ശിവോഽഹം ശിവോഽഹം, ശിവോഽഹം ശിവോഽഹം, ശിവോഽഹം ശിവോഽഹം
മനോ ബുധ്യഹംകാര ചിത്താനി നാഹം
ന ച ശ്രോത്ര ജിഹ്വേ ന ച ഘ്രാണനേത്രേ ।
ന ച വ്യോമ ഭൂമിര്-ന തേജോ ന വായുഃ
ചിദാനംദ രൂപഃ ശിവോഽഹം ശിവോഽഹമ് ॥ 1 ॥
ന ച പ്രാണ സംജ്ഞോ ന വൈപംചവായുഃ
ന വാ സപ്തധാതുര്-ന വാ പംചകോശാഃ ।
നവാക്പാണി പാദൌ ന ചോപസ്ഥ പായൂ
ചിദാനംദ രൂപഃ ശിവോഽഹം ശിവോഽഹമ് ॥ 2 ॥
ന മേ ദ്വേഷരാഗൌ ന മേ ലോഭമോഹോ
മദോ നൈവ മേ നൈവ മാത്സര്യഭാവഃ ।
ന ധര്മോ ന ചാര്ധോ ന കാമോ ന മോക്ഷഃ
ചിദാനംദ രൂപഃ ശിവോഽഹം ശിവോഽഹമ് ॥ 3 ॥
ന പുണ്യം ന പാപം ന സൌഖ്യം ന ദുഃഖം
ന മംത്രോ ന തീര്ഥം ന വേദാ ന യജ്ഞഃ ।
അഹം ഭോജനം നൈവ ഭോജ്യം ന ഭോക്താ
ചിദാനംദ രൂപഃ ശിവോഽഹം ശിവോഽഹമ് ॥ 4 ॥
ന മൃത്യുശംകാ ന മേ ജാതി ഭേദഃ
പിതാ നൈവ മേ നൈവ മാതാ ന ജന്മഃ ।
ന ബംധുര്-ന മിത്രം ഗുരുര്നൈവ ശിഷ്യഃ
ചിദാനംദ രൂപഃ ശിവോഽഹം ശിവോഽഹമ് ॥ 5 ॥
അഹം നിര്വികല്പോ നിരാകാര രൂപോ
വിഭൂത്വാച്ച സര്വത്ര സര്വേംദ്രിയാണാമ് ।
ന വാ ബംധനം നൈവര്-മുക്തി ന ബംധഃ ।
ചിദാനംദ രൂപഃ ശിവോഽഹം ശിവോഽഹമ് ॥ 6 ॥
ശിവോഽഹം ശിവോഽഹം, ശിവോഽഹം ശിവോഽഹം, ശിവോഽഹം ശിവോഽഹം
Browse Related Categories:
