ஶ்ரீபாதஞ்ஜலயோக³த³ர்ஶனம் ।

அத² விபூ⁴திபாத:³ ।

தே³ஶப³ன்த⁴ஶ்சித்தஸ்ய தா⁴ரணா ॥1॥

தத்ர ப்ரத்யயைகதானதா த்⁴யானம் ॥2॥

ததே³வார்த²மாத்ரனிர்பா⁴ஸம் ஸ்வரூபஶூன்யமிவ ஸமாதி⁴: ॥3॥

த்ரயமேகத்ர ஸம்யம: ॥4॥

தஜ்ஜயாத் ப்ரஜ்ஞாலோக: ॥5॥

தஸ்ய பூ⁴மிஷு வினியோக:³ ॥6॥

த்ரயமன்தரங்க³ம் பூர்வேப்⁴ய: ॥7॥

தத³பி ப³ஹிரங்க³ம் நிர்பீ³ஜஸ்ய ॥8॥

வ்யுத்தா²னநிரோத⁴ஸம்ஸ்காரயோரபி⁴ப⁴வப்ராது³ர்பா⁴வௌ நிரோத⁴க்ஷணசித்தான்வயோ நிரோத⁴பரிணாம: ॥9॥

தஸ்ய ப்ரஶான்தவாஹிதா ஸம்ஸ்காராத் ॥1௦॥

ஸர்வார்த²தைகாக்³ராதயோ: க்ஷயோத³யௌ சித்தஸ்ய ஸமாதி⁴பரிணாம: ॥11॥

தத: புன: ஶான்தோதி³தௌ துல்யப்ரத்யயௌ சித்தஸ்யைகாக்³ரதா பரிணாம: ॥12॥

ஏதேன பூ⁴தேன்த்³ரியேஷு த⁴ர்மலக்ஷணாவஸ்தா²பரிணாமா வ்யாக்²யாதா: ॥13॥

ஶான்தோதி³தாவ்யபதே³ஶ்யத⁴ர்மானுபாதீ த⁴ர்மீ ॥14॥

க்ரமான்யத்வம் பரிணாமான்யத்வே ஹேது: ॥15॥

பரிணாமத்ரயஸம்யமாத³தீதானாக³தஜ்ஞானம் ॥16॥

ஶப்³தா³ர்த²ப்ரத்யயானாமிதரேதராத்⁴யாஸாத் ஸங்கரஸ்தத்ப்ரவிபா⁴க³ஸம்யமாத் ஸர்வபூ⁴தருதஜ்ஞானம் ॥17॥

ஸம்ஸ்காரஸாக்ஷாத்கரணாத் பூர்வஜாதிஜ்ஞானம் ॥18॥

ப்ரத்யயஸ்ய பரசித்தஜ்ஞானம் ॥19॥

ந ச தத் ஸாலம்ப³னம் தஸ்யாவிஷயீபூ⁴தத்வாத் ॥2௦॥

காயரூபஸம்யமாத் தத்³க்³ராஹ்யஶக்திஸ்தம்பே⁴ சக்ஷு: ப்ரகாஶாஸம்ப்ரயோகே³ன்தர்தா⁴னம் ॥21॥

ஸோபக்ரமம் நிருபக்ரமம் ச கர்ம தத்ஸம்யமாத³பரான்தஜ்ஞானமரிஷ்டேப்⁴யோ வா ॥22॥

மைத்ர்யாதி³ஷு ப³லானி ॥23॥

ப³லேஷு ஹஸ்திப³லாதீ³னீ ॥24॥

ப்ரவ்ருத்த்யாலோகன்யாஸாத் ஸூக்ஷ்மவ்யவஹிதவிப்ரக்ருஷ்டஜ்ஞானம் ॥25॥

பு⁴வனஜ்ஞானம் ஸூர்யே ஸம்யமாத் ॥26॥

சன்த்³ரே தாராவ்யூஹஜ்ஞானம் ॥27॥

த்⁴ருவே தத்³க³திஜ்ஞானம் ॥28॥

நாபி⁴சக்ரே காயவ்யூஹஜ்ஞானம் ॥29॥

கண்ட²கூபே க்ஷுத்பிபாஸானிவ்ருத்தி: ॥3௦॥

கூர்மனாட்³யாம் ஸ்தை²ர்யம் ॥31॥

மூர்தஜ⁴்யோதிஷி ஸித்³த⁴த³ர்ஶனம் ॥32॥

ப்ராதிபா⁴த்³வா ஸர்வம் ॥33॥

ஹ்ருத³யே சித்தஸம்வித் ॥34॥

ஸத்த்வபுருஷயோரத்யன்தாஸங்கீர்ணயோ: ப்ரத்யயாவிஶேஷோ போ⁴க:³ பரார்த²த்வாத் ஸ்வார்த²ஸம்யமாத் புருஷஜ்ஞானம் ॥35॥

தத: ப்ராதிப⁴ஶ்ராவணவேத³னாத³ர்ஶாஸ்வாத³வார்தா ஜாயன்தே ॥36॥

தே ஸமாதா⁴வுபஸர்கா³வ்யுத்தா²னே ஸித்³த⁴ய: ॥37॥

ப³ன்த⁴காரணஶைதி²ல்யாத் ப்ரசாரஸம்வேத³னாச்ச சித்தஸ்ய பரஶரீராவேஶ: ॥38॥

உதா³னஜயாஜ்ஜலபங்ககண்டகாதி³ஷ்வஸங்க³ உத்க்ரான்திஶ்ச ॥39॥

ஸமானஜயாஜ்ஜ்வலனம் ॥4௦॥

ஶ்ரோத்ராகாஶயோ: ஸம்ப³ன்த⁴ஸம்யமாத் தி³வ்யம் ஶ்ரோத்ரம் ॥41॥

காயாகாஶயோ: ஸம்ப³ன்த⁴ஸம்யமாத் லகு⁴தூலஸமாபத்தேஶ்ச ஆகாஶக³மனம் ॥42॥

ப³ஹிரகல்பிதா வ்ருத்திர்மஹாவிதே³ஹா தத: ப்ரகாஶாவரணக்ஷய: ॥43॥

ஸ்தூ²லஸ்வரூபஸூக்ஷ்மான்வயார்த²வத்த்வஸம்யமாத் பூ⁴தஜய: ॥44॥

ததோணிமாதி³ப்ராது³ர்பா⁴வ: காயஸம்பத் தத்³த⁴ர்மானபி⁴கா⁴தஶ்ச ॥45॥

ரூபலாவண்யப³லவஜ்ரஸம்ஹனநத்வானி காயஸம்பத் ॥46॥

க்³ரஹணஸ்வரூபாஸ்மிதான்வயார்த²வத்த்வஸம்யமாதி³ன்த்³ரியஜய: ॥47॥

ததோ மனோஜவித்வம் விகரணபா⁴வ: ப்ரதா⁴னஜயஶ்ச ॥48॥

ஸத்த்வபுருஷான்யதாக்²யாதிமாத்ரஸ்ய ஸர்வபா⁴வாதி⁴ஷ்டா²த்ருத்வம் ஸர்வஜ்ஞாத்ருத்வஞ்ச ॥49॥

தத்³வைராக்³யாத³பி தோ³ஷபீ³ஜக்ஷயே கைவல்யம் ॥5௦॥

ஸ்தா²ன்யுபனிமன்த்ரணே ஸங்க³ஸ்மயாகரணம் புனரனிஷ்டப்ரஸங்கா³த் ॥51॥

க்ஷணதத்க்ரமயோ: ஸம்யமாத்³விவேகஜம் ஜ்ஞானம் ॥52॥

ஜாதிலக்ஷணதே³ஶைரன்யதானவச்சே²தா³த் துல்யயோஸ்தத: ப்ரதிபத்தி: ॥53॥

தாரகம் ஸர்வவிஷயம் ஸர்வதா²விஷயமக்ரமம் சேதி விவேகஜம் ஜ்ஞானம் ॥54॥

ஸத்த்வபுருஷயோ: ஶுத்³தி⁴ஸாம்யே கைவல்யம் ॥55॥

இதி ஶ்ரீபாதஞ்ஜலயோக³த³ர்ஶனே விபூ⁴திபாதோ³ நாம த்ருதீய: பாத:³ ।