View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

পুরুষ সূক্তম্

ওং তচ্ছং॒-যোঁরাবৃ॑ণীমহে । গা॒তুং-যঁ॒জ্ঞায॑ । গা॒তুং-যঁ॒জ্ঞপ॑তযে । দৈবী᳚ স্ব॒স্তির॑স্তু নঃ । স্ব॒স্তির্মানু॑ষেভ্যঃ । ঊ॒র্ধ্বং জি॑গাতু ভেষ॒জম্ । শং নো॑ অস্তু দ্বি॒পদে᳚ । শং চতু॑ষ্পদে ।

ওং শাংতিঃ॒ শাংতিঃ॒ শাংতিঃ॑ ॥

স॒হস্র॑শীর্​ষা॒ পুরু॑ষঃ । স॒হ॒স্রা॒ক্ষঃ স॒হস্র॑পাত্ ।
স ভূমিং॑-বিঁ॒শ্বতো॑ বৃ॒ত্বা । অত্য॑তিষ্ঠদ্দশাংগু॒লম্ ॥

পুরু॑ষ এ॒বেদগ্​ম্ সর্বম্᳚ । যদ্ভূ॒তং-যঁচ্চ॒ ভব্যম্᳚ ।
উ॒তামৃ॑ত॒ত্ব স্যেশা॑নঃ । য॒দন্নে॑নাতি॒রোহ॑তি ॥

এ॒তাবা॑নস্য মহি॒মা । অতো॒ জ্যাযাগ্॑শ্চ॒ পূরু॑ষঃ ।
পাদো᳚ঽস্য॒ বিশ্বা॑ ভূ॒তানি॑ । ত্রি॒পাদ॑স্যা॒মৃতং॑ দি॒বি ॥

ত্রি॒পাদূ॒র্ধ্ব উদৈ॒ত্পুরু॑ষঃ । পাদো᳚ঽস্যে॒হাঽঽভ॑বা॒ত্পুনঃ॑ ।
ততো॒ বিষ্ব॒ঙ্ব্য॑ক্রামত্ । সা॒শ॒না॒ন॒শ॒নে অ॒ভি ॥

তস্মা᳚দ্বি॒রাড॑জাযত । বি॒রাজো॒ অধি॒ পূরু॑ষঃ ।
স জা॒তো অত্য॑রিচ্যত । প॒শ্চাদ্ভূমি॒মথো॑ পু॒রঃ ॥

যত্পুরু॑ষেণ হ॒বিষা᳚ । দে॒বা য॒জ্ঞমত॑ন্বত ।
ব॒সং॒তো অ॑স্যাসী॒দাজ্যম্᳚ । গ্রী॒ষ্ম ই॒ধ্মশ্শ॒রধ্ধ॒বিঃ ॥

স॒প্তাস্যা॑সন্পরি॒ধযঃ॑ । ত্রিঃ স॒প্ত স॒মিধঃ॑ কৃ॒তাঃ ।
দে॒বা যদ্য॒জ্ঞং ত॑ন্বা॒নাঃ । অব॑ধ্ন॒ন্-পুরু॑ষং প॒শুম্ ॥

তং-যঁ॒জ্ঞং ব॒র্॒হিষি॒ প্রৌক্ষন্॑ । পুরু॑ষং জা॒তম॑গ্র॒তঃ ।
তেন॑ দে॒বা অয॑জংত । সা॒ধ্যা ঋষ॑যশ্চ॒ যে ॥

তস্মা᳚দ্য॒জ্ঞাথ্স॑র্ব॒হুতঃ॑ । সংভৃ॑তং পৃষদা॒জ্যম্ ।
প॒শূগ্গ্-স্তাগ্গ্-শ্চ॑ক্রে বায॒ব্যান্॑ । আ॒র॒ণ্যান্-গ্রা॒ম্যাশ্চ॒ যে ॥

তস্মা᳚দ্য॒জ্ঞাথ্স॑র্ব॒হুতঃ॑ । ঋচঃ॒ সামা॑নি জজ্ঞিরে ।
ছংদাগ্​ম্॑সি জজ্ঞিরে॒ তস্মা᳚ত্ । যজু॒স্তস্মা॑দজাযত ॥

তস্মা॒দশ্বা॑ অজাযংত । যে কে চো॑ভ॒যাদ॑তঃ ।
গাবো॑ হ জজ্ঞিরে॒ তস্মা᳚ত্ । তস্মা᳚জ্জা॒তা অ॑জা॒বযঃ॑ ॥

যত্পুরু॑ষং॒-ব্যঁ॑দধুঃ । ক॒তি॒থা ব্য॑কল্পযন্ন্ ।
মুখং॒ কিম॑স্য॒ কৌ বা॒হূ । কাবূ॒রূ পাদা॑বুচ্যেতে ॥

ব্রা॒হ্ম॒ণো᳚ঽস্য॒ মুখ॑মাসীত্ । বা॒হূ রা॑জ॒ন্যঃ॑ কৃ॒তঃ ।
ঊ॒রূ তদ॑স্য॒ যদ্বৈশ্যঃ॑ । প॒দ্ভ্যাগ্​ম্ শূ॒দ্রো অ॑জাযতঃ ॥

চং॒দ্রমা॒ মন॑সো জা॒তঃ । চক্ষোঃ॒ সূর্যো॑ অজাযত ।
মুখা॒দিংদ্র॑শ্চা॒গ্নিশ্চ॑ । প্রা॒ণাদ্বা॒যুর॑জাযত ॥

নাভ্যা॑ আসীদং॒তরি॑ক্ষম্ । শী॒র্​ষ্ণো দ্যৌঃ সম॑বর্তত ।
প॒দ্ভ্যাং ভূমি॒র্দিশঃ॒ শ্রোত্রা᳚ত্ । তথা॑ লো॒কাগ্​ম্ অ॑কল্পযন্ন্ ॥

বেদা॒হমে॒তং পুরু॑ষং ম॒হাংতম্᳚ । আ॒দি॒ত্যব॑র্ণং॒ তম॑স॒স্তু পা॒রে ।
সর্বা॑ণি রূ॒পাণি॑ বি॒চিত্য॒ ধীরঃ॑ । নামা॑নি কৃ॒ত্বাঽভি॒বদ॒ন্॒, যদাঽঽস্তে᳚ ॥

ধা॒তা পু॒রস্তা॒দ্যমু॑দাজ॒হার॑ । শ॒ক্রঃ প্রবি॒দ্বান্-প্র॒দিশ॒শ্চত॑স্রঃ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পংথা॒ অয॑নায বিদ্যতে ॥

য॒জ্ঞেন॑ য॒জ্ঞম॑যজংত দে॒বাঃ । তানি॒ ধর্মা॑ণি প্রথ॒মান্যা॑সন্ন্ ।
তে হ॒ নাকং॑ মহি॒মানঃ॑ সচংতে । যত্র॒ পূর্বে॑ সা॒ধ্যাস্সংতি॑ দে॒বাঃ ॥

অ॒দ্ভ্যঃ সংভূ॑তঃ পৃথি॒ব্যৈ রসা᳚চ্চ । বি॒শ্বক॑র্মণঃ॒ সম॑বর্ত॒তাধি॑ ।
তস্য॒ ত্বষ্টা॑ বি॒দধ॑দ্রূ॒পমে॑তি । তত্পুরু॑ষস্য॒ বিশ্ব॒মাজা॑ন॒মগ্রে᳚ ॥

বেদা॒হমে॒তং পুরু॑ষং ম॒হাংতম্᳚ । আ॒দি॒ত্যব॑র্ণং॒ তম॑সঃ॒ পর॑স্তাত্ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পংথা॑ বিদ্য॒তেঽয॑নায ॥

প্র॒জাপ॑তিশ্চরতি॒ গর্ভে॑ অং॒তঃ । অ॒জায॑মানো বহু॒ধা বিজা॑যতে ।
তস্য॒ ধীরাঃ॒ পরি॑জানংতি॒ যোনিম্᳚ । মরী॑চীনাং প॒দমি॑চ্ছংতি বে॒ধসঃ॑ ॥

যো দে॒বেভ্য॒ আত॑পতি । যো দে॒বানাং᳚ পু॒রোহি॑তঃ ।
পূর্বো॒ যো দে॒বেভ্যো॑ জা॒তঃ । নমো॑ রু॒চায॒ ব্রাহ্ম॑যে ॥

রুচং॑ ব্রা॒হ্মং জ॒নযং॑তঃ । দে॒বা অগ্রে॒ তদ॑ব্রুবন্ন্ ।
যস্ত্বৈ॒বং ব্রা᳚হ্ম॒ণো বি॒দ্যাত্ । তস্য॑ দে॒বা অস॒ন্ বশে᳚ ॥

হ্রীশ্চ॑ তে ল॒ক্ষ্মীশ্চ॒ পত্ন্যৌ᳚ । অ॒হো॒রা॒ত্রে পা॒র্​শ্বে ।
নক্ষ॑ত্রাণি রূ॒পম্ । অ॒শ্বিনৌ॒ ব্যাত্তম্᳚ ।
ই॒ষ্টং ম॑নিষাণ । অ॒মুং ম॑নিষাণ । সর্বং॑ মনিষাণ ॥

তচ্ছং॒-যোঁরাবৃ॑ণীমহে । গা॒তুং-যঁ॒জ্ঞায॑ । গা॒তুং-যঁ॒জ্ঞপ॑তযে । দৈবী᳚ স্ব॒স্তির॑স্তু নঃ । স্ব॒স্তির্মানু॑ষেভ্যঃ । ঊ॒র্ধ্বং জি॑গাতু ভেষ॒জম্ । শং নো॑ অস্তু দ্বি॒পদে᳚ । শং চতু॑ষ্পদে ।

ওং শাংতিঃ॒ শাংতিঃ॒ শাংতিঃ॑ ॥




Browse Related Categories: