View this in:
English Devanagari Telugu Tamil Kannada Malayalam Gujarati Oriya Bengali  |
Marathi Assamese Punjabi Hindi Samskritam Konkani Nepali Sinhala Grantha  |

নির্বাণ ষট্কম্

শিবোঽহং শিবোঽহং, শিবোঽহং শিবোঽহং, শিবোঽহং শিবোঽহং

মনো বুধ্যহংকার চিত্তানি নাহং
ন চ শ্রোত্র জিহ্বে ন চ ঘ্রাণনেত্রে ।
ন চ ব্যোম ভূমির্-ন তেজো ন বাযুঃ
চিদানংদ রূপঃ শিবোঽহং শিবোঽহম্ ॥ 1 ॥

ন চ প্রাণ সংজ্ঞো ন বৈপংচবাযুঃ
ন বা সপ্তধাতুর্-ন বা পংচকোশাঃ ।
নবাক্পাণি পাদৌ ন চোপস্থ পাযূ
চিদানংদ রূপঃ শিবোঽহং শিবোঽহম্ ॥ 2 ॥

ন মে দ্বেষরাগৌ ন মে লোভমোহো
মদো নৈব মে নৈব মাত্সর্যভাবঃ ।
ন ধর্মো ন চার্ধো ন কামো ন মোক্ষঃ
চিদানংদ রূপঃ শিবোঽহং শিবোঽহম্ ॥ 3 ॥

ন পুণ্যং ন পাপং ন সৌখ্যং ন দুঃখং
ন মংত্রো ন তীর্থং ন বেদা ন যজ্ঞঃ ।
অহং ভোজনং নৈব ভোজ্যং ন ভোক্তা
চিদানংদ রূপঃ শিবোঽহং শিবোঽহম্ ॥ 4 ॥

ন মৃত্যুশংকা ন মে জাতি ভেদঃ
পিতা নৈব মে নৈব মাতা ন জন্মঃ ।
ন বংধুর্-ন মিত্রং গুরুর্নৈব শিষ্যঃ
চিদানংদ রূপঃ শিবোঽহং শিবোঽহম্ ॥ 5 ॥

অহং নির্বিকল্পো নিরাকার রূপো
বিভূত্বাচ্চ সর্বত্র সর্বেংদ্রিযাণাম্ ।
ন বা বংধনং নৈবর্-মুক্তি ন বংধঃ ।
চিদানংদ রূপঃ শিবোঽহং শিবোঽহম্ ॥ 6 ॥

শিবোঽহং শিবোঽহং, শিবোঽহং শিবোঽহং, শিবোঽহং শিবোঽহং







Browse Related Categories: