navagraha dhyaana shlOkam
aadityaaya ca sOmaaya maMgalaaya budhaaya ca ।
guru shukra shanibhyashca raahavE kEtavE namaH ॥
raviH
japaakusuma saMkaashaM kaashyapEyaM mahaadyutim ।
tamO.ariM sarva paapaghnaM praNatOsmi divaakaram ॥
caMdraH
dathishaMkha tushhaaraabhaM kshheeraarNava samudbhavam (kshheerOdaarNava saMbhavam) ।
namaami shashinaM sOmaM shaMbhO-rmakuTa bhooshhaNam ॥
kujaH
dharaNee garbha saMbhootaM vidyutkaaMti samaprabham ।
kumaaraM shaktihastaM taM maMgalaM praNamaamyaham ॥
budhaH
priyaMgu kalikaashyaamaM roopENaa pratimaM budham ।
saumyaM saumya (satva) guNOpEtaM taM budhaM praNamaamyaham ॥
guruH
dEvaanaaM ca RRishheeNaaM ca guruM kaaMcanasannibham ।
buddhimaMtaM trilOkEshaM taM namaami bRRihaspatim ॥
shukraH
himakuMda mRRiNaalaabhaM daityaanaM paramaM gurum ।
sarvashaastra pravaktaaraM bhaargavaM praNamaamyaham ॥
shaniH
neelaaMjana samaabhaasaM raviputraM yamaagrajam ।
Chaayaa maartaaMDa saMbhootaM taM namaami shanaishcaram ॥
raahuH
ardhakaayaM mahaaveeraM caMdraaditya vimardhanam ।
siMhikaa garbha saMbhootaM taM raahuM praNamaamyaham ॥
kEtuH
phalaasha pushhpa saMkaashaM taarakaagrahamastakam ।
raudraM raudraatmakaM ghOraM taM kEtuM praNamaamyaham ॥
phalashrutiH
iti vyaasa mukhOdgeetaM yaH paThEtsu samaahitaH ।
divaa vaa yadi vaa raatrau vighnashaaMti-rbhavishhyati ॥
naranaaree-nRRipaaNaaM ca bhavE-dduHsvapna-naashanam ।
aishvaryamatulaM tEshhaamaarOgyaM pushhTi vardhanam ॥
grahanakshhatrajaaH peeDaastaskaraagni samudbhavaaH ।
taassarvaaH prashamaM yaaMti vyaasO brootE na saMshayaH ॥
iti vyaasa virachitaM navagraha stOtraM saMpoorNam ।
Browse Related Categories: