Oriya

Soundarya Lahari – Oriya

0 Comments 30 December 2010

PDFLarge PDFMultimediaMeaning

View this in:
English Devanagari Telugu Tamil Kannada Malayalam Gujarati Oriya Bengali |

 

ରଚନ: ଆଦି ଶଂକରାଚାର୍ୟ

ପ୍ରଥମ ଭାଗଃ – ଆନନ୍ଦ ଲହରି

ଭୁମୌସ୍ଖଲିତ ପାଦାନାମ ଭୂମିରେଵା ଵଲମ୍ବନମ |
ତ୍ଵୟୀ ଜାତା ପରାଧାନାମ ତ୍ଵମେଵ ଶରଣମ ଶିଵେ ||

ଶିଵଃ ଶକ୍ତ୍ୟା ୟୁକ୍ତୋ ୟଦି ଭଵତି ଶକ୍ତଃ ପ୍ରଭଵିତୁଂ
ନ ଚେଦେଵଂ ଦେଵୋ ନ ଖଲୁ କୁଶଲଃ ସ୍ପନ୍ଦିତୁମପି|
ଅତସ୍ତ୍ଵାମ ଆରାଧ୍ୟାଂ ହରି-ହର-ଵିରିନ୍ଚାଦିଭି ରପି
ପ୍ରଣନ୍ତୁଂ ସ୍ତୋତୁଂ ଵା କଥ-ମକ୍ର୍ତ ପୁଣ୍ୟଃ ପ୍ରଭଵତି|| 1 ||

ତନୀୟାଂସୁଂ ପାଂସୁଂ ତଵ ଚରଣ ପଙ୍କେରୁହ-ଭଵଂ
ଵିରିଂଚିଃ ସଂଚିନ୍ଵନ ଵିରଚୟତି ଲୋକା-ନଵିକଲମ |
ଵହତ୍ୟେନଂ ଶୌରିଃ କଥମପି ସହସ୍ରେଣ ଶିରସାଂ
ହରଃ ସଂକ୍ଷୁଦ-ୟୈନଂ ଭଜତି ଭସିତୋଦ୍ଧୂଳ ନଵିଧିମ|| 2 ||

ଅଵିଦ୍ୟାନା-ମନ୍ତ-ସ୍ତିମିର-ମିହିର ଦ୍ଵୀପନଗରୀ
ଜଡାନାଂ ଚୈତନ୍ୟ-ସ୍ତବକ ମକରନ୍ଦ ଶ୍ରୁତିଝରୀ |
ଦରିଦ୍ରାଣାଂ ଚିନ୍ତାମଣି ଗୁଣନିକା ଜନ୍ମଜଲଧୌ
ନିମଗ୍ନାନାଂ ଦଂଷ୍ଟ୍ରା ମୁରରିପୁ ଵରାହସ୍ୟ ଭଵତି|| 3 ||

ତ୍ଵଦନ୍ୟଃ ପାଣିଭୟା-ମଭୟଵରଦୋ ଦୈଵତଗଣଃ
ତ୍ଵମେକା ନୈଵାସି ପ୍ରକଟିତ-ଵରଭୀତ୍ୟଭିନୟା |
ଭୟାତ ତ୍ରାତୁଂ ଦାତୁଂ ଫଲମପି ଚ ଵାଂଛାସମଧିକଂ
ଶରଣ୍ୟେ ଲୋକାନାଂ ତଵ ହି ଚରଣାଵେଵ ନିପୁଣୌ || 4 ||

ହରିସ୍ତ୍ଵାମାରଧ୍ୟ ପ୍ରଣତ-ଜନ-ସୌଭାଗ୍ୟ-ଜନନୀଂ
ପୁରା ନାରୀ ଭୂତ୍ଵା ପୁରରିପୁମପି କ୍ଷୋଭ ମନୟତ |
ସ୍ମରୋ‌உପି ତ୍ଵାଂ ନତ୍ଵା ରତିନୟନ-ଲେହ୍ୟେନ ଵପୁଷା
ମୁନୀନାମପ୍ୟନ୍ତଃ ପ୍ରଭଵତି ହି ମୋହାୟ ମହତାମ || 5 ||

ଧନୁଃ ପୌଷ୍ପଂ ମୌର୍ଵୀ ମଧୁକରମୟୀ ପଞ୍ଚ ଵିଶିଖାଃ
ଵସନ୍ତଃ ସାମନ୍ତୋ ମଲୟମରୁ-ଦାୟୋଧନ-ରଥଃ |
ତଥାପ୍ୟେକଃ ସର୍ଵଂ ହିମଗିରିସୁତେ କାମପି କୃପାଂ
ଅପାଂଗାତ୍ତେ ଲବ୍ଧ୍ଵା ଜଗଦିଦ-ମନଙ୍ଗୋ ଵିଜୟତେ || 6 ||

କ୍ଵଣତ୍କାଞ୍ଚୀ-ଦାମା କରି କଲଭ କୁଂଭ-ସ୍ତନନତା
ପରିକ୍ଷୀଣା ମଧ୍ୟେ ପରିଣତ ଶରଚ୍ଚନ୍ଦ୍ର-ଵଦନା |
ଧନୁର୍ବାଣାନ ପାଶଂ ସୃଣିମପି ଦଧାନା କରତଲୈଃ
ପୁରସ୍ତା ଦାସ୍ତାଂ ନଃ ପୁରମଥିତୁ ରାହୋ-ପୁରୁଷିକା || 7 ||

ସୁଧାସିନ୍ଧୋର୍ମଧ୍ୟେ ସୁରଵିଟ-ପିଵାଟୀ-ପରିଵୃତେ
ମଣିଦ୍ଵୀପେ ନୀପୋ-ପଵନଵତି ଚିନ୍ତାମଣି ଗୃହେ |
ଶିଵକାରେ ମଞ୍ଚେ ପରମଶିଵ-ପର୍ୟଙ୍କ ନିଲୟାମ
ଭଜନ୍ତି ତ୍ଵାଂ ଧନ୍ୟାଃ କତିଚନ ଚିଦାନନ୍ଦ-ଲହରୀମ || 8 ||

ମହୀଂ ମୂଲାଧାରେ କମପି ମଣିପୂରେ ହୁତଵହଂ
ସ୍ଥିତଂ ସ୍ଵଧିଷ୍ଟାନେ ହୃଦି ମରୁତ-ମାକାଶ-ମୁପରି |
ମନୋ‌உପି ଭ୍ରୂମଧ୍ୟେ ସକଲମପି ଭିତ୍ଵା କୁଲପଥଂ
ସହସ୍ରାରେ ପଦ୍ମେ ସ ହରହସି ପତ୍ୟା ଵିହରସେ || 9 ||

ସୁଧାଧାରାସାରୈ-ଶ୍ଚରଣୟୁଗଲାନ୍ତ-ର୍ଵିଗଲିତୈଃ
ପ୍ରପଂଚଂ ସିନ୍ଞ୍ନ୍ତୀ ପୁନରପି ରସାମ୍ନାୟ-ମହସଃ|
ଅଵାପ୍ୟ ସ୍ଵାଂ ଭୂମିଂ ଭୁଜଗନିଭ-ମଧ୍ୟୁଷ୍ଟ-ଵଲୟଂ
ସ୍ଵମାତ୍ମାନଂ କୃତ୍ଵା ସ୍ଵପିଷି କୁଲକୁଣ୍ଡେ କୁହରିଣି || 10 ||

ଚତୁର୍ଭିଃ ଶ୍ରୀକଣ୍ଠୈଃ ଶିଵୟୁଵତିଭିଃ ପଞ୍ଚଭିପି
ପ୍ରଭିନ୍ନାଭିଃ ଶଂଭୋର୍ନଵଭିରପି ମୂଲପ୍ରକୃତିଭିଃ |
ଚତୁଶ୍ଚତ୍ଵାରିଂଶଦ-ଵସୁଦଲ-କଲାଶ୍ଚ-ତ୍ରିଵଲୟ-
ତ୍ରିରେଖଭିଃ ସାର୍ଧଂ ତଵ ଶରଣକୋଣାଃ ପରିଣତାଃ || 11 ||

ତ୍ଵଦୀୟଂ ସୌନ୍ଦର୍ୟଂ ତୁହିନଗିରିକନ୍ୟେ ତୁଲୟିତୁଂ
କଵୀନ୍ଦ୍ରାଃ କଲ୍ପନ୍ତେ କଥମପି ଵିରିଞ୍ଚି-ପ୍ରଭୃତୟଃ |
ୟଦାଲୋକୌତ୍ସୁକ୍ୟା-ଦମରଲଲନା ୟାନ୍ତି ମନସା
ତପୋଭିର୍ଦୁଷ୍ପ୍ରାପାମପି ଗିରିଶ-ସାୟୁଜ୍ୟ-ପଦଵୀମ || 12 ||

ନରଂ ଵର୍ଷୀୟାଂସଂ ନୟନଵିରସଂ ନର୍ମସୁ ଜଡଂ
ତଵାପାଂଗାଲୋକେ ପତିତ-ମନୁଧାଵନ୍ତି ଶତଶଃ |
ଗଲଦ୍ଵେଣୀବନ୍ଧାଃ କୁଚକଲଶ-ଵିସ୍ତ୍ରିସ୍ତ-ସିଚୟା
ହଟାତ ତ୍ରୁଟ୍ୟତ୍କାଞ୍ୟୋ ଵିଗଲିତ-ଦୁକୂଲା ୟୁଵତୟଃ || 13 ||

କ୍ଷିତୌ ଷଟ୍ପଞ୍ଚାଶଦ-ଦ୍ଵିସମଧିକ-ପଞ୍ଚାଶ-ଦୁଦକେ
ହୁତଶେ ଦ୍ଵାଷଷ୍ଟି-ଶ୍ଚତୁରଧିକ-ପଞ୍ଚାଶ-ଦନିଲେ |
ଦିଵି ଦ୍ଵିଃ ଷଟ ତ୍ରିଂଶନ ମନସି ଚ ଚତୁଃଷଷ୍ଟିରିତି ୟେ
ମୟୂଖା-ସ୍ତେଷା-ମପ୍ୟୁପରି ତଵ ପାଦାଂବୁଜ-ୟୁଗମ || 14 ||

ଶରଜ୍ଜ୍ୟୋତ୍ସ୍ନା ଶୁଦ୍ଧାଂ ଶଶିୟୁତ-ଜଟାଜୂଟ-ମକୁଟାଂ
ଵର-ତ୍ରାସ-ତ୍ରାଣ-ସ୍ଫଟିକଘୁଟିକା-ପୁସ୍ତକ-କରାମ |
ସକୃନ୍ନ ତ୍ଵା ନତ୍ଵା କଥମିଵ ସତାଂ ସନ୍ନିଦଧତେ
ମଧୁ-କ୍ଷୀର-ଦ୍ରାକ୍ଷା-ମଧୁରିମ-ଧୁରୀଣାଃ ଫଣିତୟଃ || 15 ||

କଵୀନ୍ଦ୍ରାଣାଂ ଚେତଃ କମଲଵନ-ବାଲାତପ-ରୁଚିଂ
ଭଜନ୍ତେ ୟେ ସନ୍ତଃ କତିଚିଦରୁଣାମେଵ ଭଵତୀମ |
ଵିରିଞ୍ଚି-ପ୍ରେୟସ୍ୟା-ସ୍ତରୁଣତର-ଶ୍ରୃଙ୍ଗର ଲହରୀ-
ଗଭୀରାଭି-ର୍ଵାଗ୍ଭିଃ ର୍ଵିଦଧତି ସତାଂ ରଞ୍ଜନମମୀ || 16 ||

ସଵିତ୍ରୀଭି-ର୍ଵାଚାଂ ଚଶି-ମଣି ଶିଲା-ଭଙ୍ଗ ରୁଚିଭି-
ର୍ଵଶିନ୍ୟଦ୍ୟାଭି-ସ୍ତ୍ଵାଂ ସହ ଜନନି ସଂଚିନ୍ତୟତି ୟଃ |
ସ କର୍ତା କାଵ୍ୟାନାଂ ଭଵତି ମହତାଂ ଭଙ୍ଗିରୁଚିଭି-
ର୍ଵଚୋଭି-ର୍ଵାଗ୍ଦେଵୀ-ଵଦନ-କମଲାମୋଦ ମଧୁରୈଃ || 17 ||

ତନୁଚ୍ଛାୟାଭିସ୍ତେ ତରୁଣ-ତରଣି-ଶ୍ରୀସରଣିଭି-
ର୍ଦିଵଂ ସର୍ଵା-ମୁର୍ଵୀ-ମରୁଣିମନି ମଗ୍ନାଂ ସ୍ମରତି ୟଃ |
ଭଵନ୍ତ୍ୟସ୍ୟ ତ୍ରସ୍ୟ-ଦ୍ଵନହରିଣ-ଶାଲୀନ-ନୟନାଃ
ସହୋର୍ଵଶ୍ୟା ଵଶ୍ୟାଃ କତି କତି ନ ଗୀର୍ଵାଣ-ଗଣିକାଃ || 18 ||

ମୁଖଂ ବିନ୍ଦୁଂ କୃତ୍ଵା କୁଚୟୁଗମଧ-ସ୍ତସ୍ୟ ତଦଧୋ
ହରାର୍ଧଂ ଧ୍ୟାୟେଦ୍ୟୋ ହରମହିଷି ତେ ମନ୍ମଥକଲାମ |
ସ ସଦ୍ୟଃ ସଂକ୍ଷୋଭଂ ନୟତି ଵନିତା ଇତ୍ୟତିଲଘୁ
ତ୍ରିଲୋକୀମପ୍ୟାଶୁ ଭ୍ରମୟତି ରଵୀନ୍ଦୁ-ସ୍ତନୟୁଗାମ || 19 ||

କିରନ୍ତୀ-ମଙ୍ଗେଭ୍ୟଃ କିରଣ-ନିକୁରୁମ୍ବମୃତରସଂ
ହୃଦି ତ୍ଵା ମାଧତ୍ତେ ହିମକରଶିଲା-ମୂର୍ତିମିଵ ୟଃ |
ସ ସର୍ପାଣାଂ ଦର୍ପଂ ଶମୟତି ଶକୁନ୍ତଧିପ ଇଵ
ଜ୍ଵରପ୍ଲୁଷ୍ଟାନ ଦୃଷ୍ଟ୍ୟା ସୁଖୟତି ସୁଧାଧାରସିରୟା || 20 ||

ତଟିଲ୍ଲେଖା-ତନ୍ଵୀଂ ତପନ ଶଶି ଵୈଶ୍ଵାନର ମୟୀଂ
ନିଷ୍ଣ୍ଣାଂ ଷଣ୍ଣାମପ୍ୟୁପରି କମଲାନାଂ ତଵ କଲାମ |
ମହାପଦ୍ମାତଵ୍ୟାଂ ମୃଦିତ-ମଲମାୟେନ ମନସା
ମହାନ୍ତଃ ପଶ୍ୟନ୍ତୋ ଦଧତି ପରମାହ୍ଲାଦ-ଲହରୀମ || 21 ||

ଭଵାନି ତ୍ଵଂ ଦାସେ ମୟି ଵିତର ଦୃଷ୍ଟିଂ ସକରୁଣାଂ
ଇତି ସ୍ତୋତୁଂ ଵାଞ୍ଛନ କଥୟତି ଭଵାନି ତ୍ଵମିତି ୟଃ |
ତଦୈଵ ତ୍ଵଂ ତସ୍ମୈ ଦିଶସି ନିଜସାୟୁଜ୍ୟ-ପଦଵୀଂ
ମୁକୁନ୍ଦ-ବ୍ରମ୍ହେନ୍ଦ୍ର ସ୍ଫୁଟ ମକୁଟ ନୀରାଜିତପଦାମ || 22 ||

ତ୍ଵୟା ହୃତ୍ଵା ଵାମଂ ଵପୁ-ରପରିତୃପ୍ତେନ ମନସା
ଶରୀରାର୍ଧଂ ଶମ୍ଭୋ-ରପରମପି ଶଙ୍କେ ହୃତମଭୂତ |
ୟଦେତତ ତ୍ଵଦ୍ରୂପଂ ସକଲମରୁଣାଭଂ ତ୍ରିନୟନଂ
କୁଚାଭ୍ୟାମାନମ୍ରଂ କୁଟିଲ-ଶଶିଚୂଡାଲ-ମକୁଟମ || 23 ||

ଜଗତ୍ସୂତେ ଧାତା ହରିରଵତି ରୁଦ୍ରଃ କ୍ଷପୟତେ
ତିରସ୍କୁର୍ଵ-ନ୍ନେତତ ସ୍ଵମପି ଵପୁ-ରୀଶ-ସ୍ତିରୟତି |
ସଦା ପୂର୍ଵଃ ସର୍ଵଂ ତଦିଦ ମନୁଗୃହ୍ଣାତି ଚ ଶିଵ-
ସ୍ତଵାଜ୍ଞା ମଲମ୍ବ୍ୟ କ୍ଷଣଚଲିତୟୋ ର୍ଭ୍ରୂଲତିକୟୋଃ || 24 ||

ତ୍ରୟାଣାଂ ଦେଵାନାଂ ତ୍ରିଗୁଣ-ଜନିତାନାଂ ତଵ ଶିଵେ
ଭଵେତ ପୂଜା ପୂଜା ତଵ ଚରଣୟୋ-ର୍ୟା ଵିରଚିତା |
ତଥା ହି ତ୍ଵତ୍ପାଦୋଦ୍ଵହନ-ମଣିପୀଠସ୍ୟ ନିକଟେ
ସ୍ଥିତା ହ୍ୟେତେ-ଶଶ୍ଵନ୍ମୁକୁଲିତ କରୋତ୍ତଂସ-ମକୁଟାଃ || 25 ||

ଵିରିଞ୍ଚିଃ ପଞ୍ଚତ୍ଵଂ ଵ୍ରଜତି ହରିରାପ୍ନୋତି ଵିରତିଂ
ଵିନାଶଂ କୀନାଶୋ ଭଜତି ଧନଦୋ ୟାତି ନିଧନମ |
ଵିତନ୍ଦ୍ରୀ ମାହେନ୍ଦ୍ରୀ-ଵିତତିରପି ସଂମୀଲିତ-ଦୃଶା
ମହାସଂହାରେ‌உସ୍ମିନ ଵିହରତି ସତି ତ୍ଵତ୍ପତି ରସୌ || 26 ||

ଜପୋ ଜଲ୍ପଃ ଶିଲ୍ପଂ ସକଲମପି ମୁଦ୍ରାଵିରଚନା
ଗତିଃ ପ୍ରାଦକ୍ଷିଣ୍ୟ-କ୍ରମଣ-ମଶନାଦ୍ୟା ହୁତି-ଵିଧିଃ |
ପ୍ରଣାମଃ ସଂଵେଶଃ ସୁଖମଖିଲ-ମାତ୍ମାର୍ପଣ-ଦୃଶା
ସପର୍ୟା ପର୍ୟାୟ-ସ୍ତଵ ଭଵତୁ ୟନ୍ମେ ଵିଲସିତମ || 27 ||

ସୁଧାମପ୍ୟାସ୍ଵାଦ୍ୟ ପ୍ରତି-ଭୟ-ଜରମୃତ୍ୟୁ-ହରିଣୀଂ
ଵିପଦ୍ୟନ୍ତେ ଵିଶ୍ଵେ ଵିଧି-ଶତମଖାଦ୍ୟା ଦିଵିଷଦଃ |
କରାଲଂ ୟତ କ୍ଷ୍ଵେଲଂ କବଲିତଵତଃ କାଲକଲନା
ନ ଶମ୍ଭୋସ୍ତନ୍ମୂଲଂ ତଵ ଜନନି ତାଟଙ୍କ ମହିମା || 28 ||

କିରୀଟଂ ଵୈରିଞ୍ଚଂ ପରିହର ପୁରଃ କୈଟଭଭିଦଃ
କଠୋରେ କୋଠୀରେ ସ୍କଲସି ଜହି ଜଂଭାରି-ମକୁଟମ |
ପ୍ରଣମ୍ରେଷ୍ଵେତେଷୁ ପ୍ରସଭ-ମୁପୟାତସ୍ୟ ଭଵନଂ
ଭଵସ୍ୟଭ୍ୟୁତ୍ଥାନେ ତଵ ପରିଜନୋକ୍ତି-ର୍ଵିଜୟତେ || 29 ||

ସ୍ଵଦେହୋଦ୍ଭୂତାଭି-ର୍ଘୃଣିଭି-ରଣିମାଦ୍ୟାଭି-ରଭିତୋ
ନିଷେଵ୍ୟେ ନିତ୍ୟେ ତ୍ଵା ମହମିତି ସଦା ଭାଵୟତି ୟଃ |
କିମାଶ୍ଚର୍ୟଂ ତସ୍ୟ ତ୍ରିନୟନ-ସମୃଦ୍ଧିଂ ତୃଣୟତୋ
ମହାସଂଵର୍ତାଗ୍ନି-ର୍ଵିରଚୟତି ନୀରାଜନଵିଧିମ || 30 ||

ଚତୁଃ-ଷଷ୍ଟୟା ତନ୍ତ୍ରୈଃ ସକଲ ମତିସନ୍ଧାୟ ଭୁଵନଂ
ସ୍ଥିତସ୍ତତ୍ତ୍ତ-ସିଦ୍ଧି ପ୍ରସଵ ପରତନ୍ତ୍ରୈଃ ପଶୁପତିଃ |
ପୁନସ୍ତ୍ଵ-ନ୍ନିର୍ବନ୍ଧା ଦଖିଲ-ପୁରୁଷାର୍ଥୈକ ଘଟନା-
ସ୍ଵତନ୍ତ୍ରଂ ତେ ତନ୍ତ୍ରଂ କ୍ଷିତିତଲ ମଵାତୀତର-ଦିଦମ || 31 ||

ଶିଵଃ ଶକ୍ତିଃ କାମଃ କ୍ଷିତି-ରଥ ରଵିଃ ଶୀତକିରଣଃ
ସ୍ମରୋ ହଂସଃ ଶକ୍ର-ସ୍ତଦନୁ ଚ ପରା-ମାର-ହରୟଃ |
ଅମୀ ହୃଲ୍ଲେଖାଭି-ସ୍ତିସୃଭି-ରଵସାନେଷୁ ଘଟିତା
ଭଜନ୍ତେ ଵର୍ଣାସ୍ତେ ତଵ ଜନନି ନାମାଵୟଵତାମ || 32 ||

ସ୍ମରଂ ୟୋନିଂ ଲକ୍ଷ୍ମୀଂ ତ୍ରିତୟ-ମିଦ-ମାଦୌ ତଵ ମନୋ
ର୍ନିଧାୟୈକେ ନିତ୍ୟେ ନିରଵଧି-ମହାଭୋଗ-ରସିକାଃ |
ଭଜନ୍ତି ତ୍ଵାଂ ଚିନ୍ତାମଣି-ଗୁଣନିବଦ୍ଧାକ୍ଷ-ଵଲୟାଃ
ଶିଵାଗ୍ନୌ ଜୁହ୍ଵନ୍ତଃ ସୁରଭିଘୃତ-ଧାରାହୁତି-ଶତୈ || 33 ||

ଶରୀରଂ ତ୍ଵଂ ଶଂଭୋଃ ଶଶି-ମିହିର-ଵକ୍ଷୋରୁହ-ୟୁଗଂ
ତଵାତ୍ମାନଂ ମନ୍ୟେ ଭଗଵତି ନଵାତ୍ମାନ-ମନଘମ |
ଅତଃ ଶେଷଃ ଶେଷୀତ୍ୟୟ-ମୁଭୟ-ସାଧାରଣତୟା
ସ୍ଥିତଃ ସଂବନ୍ଧୋ ଵାଂ ସମରସ-ପରାନନ୍ଦ-ପରୟୋଃ || 34 ||

ମନସ୍ତ୍ଵଂ ଵ୍ୟୋମ ତ୍ଵଂ ମରୁଦସି ମରୁତ୍ସାରଥି-ରସି
ତ୍ଵମାପ-ସ୍ତ୍ଵଂ ଭୂମି-ସ୍ତ୍ଵୟି ପରିଣତାୟାଂ ନ ହି ପରମ |
ତ୍ଵମେଵ ସ୍ଵାତ୍ମାନଂ ପରିଣ୍ମୟିତୁଂ ଵିଶ୍ଵ ଵପୁଷା
ଚିଦାନନ୍ଦାକାରଂ ଶିଵୟୁଵତି ଭାଵେନ ବିଭୃଷେ || 35 ||

ତଵାଜ୍ଞଚକ୍ରସ୍ଥଂ ତପନ-ଶଶି କୋଟି-ଦ୍ୟୁତିଧରଂ
ପରଂ ଶଂଭୁ ଵନ୍ଦେ ପରିମିଲିତ-ପାର୍ଶ୍ଵଂ ପରଚିତା |
ୟମାରାଧ୍ୟନ ଭକ୍ତ୍ୟା ରଵି ଶଶି ଶୁଚୀନା-ମଵିଷୟେ
ନିରାଲୋକେ ‌உଲୋକେ ନିଵସତି ହି ଭାଲୋକ-ଭୁଵନେ || 36 ||

ଵିଶୁଦ୍ଧୌ ତେ ଶୁଦ୍ଧସ୍ଫତିକ ଵିଶଦଂ ଵ୍ୟୋମ-ଜନକଂ
ଶିଵଂ ସେଵେ ଦେଵୀମପି ଶିଵସମାନ-ଵ୍ୟଵସିତାମ |
ୟୟୋଃ କାନ୍ତ୍ୟା ୟାନ୍ତ୍ୟାଃ ଶଶିକିରଣ-ସାରୂପ୍ୟସରଣେ
ଵିଧୂତାନ୍ତ-ର୍ଧ୍ଵାନ୍ତା ଵିଲସତି ଚକୋରୀଵ ଜଗତୀ || 37 ||

ସମୁନ୍ମୀଲତ ସଂଵିତ୍କମଲ-ମକରନ୍ଦୈକ-ରସିକଂ
ଭଜେ ହଂସଦ୍ଵନ୍ଦ୍ଵଂ କିମପି ମହତାଂ ମାନସଚରମ |
ୟଦାଲାପା-ଦଷ୍ଟାଦଶ-ଗୁଣିତ-ଵିଦ୍ୟାପରିଣତିଃ
ୟଦାଦତ୍ତେ ଦୋଷାଦ ଗୁଣ-ମଖିଲ-ମଦ୍ଭ୍ୟଃ ପୟ ଇଵ || 38 ||

ତଵ ସ୍ଵାଧିଷ୍ଠାନେ ହୁତଵହ-ମଧିଷ୍ଠାୟ ନିରତଂ
ତମୀଡେ ସଂଵର୍ତଂ ଜନନି ମହତୀଂ ତାଂ ଚ ସମୟାମ |
ୟଦାଲୋକେ ଲୋକାନ ଦହତି ମହସି କ୍ରୋଧ-କଲିତେ
ଦୟାର୍ଦ୍ରା ୟା ଦୃଷ୍ଟିଃ ଶିଶିର-ମୁପଚାରଂ ରଚୟତି || 39 ||

ତଟିତ୍ଵନ୍ତଂ ଶକ୍ତ୍ୟା ତିମିର-ପରିପନ୍ଥି-ସ୍ଫୁରଣୟା
ସ୍ଫୁର-ନ୍ନା ନରତ୍ନାଭରଣ-ପରିଣଦ୍ଧେନ୍ଦ୍ର-ଧନୁଷମ |
ତଵ ଶ୍ୟାମଂ ମେଘଂ କମପି ମଣିପୂରୈକ-ଶରଣଂ
ନିଷେଵେ ଵର୍ଷନ୍ତଂ-ହରମିହିର-ତପ୍ତଂ ତ୍ରିଭୁଵନମ || 40 ||

ତଵାଧାରେ ମୂଲେ ସହ ସମୟୟା ଲାସ୍ୟପରୟା
ନଵାତ୍ମାନ ମନ୍ୟେ ନଵରସ-ମହାତାଣ୍ଡଵ-ନଟମ |
ଉଭାଭ୍ୟା ମେତାଭ୍ୟା-ମୁଦୟ-ଵିଧି ମୁଦ୍ଦିଶ୍ୟ ଦୟୟା
ସନାଥାଭ୍ୟାଂ ଜଜ୍ଞେ ଜନକ ଜନନୀମତ ଜଗଦିଦମ || 41 ||

ଦ୍ଵିତୀୟ ଭାଗଃ – ସୌନ୍ଦର୍ୟ ଲହରୀ

ଗତୈ-ର୍ମାଣିକ୍ୟତ୍ଵଂ ଗଗନମଣିଭିଃ ସାନ୍ଦ୍ରଘଟିତଂ
କିରୀଟଂ ତେ ହୈମଂ ହିମଗିରିସୁତେ କୀତୟତି ୟଃ ||
ସ ନୀଡେୟଚ୍ଛାୟା-ଚ୍ଛୁରଣ-ଶକଲଂ ଚନ୍ଦ୍ର-ଶକଲଂ
ଧନୁଃ ଶୌନାସୀରଂ କିମିତି ନ ନିବଧ୍ନାତି ଧିଷଣାମ || 42 ||

ଧୁନୋତୁ ଧ୍ଵାନ୍ତଂ ନ-ସ୍ତୁଲିତ-ଦଲିତେନ୍ଦୀଵର-ଵନଂ
ଘନସ୍ନିଗ୍ଧ-ଶ୍ଲକ୍ଷ୍ଣଂ ଚିକୁର ନିକୁରୁଂବଂ ତଵ ଶିଵେ |
ୟଦୀୟଂ ସୌରଭ୍ୟଂ ସହଜ-ମୁପଲବ୍ଧୁଂ ସୁମନସୋ
ଵସନ୍ତ୍ୟସ୍ମିନ ମନ୍ୟେ ବଲମଥନ ଵାଟୀ-ଵିଟପିନାମ || 43 ||

ତନୋତୁ କ୍ଷେମଂ ନ-ସ୍ତଵ ଵଦନସୌନ୍ଦର୍ୟଲହରୀ
ପରୀଵାହସ୍ରୋତଃ-ସରଣିରିଵ ସୀମନ୍ତସରଣିଃ|
ଵହନ୍ତୀ- ସିନ୍ଦୂରଂ ପ୍ରବଲକବରୀ-ଭାର-ତିମିର
ଦ୍ଵିଷାଂ ବୃନ୍ଦୈ-ର୍ଵନ୍ଦୀକୃତମେଵ ନଵୀନାର୍କ କେରଣମ || 44 ||

ଅରାଲୈ ସ୍ଵାଭାଵ୍ୟା-ଦଲିକଲଭ-ସଶ୍ରୀଭି ରଲକୈଃ
ପରୀତଂ ତେ ଵକ୍ତ୍ରଂ ପରିହସତି ପଙ୍କେରୁହରୁଚିମ |
ଦରସ୍ମେରେ ୟସ୍ମିନ ଦଶନରୁଚି କିଞ୍ଜଲ୍କ-ରୁଚିରେ
ସୁଗନ୍ଧୌ ମାଦ୍ୟନ୍ତି ସ୍ମରଦହନ ଚକ୍ଷୁ-ର୍ମଧୁଲିହଃ || 45 ||

ଲଲାଟଂ ଲାଵଣ୍ୟ ଦ୍ୟୁତି ଵିମଲ-ମାଭାତି ତଵ ୟତ
ଦ୍ଵିତୀୟଂ ତନ୍ମନ୍ୟେ ମକୁଟଘଟିତଂ ଚନ୍ଦ୍ରଶକଲମ |
ଵିପର୍ୟାସ-ନ୍ୟାସା ଦୁଭୟମପି ସଂଭୂୟ ଚ ମିଥଃ
ସୁଧାଲେପସ୍ୟୂତିଃ ପରିଣମତି ରାକା-ହିମକରଃ || 46 ||

ଭ୍ରୁଵୌ ଭୁଗ୍ନେ କିଂଚିଦ୍ଭୁଵନ-ଭୟ-ଭଙ୍ଗଵ୍ୟସନିନି
ତ୍ଵଦୀୟେ ନେତ୍ରାଭ୍ୟାଂ ମଧୁକର-ରୁଚିଭ୍ୟାଂ ଧୃତଗୁଣମ |
ଧନୁ ର୍ମନ୍ୟେ ସଵ୍ୟେତରକର ଗୃହୀତଂ ରତିପତେଃ
ପ୍ରକୋଷ୍ଟେ ମୁଷ୍ଟୌ ଚ ସ୍ଥଗୟତେ ନିଗୂଢାନ୍ତର-ମୁମେ || 47 ||

ଅହଃ ସୂତେ ସଵ୍ୟ ତଵ ନୟନ-ମର୍କାତ୍ମକତୟା
ତ୍ରିୟାମାଂ ଵାମଂ ତେ ସୃଜତି ରଜନୀନାୟକତୟା |
ତୃତୀୟା ତେ ଦୃଷ୍ଟି-ର୍ଦରଦଲିତ-ହେମାମ୍ବୁଜ-ରୁଚିଃ
ସମାଧତ୍ତେ ସନ୍ଧ୍ୟାଂ ଦିଵସର-ନିଶୟୋ-ରନ୍ତରଚରୀମ || 48 ||

ଵିଶାଲା କଲ୍ୟାଣୀ ସ୍ଫୁତରୁଚି-ରୟୋଧ୍ୟା କୁଵଲୟୈଃ
କୃପାଧାରାଧାରା କିମପି ମଧୁରା‌உ‌உଭୋଗଵତିକା |
ଅଵନ୍ତୀ ଦୃଷ୍ଟିସ୍ତେ ବହୁନଗର-ଵିସ୍ତାର-ଵିଜୟା
ଧ୍ରୁଵଂ ତତ୍ତନ୍ନାମ-ଵ୍ୟଵହରଣ-ୟୋଗ୍ୟାଵିଜୟତେ || 49 ||

କଵୀନାଂ ସନ୍ଦର୍ଭ-ସ୍ତବକ-ମକରନ୍ଦୈକ-ରସିକଂ
କଟାକ୍ଷ-ଵ୍ୟାକ୍ଷେପ-ଭ୍ରମରକଲଭୌ କର୍ଣୟୁଗଲମ |
ଅମୁଞ୍ଚ୍ନ୍ତୌ ଦୃଷ୍ଟ୍ଵା ତଵ ନଵରସାସ୍ଵାଦ-ତରଲୌ
ଅସୂୟା-ସଂସର୍ଗା-ଦଲିକନୟନଂ କିଞ୍ଚିଦରୁଣମ || 50 ||

ଶିଵେ ଶଙ୍ଗାରାର୍ଦ୍ରା ତଦିତରଜନେ କୁତ୍ସନପରା
ସରୋଷା ଗଙ୍ଗାୟାଂ ଗିରିଶଚରିତେ ଵିସ୍ମୟଵତୀ |
ହରାହିଭ୍ୟୋ ଭୀତା ସରସିରୁହ ସୌଭାଗ୍ୟ-ଜନନୀ
ସଖୀଷୁ ସ୍ମେରା ତେ ମୟି ଜନନି ଦୃଷ୍ଟିଃ ସକରୁଣା || 51 ||

ଗତେ କର୍ଣାଭ୍ୟର୍ଣଂ ଗରୁତ ଇଵ ପକ୍ଷ୍ମାଣି ଦଧତୀ
ପୁରାଂ ଭେତ୍ତୁ-ଶ୍ଚିତ୍ତପ୍ରଶମ-ରସ-ଵିଦ୍ରାଵଣ ଫଲେ |
ଇମେ ନେତ୍ରେ ଗୋତ୍ରାଧରପତି-କୁଲୋତ୍ତଂସ-କଲିକେ
ତଵାକର୍ଣାକୃଷ୍ଟ ସ୍ମରଶର-ଵିଲାସଂ କଲୟତଃ|| 52 ||

ଵିଭକ୍ତ-ତ୍ରୈଵର୍ଣ୍ୟଂ ଵ୍ୟତିକରିତ-ଲୀଲାଞ୍ଜନତୟା
ଵିଭାତି ତ୍ଵନ୍ନେତ୍ର ତ୍ରିତୟ ମିଦ-ମୀଶାନଦୟିତେ |
ପୁନଃ ସ୍ରଷ୍ଟୁଂ ଦେଵାନ ଦ୍ରୁହିଣ ହରି-ରୁଦ୍ରାନୁପରତାନ
ରଜଃ ସତ୍ଵଂ ଵେଭ୍ରତ ତମ ଇତି ଗୁଣାନାଂ ତ୍ରୟମିଵ || 53 ||

ପଵିତ୍ରୀକର୍ତୁଂ ନଃ ପଶୁପତି-ପରାଧୀନ-ହୃଦୟେ
ଦୟାମିତ୍ରୈ ର୍ନେତ୍ରୈ-ରରୁଣ-ଧଵଲ-ଶ୍ୟାମ ରୁଚିଭିଃ |
ନଦଃ ଶୋଣୋ ଗଙ୍ଗା ତପନତନୟେତି ଧ୍ରୁଵମୁମ
ତ୍ରୟାଣାଂ ତୀର୍ଥାନା-ମୁପନୟସି ସଂଭେଦ-ମନଘମ || 54 ||

ନିମେଷୋନ୍ମେଷାଭ୍ୟାଂ ପ୍ରଲୟମୁଦୟଂ ୟାତି ଜଗତି
ତଵେତ୍ୟାହୁଃ ସନ୍ତୋ ଧରଣିଧର-ରାଜନ୍ୟତନୟେ |
ତ୍ଵଦୁନ୍ମେଷାଜ୍ଜାତଂ ଜଗଦିଦ-ମଶେଷଂ ପ୍ରଲୟତଃ
ପରେତ୍ରାତୁଂ ଶଂଙ୍କେ ପରିହୃତ-ନିମେଷା-ସ୍ତଵ ଦୃଶଃ || 55 ||

ତଵାପର୍ଣେ କର୍ଣେ ଜପନୟନ ପୈଶୁନ୍ୟ ଚକିତା
ନିଲୀୟନ୍ତେ ତୋୟେ ନିୟତ ମନିମେଷାଃ ଶଫରିକାଃ |
ଇୟଂ ଚ ଶ୍ରୀ-ର୍ବଦ୍ଧଚ୍ଛଦପୁଟକଵାଟଂ କୁଵଲୟଂ
ଜହାତି ପ୍ରତ୍ୟୂଷେ ନିଶି ଚ ଵିଘତୟ୍ୟ ପ୍ରଵିଶତି|| 56 ||

ଦୃଶା ଦ୍ରାଘୀୟସ୍ୟା ଦରଦଲିତ ନୀଲୋତ୍ପଲ ରୁଚା
ଦଵୀୟାଂସଂ ଦୀନଂ ସ୍ନପା କୃପୟା ମାମପି ଶିଵେ |
ଅନେନାୟଂ ଧନ୍ୟୋ ଭଵତି ନ ଚ ତେ ହାନିରିୟତା
ଵନେ ଵା ହର୍ମ୍ୟେ ଵା ସମକର ନିପାତୋ ହିମକରଃ || 57 ||

ଅରାଲଂ ତେ ପାଲୀୟୁଗଲ-ମଗରାଜନ୍ୟତନୟେ
ନ କେଷା-ମାଧତ୍ତେ କୁସୁମଶର କୋଦଣ୍ଡ-କୁତୁକମ |
ତିରଶ୍ଚୀନୋ ୟତ୍ର ଶ୍ରଵଣପଥ-ମୁଲ୍ଲ୍ଙ୍ୟ୍ୟ ଵିଲସନ
ଅପାଂଗ ଵ୍ୟାସଂଗୋ ଦିଶତି ଶରସନ୍ଧାନ ଧିଷଣାମ || 58 ||

ସ୍ଫୁରଦ୍ଗଣ୍ଡାଭୋଗ-ପ୍ରତିଫଲିତ ତାଟ୍ଙ୍କ ୟୁଗଲଂ
ଚତୁଶ୍ଚକ୍ରଂ ମନ୍ୟେ ତଵ ମୁଖମିଦଂ ମନ୍ମଥରଥମ |
ୟମାରୁହ୍ୟ ଦ୍ରୁହ୍ୟ ତ୍ୟଵନିରଥ ମର୍କେନ୍ଦୁଚରଣଂ
ମହାଵୀରୋ ମାରଃ ପ୍ରମଥପତୟେ ସଜ୍ଜିତଵତେ || 59 ||

ସରସ୍ଵତ୍ୟାଃ ସୂକ୍ତୀ-ରମୃତଲହରୀ କୌଶଲହରୀଃ
ପିବ୍ନତ୍ୟାଃ ଶର୍ଵାଣି ଶ୍ରଵଣ-ଚୁଲୁକାଭ୍ୟା-ମଵିରଲମ |
ଚମତ୍କାରଃ-ଶ୍ଲାଘାଚଲିତ-ଶିରସଃ କୁଣ୍ଡଲଗଣୋ
ଝଣତ୍କରୈସ୍ତାରୈଃ ପ୍ରତିଵଚନ-ମାଚଷ୍ଟ ଇଵ ତେ || 60 ||

ଅସୌ ନାସାଵଂଶ-ସ୍ତୁହିନଗିରିଵଣ୍ଶ-ଧ୍ଵଜପଟି
ତ୍ଵଦୀୟୋ ନେଦୀୟଃ ଫଲତୁ ଫଲ-ମସ୍ମାକମୁଚିତମ |
ଵହତ୍ୟନ୍ତର୍ମୁକ୍ତାଃ ଶିଶିରକର-ନିଶ୍ଵାସ-ଗଲିତଂ
ସମୃଦ୍ଧ୍ୟା ୟତ୍ତାସାଂ ବହିରପି ଚ ମୁକ୍ତାମଣିଧରଃ || 61 ||

ପ୍ରକୃତ୍ୟା‌உ‌உରକ୍ତାୟା-ସ୍ତଵ ସୁଦତି ଦନ୍ଦଚ୍ଛଦରୁଚେଃ
ପ୍ରଵକ୍ଷ୍ୟେ ସଦୃଶ୍ୟଂ ଜନୟତୁ ଫଲଂ ଵିଦ୍ରୁମଲତା |
ନ ବିଂବଂ ତଦ୍ବିଂବ-ପ୍ରତିଫଲନ-ରାଗା-ଦରୁଣିତଂ
ତୁଲାମଧ୍ରାରୋଢୁଂ କଥମିଵ ଵିଲଜ୍ଜେତ କଲୟା || 62 ||

ସ୍ମିତଜ୍ୟୋତ୍ସ୍ନାଜାଲଂ ତଵ ଵଦନଚନ୍ଦ୍ରସ୍ୟ ପିବତାଂ
ଚକୋରାଣା-ମାସୀ-ଦତିରସତୟା ଚଞ୍ଚୁ-ଜଡିମା |
ଅତସ୍ତେ ଶୀତାଂଶୋ-ରମୃତଲହରୀ ମାମ୍ଲରୁଚୟଃ
ପିବନ୍ତୀ ସ୍ଵଚ୍ଛନ୍ଦଂ ନିଶି ନିଶି ଭୃଶଂ କାଞ୍ଜି କଧିୟା || 63 ||

ଅଵିଶ୍ରାନ୍ତଂ ପତ୍ୟୁର୍ଗୁଣଗଣ କଥାମ୍ରେଡନଜପା
ଜପାପୁଷ୍ପଚ୍ଛାୟା ତଵ ଜନନି ଜିହ୍ଵା ଜୟତି ସା |
ୟଦଗ୍ରାସୀନାୟାଃ ସ୍ଫଟିକଦୃଷ-ଦଚ୍ଛଚ୍ଛଵିମୟି
ସରସ୍ଵତ୍ୟା ମୂର୍ତିଃ ପରିଣମତି ମାଣିକ୍ୟଵପୁଷା || 64 ||

ରଣେ ଜିତ୍ଵା ଦୈତ୍ୟା ନପହୃତ-ଶିରସ୍ତ୍ରୈଃ କଵଚିଭିଃ
ନିଵୃତ୍ତୈ-ଶ୍ଚଣ୍ଡାଂଶ-ତ୍ରିପୁରହର-ନିର୍ମାଲ୍ୟ-ଵିମୁଖୈଃ |
ଵିଶାଖେନ୍ଦ୍ରୋପେନ୍ଦ୍ରୈଃ ଶଶିଵିଶଦ-କର୍ପୂରଶକଲା
ଵିଲୀୟନ୍ତେ ମାତସ୍ତଵ ଵଦନତାମ୍ବୂଲ-କବଲାଃ || 65 ||

ଵିପଞ୍ଚ୍ୟା ଗାୟନ୍ତୀ ଵିଵିଧ-ମପଦାନଂ ପଶୁପତେ-
ସ୍ତ୍ଵୟାରବ୍ଧେ ଵକ୍ତୁଂ ଚଲିତଶିରସା ସାଧୁଵଚନେ |
ତଦୀୟୈ-ର୍ମାଧୁର୍ୟୈ-ରପଲପିତ-ତନ୍ତ୍ରୀକଲରଵାଂ
ନିଜାଂ ଵୀଣାଂ ଵାଣୀଂ ନିଚୁଲୟତି ଚୋଲେନ ନିଭୃତମ || 66 ||

କରଗ୍ରେଣ ସ୍ପୃଷ୍ଟଂ ତୁହିନଗିରିଣା ଵତ୍ସଲତୟା
ଗିରିଶେନୋ-ଦସ୍ତଂ ମୁହୁରଧରପାନାକୁଲତୟା |
କରଗ୍ରାହ୍ୟଂ ଶଂଭୋର୍ମୁଖମୁକୁରଵୃନ୍ତଂ ଗିରିସୁତେ
କଥଂକରଂ ବ୍ରୂମ-ସ୍ତଵ ଚୁବୁକମୋପମ୍ୟରହିତମ || 67 ||

ଭୁଜାଶ୍ଲେଷାନ୍ନିତ୍ୟଂ ପୁରଦମୟିତୁଃ କନ୍ଟକଵତୀ
ତଵ ଗ୍ରୀଵା ଧତ୍ତେ ମୁଖକମଲନାଲ-ଶ୍ରିୟମିୟମ |
ସ୍ଵତଃ ଶ୍ଵେତା କାଲା ଗରୁ ବହୁଲ-ଜମ୍ବାଲମଲିନା
ମୃଣାଲୀଲାଲିତ୍ୟଂ ଵହତି ୟଦଧୋ ହାରଲତିକା || 68 ||

ଗଲେ ରେଖାସ୍ତିସ୍ରୋ ଗତି ଗମକ ଗୀତୈକ ନିପୁଣେ
ଵିଵାହ-ଵ୍ୟାନଦ୍ଧ-ପ୍ରଗୁଣଗୁଣ-ସଂଖ୍ୟା ପ୍ରତିଭୁଵଃ |
ଵିରାଜନ୍ତେ ନାନାଵିଧ-ମଧୁର-ରାଗାକର-ଭୁଵାଂ
ତ୍ରୟାଣାଂ ଗ୍ରାମାଣାଂ ସ୍ଥିତି-ନିୟମ-ସୀମାନ ଇଵ ତେ || 69 ||

ମୃଣାଲୀ-ମୃଦ୍ଵୀନାଂ ତଵ ଭୁଜଲତାନାଂ ଚତସୃଣାଂ
ଚତୁର୍ଭିଃ ସୌନ୍ଦ୍ରୟଂ ସରସିଜଭଵଃ ସ୍ତୌତି ଵଦନୈଃ |
ନଖେଭ୍ୟଃ ସନ୍ତ୍ରସ୍ୟନ ପ୍ରଥମ-ମଥନା ଦନ୍ତକରିପୋଃ
ଚତୁର୍ଣାଂ ଶୀର୍ଷାଣାଂ ସମ-ମଭୟହସ୍ତାର୍ପଣ-ଧିୟା || 70 ||

ନଖାନା-ମୁଦ୍ୟୋତୈ-ର୍ନଵନଲିନରାଗଂ ଵିହସତାଂ
କରାଣାଂ ତେ କାନ୍ତିଂ କଥୟ କଥୟାମଃ କଥମୁମେ |
କୟାଚିଦ୍ଵା ସାମ୍ୟଂ ଭଜତୁ କଲୟା ହନ୍ତ କମଲଂ
ୟଦି କ୍ରୀଡଲ୍ଲକ୍ଷ୍ମୀ-ଚରଣତଲ-ଲାକ୍ଷାରସ-ଚଣମ || 71 ||

ସମଂ ଦେଵି ସ୍କନ୍ଦ ଦ୍ଵିପିଵଦନ ପୀତଂ ସ୍ତନୟୁଗଂ
ତଵେଦଂ ନଃ ଖେଦଂ ହରତୁ ସତତଂ ପ୍ରସ୍ନୁତ-ମୁଖମ |
ୟଦାଲୋକ୍ୟାଶଙ୍କାକୁଲିତ ହୃଦୟୋ ହାସଜନକଃ
ସ୍ଵକୁମ୍ଭୌ ହେରଂବଃ ପରିମୃଶତି ହସ୍ତେନ ଝଡିତି || 72 ||

ଅମୂ ତେ ଵକ୍ଷୋଜା-ଵମୃତରସ-ମାଣିକ୍ୟ କୁତୁପୌ
ନ ସନ୍ଦେହସ୍ପନ୍ଦୋ ନଗପତି ପତାକେ ମନସି ନଃ |
ପିବନ୍ତୌ ତୌ ୟସ୍ମା ଦଵିଦିତ ଵଧୂସଙ୍ଗ ରସିକୌ
କୁମାରାଵଦ୍ୟାପି ଦ୍ଵିରଦଵଦନ-କ୍ରୌଞ୍ଚ୍ଦଲନୌ || 73 ||

ଵହତ୍ୟମ୍ବ ସ୍ତ୍ମ୍ବେରମ-ଦନୁଜ-କୁଂଭପ୍ରକୃତିଭିଃ
ସମାରବ୍ଧାଂ ମୁକ୍ତାମଣିଭିରମଲାଂ ହାରଲତିକାମ |
କୁଚାଭୋଗୋ ବିମ୍ବାଧର-ରୁଚିଭି-ରନ୍ତଃ ଶବଲିତାଂ
ପ୍ରତାପ-ଵ୍ୟାମିଶ୍ରାଂ ପୁରଦମୟିତୁଃ କୀର୍ତିମିଵ ତେ || 74 ||

ତଵ ସ୍ତନ୍ୟଂ ମନ୍ୟେ ଧରଣିଧରକନ୍ୟେ ହୃଦୟତଃ
ପୟଃ ପାରାଵାରଃ ପରିଵହତି ସାରସ୍ଵତମିଵ |
ଦୟାଵତ୍ୟା ଦତ୍ତଂ ଦ୍ରଵିଡଶିଶୁ-ରାସ୍ଵାଦ୍ୟ ତଵ ୟତ
କଵୀନାଂ ପ୍ରୌଢାନା ମଜନି କମନୀୟଃ କଵୟିତା || 75 ||

ହରକ୍ରୋଧ-ଜ୍ଵାଲାଵଲିଭି-ରଵଲୀଢେନ ଵପୁଷା
ଗଭୀରେ ତେ ନାଭୀସରସି କୃତସଙୋ ମନସିଜଃ |
ସମୁତ୍ତସ୍ଥୌ ତସ୍ମା-ଦଚଲତନୟେ ଧୂମଲତିକା
ଜନସ୍ତାଂ ଜାନୀତେ ତଵ ଜନନି ରୋମାଵଲିରିତି || 76 ||

ୟଦେତତ୍କାଲିନ୍ଦୀ-ତନୁତର-ତରଙ୍ଗାକୃତି ଶିଵେ
କୃଶେ ମଧ୍ୟେ କିଞ୍ଚିଜ୍ଜନନି ତଵ ୟଦ୍ଭାତି ସୁଧିୟାମ |
ଵିମର୍ଦା-ଦନ୍ୟୋନ୍ୟଂ କୁଚକଲଶୟୋ-ରନ୍ତରଗତଂ
ତନୂଭୂତଂ ଵ୍ୟୋମ ପ୍ରଵିଶଦିଵ ନାଭିଂ କୁହରିଣୀମ || 77 ||

ସ୍ଥିରୋ ଗଙ୍ଗା ଵର୍ତଃ ସ୍ତନମୁକୁଲ-ରୋମାଵଲି-ଲତା
କଲାଵାଲଂ କୁଣ୍ଡଂ କୁସୁମଶର ତେଜୋ-ହୁତଭୁଜଃ |
ରତେ-ର୍ଲୀଲାଗାରଂ କିମପି ତଵ ନାଭିର୍ଗିରିସୁତେ
ବେଲଦ୍ଵାରଂ ସିଦ୍ଧେ-ର୍ଗିରିଶନୟନାନାଂ ଵିଜୟତେ || 78 ||

ନିସର୍ଗ-କ୍ଷୀଣସ୍ୟ ସ୍ତନତଟ-ଭରେଣ କ୍ଲମଜୁଷୋ
ନମନ୍ମୂର୍ତେ ର୍ନାରୀତିଲକ ଶନକୈ-ସ୍ତ୍ରୁଟ୍ୟତ ଇଵ |
ଚିରଂ ତେ ମଧ୍ୟସ୍ୟ ତ୍ରୁଟିତ ତଟିନୀ-ତୀର-ତରୁଣା
ସମାଵସ୍ଥା-ସ୍ଥେମ୍ନୋ ଭଵତୁ କୁଶଲଂ ଶୈଲତନୟେ || 79 ||

କୁଚୌ ସଦ୍ୟଃ ସ୍ଵିଦ୍ୟ-ତ୍ତଟଘଟିତ-କୂର୍ପାସଭିଦୁରୌ
କଷନ୍ତୌ-ଦୌର୍ମୂଲେ କନକକଲଶାଭୌ କଲୟତା |
ତଵ ତ୍ରାତୁଂ ଭଙ୍ଗାଦଲମିତି ଵଲଗ୍ନଂ ତନୁଭୁଵା
ତ୍ରିଧା ନଦ୍ଧ୍ମ ଦେଵୀ ତ୍ରିଵଲି ଲଵଲୀଵଲ୍ଲିଭିରିଵ || 80 ||

ଗୁରୁତ୍ଵଂ ଵିସ୍ତାରଂ କ୍ଷିତିଧରପତିଃ ପାର୍ଵତି ନିଜାତ
ନିତମ୍ବା-ଦାଚ୍ଛିଦ୍ୟ ତ୍ଵୟି ହରଣ ରୂପେଣ ନିଦଧେ |
ଅତସ୍ତେ ଵିସ୍ତୀର୍ଣୋ ଗୁରୁରୟମଶେଷାଂ ଵସୁମତୀଂ
ନିତମ୍ବ-ପ୍ରାଗ୍ଭାରଃ ସ୍ଥଗୟତି ସଘୁତ୍ଵଂ ନୟତି ଚ || 81 ||

କରୀନ୍ଦ୍ରାଣାଂ ଶୁଣ୍ଡାନ-କନକକଦଲୀ-କାଣ୍ଡପଟଲୀଂ
ଉଭାଭ୍ୟାମୂରୁଭ୍ୟା-ମୁଭୟମପି ନିର୍ଜିତ୍ୟ ଭଵତି |
ସୁଵୃତ୍ତାଭ୍ୟାଂ ପତ୍ୟୁଃ ପ୍ରଣତିକଠିନାଭ୍ୟାଂ ଗିରିସୁତେ
ଵିଧିଜ୍ଞେ ଜାନୁଭ୍ୟାଂ ଵିବୁଧ କରିକୁଂଭ ଦ୍ଵୟମସି || 82 ||

ପରାଜେତୁଂ ରୁଦ୍ରଂ ଦ୍ଵିଗୁଣଶରଗର୍ଭୌ ଗିରିସୁତେ
ନିଷଙ୍ଗୌ ଜଙ୍ଘେ ତେ ଵିଷମଵିଶିଖୋ ବାଢ-ମକୃତ |
ୟଦଗ୍ରେ ଦୃସ୍ୟନ୍ତେ ଦଶଶରଫଲାଃ ପାଦୟୁଗଲୀ
ନଖାଗ୍ରଚ୍ଛନ୍ମାନଃ ସୁର ମୁକୁଟ-ଶାଣୈକ-ନିଶିତାଃ || 83 ||

ଶ୍ରୁତୀନାଂ ମୂର୍ଧାନୋ ଦଧତି ତଵ ୟୌ ଶେଖରତୟା
ମମାପ୍ୟେତୌ ମାତଃ ଶେରସି ଦୟୟା ଦେହି ଚରଣୌ |
ୟୟ‌ଓଃ ପାଦ୍ୟଂ ପାଥଃ ପଶୁପତି ଜଟାଜୂଟ ତଟିନୀ
ୟୟୋ-ର୍ଲାକ୍ଷା-ଲକ୍ଷ୍ମୀ-ରରୁଣ ହରିଚୂଡାମଣି ରୁଚିଃ || 84 ||

ନମୋ ଵାକଂ ବ୍ରୂମୋ ନୟନ-ରମଣୀୟାୟ ପଦୟୋଃ
ତଵାସ୍ମୈ ଦ୍ଵନ୍ଦ୍ଵାୟ ସ୍ଫୁଟ-ରୁଚି ରସାଲକ୍ତକଵତେ |
ଅସୂୟତ୍ୟତ୍ୟନ୍ତଂ ୟଦଭିହନନାୟ ସ୍ପୃହୟତେ
ପଶୂନା-ମୀଶାନଃ ପ୍ରମଦଵନ-କଙ୍କେଲିତରଵେ || 85 ||

ମୃଷା କୃତ୍ଵା ଗୋତ୍ରସ୍ଖଲନ-ମଥ ଵୈଲକ୍ଷ୍ୟନମିତଂ
ଲଲାଟେ ଭର୍ତାରଂ ଚରଣକମଲେ ତାଡୟତି ତେ |
ଚିରାଦନ୍ତଃ ଶଲ୍ୟଂ ଦହନକୃତ ମୁନ୍ମୂଲିତଵତା
ତୁଲାକୋଟିକ୍ଵାଣୈଃ କିଲିକିଲିତ ମୀଶାନ ରିପୁଣା || 86 ||

ହିମାନୀ ହନ୍ତଵ୍ୟଂ ହିମଗିରିନିଵାସୈକ-ଚତୁରୌ
ନିଶାୟାଂ ନିଦ୍ରାଣଂ ନିଶି-ଚରମଭାଗେ ଚ ଵିଶଦୌ |
ଵରଂ ଲକ୍ଷ୍ମୀପାତ୍ରଂ ଶ୍ରିୟ-ମତିସୃହନ୍ତୋ ସମୟିନାଂ
ସରୋଜଂ ତ୍ଵତ୍ପାଦୌ ଜନନି ଜୟତ-ଶ୍ଚିତ୍ରମିହ କିମ || 87 ||

ପଦଂ ତେ କୀର୍ତୀନାଂ ପ୍ରପଦମପଦଂ ଦେଵି ଵିପଦାଂ
କଥଂ ନୀତଂ ସଦ୍ଭିଃ କଠିନ-କମଠୀ-କର୍ପର-ତୁଲାମ |
କଥଂ ଵା ବାହୁଭ୍ୟା-ମୁପୟମନକାଲେ ପୁରଭିଦା
ୟଦାଦାୟ ନ୍ୟସ୍ତଂ ଦୃଷଦି ଦୟମାନେନ ମନସା || 88 ||

ନଖୈ-ର୍ନାକସ୍ତ୍ରୀଣାଂ କରକମଲ-ସଂକୋଚ-ଶଶିଭିଃ
ତରୂଣାଂ ଦିଵ୍ୟାନାଂ ହସତ ଇଵ ତେ ଚଣ୍ଡି ଚରଣୌ |
ଫଲାନି ସ୍ଵଃସ୍ଥେଭ୍ୟଃ କିସଲୟ-କରାଗ୍ରେଣ ଦଦତାଂ
ଦରିଦ୍ରେଭ୍ୟୋ ଭଦ୍ରାଂ ଶ୍ରିୟମନିଶ-ମହ୍ନାୟ ଦଦତୌ || 89 ||

ଦଦାନେ ଦୀନେଭ୍ୟଃ ଶ୍ରିୟମନିଶ-ମାଶାନୁସଦୃଶୀଂ
ଅମନ୍ଦଂ ସୌନ୍ଦର୍ୟଂ ପ୍ରକର-ମକରନ୍ଦଂ ଵିକିରତି |
ତଵାସ୍ମିନ ମନ୍ଦାର-ସ୍ତବକ-ସୁଭଗେ ୟାତୁ ଚରଣେ
ନିମଜ୍ଜନ ମଜ୍ଜୀଵଃ କରଣଚରଣଃ ଷ୍ଟ୍ଚରଣତାମ || 90 ||

ପଦନ୍ୟାସ-କ୍ରୀଡା ପରିଚୟ-ମିଵାରବ୍ଧୁ-ମନସଃ
ସ୍ଖଲନ୍ତସ୍ତେ ଖେଲଂ ଭଵନକଲହଂସା ନ ଜହତି |
ଅତସ୍ତେଷାଂ ଶିକ୍ଷାଂ ସୁଭଗମଣି-ମଞ୍ଜୀର-ରଣିତ-
ଚ୍ଛଲାଦାଚକ୍ଷାଣଂ ଚରଣକମଲଂ ଚାରୁଚରିତେ || 91 ||

ଗତାସ୍ତେ ମଞ୍ଚତ୍ଵଂ ଦ୍ରୁହିଣ ହରି ରୁଦ୍ରେଶ୍ଵର ଭୃତଃ
ଶିଵଃ ସ୍ଵଚ୍ଛ-ଚ୍ଛାୟା-ଘଟିତ-କପଟ-ପ୍ରଚ୍ଛଦପଟଃ |
ତ୍ଵଦୀୟାନାଂ ଭାସାଂ ପ୍ରତିଫଲନ ରାଗାରୁଣତୟା
ଶରୀରୀ ଶୃଙ୍ଗାରୋ ରସ ଇଵ ଦୃଶାଂ ଦୋଗ୍ଧି କୁତୁକମ || 92 ||

ଅରାଲା କେଶେଷୁ ପ୍ରକୃତି ସରଲା ମନ୍ଦହସିତେ
ଶିରୀଷାଭା ଚିତ୍ତେ ଦୃଷଦୁପଲଶୋଭା କୁଚତଟେ |
ଭୃଶଂ ତନ୍ଵୀ ମଧ୍ୟେ ପୃଥୁ-ରୁରସିଜାରୋହ ଵିଷୟେ
ଜଗତ୍ତ୍ରତୁଂ ଶଂଭୋ-ର୍ଜୟତି କରୁଣା କାଚିଦରୁଣା || 93 ||

କଲଙ୍କଃ କସ୍ତୂରୀ ରଜନିକର ବିମ୍ବଂ ଜଲମୟଂ
କଲାଭିଃ କର୍ପୂରୈ-ର୍ମରକତକରଣ୍ଡଂ ନିବିଡିତମ |
ଅତସ୍ତ୍ଵଦ୍ଭୋଗେନ ପ୍ରତିଦିନମିଦଂ ରିକ୍ତକୁହରଂ
ଵିଧି-ର୍ଭୂୟୋ ଭୂୟୋ ନିବିଡୟତି ନୂନଂ ତଵ କୃତେ || 94 ||

ପୁରାରନ୍ତେ-ରନ୍ତଃ ପୁରମସି ତତ-ସ୍ତ୍ଵଚରଣୟୋଃ
ସପର୍ୟା-ମର୍ୟାଦା ତରଲକରଣାନା-ମସୁଲଭା |
ତଥା ହ୍ୟେତେ ନୀତାଃ ଶତମଖମୁଖାଃ ସିଦ୍ଧିମତୁଲାଂ
ତଵ ଦ୍ଵାରୋପାନ୍ତଃ ସ୍ଥିତିଭି-ରଣିମାଦ୍ୟାଭି-ରମରାଃ || 95 ||

କଲତ୍ରଂ ଵୈଧାତ୍ରଂ କତିକତି ଭଜନ୍ତେ ନ କଵୟଃ
ଶ୍ରିୟୋ ଦେଵ୍ୟାଃ କୋ ଵା ନ ଭଵତି ପତିଃ କୈରପି ଧନୈଃ |
ମହାଦେଵଂ ହିତ୍ଵା ତଵ ସତି ସତୀନା-ମଚରମେ
କୁଚଭ୍ୟା-ମାସଙ୍ଗଃ କୁରଵକ-ତରୋ-ରପ୍ୟସୁଲଭଃ || 96 ||

ଗିରାମାହୁ-ର୍ଦେଵୀଂ ଦ୍ରୁହିଣଗୃହିଣୀ-ମାଗମଵିଦୋ
ହରେଃ ପତ୍ନୀଂ ପଦ୍ମାଂ ହରସହଚରୀ-ମଦ୍ରିତନୟାମ |
ତୁରୀୟା କାପି ତ୍ଵଂ ଦୁରଧିଗମ-ନିସ୍ସୀମ-ମହିମା
ମହାମାୟା ଵିଶ୍ଵଂ ଭ୍ରମୟସି ପରବ୍ରହ୍ମମହିଷି || 97 ||

କଦା କାଲେ ମାତଃ କଥୟ କଲିତାଲକ୍ତକରସଂ
ପିବେୟଂ ଵିଦ୍ୟାର୍ଥୀ ତଵ ଚରଣ-ନିର୍ଣେଜନଜଲମ |
ପ୍ରକୃତ୍ୟା ମୂକାନାମପି ଚ କଵିତା0କାରଣତୟା
କଦା ଧତ୍ତେ ଵାଣୀମୁଖକମଲ-ତାମ୍ବୂଲ-ରସତାମ || 98 ||

ସରସ୍ଵତ୍ୟା ଲକ୍ଷ୍ମ୍ୟା ଵିଧି ହରି ସପତ୍ନୋ ଵିହରତେ
ରତେଃ ପତିଵ୍ରତ୍ୟଂ ଶିଥିଲପତି ରମ୍ୟେଣ ଵପୁଷା |
ଚିରଂ ଜୀଵନ୍ନେଵ କ୍ଷପିତ-ପଶୁପାଶ-ଵ୍ୟତିକରଃ
ପରାନନ୍ଦାଭିଖ୍ୟଂ ରସୟତି ରସଂ ତ୍ଵଦ୍ଭଜନଵାନ || 99 ||

ପ୍ରଦୀପ ଜ୍ଵାଲାଭି-ର୍ଦିଵସକର-ନୀରାଜନଵିଧିଃ
ସୁଧାସୂତେ-ଶ୍ଚନ୍ଦ୍ରୋପଲ-ଜଲଲଵୈ-ରଘ୍ୟରଚନା |
ସ୍ଵକୀୟୈରମ୍ଭୋଭିଃ ସଲିଲ-ନିଧି-ସୌହିତ୍ୟକରଣଂ
ତ୍ଵଦୀୟାଭି-ର୍ଵାଗ୍ଭି-ସ୍ତଵ ଜନନି ଵାଚାଂ ସ୍ତୁତିରିୟମ || 100 ||

ସୌନ୍ଦୟଲହରି ମୁଖ୍ୟସ୍ତୋତ୍ରଂ ସଂଵାର୍ତଦାୟକମ |
ଭଗଵଦ୍ପାଦ ସନ୍କ୍ଲୁପ୍ତଂ ପଠେନ ମୁକ୍ତୌ ଭଵେନ୍ନରଃ ||
ସୌନ୍ଦର୍ୟଲହରି ସ୍ତୋତ୍ରଂ ସଂପୂର୍ଣଂ

Share your view

Post a comment

Join on Facebook, Twitter

Browse by Popular Topics