શિવો મહેશ્વર-શ્શંભુઃ પિનાકી શશિશેખરઃ
વામદેવો વિરૂપાક્ષઃ કપર્દી નીલલોહિતઃ ॥ 1 ॥
શંકર-શ્શૂલપાણિશ્ચ ખટ્વાંગી વિષ્ણુવલ્લભઃ
શિપિવિષ્ટોઽંબિકાનાથઃ શ્રીકંઠો ભક્તવત્સલઃ ॥ 2 ॥
ભવ-શ્શર્વ-સ્ત્રિલોકેશઃ શિતિકંઠઃ શિવાપ્રિયઃ
ઉગ્રઃ કપાલી કામારિ રંધકાસુરસૂદનઃ ॥ 3 ॥
ગંગાધરો લલાટાક્ષઃ કાલકાલઃ કૃપાનિધિઃ
ભીમઃ પરશુહસ્તશ્ચ મૃગપાણિ-ર્જટાધરઃ ॥ 4 ॥
કૈલાસવાસી કવચી કઠોર-સ્ત્રિપુરાંતકઃ
વૃષાંકો વૃષભારૂઢો ભસ્મોદ્ધૂળિતવિગ્રહઃ ॥ 5 ॥
સામપ્રિય-સ્સ્વરમય-સ્ત્રયીમૂર્તિ-રનીશ્વરઃ
સર્વજ્ઞઃ પરમાત્મા ચ સોમસૂર્યાગ્નિલોચનઃ ॥ 6 ॥
હવિ-ર્યજ્ઞમય-સ્સોમઃ પંચવક્ત્ર-સ્સદાશિવઃ
વિશ્વેશ્વરો વીરભદ્રો ગણનાથઃ પ્રજાપતિઃ ॥ 7 ॥
હિરણ્યરેતા દુર્ધર્ષો ગિરીશો ગિરિશોઽનઘઃ
ભુજંગભૂષણો ભર્ગો ગિરિધન્વા ગિરિપ્રિયઃ ॥ 8 ॥
કૃત્તિવાસાઃ પુરારાતિ-ર્ભગવાન્ પ્રમથાધિપઃ
મૃત્યુંજય-સ્સૂક્ષ્મતનુ-ર્જગદ્વ્યાપી જગદ્ગુરુઃ ॥ 9 ॥
વ્યોમકેશો મહાસેનજનક-શ્ચારુવિક્રમઃ
રુદ્રો ભૂતપતિઃ સ્થાણુ-રહિર્ભુધ્ન્યો દિગંબરઃ ॥ 10 ॥
અષ્ટમૂર્તિ-રનેકાત્મા સાત્ત્વિક-શ્શુદ્ધવિગ્રહઃ
શાશ્વતઃ ખંડપરશુ-રજઃ પાશવિમોચકઃ ॥ 11 ॥
મૃડઃ પશુપતિ-ર્દેવો મહાદેવોઽવ્યયો હરિઃ
પૂષદંતભિ-દવ્યગ્રો દક્ષાધ્વરહરો હરઃ ॥ 12 ॥
ભગનેત્રભિ-દવ્યક્તો સહસ્રાક્ષ-સ્સહસ્રપાત્
અપવર્ગપ્રદોઽનંત-સ્તારકઃ પરમેશ્વરઃ ॥ 13 ॥
એવં શ્રી શંભુદેવસ્ય નામ્નામષ્ટોત્તરં શતમ્ ॥
ઇતિ શ્રી શિવાષ્ટોત્તરશતનામસ્તોત્રરત્નં સમાપ્તમ્ ।
