This stotram is in romanized sanskrit according to IAST standard. View this in plain english.

PDF, Large PDF, Audio/Video

oṃ saha nā’vavatu | saha nau’ bhunaktu | saha vīrya’ṃ karavāvahai | tejasvināvadhī’tamastu mā vi’dviṣāvahai” || oṃ śāṃtiḥ śāṃtiḥ śānti’ḥ ||

oṃ || sahasraśīr’ṣaṃ devaṃ viśvākṣa’ṃ viśvaśa’mbhuvam | viśva’ṃ nārāya’ṇaṃ devamakṣara’ṃ paramaṃ padam | viśvataḥ para’mānnityaṃ viśvaṃ nā’rāyaṇagṃ ha’rim | viśva’mevedaṃ puru’ṣa-stadviśva-mupa’jīvati | patiṃ viśva’syātmeśva’ragṃ śāśva’tagṃ śiva-macyutam | nārāyaṇaṃ ma’hāj‌உjeyaṃ viśvātmā’naṃ parāya’ṇam | nārāyaṇapa’ro jyotirātmā nā’rāyaṇaḥ pa’raḥ | nārāyaṇapara’ṃ brahma tattvaṃ nā’rāyaṇaḥ pa’raḥ | nārāyaṇapa’ro dhyātā dhyānaṃ nā’rāyaṇaḥ pa’raḥ | yacca’ kiñcijjagatsarvaṃ dṛśyate” śrūyatepi’ vā ||

anta’rbahiśca’ tatsarvaṃ vyāpya nā’rāyaṇaḥ sthi’taḥ | anaṃtamavyaya’ṃ kavigṃ sa’mudrenta’ṃ viśvaśa’mbhuvam | padmakośa-pra’tīkāśagṃ hṛdaya’ṃ cāpyadhomu’kham | adho’ niṣṭyā vi’tasyāṃte nābhyāmu’pari tiṣṭha’ti | jvālamālāku’laṃ bhātī viśvasyāya’tanaṃ ma’hat | santata’gṃ śilābhi’stu laṃbatyākośasanni’bham | tasyānte’ suṣiragṃ sūkṣmaṃ tasmin” sarvaṃ prati’ṣṭhitam | tasya madhye’ mahāna’gnir-viśvārci’r-viśvato’mukhaḥ | sogra’bhugvibha’jaṃtiṣṭha-nnāhā’ramajaraḥ kaviḥ | tiryagūrdhvama’dhaśśāyī raśmaya’stasya santa’tā | saṃtāpaya’ti svaṃ dehamāpā’datalamasta’kaḥ | tasyamadhye vahni’śikhā aṇīyo”rdhvā vyavasthi’taḥ | nīlato’-yada’madhyasthād-vidhyulle’kheva bhāsva’rā | nīvāraśūka’vattanvī pītā bhā”svatyaṇūpa’mā | tasyā”ḥ śikhāyā ma’dhye paramā”tmā vyavasthi’taḥ | sa brahma sa śivaḥ sa hariḥ seṃdraḥ sokṣa’raḥ paramaḥ svarāṭ ||

ṛtagṃ satyaṃ pa’raṃ brahma puruṣa’ṃ kṛṣṇapiṅga’lam | ūrdhvare’taṃ vi’rūpā’kṣaṃ viśvarū’pāya vai namo nama’ḥ ||

oṃ nārāyaṇāya’ vidmahe’ vāsudevāya’ dhīmahi | tanno’ viṣṇuḥ pracodayā”t ||

oṃ śāṃtiḥ śāṃtiḥ śānti’ḥ ||

- mantra puṣpam
- śrī sūktam
- śrī viṣṇu sahasra nāma stotraṃ
- nārāyaṇa stotram
- śrī veṅkaṭeśvara suprabhātam