த்மிகா பாவனீ ச மோஹினீ அசலாத்மிகா ॥ 121॥

மஹாத்³பு⁴தா வாரிஜாக்ஷீ ஸிம்ஹவாஹனகா³மினீ ।
மனீஷிணீ ஸுதா⁴வாணீ வீணாவாத³னதத்பரா ॥ 122॥

ஶ்வேதவாஹனிஷேவ்யா ச லஸன்மதிரருன்த⁴தீ ।
ஹிரண்யாக்ஷீ ததா² சைவ மஹானந்த³ப்ரதா³யினீ ॥ 123॥

வஸுப்ரபா⁴ ஸுமால்யாப்தகன்த⁴ரா பங்கஜானநா ।
பராவரா வராரோஹா ஸஹஸ்ரனயனார்சிதா ॥ 124॥

ஶ்ரீரூபா ஶ்ரீமதீ ஶ்ரேஷ்டா² ஶிவனாம்னீ ஶிவப்ரியா ।
ஶ்ரீப்ரதா³ ஶ்ரிதகல்யாணா ஶ்ரீத⁴ரார்த⁴ஶரீரிணீ ॥ 125॥

ஶ்ரீகலானந்தத்³ருஷ்டிஶ்ச ஹ்யக்ஷுத்³ராராதிஸூத³னீ ।
ரக்தபீ³ஜனிஹன்த்ரீ ச தை³த்யஸங்க³விமர்தி³னீ ॥ 126॥

ஸிம்ஹாரூடா⁴ ஸிம்ஹிகாஸ்யா தை³த்யஶோணிதபாயினீ ।
ஸுகீர்திஸஹிதாச்சி²ன்னஸம்ஶயா ரஸவேதி³னீ ॥ 127॥

கு³ணாபி⁴ராமா நாகா³ரிவாஹனா நிர்ஜரார்சிதா ।
நித்யோதி³தா ஸ்வயஞ்ஜ்யோதி: ஸ்வர்ணகாயா ப்ரகீர்திதா ॥ 128॥

வஜ்ரத³ண்டா³ங்கிதா சைவ ததா²ம்ருதஸஞ்ஜீவினீ ।
வஜ்ரச்ச²ன்னா தே³வதே³வீ வரவஜ்ரஸ்வவிக்³ரஹா ॥ 129॥

மாங்க³ல்யா மங்க³லாத்மா ச மாலினீ மால்யதா⁴ரிணீ ।
க³ன்த⁴ர்வீ தருணீ சான்த்³ரீ க²ட்³கா³யுத⁴த⁴ரா ததா² ॥ 13௦॥

ஸௌதா³மினீ ப்ரஜானந்தா³ ததா² ப்ரோக்தா ப்⁴ருகூ³த்³ப⁴வா ।
ஏகானங்கா³ ச ஶாஸ்த்ரார்த²குஶலா த⁴ர்மசாரிணீ ॥ 131॥

த⁴ர்மஸர்வஸ்வவாஹா ச த⁴ர்மாத⁴ர்மவினிஶ்சயா ।
த⁴ர்மஶக்திர்த⁴ர்மமயா தா⁴ர்மிகானாம் ஶிவப்ரதா³ ॥ 132॥

வித⁴ர்மா விஶ்வத⁴ர்மஜ்ஞா த⁴ர்மார்தா²ன்தரவிக்³ரஹா ।
த⁴ர்மவர்ஷ்மா த⁴ர்மபூர்வா த⁴ர்மபாரங்க³தான்தரா ॥ 133॥

த⁴ர்மோபதே³ஷ்ட்ரீ த⁴ர்மாத்மா த⁴ர்மக³ம்யா த⁴ராத⁴ரா ।
கபாலினீ ஶாகலினீ கலாகலிதவிக்³ரஹா ॥ 134॥

ஸர்வஶக்திவிமுக்தா ச கர்ணிகாரத⁴ராக்ஷரா।
கம்ஸப்ராணஹரா சைவ யுக³த⁴ர்மத⁴ரா ததா² ॥ 135॥

யுக³ப்ரவர்திகா ப்ரோக்தா த்ரிஸன்த்⁴யா த்⁴யேயவிக்³ரஹா ।
ஸ்வர்கா³பவர்க³தா³த்ரீ ச ததா² ப்ரத்யக்ஷதே³வதா ॥ 136॥

ஆதி³த்யா தி³வ்யக³ன்தா⁴ ச தி³வாகரனிப⁴ப்ரபா⁴ ।
பத்³மாஸனக³தா ப்ரோக்தா க²ட்³க³பா³ணஶராஸனா ॥ 137॥

ஶிஷ்டா விஶிஷ்டா ஶிஷ்டேஷ்டா ஶிஷ்டஶ்ரேஷ்ட²ப்ரபூஜிதா ।
ஶதரூபா ஶதாவர்தா விததா ராஸமோதி³னீ ॥ 138॥

ஸூர்யேன்து³னேத்ரா ப்ரத்³யும்னஜனநீ ஸுஷ்டு²மாயினீ ।
ஸூர்யான்தரஸ்தி²தா சைவ ஸத்ப்ரதிஷ்ட²தவிக்³ரஹா ॥ 139॥

நிவ்ருத்தா ப்ரோச்யதே ஜ்ஞானபாரகா³ பர்வதாத்மஜா ।
காத்யாயனீ சண்டி³கா ச சண்டீ³ ஹைமவதீ ததா² ॥ 14௦॥

தா³க்ஷாயணீ ஸதீ சைவ ப⁴வானீ ஸர்வமங்க³லா ।
தூ⁴ம்ரலோசனஹன்த்ரீ ச சண்ட³முண்ட³வினாஶினீ ॥ 141॥

யோக³னித்³ரா யோக³ப⁴த்³ரா ஸமுத்³ரதனயா ததா² ।
தே³வப்ரியங்கரீ ஶுத்³தா⁴ ப⁴க்தப⁴க்திப்ரவர்தி⁴னீ ॥ 142॥

த்ரிணேத்ரா சன்த்³ரமுகுடா ப்ரமதா²ர்சிதபாது³கா ।
அர்ஜுனாபீ⁴ஷ்டதா³த்ரீ ச பாண்ட³வப்ரியகாரிணீ ॥ 143॥

குமாரலாலனாஸக்தா ஹரபா³ஹூபதா⁴னிகா ।
விக்⁴னேஶஜனநீ ப⁴க்தவிக்⁴னஸ்தோமப்ரஹாரிணீ ॥ 144॥

ஸுஸ்மிதேன்து³முகீ² நம்யா ஜயாப்ரியஸகீ² ததா² ।
அனாதி³னித⁴னா ப்ரேஷ்டா² சித்ரமால்யானுலேபனா ॥ 145॥

கோடிசன்த்³ரப்ரதீகாஶா கூடஜாலப்ரமாதி²னீ ।
க்ருத்யாப்ரஹாரிணீ சைவ மாரணோச்சாடனீ ததா² ॥ 146॥

ஸுராஸுரப்ரவன்த்³யாங்க்⁴ரிர்மோஹக்⁴னீ ஜ்ஞானதா³யினீ ।
ஷட்³வைரினிக்³ரஹகரீ வைரிவித்³ராவிணீ ததா² ॥ 147॥

பூ⁴தஸேவ்யா பூ⁴ததா³த்ரீ பூ⁴தபீடா³விமர்தி³கா ।
நாரத³ஸ்துதசாரித்ரா வரதே³ஶா வரப்ரதா³ ॥ 148॥

வாமதே³வஸ்துதா சைவ காமதா³ ஸோமஶேக²ரா ।
தி³க்பாலஸேவிதா ப⁴வ்யா பா⁴மினீ பா⁴வதா³யினீ ॥ 149॥

ஸ்த்ரீஸௌபா⁴க்³யப்ரதா³த்ரீ ச போ⁴க³தா³ ரோக³னாஶினீ ।
வ்யோமகா³ பூ⁴மிகா³ சைவ முனிபூஜ்யபதா³ம்பு³ஜா ।
வனது³ர்கா³ ச து³ர்போ³தா⁴ மஹாது³ர்கா³ ப்ரகீர்திதா ॥ 15௦॥

ப²லஶ்ருதி:

இதீத³ம் கீர்தித³ம் ப⁴த்³ர து³ர்கா³னாமஸஹஸ்ரகம் ।
த்ரிஸன்த்⁴யம் ய: படே²ன்னித்யம் தஸ்ய லக்ஷ்மீ: ஸ்தி²ரா ப⁴வேத் ॥ 1॥

க்³ரஹபூ⁴தபிஶாசாதி³பீடா³ நஶ்யத்யஸம்ஶயம் ।
பா³லக்³ரஹாதி³பீடா³யா: ஶான்திர்ப⁴வதி கீர்தனாத் ॥ 2॥

மாரிகாதி³மஹாரோகே³ பட²தாம் ஸௌக்²யத³ம் ந்ருணாம் ।
வ்யவஹாரே ச ஜயத³ம் ஶத்ருபா³தா⁴னிவாரகம் ॥ 3॥

த³ம்பத்யோ: கலஹே ப்ராப்தே மித:² ப்ரேமாபி⁴வர்த⁴கம் ।
ஆயுராரோக்³யத³ம் பும்ஸாம் ஸர்வஸம்பத்ப்ரதா³யகம் ॥ 4॥

வித்³யாபி⁴வர்த⁴கம் நித்யம் பட²தாமர்த²ஸாத⁴கம் ।
ஶுப⁴த³ம் ஶுப⁴கார்யேஷு பட²தாம் ஶ்ருணுதாமபி ॥ 5॥

ய: பூஜயதி து³ர்கா³ம் தாம் து³ர்கா³னாமஸஹஸ்ரகை: ।
புஷ்பை: குங்குமஸம்மிஶ்ரை: ஸ து யத்காங்க்ஷதே ஹ்ருதி³ ॥ 6॥

தத்ஸர்வம் ஸமவாப்னோதி நாஸ்தி நாஸ்த்யத்ர ஸம்ஶய: ।
யன்முகே² த்⁴ரியதே நித்யம் து³ர்கா³னாமஸஹஸ்ரகம் ॥ 7॥

கிம் தஸ்யேதரமன்த்ரௌகை⁴: கார்யம் த⁴ன்யதமஸ்ய ஹி ।
து³ர்கா³னாமஸஹஸ்ரஸ்ய புஸ்தகம் யத்³க்³ருஹே ப⁴வேத் ॥ 8॥

ந தத்ர க்³ரஹபூ⁴தாதி³பா³தா⁴ ஸ்யான்மங்க³லாஸ்பதே³ ।
தத்³க்³ருஹம் புண்யத³ம் க்ஷேத்ரம் தே³வீஸான்னித்⁴யகாரகம் ॥ 9॥

ஏதஸ்ய ஸ்தோத்ரமுக்²யஸ்ய பாட²க: ஶ்ரேஷ்ட²மன்த்ரவித் ।
தே³வதாயா: ப்ரஸாதே³ன ஸர்வபூஜ்ய: ஸுகீ² ப⁴வேத் ॥ 1௦॥

இத்யேதன்னக³ராஜேன கீர்திதம் முனிஸத்தம ।
கு³ஹ்யாத்³கு³ஹ்யதரம் ஸ்தோத்ரம் த்வயி ஸ்னேஹாத் ப்ரகீர்திதம் ॥ 11॥

ப⁴க்தாய ஶ்ரத்³த⁴தா⁴னாய கேவலம் கீர்த்யதாமித³ம் ।
ஹ்ருதி³ தா⁴ரய நித்யம் த்வம் தே³வ்யனுக்³ரஹஸாத⁴கம் ॥ 12॥ ॥

இதி ஶ்ரீஸ்கான்த³புராணே ஸ்கன்த³னாரத³ஸம்வாதே³ து³ர்கா³ஸஹஸ்ரனாமஸ்தோத்ரம் ஸம்பூர்ணம் ॥