View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ନାରାୟଣ ସୂକ୍ତମ୍

ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ଓମ୍ ॥ ସ॒ହ॒ସ୍ର॒ଶୀର୍॑​ଷଂ ଦେ॒ଵଂ॒ ଵି॒ଶ୍ଵାକ୍ଷଂ॑-ଵିଁ॒ଶ୍ଵଶଂ॑ଭୁଵମ୍ ।
ଵିଶ୍ଵଂ॑ ନା॒ରାୟ॑ଣଂ ଦେ॒ଵ॒ମ॒କ୍ଷରଂ॑ ପର॒ମଂ ପଦମ୍ ।

ଵି॒ଶ୍ଵତଃ॒ ପର॑ମାନ୍ନି॒ତ୍ୟଂ॒-ଵିଁ॒ଶ୍ଵଂ ନା॑ରାୟ॒ଣଗ୍​ମ୍ ହ॑ରିମ୍ ।
ଵିଶ୍ଵ॑ମେ॒ଵେଦଂ ପୁରୁ॑ଷ॒-ସ୍ତଦ୍ଵିଶ୍ଵ-ମୁପ॑ଜୀଵତି ।

ପତିଂ॒-ଵିଁଶ୍ଵ॑ସ୍ୟା॒ତ୍ମେଶ୍ଵ॑ର॒ଗ୍​ମ୍॒ ଶାଶ୍ଵ॑ତଗ୍​ମ୍ ଶି॒ଵ-ମ॑ଚ୍ୟୁତମ୍ ।
ନା॒ରାୟ॒ଣଂ ମ॑ହାଜ୍ଞେ॒ୟଂ॒-ଵିଁ॒ଶ୍ଵାତ୍ମା॑ନଂ ପ॒ରାୟ॑ଣମ୍ ।

ନା॒ରାୟ॒ଣପ॑ରୋ ଜ୍ୟୋ॒ତି॒ରା॒ତ୍ମା ନା॑ରାୟ॒ଣଃ ପ॑ରଃ ।
ନା॒ରାୟ॒ଣପରଂ॑ ବ୍ର॒ହ୍ମ॒ ତତ୍ତ୍ଵଂ ନା॑ରାୟ॒ଣଃ ପ॑ରଃ ।

ନା॒ରାୟ॒ଣପ॑ରୋ ଧ୍ୟା॒ତା॒ ଧ୍ୟା॒ନଂ ନା॑ରାୟ॒ଣଃ ପ॑ରଃ ।
ୟଚ୍ଚ॑ କିଂ॒ଚିଜ୍ଜଗତ୍ସ॒ର୍ଵଂ॒ ଦୃ॒ଶ୍ୟତେ᳚ ଶ୍ରୂୟ॒ତେଽପି॑ ଵା ॥

ଅଂତ॑ର୍ବ॒ହିଶ୍ଚ॑ ତତ୍ସ॒ର୍ଵଂ॒-ଵ୍ୟାଁ॒ପ୍ୟ ନା॑ରାୟ॒ଣଃ ସ୍ଥି॑ତଃ ।
ଅନଂତ॒ମଵ୍ୟୟଂ॑ କ॒ଵିଗ୍​ମ୍ ସ॑ମୁ॒ଦ୍ରେଂଽତଂ॑-ଵିଁ॒ଶ୍ଵଶଂ॑ଭୁଵମ୍ ।

ପ॒ଦ୍ମ॒କୋ॒ଶ-ପ୍ର॑ତୀକା॒ଶ॒ଗ୍​ମ୍॒ ହୃ॒ଦୟଂ॑ ଚାପ୍ୟ॒ଧୋମୁ॑ଖମ୍ ।
ଅଧୋ॑ ନି॒ଷ୍ଟ୍ୟା ଵି॑ତସ୍ୟାଂ॒ତେ॒ ନା॒ଭ୍ୟାମୁ॑ପରି॒ ତିଷ୍ଠ॑ତି ।

ଜ୍ଵା॒ଲ॒ମା॒ଲାକୁ॑ଲଂ ଭା॒ତୀ॒ ଵି॒ଶ୍ଵସ୍ୟା॑ୟତ॒ନଂ ମ॑ହତ୍ ।
ସଂତ॑ତଗ୍​ମ୍ ଶି॒ଲାଭି॑ସ୍ତୁ॒ ଲଂବ॑ତ୍ୟାକୋଶ॒ସନ୍ନି॑ଭମ୍ ।

ତସ୍ୟାଂତେ॑ ସୁଷି॒ରଗ୍​ମ୍ ସୂ॒କ୍ଷ୍ମଂ ତସ୍ମିନ୍᳚ ସ॒ର୍ଵଂ ପ୍ରତି॑ଷ୍ଠିତମ୍ ।
ତସ୍ୟ॒ ମଧ୍ୟେ॑ ମ॒ହାନ॑ଗ୍ନି-ର୍ଵି॒ଶ୍ଵାର୍ଚି॑-ର୍ଵି॒ଶ୍ଵତୋ॑ମୁଖଃ ।

ସୋଽଗ୍ର॑ଭୁ॒ଗ୍ଵିଭ॑ଜଂତି॒ଷ୍ଠ॒-ନ୍ନାହା॑ରମଜ॒ରଃ କ॒ଵିଃ ।
ତି॒ର୍ୟ॒ଗୂ॒ର୍ଧ୍ଵମ॑ଧଶ୍ଶା॒ୟୀ॒ ର॒ଶ୍ମୟ॑ସ୍ତସ୍ୟ॒ ସଂତ॑ତା ।

ସଂ॒ତା॒ପୟ॑ତି ସ୍ଵଂ ଦେ॒ହମାପା॑ଦତଲ॒ମସ୍ତ॑କଃ ।
ତସ୍ୟ॒ ମଧ୍ୟେ॒ ଵହ୍ନି॑ଶିଖା ଅ॒ଣୀୟୋ᳚ର୍ଧ୍ଵା ଵ୍ୟ॒ଵସ୍ଥି॑ତଃ ।

ନୀ॒ଲତୋ॑-ୟଦ॑ମଧ୍ୟ॒ସ୍ଥା॒-ଦ୍ଵି॒ଧ୍ୟୁଲ୍ଲେ॑ଖେଵ॒ ଭାସ୍ଵ॑ରା ।
ନୀ॒ଵାର॒ଶୂକ॑ଵତ୍ତ॒ନ୍ଵୀ॒ ପୀ॒ତା ଭା᳚ସ୍ଵତ୍ୟ॒ଣୂପ॑ମା ।

ତସ୍ୟାଃ᳚ ଶିଖା॒ୟା ମ॑ଧ୍ୟେ ପ॒ରମା᳚ତ୍ମା ଵ୍ୟ॒ଵସ୍ଥି॑ତଃ ।
ସ ବ୍ରହ୍ମ॒ ସ ଶିଵଃ॒ ସ ହରିଃ॒ ସେଂଦ୍ରଃ॒ ସୋଽକ୍ଷ॑ରଃ ପର॒ମଃ ସ୍ଵ॒ରାଟ୍ ॥

ଋତଗ୍​ମ୍ ସ॒ତ୍ୟଂ ପ॑ରଂ ବ୍ର॒ହ୍ମ॒ ପୁ॒ରୁଷଂ॑ କୃଷ୍ଣ॒ପିଂଗ॑ଲମ୍ ।
ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାୟ॒ ଵୈ ନମୋ॒ ନମଃ॑ ॥

ଓଂ ନା॒ରା॒ୟ॒ଣାୟ॑ ଵି॒ଦ୍ମହେ॑ ଵାସୁଦେ॒ଵାୟ॑ ଧୀମହି ।
ତନ୍ନୋ॑ ଵିଷ୍ଣୁଃ ପ୍ରଚୋ॒ଦୟା᳚ତ୍ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥




Browse Related Categories: