View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ଶିଵ ଭୁଜଂଗ ପ୍ରୟାତ ସ୍ତୋତ୍ରମ୍

କୃପାସାଗରାୟାଶୁକାଵ୍ୟପ୍ରଦାୟ
ପ୍ରଣମ୍ରାଖିଲାଭୀଷ୍ଟସଂଦାୟକାୟ ।
ୟତୀଂଦ୍ରୈରୁପାସ୍ୟାଂଘ୍ରିପାଥୋରୁହାୟ
ପ୍ରବୋଧପ୍ରଦାତ୍ରେ ନମଃ ଶଂକରାୟ ॥1॥

ଚିଦାନଂଦରୂପାୟ ଚିନ୍ମୁଦ୍ରିକୋଦ୍ୟ-
ତ୍କରାୟେଶପର୍ୟାୟରୂପାୟ ତୁଭ୍ୟମ୍ ।
ମୁଦା ଗୀୟମାନାୟ ଵେଦୋତ୍ତମାଂଗୈଃ
ଶ୍ରିତାନଂଦଦାତ୍ରେ ନମଃ ଶଂକରାୟ ॥2॥

ଜଟାଜୂଟମଧ୍ୟେ ପୁରା ୟା ସୁରାଣାଂ
ଧୁନୀ ସାଦ୍ୟ କର୍ମଂଦିରୂପସ୍ୟ ଶଂଭୋଃ
ଗଲେ ମଲ୍ଲିକାମାଲିକାଵ୍ୟାଜତସ୍ତେ
ଵିଭାତୀତି ମନ୍ୟେ ଗୁରୋ କିଂ ତଥୈଵ ॥3॥

ନଖେଂଦୁପ୍ରଭାଧୂତନମ୍ରାଲିହାର୍ଦା-
ଂଧକାରଵ୍ରଜାୟାବ୍ଜମଂଦସ୍ମିତାୟ ।
ମହାମୋହପାଥୋନିଧେର୍ବାଡବାୟ
ପ୍ରଶାଂତାୟ କୁର୍ମୋ ନମଃ ଶଂକରାୟ ॥4॥

ପ୍ରଣମ୍ରାଂତରଂଗାବ୍ଜବୋଧପ୍ରଦାତ୍ରେ
ଦିଵାରାତ୍ରମଵ୍ୟାହତୋସ୍ରାୟ କାମମ୍ ।
କ୍ଷପେଶାୟ ଚିତ୍ରାୟ ଲକ୍ଷ୍ମ କ୍ଷୟାଭ୍ୟାଂ
ଵିହୀନାୟ କୁର୍ମୋ ନମଃ ଶଂକରାୟ ॥5॥

ପ୍ରଣମ୍ରାସ୍ୟପାଥୋଜମୋଦପ୍ରଦାତ୍ରେ
ସଦାଂତସ୍ତମସ୍ତୋମସଂହାରକର୍ତ୍ରେ ।
ରଜନ୍ୟା ମପୀଦ୍ଧପ୍ରକାଶାୟ କୁର୍ମୋ
ହ୍ୟପୂର୍ଵାୟ ପୂଷ୍ଣେ ନମଃ ଶଂକରାୟ ॥6॥

ନତାନାଂ ହୃଦବ୍ଜାନି ଫୁଲ୍ଲାନି ଶୀଘ୍ରଂ
କରୋମ୍ୟାଶୁ ୟୋଗପ୍ରଦାନେନ ନୂନମ୍ ।
ପ୍ରବୋଧାୟ ଚେତ୍ଥଂ ସରୋଜାନି ଧତ୍ସେ
ପ୍ରଫୁଲ୍ଲାନି କିଂ ଭୋ ଗୁରୋ ବ୍ରୂହି ମହ୍ୟମ୍ ॥7॥

ପ୍ରଭାଧୂତଚଂଦ୍ରାୟୁତାୟାଖିଲେଷ୍ଟ-
ପ୍ରଦାୟାନତାନାଂ ସମୂହାୟ ଶୀଘ୍ରମ୍।
ପ୍ରତୀପାୟ ନମ୍ରୌଘଦୁଃଖାଘପଂକ୍ତେ-
ର୍ମୁଦା ସର୍ଵଦା ସ୍ୟାନ୍ନମଃ ଶଂକରାୟ ॥8॥

ଵିନିଷ୍କାସିତାନୀଶ ତତ୍ତ୍ଵାଵବୋଧା -
ନ୍ନତାନାଂ ମନୋଭ୍ୟୋ ହ୍ୟନନ୍ୟାଶ୍ରୟାଣି ।
ରଜାଂସି ପ୍ରପନ୍ନାନି ପାଦାଂବୁଜାତଂ
ଗୁରୋ ରକ୍ତଵସ୍ତ୍ରାପଦେଶାଦ୍ବିଭର୍ଷି ॥9॥

ମତେର୍ଵେଦଶୀର୍ଷାଧ୍ଵସଂପ୍ରାପକାୟା-
ନତାନାଂ ଜନାନାଂ କୃପାର୍ଦ୍ରୈଃ କଟାକ୍ଷୈଃ ।
ତତେଃ ପାପବୃଂଦସ୍ୟ ଶୀଘ୍ରଂ ନିହଂତ୍ରେ
ସ୍ମିତାସ୍ୟାୟ କୁର୍ମୋ ନମଃ ଶଂକରାୟ ॥10॥

ସୁପର୍ଵୋକ୍ତିଗଂଧେନ ହୀନାୟ ତୂର୍ଣଂ
ପୁରା ତୋଟକାୟାଖିଲଜ୍ଞାନଦାତ୍ରେ।
ପ୍ରଵାଲୀୟଗର୍ଵାପହାରସ୍ୟ କର୍ତ୍ରେ
ପଦାବ୍ଜମ୍ରଦିମ୍ନା ନମଃ ଶଂକରାୟ ॥11॥

ଭଵାଂଭୋଧିମଗ୍ନାନ୍ଜନାଂଦୁଃଖୟୁକ୍ତାନ୍
ଜଵାଦୁଦ୍ଦିଧୀର୍ଷୁର୍ଭଵାନିତ୍ୟହୋଽହମ୍ ।
ଵିଦିତ୍ଵା ହି ତେ କୀର୍ତିମନ୍ୟାଦୃଶାଂଭୋ
ସୁଖଂ ନିର୍ଵିଶଂକଃ ସ୍ଵପିମ୍ୟସ୍ତୟତ୍ନଃ ॥12॥

॥ଇତି ଶ୍ରୀଶଂକରାଚାର୍ୟ ଭୁଜଂଗପ୍ରୟାତସ୍ତୋତ୍ରମ୍॥




Browse Related Categories: