ଶିଵୋ ମହେଶ୍ଵର-ଶ୍ଶଂଭୁଃ ପିନାକୀ ଶଶିଶେଖରଃ
ଵାମଦେଵୋ ଵିରୂପାକ୍ଷଃ କପର୍ଦୀ ନୀଲଲୋହିତଃ ॥ 1 ॥
ଶଂକର-ଶ୍ଶୂଲପାଣିଶ୍ଚ ଖଟ୍ଵାଂଗୀ ଵିଷ୍ଣୁଵଲ୍ଲଭଃ
ଶିପିଵିଷ୍ଟୋଽଂବିକାନାଥଃ ଶ୍ରୀକଂଠୋ ଭକ୍ତଵତ୍ସଲଃ ॥ 2 ॥
ଭଵ-ଶ୍ଶର୍ଵ-ସ୍ତ୍ରିଲୋକେଶଃ ଶିତିକଂଠଃ ଶିଵାପ୍ରିୟଃ
ଉଗ୍ରଃ କପାଲୀ କାମାରି ରଂଧକାସୁରସୂଦନଃ ॥ 3 ॥
ଗଂଗାଧରୋ ଲଲାଟାକ୍ଷଃ କାଲକାଲଃ କୃପାନିଧିଃ
ଭୀମଃ ପରଶୁହସ୍ତଶ୍ଚ ମୃଗପାଣି-ର୍ଜଟାଧରଃ ॥ 4 ॥
କୈଲାସଵାସୀ କଵଚୀ କଠୋର-ସ୍ତ୍ରିପୁରାଂତକଃ
ଵୃଷାଂକୋ ଵୃଷଭାରୂଢୋ ଭସ୍ମୋଦ୍ଧୂଳିତଵିଗ୍ରହଃ ॥ 5 ॥
ସାମପ୍ରିୟ-ସ୍ସ୍ଵରମୟ-ସ୍ତ୍ରୟୀମୂର୍ତି-ରନୀଶ୍ଵରଃ
ସର୍ଵଜ୍ଞଃ ପରମାତ୍ମା ଚ ସୋମସୂର୍ୟାଗ୍ନିଲୋଚନଃ ॥ 6 ॥
ହଵି-ର୍ୟଜ୍ଞମୟ-ସ୍ସୋମଃ ପଂଚଵକ୍ତ୍ର-ସ୍ସଦାଶିଵଃ
ଵିଶ୍ଵେଶ୍ଵରୋ ଵୀରଭଦ୍ରୋ ଗଣନାଥଃ ପ୍ରଜାପତିଃ ॥ 7 ॥
ହିରଣ୍ୟରେତା ଦୁର୍ଧର୍ଷୋ ଗିରୀଶୋ ଗିରିଶୋଽନଘଃ
ଭୁଜଂଗଭୂଷଣୋ ଭର୍ଗୋ ଗିରିଧନ୍ଵା ଗିରିପ୍ରିୟଃ ॥ 8 ॥
କୃତ୍ତିଵାସାଃ ପୁରାରାତି-ର୍ଭଗଵାନ୍ ପ୍ରମଥାଧିପଃ
ମୃତ୍ୟୁଂଜୟ-ସ୍ସୂକ୍ଷ୍ମତନୁ-ର୍ଜଗଦ୍ଵ୍ୟାପୀ ଜଗଦ୍ଗୁରୁଃ ॥ 9 ॥
ଵ୍ୟୋମକେଶୋ ମହାସେନଜନକ-ଶ୍ଚାରୁଵିକ୍ରମଃ
ରୁଦ୍ରୋ ଭୂତପତିଃ ସ୍ଥାଣୁ-ରହିର୍ଭୁଧ୍ନ୍ୟୋ ଦିଗଂବରଃ ॥ 10 ॥
ଅଷ୍ଟମୂର୍ତି-ରନେକାତ୍ମା ସାତ୍ତ୍ଵିକ-ଶ୍ଶୁଦ୍ଧଵିଗ୍ରହଃ
ଶାଶ୍ଵତଃ ଖଂଡପରଶୁ-ରଜଃ ପାଶଵିମୋଚକଃ ॥ 11 ॥
ମୃଡଃ ପଶୁପତି-ର୍ଦେଵୋ ମହାଦେଵୋଽଵ୍ୟୟୋ ହରିଃ
ପୂଷଦଂତଭି-ଦଵ୍ୟଗ୍ରୋ ଦକ୍ଷାଧ୍ଵରହରୋ ହରଃ ॥ 12 ॥
ଭଗନେତ୍ରଭି-ଦଵ୍ୟକ୍ତୋ ସହସ୍ରାକ୍ଷ-ସ୍ସହସ୍ରପାତ୍
ଅପଵର୍ଗପ୍ରଦୋଽନଂତ-ସ୍ତାରକଃ ପରମେଶ୍ଵରଃ ॥ 13 ॥
ଏଵଂ ଶ୍ରୀ ଶଂଭୁଦେଵସ୍ୟ ନାମ୍ନାମଷ୍ଟୋତ୍ତରଂ ଶତମ୍ ॥
ଇତି ଶ୍ରୀ ଶିଵାଷ୍ଟୋତ୍ତରଶତନାମସ୍ତୋତ୍ରରତ୍ନଂ ସମାପ୍ତମ୍ ।
