ప్రభుం ప్రాణనాథం విభుం విశ్వనాథం జగన్నాథ నాథం సదానన్ద భాజామ్ ।
భవద్భవ్య భూతేశ్వరం భూతనాథం, శివం శఙ్కరం శమ్భు మీశానమీడే ॥ 1 ॥
గళే రుణ్డమాలం తనౌ సర్పజాలం మహాకాల కాలం గణేశాది పాలమ్ ।
జటాజూట గఙ్గోత్తరఙ్గైర్విశాలం, శివం శఙ్కరం శమ్భు మీశానమీడే ॥ 2॥
ముదామాకరం మణ్డనం మణ్డయన్తం మహా మణ్డలం భస్మ భూషాధరం తమ్ ।
అనాదిం హ్యపారం మహా మోహమారం, శివం శఙ్కరం శమ్భు మీశానమీడే ॥ 3 ॥
వటాధో నివాసం మహాట్టాట్టహాసం మహాపాప నాశం సదా సుప్రకాశమ్ ।
గిరీశం గణేశం సురేశం మహేశం, శివం శఙ్కరం శమ్భు మీశానమీడే ॥ 4 ॥
గిరీన్ద్రాత్మజా సఙ్గృహీతార్ధదేహం గిరౌ సంస్థితం సర్వదాపన్న గేహమ్ ।
పరబ్రహ్మ బ్రహ్మాదిభిర్-వన్ద్యమానం, శివం శఙ్కరం శమ్భు మీశానమీడే ॥ 5 ॥
కపాలం త్రిశూలం కరాభ్యాం దధానం పదామ్భోజ నమ్రాయ కామం దదానమ్ ।
బలీవర్ధమానం సురాణాం ప్రధానం, శివం శఙ్కరం శమ్భు మీశానమీడే ॥ 6 ॥
శరచ్చన్ద్ర గాత్రం గణానన్దపాత్రం త్రినేత్రం పవిత్రం ధనేశస్య మిత్రమ్ ।
అపర్ణా కళత్రం సదా సచ్చరిత్రం, శివం శఙ్కరం శమ్భు మీశానమీడే ॥ 7 ॥
హరం సర్పహారం చితా భూవిహారం భవం వేదసారం సదా నిర్వికారం।
శ్మశానే వసన్తం మనోజం దహన్తం, శివం శఙ్కరం శమ్భు మీశానమీడే ॥ 8 ॥
స్వయం యః ప్రభాతే నరశ్శూల పాణే పఠేత్ స్తోత్రరత్నం త్విహప్రాప్యరత్నమ్ ।
సుపుత్రం సుధాన్యం సుమిత్రం కళత్రం విచిత్రైస్సమారాధ్య మోక్షం ప్రయాతి ॥