View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ସର୍ଵଦେଵ କୃତ ଶ୍ରୀ ଲକ୍ଷ୍ମୀ ସ୍ତୋତ୍ରମ୍

କ୍ଷମସ୍ଵ ଭଗଵତ୍ୟଂବ କ୍ଷମା ଶୀଲେ ପରାତ୍ପରେ।
ଶୁଦ୍ଧ ସତ୍ଵ ସ୍ଵରୂପେଚ କୋପାଦି ପରି ଵର୍ଜିତେ॥

ଉପମେ ସର୍ଵ ସାଧ୍ଵୀନାଂ ଦେଵୀନାଂ ଦେଵ ପୂଜିତେ।
ତ୍ଵୟା ଵିନା ଜଗତ୍ସର୍ଵଂ ମୃତ ତୁଲ୍ୟଂଚ ନିଷ୍ଫଲମ୍।

ସର୍ଵ ସଂପତ୍ସ୍ଵରୂପାତ୍ଵଂ ସର୍ଵେଷାଂ ସର୍ଵ ରୂପିଣୀ।
ରାସେଶ୍ଵର୍ୟଧି ଦେଵୀତ୍ଵଂ ତ୍ଵତ୍କଲାଃ ସର୍ଵୟୋଷିତଃ॥

କୈଲାସେ ପାର୍ଵତୀ ତ୍ଵଂଚ କ୍ଷୀରୋଧେ ସିଂଧୁ କନ୍ୟକା।
ସ୍ଵର୍ଗେଚ ସ୍ଵର୍ଗ ଲକ୍ଷ୍ମୀ ସ୍ତ୍ଵଂ ମର୍ତ୍ୟ ଲକ୍ଷ୍ମୀଶ୍ଚ ଭୂତଲେ॥

ଵୈକୁଂଠେଚ ମହାଲକ୍ଷ୍ମୀଃ ଦେଵଦେଵୀ ସରସ୍ଵତୀ।
ଗଂଗାଚ ତୁଲସୀତ୍ଵଂଚ ସାଵିତ୍ରୀ ବ୍ରହ୍ମ ଲୋକତଃ॥

କୃଷ୍ଣ ପ୍ରାଣାଧି ଦେଵୀତ୍ଵଂ ଗୋଲୋକେ ରାଧିକା ସ୍ଵୟମ୍।
ରାସେ ରାସେଶ୍ଵରୀ ତ୍ଵଂଚ ବୃଂଦା ବୃଂଦାଵନେ ଵନେ॥

କୃଷ୍ଣ ପ୍ରିୟା ତ୍ଵଂ ଭାଂଡୀରେ ଚଂଦ୍ରା ଚଂଦନ କାନନେ।
ଵିରଜା ଚଂପକ ଵନେ ଶତ ଶୃଂଗେଚ ସୁଂଦରୀ।

ପଦ୍ମାଵତୀ ପଦ୍ମ ଵନେ ମାଲତୀ ମାଲତୀ ଵନେ।
କୁଂଦ ଦଂତୀ କୁଂଦଵନେ ସୁଶୀଲା କେତକୀ ଵନେ॥

କଦଂବ ମାଲା ତ୍ଵଂ ଦେଵୀ କଦଂବ କାନନେ2ପିଚ।
ରାଜଲକ୍ଷ୍ମୀଃ ରାଜ ଗେହେ ଗୃହଲକ୍ଷ୍ମୀ ର୍ଗୃହେ ଗୃହେ॥

ଇତ୍ୟୁକ୍ତ୍ଵା ଦେଵତାସ୍ସର୍ଵାଃ ମୁନୟୋ ମନଵସ୍ତଥା।
ରୂରୂଦୁର୍ନ ମ୍ରଵଦନାଃ ଶୁଷ୍କ କଂଠୋଷ୍ଠ ତାଲୁକାଃ॥

ଇତି ଲକ୍ଷ୍ମୀ ସ୍ତଵଂ ପୁଣ୍ୟଂ ସର୍ଵଦେଵୈଃ କୃତଂ ଶୁଭମ୍।
ୟଃ ପଠେତ୍ପ୍ରାତରୁତ୍ଥାୟ ସଵୈସର୍ଵଂ ଲଭେଦ୍ଧ୍ରୁଵମ୍॥

ଅଭାର୍ୟୋ ଲଭତେ ଭାର୍ୟାଂ ଵିନୀତାଂ ସୁସୁତାଂ ସତୀମ୍।
ସୁଶୀଲାଂ ସୁଂଦରୀଂ ରମ୍ୟାମତି ସୁପ୍ରିୟଵାଦିନୀମ୍॥

ପୁତ୍ର ପୌତ୍ର ଵତୀଂ ଶୁଦ୍ଧାଂ କୁଲଜାଂ କୋମଲାଂ ଵରାମ୍।
ଅପୁତ୍ରୋ ଲଭତେ ପୁତ୍ରଂ ଵୈଷ୍ଣଵଂ ଚିରଜୀଵିନମ୍॥

ପରମୈଶ୍ଵର୍ୟ ୟୁକ୍ତଂଚ ଵିଦ୍ୟାଵଂତଂ ୟଶସ୍ଵିନମ୍।
ଭ୍ରଷ୍ଟରାଜ୍ୟୋ ଲଭେଦ୍ରାଜ୍ୟଂ ଭ୍ରଷ୍ଟ ଶ୍ରୀର୍ଲଭେତେ ଶ୍ରିୟମ୍॥

ହତ ବଂଧୁର୍ଲଭେଦ୍ବଂଧୁଂ ଧନ ଭ୍ରଷ୍ଟୋ ଧନଂ ଲଭେତ୍॥
କୀର୍ତି ହୀନୋ ଲଭେତ୍କୀର୍ତିଂ ପ୍ରତିଷ୍ଠାଂଚ ଲଭେଦ୍ଧ୍ରୁଵମ୍॥

ସର୍ଵ ମଂଗଳଦଂ ସ୍ତୋତ୍ରଂ ଶୋକ ସଂତାପ ନାଶନମ୍।
ହର୍ଷାନଂଦକରଂ ଶାଶ୍ଵଦ୍ଧର୍ମ ମୋକ୍ଷ ସୁହୃତ୍ପଦମ୍॥

॥ ଇତି ସର୍ଵ ଦେଵ କୃତ ଲକ୍ଷ୍ମୀ ସ୍ତୋତ୍ରଂ ସଂପୂର୍ଣମ୍ ॥




Browse Related Categories: