அஸ்ய ஶ்ரீ ஶிவகவச ஸ்தோத்ர\f1 \f௦ மஹாமன்த்ரஸ்ய ருஷப⁴யோகீ³ஶ்வர ருஷி: ।
அனுஷ்டுப் ச²ன்த:³ ।
ஶ்ரீஸாம்ப³ஸதா³ஶிவோ தே³வதா ।
ஓம் பீ³ஜம் ।
நம: ஶக்தி: ।
ஶிவாயேதி கீலகம் ।
மம ஸாம்ப³ஸதா³ஶிவப்ரீத்யர்தே² ஜபே வினியோக:³ ॥

கரன்யாஸ:
ஓம் ஸதா³ஶிவாய அங்கு³ஷ்டா²ப்⁴யாம் நம: । நம் க³ங்கா³த⁴ராய தர்ஜனீப்⁴யாம் நம: । மம் ம்ருத்யுஞ்ஜயாய மத்⁴யமாப்⁴யாம் நம: ।

ஶிம் ஶூலபாணயே அனாமிகாப்⁴யாம் நம: । வாம் பினாகபாணயே கனிஷ்டி²காப்⁴யாம் நம: । யம் உமாபதயே கரதலகரப்ருஷ்டா²ப்⁴யாம் நம: ।

ஹ்ருத³யாதி³ அங்க³ன்யாஸ:
ஓம் ஸதா³ஶிவாய ஹ்ருத³யாய நம: । நம் க³ங்கா³த⁴ராய ஶிரஸே ஸ்வாஹா । மம் ம்ருத்யுஞ்ஜயாய ஶிகா²யை வஷட் ।

ஶிம் ஶூலபாணயே கவசாய ஹும் । வாம் பினாகபாணயே நேத்ரத்ரயாய வௌஷட் । யம் உமாபதயே அஸ்த்ராய ப²ட் । பூ⁴ர்பு⁴வஸ்ஸுவரோமிதி தி³க்³ப³ன்த:⁴ ॥

த்⁴யானம்
வஜ்ரத³ம்ஷ்ட்ரம் த்ரினயனம் காலகண்ட² மரின்த³மம் ।
ஸஹஸ்ரகரமத்யுக்³ரம் வன்தே³ ஶம்பு⁴ம் உமாபதிம் ॥
ருத்³ராக்ஷகங்கணலஸத்கரத³ண்ட³யுக்³ம: பாலான்தராலஸிதப⁴ஸ்மத்⁴ருதத்ரிபுண்ட்³ர: ।
பஞ்சாக்ஷரம் பரிபட²ன் வரமன்த்ரராஜம் த்⁴யாயன் ஸதா³ பஶுபதிம் ஶரணம் வ்ரஜேதா²: ॥

அத: பரம் ஸர்வபுராணகு³ஹ்யம் நி:ஶேஷபாபௌக⁴ஹரம் பவித்ரம் ।
ஜயப்ரத³ம் ஸர்வவிபத்ப்ரமோசனம் வக்ஷ்யாமி ஶைவம் கவசம் ஹிதாய தே ॥

பஞ்சபூஜா
லம் ப்ருதி²வ்யாத்மனே க³ன்த⁴ம் ஸமர்பயாமி ।
ஹம் ஆகாஶாத்மனே புஷ்பை: பூஜயாமி ।
யம் வாய்வாத்மனே தூ⁴பம் ஆக்⁴ராபயாமி ।
ரம் அக்³ன்யாத்மனே தீ³பம் த³ர்ஶயாமி ।
வம் அம்ருதாத்மனே அம்ருதம் மஹானைவேத்³யம் நிவேத³யாமி ।
ஸம் ஸர்வாத்மனே ஸர்வோபசாரபூஜாம் ஸமர்பயாமி ॥

மன்த்ர:

ருஷப⁴ உவாச

நமஸ்க்ருத்ய மஹாதே³வம் விஶ்வவ்யாபினமீஶ்வரம் ।
வக்ஷ்யே ஶிவமயம் வர்ம ஸர்வரக்ஷாகரம் ந்ருணாம் ॥ 1 ॥

ஶுசௌ தே³ஶே ஸமாஸீனோ யதா²வத்கல்பிதாஸன: ।
ஜிதேன்த்³ரியோ ஜிதப்ராணஶ்சின்தயேச்சி²வமவ்யயம் ॥ 2 ॥

ஹ்ருத்புண்ட³ரீகான்தரஸன்னிவிஷ்டம் ஸ்வதேஜஸா வ்யாப்தனபோ⁴வகாஶம் ।
அதீன்த்³ரியம் ஸூக்ஷ்மமனந்தமாத்³யம் த்⁴யாயேத் பரானந்த³மயம் மஹேஶம் ॥

த்⁴யானாவதூ⁴தாகி²லகர்மப³ன்த-⁴ ஶ்சிரம் சிதா³னந்த³ நிமக்³னசேதா: ।
ஷட³க்ஷரன்யாஸ ஸமாஹிதாத்மா ஶைவேன குர்யாத்கவசேன ரக்ஷாம் ॥

மாம் பாது தே³வோகி²லதே³வதாத்மா ஸம்ஸாரகூபே பதிதம் க³பீ⁴ரே ।
தன்னாம தி³வ்யம் பரமன்த்ரமூலம் து⁴னோது மே ஸர்வமக⁴ம் ஹ்ருதி³ஸ்த²ம் ॥

ஸர்வத்ர மாம் ரக்ஷது விஶ்வமூர்தி- ர்ஜ்யோதிர்மயானந்த³க⁴னஶ்சிதா³த்மா ।
அணோரணியானுருஶக்திரேக: ஸ ஈஶ்வர: பாது ப⁴யாத³ஶேஷாத் ॥

யோ பூ⁴ஸ்வரூபேண பி³ப⁴ர்தி விஶ்வம் பாயாத்ஸ பூ⁴மேர்கி³ரிஶோஷ்டமூர்தி: ।
யோபாம் ஸ்வரூபேண ந்ருணாம் கரோதி ஸஞ்ஜீவனம் ஸோவது மாம் ஜலேப்⁴ய: ॥

கல்பாவஸானே பு⁴வனானி த³க்³த்⁴வா ஸர்வாணி யோ ந்ருத்யதி பூ⁴ரிலீல: ।
ஸ காலருத்³ரோவது மாம் த³வாக்³னே: வாத்யாதி³பீ⁴தேரகி²லாச்ச தாபாத் ॥

ப்ரதீ³ப்தவித்³யுத்கனகாவபா⁴ஸோ வித்³யாவராபீ⁴தி குடா²ரபாணி: ।
சதுர்முக²ஸ்தத்புருஷஸ்த்ரினேத்ர: ப்ராச்யாம் ஸ்தி²தோ ரக்ஷது மாமஜஸ்ரம் ॥

குடா²ரகே²டாங்குஶ ஶூலட⁴க்கா- கபாலபாஶாக்ஷ கு³ணான்த³தா⁴ன: ।
சதுர்முகோ² நீலருசிஸ்த்ரினேத்ர: பாயாத³கோ⁴ரோ தி³ஶி த³க்ஷிணஸ்யாம் ॥

குன்தே³ன்து³ஶங்க²ஸ்ப²டிகாவபா⁴ஸோ வேதா³க்ஷமாலா வரதா³ப⁴யாங்க: ।
த்ர்யக்ஷஶ்சதுர்வக்த்ர உருப்ரபா⁴வ: ஸத்³யோதி⁴ஜாதோவது மாம் ப்ரதீச்யாம் ॥

வராக்ஷமாலாப⁴யடங்கஹஸ்த: ஸரோஜகிஞ்ஜல்கஸமானவர்ண: ।
த்ரிலோசனஶ்சாருசதுர்முகோ² மாம் பாயாது³தீ³ச்யாம் தி³ஶி வாமதே³வ: ॥

வேதா³ப⁴யேஷ்டாங்குஶடங்கபாஶ- கபாலட⁴க்காக்ஷரஶூலபாணி: ।
ஸிதத்³யுதி: பஞ்சமுகோ²வதான்மாம் ஈஶான ஊர்த்⁴வம் பரமப்ரகாஶ: ॥

மூர்தா⁴னமவ்யான்மம சன்த்³ரமௌலி: பா⁴லம் மமாவ்யாத³த² பா⁴லனேத்ர: ।
நேத்ரே மமாவ்யாத்³ப⁴க³னேத்ரஹாரீ நாஸாம் ஸதா³ ரக்ஷது விஶ்வனாத:² ॥

பாயாச்ச்²ருதீ மே ஶ்ருதிகீ³தகீர்தி: கபோலமவ்யாத்ஸததம் கபாலீ ।
வக்த்ரம் ஸதா³ ரக்ஷது பஞ்சவக்த்ரோ ஜிஹ்வாம் ஸதா³ ரக்ஷது வேதஜ³ிஹ்வ: ॥

கண்ட²ம் கி³ரீஶோவது நீலகண்ட:² பாணித்³வயம் பாது பினாகபாணி: ।
தோ³ர்மூலமவ்யான்மம த⁴ர்மபா³ஹு: வக்ஷ:ஸ்த²லம் த³க்ஷமகா²ன்தகோவ்யாத் ॥

மமோத³ரம் பாது கி³ரீன்த்³ரத⁴ன்வா மத்⁴யம் மமாவ்யான்மத³னான்தகாரீ ।
ஹேரம்ப³தாதோ மம பாது நாபி⁴ம் பாயாத்கடிம் தூ⁴ர்ஜடிரீஶ்வரோ மே ॥

ஊருத்³வயம் பாது குபே³ரமித்ரோ ஜானுத்³வயம் மே ஜக³தீ³ஶ்வரோவ்யாத் ।
ஜங்கா⁴யுக³ம் புங்க³வகேதுரவ்யாத் பாதௌ³ மமாவ்யாத்ஸுரவன்த்³யபாத:³ ॥

மஹேஶ்வர: பாது தி³னாதி³யாமே மாம் மத்⁴யயாமேவது வாமதே³வ: ।
த்ரிலோசன: பாது த்ருதீயயாமே வ்ருஷத்⁴வஜ: பாது தி³னான்த்யயாமே ॥

பாயான்னிஶாதௌ³ ஶஶிஶேக²ரோ மாம் க³ங்கா³த⁴ரோ ரக்ஷது மாம் நிஶீதே² ।
கௌ³ரீபதி: பாது நிஶாவஸானே ம்ருத்யுஞ்ஜயோ ரக்ஷது ஸர்வகாலம் ॥

அன்த:ஸ்தி²தம் ரக்ஷது ஶங்கரோ மாம் ஸ்தா²ணு: ஸதா³ பாது ப³ஹி:ஸ்தி²தம் மாம் ।
தத³ன்தரே பாது பதி: பஶூனாம் ஸதா³ஶிவோ ரக்ஷது மாம் ஸமன்தாத் ॥

திஷ்ட²ன்தமவ்யாத்³ பு⁴வனைகனாத:² பாயாத்³வ்ரஜன்தம் ப்ரமதா²தி⁴னாத:² ।
வேதா³ன்தவேத்³யோவது மாம் நிஷண்ணம் மாமவ்யய: பாது ஶிவ: ஶயானம் ॥

மார்கே³ஷு மாம் ரக்ஷது நீலகண்ட:² ஶைலாதி³து³ர்கே³ஷு புரத்ரயாரி: ।
அரண்யவாஸாதி³ மஹாப்ரவாஸே பாயான்ம்ருக³வ்யாத⁴ உதா³ரஶக்தி: ॥

கல்பான்தகாலோக்³ரபடுப்ரகோப- ஸ்பு²டாட்டஹாஸோச்சலிதாண்ட³கோஶ: ।
கோ⁴ராரிஸேனார்ணவ து³ர்னிவார- மஹாப⁴யாத்³ரக்ஷது வீரப⁴த்³ர: ॥

பத்த்யஶ்வமாதங்க³ரதா²வரூதி²னீ- ஸஹஸ்ரலக்ஷாயுத கோடிபீ⁴ஷணம் ।
அக்ஷௌஹிணீனாம் ஶதமாததாயினாம் சி²ன்த்³யான்ம்ருடோ³ கோ⁴ரகுடா²ர தா⁴ரயா ॥

நிஹன்து த³ஸ்யூன்ப்ரலயானலார்சி: ஜ்வலத்த்ரிஶூலம் த்ரிபுரான்தகஸ்ய । ஶார்தூ³லஸிம்ஹர்க்ஷவ்ருகாதி³ஹிம்ஸ்ரான் ஸன்த்ராஸயத்வீஶத⁴னு: பினாக: ॥

து³: ஸ்வப்ன து³: ஶகுன து³ர்க³தி தௌ³ர்மனஸ்ய- து³ர்பி⁴க்ஷ து³ர்வ்யஸன து³:ஸஹ து³ர்யஶாம்ஸி । உத்பாததாபவிஷபீ⁴திமஸத்³க்³ரஹார்திம் வ்யாதீ⁴ம்ஶ்ச நாஶயது மே ஜக³தாமதீ⁴ஶ: ॥

ஓம் நமோ ப⁴க³வதே ஸதா³ஶிவாய

ஸகலதத்வாத்மகாய ஸர்வமன்த்ரஸ்வரூபாய ஸர்வயன்த்ராதி⁴ஷ்டி²தாய ஸர்வதன்த்ரஸ்வரூபாய ஸர்வதத்வவிதூ³ராய ப்³ரஹ்மருத்³ராவதாரிணே நீலகண்டா²ய பார்வதீமனோஹரப்ரியாய ஸோமஸூர்யாக்³னிலோசனாய ப⁴ஸ்மோத்³தூ⁴லிதவிக்³ரஹாய மஹாமணி முகுடதா⁴ரணாய மாணிக்யபூ⁴ஷணாய ஸ்ருஷ்டிஸ்தி²திப்ரலயகால- ரௌத்³ராவதாராய த³க்ஷாத்⁴வரத்⁴வம்ஸகாய மஹாகாலபே⁴த³னாய மூலதா⁴ரைகனிலயாய தத்வாதீதாய க³ங்கா³த⁴ராய ஸர்வதே³வாதி³தே³வாய ஷடா³ஶ்ரயாய வேதா³ன்தஸாராய த்ரிவர்க³ஸாத⁴னாய அனந்தகோடிப்³ரஹ்மாண்ட³னாயகாய அனந்த வாஸுகி தக்ஷக- கர்கோடக ஶங்க² குலிக- பத்³ம மஹாபத்³மேதி- அஷ்டமஹானாக³குலபூ⁴ஷணாய ப்ரணவஸ்வரூபாய சிதா³காஶாய ஆகாஶ தி³க் ஸ்வரூபாய க்³ரஹனக்ஷத்ரமாலினே ஸகலாய கலங்கரஹிதாய ஸகலலோகைககர்த்ரே ஸகலலோகைகப⁴ர்த்ரே ஸகலலோகைகஸம்ஹர்த்ரே ஸகலலோகைககு³ரவே ஸகலலோகைகஸாக்ஷிணே ஸகலனிக³மகு³ஹ்யாய ஸகலவேதா³ன்தபாரகா³ய ஸகலலோகைகவரப்ரதா³ய ஸகலலோகைகஶங்கராய ஸகலது³ரிதார்திப⁴ஞ்ஜனாய ஸகலஜக³த³ப⁴யங்கராய ஶஶாங்கஶேக²ராய ஶாஶ்வதனிஜாவாஸாய நிராகாராய நிராபா⁴ஸாய நிராமயாய நிர்மலாய நிர்மதா³ய நிஶ்சின்தாய நிரஹங்காராய நிரங்குஶாய நிஷ்கலங்காய நிர்கு³ணாய நிஷ்காமாய நிரூபப்லவாய நிருபத்³ரவாய நிரவத்³யாய நிரன்தராய நிஷ்காரணாய நிராதங்காய நிஷ்ப்ரபஞ்சாய நிஸ்ஸங்கா³ய நிர்த்³வன்த்³வாய நிராதா⁴ராய நீராகா³ய நிஷ்க்ரோதா⁴ய நிர்லோபாய நிஷ்பாபாய நிர்ப⁴யாய நிர்விகல்பாய நிர்பே⁴தா³ய நிஷ்க்ரியாய நிஸ்துலாய நி:ஸம்ஶயாய நிரஞ்ஜனாய நிருபமவிப⁴வாய நித்யஶுத்³த⁴பு³த்³த⁴முக்தபரிபூர்ண- ஸச்சிதா³னந்தா³த்³வயாய பரமஶான்தஸ்வரூபாய பரமஶான்தப்ரகாஶாய தேஜோரூபாய தேஜோமயாய தேஜோதி⁴பதயே ஜய ஜய ருத்³ர மஹாருத்³ர மஹாரௌத்³ர ப⁴த்³ராவதார மஹாபை⁴ரவ காலபை⁴ரவ கல்பான்தபை⁴ரவ கபாலமாலாத⁴ர க²ட்வாங்க³ சர்மக²ட்³க³த⁴ர பாஶாங்குஶ- ட³மரூஶூல சாபபா³ணக³தா³ஶக்திபி⁴ன்தி³பால- தோமர முஸல முத்³க³ர பாஶ பரிக-⁴ பு⁴ஶுண்டீ³ ஶதக்⁴னீ சக்ராத்³யாயுத⁴பீ⁴ஷணாகார- ஸஹஸ்ரமுக²த³ம்ஷ்ட்ராகராலவத³ன விகடாட்டஹாஸ விஸ்பா²ரித ப்³ரஹ்மாண்ட³மண்ட³ல நாகே³ன்த்³ரகுண்ட³ல நாகே³ன்த்³ரஹார நாகே³ன்த்³ரவலய நாகே³ன்த்³ரசர்மத⁴ர நாகே³ன்த்³ரனிகேதன ம்ருத்யுஞ்ஜய த்ர்யம்ப³க த்ரிபுரான்தக விஶ்வரூப விரூபாக்ஷ விஶ்வேஶ்வர வ்ருஷப⁴வாஹன விஷவிபூ⁴ஷண விஶ்வதோமுக² ஸர்வதோமுக² மாம் ரக்ஷ ரக்ஷ ஜ்வலஜ்வல ப்ரஜ்வல ப்ரஜ்வல மஹாம்ருத்யுப⁴யம் ஶமய ஶமய அபம்ருத்யுப⁴யம் நாஶய நாஶய ரோக³ப⁴யம் உத்ஸாத³யோத்ஸாத³ய விஷஸர்பப⁴யம் ஶமய ஶமய சோரான் மாரய மாரய மம ஶத்ரூன் உச்சாடயோச்சாடய த்ரிஶூலேன விதா³ரய விதா³ரய குடா²ரேண பி⁴ன்தி⁴ பி⁴ன்தி⁴ க²ட்³கே³ன சி²ன்த்³தி³ சி²ன்த்³தி³ க²ட்வாங்கே³ன விபோத⁴ய விபோத⁴ய முஸலேன நிஷ்பேஷய நிஷ்பேஷய பா³ணை: ஸன்தாட³ய ஸன்தாட³ய யக்ஷ ரக்ஷாம்ஸி பீ⁴ஷய பீ⁴ஷய அஶேஷ பூ⁴தான் வித்³ராவய வித்³ராவய கூஷ்மாண்ட³பூ⁴தவேதாலமாரீக³ண- ப்³ரஹ்மராக்ஷஸக³ணான் ஸன்த்ராஸய ஸன்த்ராஸய மம அப⁴யம் குரு குரு மம பாபம் ஶோத⁴ய ஶோத⁴ய வித்ரஸ்தம் மாம் ஆஶ்வாஸய ஆஶ்வாஸய நரகமஹாப⁴யான் மாம் உத்³த⁴ர உத்³த⁴ர அம்ருதகடாக்ஷவீக்ஷணேன மாம்- ஆலோகய ஆலோகய ஸஞ்ஜீவய ஸஞ்ஜீவய க்ஷுத்த்ருஷ்ணார்தம் மாம் ஆப்யாயய ஆப்யாயய து³:கா²துரம் மாம் ஆனந்த³ய ஆனந்த³ய ஶிவகவசேன மாம் ஆச்சா²த³ய ஆச்சா²த³ய

ஹர ஹர ம்ருத்யுஞ்ஜய த்ர்யம்ப³க ஸதா³ஶிவ பரமஶிவ நமஸ்தே நமஸ்தே நம: ॥

பூர்வவத் - ஹ்ருத³யாதி³ ந்யாஸ: ।

பஞ்சபூஜா ॥

பூ⁴ர்பு⁴வஸ்ஸுவரோமிதி தி³க்³விமோக: ॥

ப²லஶ்ருதி:
ருஷப⁴ உவாச இத்யேதத்பரமம் ஶைவம் கவசம் வ்யாஹ்ருதம் மயா ।
ஸர்வ பா³தா⁴ ப்ரஶமனம் ரஹஸ்யம் ஸர்வ தே³ஹினாம் ॥

ய: ஸதா³ தா⁴ரயேன்மர்த்ய: ஶைவம் கவசமுத்தமம் ।
ந தஸ்ய ஜாயதே காபி ப⁴யம் ஶம்போ⁴ரனுக்³ரஹாத் ॥

க்ஷீணாயு: ப்ராப்தம்ருத்யுர்வா மஹாரோக³ஹதோபி வா ।
ஸத்³ய: ஸுக²மவாப்னோதி தீ³ர்க⁴மாயுஶ்ச வின்த³தி ॥

ஸர்வதா³ரித்³ரயஶமனம் ஸௌமாங்க³ல்யவிவர்த⁴னம் ।
யோ த⁴த்தே கவசம் ஶைவம் ஸ தே³வைரபி பூஜ்யதே ॥

மஹாபாதகஸங்கா⁴தைர்முச்யதே சோபபாதகை: ।
தே³ஹான்தே முக்திமாப்னோதி ஶிவவர்மானுபா⁴வத: ॥

த்வமபி ஶ்ரத்³த³யா வத்ஸ ஶைவம் கவசமுத்தமம் ।
தா⁴ரயஸ்வ மயா த³த்தம் ஸத்³ய: ஶ்ரேயோ ஹ்யவாப்ஸ்யஸி ॥

ஶ்ரீஸூத உவாச

இத்யுக்த்வா ருஷபோ⁴ யோகீ³ தஸ்மை பார்தி²வ ஸூனவே ।
த³தௌ³ ஶங்க²ம் மஹாராவம் க²ட்³க³ம் ச அரினிஷூத³னம் ॥

புனஶ்ச ப⁴ஸ்ம ஸம்மன்த்ர்ய தத³ங்க³ம் பரிதோஸ்ப்ருஶத் ।
கஜ³ானாம் ஷட்ஸஹஸ்ரஸ்ய த்ரிகு³ணஸ்ய ப³லம் த³தௌ³ ॥

ப⁴ஸ்மப்ரபா⁴வாத் ஸம்ப்ராப்தப³லைஶ்வர்ய த்⁴ருதி ஸ்ம்ருதி: ।
ஸ ராஜபுத்ர: ஶுஶுபே⁴ ஶரத³ர்க இவ ஶ்ரியா ॥

தமாஹ ப்ராஞ்ஜலிம் பூ⁴ய: ஸ யோகீ³ ந்ருபனந்த³னம் ।
ஏஷ க²ட்³கோ³ மயா த³த்தஸ்தபோமன்த்ரானுபா⁴வத: ॥

ஶிததா⁴ரமிமம் க²ட்³க³ம் யஸ்மை த³ர்ஶயஸே ஸ்பு²டம் ।
ஸ ஸத்³யோ ம்ரியதே ஶத்ரு: ஸாக்ஷான்ம்ருத்யுரபி ஸ்வயம் ॥

அஸ்ய ஶங்க²ஸ்ய நிர்ஹ்ராத³ம் யே ஶ்ருண்வன்தி தவாஹிதா: ।
தே மூர்ச்சி²தா: பதிஷ்யன்தி ந்யஸ்தஶஸ்த்ரா விசேதனா: ॥

க²ட்³க³ஶங்கா²விமௌ தி³வ்யௌ பரஸைன்யவினாஶகௌ ।
ஆத்மஸைன்யஸ்வபக்ஷாணாம் ஶௌர்யதேஜோவிவர்த⁴னௌ ॥

ஏதயோஶ்ச ப்ரபா⁴வேன ஶைவேன கவசேன ச ।
த்³விஷட்ஸஹஸ்ர நாகா³னாம் ப³லேன மஹதாபி ச ॥

ப⁴ஸ்மதா⁴ரண ஸாமர்த்²யாச்ச²த்ருஸைன்யம் விஜேஷ்யஸே ।
ப்ராப்ய ஸிம்ஹாஸனம் பித்ர்யம் கோ³ப்தாஸி ப்ருதி²வீமிமாம் ॥

இதி ப⁴த்³ராயுஷம் ஸம்யக³னுஶாஸ்ய ஸமாத்ருகம் ।
தாப்⁴யாம் ஸம்பூஜித: ஸோத² யோகீ³ ஸ்வைரக³திர்யயௌ ॥

இதி ஶ்ரீஸ்கான்த³மஹாபுராணே ப்³ரஹ்மோத்தரக²ண்டே³ ஶிவகவச ப்ரபா⁴வ வர்ணனம் நாம த்³வாத³ஶோத்⁴யாய: ஸம்பூர்ண: ॥ ॥
த்³\f2