View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ଶିଵ ଭୁଜଂଗମ୍

ଗଲଦ୍ଦାନଗଂଡଂ ମିଲଦ୍ଭୃଂଗଷଂଡଂ
ଚଲଚ୍ଚାରୁଶୁଂଡଂ ଜଗତ୍ତ୍ରାଣଶୌଂଡମ୍ ।
କନଦ୍ଦଂତକାଂଡଂ ଵିପଦ୍ଭଂଗଚଂଡଂ
ଶିଵପ୍ରେମପିଂଡଂ ଭଜେ ଵକ୍ରତୁଂଡମ୍ ॥ 1 ॥

ଅନାଦ୍ୟଂତମାଦ୍ୟଂ ପରଂ ତତ୍ତ୍ଵମର୍ଥଂ
ଚିଦାକାରମେକଂ ତୁରୀୟଂ ତ୍ଵମେୟମ୍ ।
ହରିବ୍ରହ୍ମମୃଗ୍ୟଂ ପରବ୍ରହ୍ମରୂପଂ
ମନୋଵାଗତୀତଂ ମହଃଶୈଵମୀଡେ ॥ 2 ॥

ସ୍ଵଶକ୍ତ୍ୟାଦି ଶକ୍ତ୍ୟଂତ ସିଂହାସନସ୍ଥଂ
ମନୋହାରି ସର୍ଵାଂଗରତ୍ନୋରୁଭୂଷମ୍ ।
ଜଟାହୀଂଦୁଗଂଗାସ୍ଥିଶମ୍ୟାକମୌଳିଂ
ପରାଶକ୍ତିମିତ୍ରଂ ନମଃ ପଂଚଵକ୍ତ୍ରମ୍ ॥ 3 ॥

ଶିଵେଶାନତତ୍ପୂରୁଷାଘୋରଵାମାଦିଭିଃ
ପଂଚଭିର୍ହୃନ୍ମୁଖୈଃ ଷଡ୍ଭିରଂଗୈଃ ।
ଅନୌପମ୍ୟ ଷଟ୍ତ୍ରିଂଶତଂ ତତ୍ତ୍ଵଵିଦ୍ୟାମତୀତଂ
ପରଂ ତ୍ଵାଂ କଥଂ ଵେତ୍ତି କୋ ଵା ॥ 4 ॥

ପ୍ରଵାଳପ୍ରଵାହପ୍ରଭାଶୋଣମର୍ଧଂ
ମରୁତ୍ଵନ୍ମଣି ଶ୍ରୀମହଃ ଶ୍ୟାମମର୍ଧମ୍ ।
ଗୁଣସ୍ୟୂତମେତଦ୍ଵପୁଃ ଶୈଵମଂତଃ
ସ୍ମରାମି ସ୍ମରାପତ୍ତିସଂପତ୍ତିହେତୋଃ ॥ 5 ॥

ସ୍ଵସେଵାସମାୟାତଦେଵାସୁରେଂଦ୍ରା
ନମନ୍ମୌଳିମଂଦାରମାଲାଭିଷିକ୍ତମ୍ ।
ନମସ୍ୟାମି ଶଂଭୋ ପଦାଂଭୋରୁହଂ ତେ
ଭଵାଂଭୋଧିପୋତଂ ଭଵାନୀ ଵିଭାଵ୍ୟମ୍ ॥ 6 ॥

ଜଗନ୍ନାଥ ମନ୍ନାଥ ଗୌରୀସନାଥ
ପ୍ରପନ୍ନାନୁକଂପିନ୍ଵିପନ୍ନାର୍ତିହାରିନ୍ ।
ମହଃସ୍ତୋମମୂର୍ତେ ସମସ୍ତୈକବଂଧୋ
ନମସ୍ତେ ନମସ୍ତେ ପୁନସ୍ତେ ନମୋଽସ୍ତୁ ॥ 7 ॥

ଵିରୂପାକ୍ଷ ଵିଶ୍ଵେଶ ଵିଶ୍ଵାଦିଦେଵ
ତ୍ରୟୀ ମୂଲ ଶଂଭୋ ଶିଵ ତ୍ର୍ୟଂବକ ତ୍ଵମ୍ ।
ପ୍ରସୀଦ ସ୍ମର ତ୍ରାହି ପଶ୍ୟାଵମୁକ୍ତ୍ୟୈ
କ୍ଷମାଂ ପ୍ରାପ୍ନୁହି ତ୍ର୍ୟକ୍ଷ ମାଂ ରକ୍ଷ ମୋଦାତ୍ ॥ 8 ॥

ମହାଦେଵ ଦେଵେଶ ଦେଵାଦିଦେଵ
ସ୍ମରାରେ ପୁରାରେ ୟମାରେ ହରେତି ।
ବ୍ରୁଵାଣଃ ସ୍ମରିଷ୍ୟାମି ଭକ୍ତ୍ୟା \ଲିନେ ଭଵଂତଂ ତତୋ ମେ ଦୟାଶୀଲ ଦେଵ ପ୍ରସୀଦ ॥ 9 ॥

ତ୍ଵଦନ୍ୟଃ ଶରଣ୍ୟଃ ପ୍ରପନ୍ନସ୍ୟ ନେତି
ପ୍ରସୀଦ ସ୍ମରନ୍ନେଵ ହନ୍ୟାସ୍ତୁ ଦୈନ୍ୟମ୍ ।
ନ ଚେତ୍ତେ ଭଵେଦ୍ଭକ୍ତଵାତ୍ସଲ୍ୟହାନିସ୍ତତୋ
ମେ ଦୟାଳୋ ସଦା ସନ୍ନିଧେହି ॥ 10 ॥

ଅୟଂ ଦାନକାଲସ୍ତ୍ଵହଂ ଦାନପାତ୍ରଂ
ଭଵାନେଵ ଦାତା ତ୍ଵଦନ୍ୟଂ ନ ୟାଚେ ।
ଭଵଦ୍ଭକ୍ତିମେଵ ସ୍ଥିରାଂ ଦେହି ମହ୍ୟଂ
କୃପାଶୀଲ ଶଂଭୋ କୃତାର୍ଥୋଽସ୍ମି ତସ୍ମାତ୍ ॥ 11 ॥

ପଶୁଂ ଵେତ୍ସି ଚେନ୍ମାଂ ତମେଵାଧିରୂଢଃ
କଲଂକୀତି ଵା ମୂର୍ଧ୍ନି ଧତ୍ସେ ତମେଵ ।
ଦ୍ଵିଜିହ୍ଵଃ ପୁନଃ ସୋଽପି ତେ କଂଠଭୂଷା
ତ୍ଵଦଂଗୀକୃତାଃ ଶର୍ଵ ସର୍ଵେଽପି ଧନ୍ୟାଃ ॥ 12 ॥

ନ ଶକ୍ନୋମି କର୍ତୁଂ ପରଦ୍ରୋହଲେଶଂ
କଥଂ ପ୍ରୀୟସେ ତ୍ଵଂ ନ ଜାନେ ଗିରୀଶ ।
ତଥାହି ପ୍ରସନ୍ନୋଽସି କସ୍ୟାପି
କାଂତାସୁତଦ୍ରୋହିଣୋ ଵା ପିତୃଦ୍ରୋହିଣୋ ଵା ॥ 13 ॥

ସ୍ତୁତିଂ ଧ୍ୟାନମର୍ଚାଂ ୟଥାଵଦ୍ଵିଧାତୁଂ
ଭଜନ୍ନପ୍ୟଜାନନ୍ମହେଶାଵଲଂବେ ।
ତ୍ରସଂତଂ ସୁତଂ ତ୍ରାତୁମଗ୍ରେ
ମୃକଂଡୋର୍ୟମପ୍ରାଣନିର୍ଵାପଣଂ ତ୍ଵତ୍ପଦାବ୍ଜମ୍ ॥ 14 ॥

ଶିରୋ ଦୃଷ୍ଟି ହୃଦ୍ରୋଗ ଶୂଲ ପ୍ରମେହଜ୍ଵରାର୍ଶୋ ଜରାୟକ୍ଷ୍ମହିକ୍କାଵିଷାର୍ତାନ୍ ।
ତ୍ଵମାଦ୍ୟୋ ଭିଷଗ୍ଭେଷଜଂ ଭସ୍ମ ଶଂଭୋ
ତ୍ଵମୁଲ୍ଲାଘୟାସ୍ମାନ୍ଵପୁର୍ଲାଘଵାୟ ॥ 15 ॥

ଦରିଦ୍ରୋଽସ୍ମ୍ୟଭଦ୍ରୋଽସ୍ମି ଭଗ୍ନୋଽସ୍ମି ଦୂୟେ
ଵିଷଣ୍ଣୋଽସ୍ମି ସନ୍ନୋଽସ୍ମି ଖିନ୍ନୋଽସ୍ମି ଚାହମ୍ ।
ଭଵାନ୍ପ୍ରାଣିନାମଂତରାତ୍ମାସି ଶଂଭୋ
ମମାଧିଂ ନ ଵେତ୍ସି ପ୍ରଭୋ ରକ୍ଷ ମାଂ ତ୍ଵମ୍ ॥ 16 ॥

ତ୍ଵଦକ୍ଷ୍ଣୋଃ କଟାକ୍ଷଃ ପତେତ୍ତ୍ର୍ୟକ୍ଷ ୟତ୍ର
କ୍ଷଣଂ କ୍ଷ୍ମା ଚ ଲକ୍ଷ୍ମୀଃ ସ୍ଵୟଂ ତଂ ଵୃଣାତେ ।
କିରୀଟସ୍ଫୁରଚ୍ଚାମରଚ୍ଛତ୍ରମାଲାକଲାଚୀଗଜକ୍ଷୌମଭୂଷାଵିଶେଷୈଃ ॥ 17 ॥

ଭଵାନ୍ୟୈ ଭଵାୟାପି ମାତ୍ରେ ଚ ପିତ୍ରେ
ମୃଡାନ୍ୟୈ ମୃଡାୟାପ୍ୟଘଘ୍ନ୍ୟୈ ମଖଘ୍ନେ ।
ଶିଵାଂଗ୍ୟୈ ଶିଵାଂଗାୟ କୁର୍ମଃ ଶିଵାୟୈ
ଶିଵାୟାଂବିକାୟୈ ନମସ୍ତ୍ର୍ୟଂବକାୟ ॥ 18 ॥

ଭଵଦ୍ଗୌରଵଂ ମଲ୍ଲଘୁତ୍ଵଂ ଵିଦିତ୍ଵା
ପ୍ରଭୋ ରକ୍ଷ କାରୁଣ୍ୟଦୃଷ୍ଟ୍ୟାନୁଗଂ ମାମ୍ ।
ଶିଵାତ୍ମାନୁଭାଵସ୍ତୁତାଵକ୍ଷମୋଽହଂ
ସ୍ଵଶକ୍ତ୍ୟା କୃତଂ ମେଽପରାଧଂ କ୍ଷମସ୍ଵ ॥ 19 ॥

ୟଦା କର୍ଣରଂଧ୍ରଂ ଵ୍ରଜେତ୍କାଲଵାହଦ୍ଵିଷତ୍କଂଠଘଂଟା ଘଣାତ୍କାରନାଦଃ ।
ଵୃଷାଧୀଶମାରୁହ୍ୟ ଦେଵୌପଵାହ୍ୟଂତଦା
ଵତ୍ସ ମା ଭୀରିତି ପ୍ରୀଣୟ ତ୍ଵମ୍ ॥ 20 ॥

ୟଦା ଦାରୁଣାଭାଷଣା ଭୀଷଣା ମେ
ଭଵିଷ୍ୟଂତ୍ୟୁପାଂତେ କୃତାଂତସ୍ୟ ଦୂତାଃ ।
ତଦା ମନ୍ମନସ୍ତ୍ଵତ୍ପଦାଂଭୋରୁହସ୍ଥଂ
କଥଂ ନିଶ୍ଚଲଂ ସ୍ୟାନ୍ନମସ୍ତେଽସ୍ତୁ ଶଂଭୋ ॥ 21 ॥

ୟଦା ଦୁର୍ନିଵାରଵ୍ୟଥୋଽହଂ ଶୟାନୋ
ଲୁଠନ୍ନିଃଶ୍ଵସନ୍ନିଃସୃତାଵ୍ୟକ୍ତଵାଣିଃ ।
ତଦା ଜହ୍ନୁକନ୍ୟାଜଲାଲଂକୃତଂ ତେ
ଜଟାମଂଡଲଂ ମନ୍ମନୋମଂଦିରେ ସ୍ୟାତ୍ ॥ 22 ॥

ୟଦା ପୁତ୍ରମିତ୍ରାଦୟୋ ମତ୍ସକାଶେ
ରୁଦଂତ୍ୟସ୍ୟ ହା କୀଦୃଶୀୟଂ ଦଶେତି ।
ତଦା ଦେଵଦେଵେଶ ଗୌରୀଶ ଶଂଭୋ
ନମସ୍ତେ ଶିଵାୟେତ୍ୟଜସ୍ରଂ ବ୍ରଵାଣି ॥ 23 ॥

ୟଦା ପଶ୍ୟତାଂ ମାମସୌ ଵେତ୍ତି
ନାସ୍ମାନୟଂ ଶ୍ଵାସ ଏଵେତି ଵାଚୋ ଭଵେୟୁଃ ।
ତଦା ଭୂତିଭୂଷଂ ଭୁଜଂଗାଵନଦ୍ଧଂ
ପୁରାରେ ଭଵଂତଂ ସ୍ଫୁଟଂ ଭାଵୟେୟମ୍ ॥ 24 ॥

ୟଦା ୟାତନାଦେହସଂଦେହଵାହୀ
ଭଵେଦାତ୍ମଦେହେ ନ ମୋହୋ ମହାନ୍ମେ ।
ତଦା କାଶଶୀତାଂଶୁସଂକାଶମୀଶ
ସ୍ମରାରେ ଵପୁସ୍ତେ ନମସ୍ତେ ସ୍ମରାମି ॥ 25 ॥

ୟଦାପାରମଚ୍ଛାୟମସ୍ଥାନମଦ୍ଭିର୍ଜନୈର୍ଵା ଵିହୀନଂ ଗମିଷ୍ୟାମି ମାର୍ଗମ୍ ।
ତଦା ତଂ ନିରୁଂଧଂକୃତାଂତସ୍ୟ ମାର୍ଗଂ
ମହାଦେଵ ମହ୍ୟଂ ମନୋଜ୍ଞଂ ପ୍ରୟଚ୍ଛ ॥ 26 ॥

ୟଦା ରୌରଵାଦି ସ୍ମରନ୍ନେଵ ଭୀତ୍ୟା
ଵ୍ରଜାମ୍ୟତ୍ର ମୋହଂ ମହାଦେଵ ଘୋରମ୍ ।
ତଦା ମାମହୋ ନାଥ କସ୍ତାରୟିଷ୍ୟତ୍ୟନାଥଂ ପରାଧୀନମର୍ଧେଂଦୁମୌଳେ ॥ 27 ॥

ୟଦା ଶ୍ଵେତପତ୍ରାୟତାଲଂଘ୍ୟଶକ୍ତେଃ
କୃତାଂତାଦ୍ଭୟଂ ଭକ୍ତିଵାତ୍ସଲ୍ୟଭାଵାତ୍ ।
ତଦା ପାହି ମାଂ ପାର୍ଵତୀଵଲ୍ଲଭାନ୍ୟଂ
ନ ପଶ୍ୟାମି ପାତାରମେତାଦୃଶଂ ମେ ॥ 28 ॥

ଇଦାନୀମିଦାନୀଂ ମୃତିର୍ମେ ଭଵିତ୍ରୀତ୍ୟହୋ ସଂତତଂ ଚିଂତୟା ପୀଡିତୋଽସ୍ମି ।
କଥଂ ନାମ ମା ଭୂନ୍ମୃତୌ ଭୀତିରେଷା
ନମସ୍ତେ ଗତୀନାଂ ଗତେ ନୀଲକଂଠ ॥ 29 ॥

ଅମର୍ୟାଦମେଵାହମାବାଲଵୃଦ୍ଧଂ
ହରଂତଂ କୃତାଂତଂ ସମୀକ୍ଷ୍ୟାସ୍ମି ଭୀତଃ ।
ମୃତୌ ତାଵକାଂଘ୍ର୍ୟବ୍ଜଦିଵ୍ୟପ୍ରସାଦାଦ୍ଭଵାନୀପତେ ନିର୍ଭୟୋଽହଂ ଭଵାନି ॥ 30 ॥

ଜରାଜନ୍ମଗର୍ଭାଧିଵାସାଦିଦୁଃଖାନ୍ୟସହ୍ୟାନି ଜହ୍ୟାଂ ଜଗନ୍ନାଥ ଦେଵ ।
ଭଵଂତଂ ଵିନା ମେ ଗତିର୍ନୈଵ ଶଂଭୋ
ଦୟାଳୋ ନ ଜାଗର୍ତି କିଂ ଵା ଦୟା ତେ ॥ 31 ॥

ଶିଵାୟେତି ଶବ୍ଦୋ ନମଃପୂର୍ଵ ଏଷ
ସ୍ମରନ୍ମୁକ୍ତିକୃନ୍ମୃତ୍ୟୁହା ତତ୍ତ୍ଵଵାଚୀ ।
ମହେଶାନ ମା ଗାନ୍ମନସ୍ତୋ ଵଚସ୍ତଃ
ସଦା ମହ୍ୟମେତତ୍ପ୍ରଦାନଂ ପ୍ରୟଚ୍ଛ ॥ 32 ॥

ତ୍ଵମପ୍ୟଂବ ମାଂ ପଶ୍ୟ ଶୀତାଂଶୁମୌଳିପ୍ରିୟେ ଭେଷଜଂ ତ୍ଵଂ ଭଵଵ୍ୟାଧିଶାଂତୌ
ବହୁକ୍ଲେଶଭାଜଂ ପଦାଂଭୋଜପୋତେ
ଭଵାବ୍ଧୌ ନିମଗ୍ନଂ ନୟସ୍ଵାଦ୍ୟ ପାରମ୍ ॥ 33 ॥

ଅନୁଦ୍ୟଲ୍ଲଲାଟାକ୍ଷି ଵହ୍ନି ପ୍ରରୋହୈରଵାମସ୍ଫୁରଚ୍ଚାରୁଵାମୋରୁଶୋଭୈଃ ।
ଅନଂଗଭ୍ରମଦ୍ଭୋଗିଭୂଷାଵିଶେଷୈରଚଂଦ୍ରାର୍ଧଚୂଡୈରଲଂ ଦୈଵତୈର୍ନଃ ॥ 34 ॥

ଅକଂଠେକଲଂକାଦନଂଗେଭୁଜଂଗାଦପାଣୌକପାଲାଦଫାଲେଽନଲାକ୍ଷାତ୍ ।
ଅମୌଳୌଶଶାଂକାଦଵାମେକଳତ୍ରାଦହଂ ଦେଵମନ୍ୟଂ ନ ମନ୍ୟେ ନ ମନ୍ୟେ ॥ 35 ॥

ମହାଦେଵ ଶଂଭୋ ଗିରୀଶ ତ୍ରିଶୂଲିଂସ୍ତ୍ଵଦୀୟଂ ସମସ୍ତଂ ଵିଭାତୀତି ୟସ୍ମାତ୍ ।
ଶିଵାଦନ୍ୟଥା ଦୈଵତଂ ନାଭିଜାନେ
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ॥ 36 ॥

ୟତୋଽଜାୟତେଦଂ ପ୍ରପଂଚଂ ଵିଚିତ୍ରଂ
ସ୍ଥିତିଂ ୟାତି ୟସ୍ମିନ୍ୟଦେକାଂତମଂତେ ।
ସ କର୍ମାଦିହୀନଃ ସ୍ଵୟଂଜ୍ୟୋତିରାତ୍ମା
ଶିଵୋଽହଂ ଶିଵୋଽହଂ ଶିଵୋଽହଂ ଶିଵୋଽହମ୍ ॥ 37 ॥

କିରୀଟେ ନିଶେଶୋ ଲଲାଟେ ହୁତାଶୋ
ଭୁଜେ ଭୋଗିରାଜୋ ଗଲେ କାଲିମା ଚ ।
ତନୌ କାମିନୀ ୟସ୍ୟ ତତ୍ତୁଲ୍ୟଦେଵଂ
ନ ଜାନେ ନ ଜାନେ ନ ଜାନେ ନ ଜାନେ ॥ 38 ॥

ଅନେନ ସ୍ତଵେନାଦରାଦଂବିକେଶଂ
ପରାଂ ଭକ୍ତିମାସାଦ୍ୟ ୟଂ ୟେ ନମଂତି ।
ମୃତୌ ନିର୍ଭୟାସ୍ତେ ଜନାସ୍ତଂ ଭଜଂତେ
ହୃଦଂଭୋଜମଧ୍ୟେ ସଦାସୀନମୀଶମ୍ ॥ 39 ॥

ଭୁଜଂଗପ୍ରିୟାକଲ୍ପ ଶଂଭୋ ମୟୈଵଂ
ଭୁଜଂଗପ୍ରୟାତେନ ଵୃତ୍ତେନ କ୍ଲୃପ୍ତମ୍ ।
ନରଃ ସ୍ତୋତ୍ରମେତତ୍ପଠିତ୍ଵୋରୁଭକ୍ତ୍ୟା
ସୁପୁତ୍ରାୟୁରାରୋଗ୍ୟମୈଶ୍ଵର୍ୟମେତି ॥ 40 ॥




Browse Related Categories: