ନୀଲାଂବରୋ ନୀଲଵପୁଃ କିରୀଟୀ
ଗୃଧ୍ରସ୍ଥିତାସ୍ତ୍ରକରୋ ଧନୁଷ୍ମାନ୍ ।
ଚତୁର୍ଭୁଜଃ ସୂର୍ୟସୁତଃ ପ୍ରସନ୍ନଃ
ସଦା ମମସ୍ୟାଦ୍ଵରଦଃ ପ୍ରଶାଂତଃ ॥
ବ୍ରହ୍ମା ଉଵାଚ ।
ଶୃଣୁଧ୍ଵଂ ଋଷୟଃ ସର୍ଵେ ଶନି ପୀଡାହରଂ ମହତ୍ ।
କଵଚଂ ଶନିରାଜସ୍ୟ ସୌରୈରିଦମନୁତ୍ତମମ୍ ॥
କଵଚଂ ଦେଵତାଵାସଂ ଵଜ୍ର ପଂଜର ସଂଂଗକମ୍ ।
ଶନୈଶ୍ଚର ପ୍ରୀତିକରଂ ସର୍ଵସୌଭାଗ୍ୟଦାୟକମ୍ ॥
ଅଥ ଶ୍ରୀ ଶନି ଵଜ୍ର ପଂଜର କଵଚମ୍ ।
ଓଂ ଶ୍ରୀ ଶନୈଶ୍ଚରଃ ପାତୁ ଭାଲଂ ମେ ସୂର୍ୟନଂଦନଃ ।
ନେତ୍ରେ ଛାୟାତ୍ମଜଃ ପାତୁ ପାତୁ କର୍ଣୌ ୟମାନୁଜଃ ॥ 1 ॥
ନାସାଂ ଵୈଵସ୍ଵତଃ ପାତୁ ମୁଖଂ ମେ ଭାସ୍କରଃ ସଦା ।
ସ୍ନିଗ୍ଧକଂଠଶ୍ଚ ମେ କଂଠଂ ଭୁଜୌ ପାତୁ ମହାଭୁଜଃ ॥ 2 ॥
ସ୍କଂଧୌ ପାତୁ ଶନିଶ୍ଚୈଵ କରୌ ପାତୁ ଶୁଭପ୍ରଦଃ ।
ଵକ୍ଷଃ ପାତୁ ୟମଭ୍ରାତା କୁକ୍ଷିଂ ପାତ୍ଵସିତସ୍ତଥା ॥ 3 ॥
ନାଭିଂ ଗ୍ରହପତିଃ ପାତୁ ମଂଦଃ ପାତୁ କଟିଂ ତଥା ।
ଊରୂ ମମାଂତକଃ ପାତୁ ୟମୋ ଜାନୁୟୁଗଂ ତଥା ॥ 4 ॥
ପାଦୌ ମଂଦଗତିଃ ପାତୁ ସର୍ଵାଂଗଂ ପାତୁ ପିପ୍ପଲଃ ।
ଅଂଗୋପାଂଗାନି ସର୍ଵାଣି ରକ୍ଷେନ୍ ମେ ସୂର୍ୟନଂଦନଃ ॥ 5 ॥
ଫଲଶ୍ରୁତିଃ
ଇତ୍ୟେତତ୍କଵଚଂ ଦିଵ୍ୟଂ ପଠେତ୍ସୂର୍ୟସୁତସ୍ୟ ୟଃ ।
ନ ତସ୍ୟ ଜାୟତେ ପୀଡା ପ୍ରୀତୋ ଭଵତି ସୂର୍ୟଜଃ ॥
ଵ୍ୟୟଜନ୍ମଦ୍ଵିତୀୟସ୍ଥୋ ମୃତ୍ୟୁସ୍ଥାନଗତୋପିଵା ।
କଲତ୍ରସ୍ଥୋ ଗତୋଵାପି ସୁପ୍ରୀତସ୍ତୁ ସଦା ଶନିଃ ॥
ଅଷ୍ଟମସ୍ଥୋ ସୂର୍ୟସୁତେ ଵ୍ୟୟେ ଜନ୍ମଦ୍ଵିତୀୟଗେ ।
କଵଚଂ ପଠତେ ନିତ୍ୟଂ ନ ପୀଡା ଜାୟତେ କ୍ଵଚିତ୍ ॥
ଇତ୍ୟେତତ୍କଵଚଂ ଦିଵ୍ୟଂ ସୌରେର୍ୟନ୍ନିର୍ମିତଂ ପୁରା ।
ଦ୍ଵାଦଶାଷ୍ଟମଜନ୍ମସ୍ଥଦୋଷାନ୍ନାଶୟତେ ସଦା ।
ଜନ୍ମଲଗ୍ନସ୍ଥିତାନ୍ ଦୋଷାନ୍ ସର୍ଵାନ୍ନାଶୟତେ ପ୍ରଭୁଃ ॥
ଇତି ଶ୍ରୀ ବ୍ରହ୍ମାଂଡପୁରାଣେ ବ୍ରହ୍ମନାରଦସଂଵାଦେ ଶନିଵଜ୍ରପଂଜର କଵଚଂ ସଂପୂର୍ଣମ୍ ॥