View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

നക്ഷത്ര സൂക്തമ് (നക്ഷത്രേഷ്ടി)

തൈത്തിരീയ ബ്രാഹ്മണ - അഷ്ടകം 3, പ്രശ്നഃ 1,
തൈത്തിരീയ സംഹിതാ - കാംഡ 3, പ്രപാഠകഃ 5, അനുവാകം 1

നക്ഷത്രം - കൃത്തികാ, ദേവതാ - അഗ്നിഃ
ഓം അ॒ഗ്നിര്നഃ॑ പാതു॒ കൃത്തി॑കാഃ । നക്ഷ॑ത്രം ദേ॒വമിം॑ദ്രി॒യമ് ।
ഇ॒ദമാ॑സാം-വിഁചക്ഷ॒ണമ് । ഹ॒വിരാ॒സം ജു॑ഹോതന ।
യസ്യ॒ ഭാംതി॑ ര॒ശ്മയോ॒ യസ്യ॑ കേ॒തവഃ॑ । യസ്യേ॒മാ വിശ്വാ॒ ഭുവ॑നാനി॒ സര്വാ᳚ ।
സ കൃത്തി॑കാഭി-ര॒ഭിസം॒​വഁസാ॑നഃ । അ॒ഗ്നിര്നോ॑ ദേ॒വസ്സു॑വി॒തേ ദ॑ധാതു ॥ 1

നക്ഷത്രം - രോഹിണീ, ദേവതാ - പ്രജാപതിഃ
പ്ര॒ജാപ॑തേ രോഹി॒ണീവേ॑തു॒ പത്നീ᳚ । വി॒ശ്വരൂ॑പാ ബൃഹ॒തീ ചി॒ത്രഭാ॑നുഃ ।
സാ നോ॑ യ॒ജ്ഞസ്യ॑ സുവി॒തേ ദ॑ധാതു । യഥാ॒ ജീവേ॑മ ശ॒രദ॒സ്സവീ॑രാഃ ।
രോ॒ഹി॒ണീ ദേ॒വ്യുദ॑ഗാത്പു॒രസ്താ᳚ത് । വിശ്വാ॑ രൂ॒പാണി॑ പ്രതി॒മോദ॑മാനാ ।
പ്ര॒ജാപ॑തിഗ്​മ് ഹ॒വിഷാ॑ വ॒ര്ധയം॑തീ । പ്രി॒യാ ദേ॒വാനാ॒-മുപ॑യാതു യ॒ജ്ഞമ് ॥ 2

നക്ഷത്രം - മൃഗശീര്​ഷഃ, ദേവതാ - സോമഃ
സോമോ॒ രാജാ॑ മൃഗശീ॒ര്॒ഷേണ॒ ആഗന്ന്॑ । ശി॒വം നക്ഷ॑ത്രം പ്രി॒യമ॑സ്യ॒ ധാമ॑ ।
ആ॒പ്യായ॑മാനോ ബഹു॒ധാ ജനേ॑ഷു । രേതഃ॑ പ്ര॒ജാം-യഁജ॑മാനേ ദധാതു ।
യത്തേ॒ നക്ഷ॑ത്രം മൃഗശീ॒ര്॒ഷമസ്തി॑ । പ്രി॒യഗ്​മ് രാ॑ജന് പ്രി॒യത॑മം പ്രി॒യാണാ᳚മ് ।
തസ്മൈ॑ തേ സോമ ഹ॒വിഷാ॑ വിധേമ । ശന്ന॑ ഏധി ദ്വി॒പദേ॒ ശംചതു॑ഷ്പദേ ॥ 3

നക്ഷത്രം - ആര്ദ്രാ, ദേവതാ - രുദ്രഃ
ആ॒ര്ദ്രയാ॑ രു॒ദ്രഃ പ്രഥ॑മാ ന ഏതി । ശ്രേഷ്ഠോ॑ ദേ॒വാനാം॒ പതി॑രഘ്നി॒യാനാ᳚മ് ।
നക്ഷ॑ത്രമസ്യ ഹ॒വിഷാ॑ വിധേമ । മാ നഃ॑ പ്ര॒ജാഗ്​മ് രീ॑രിഷ॒ന്മോത വീ॒രാന് ।
ഹേ॒തീ രു॒ദ്രസ്യ॒ പരി॑ണോ വൃണക്തു । ആ॒ര്ദ്രാ നക്ഷ॑ത്രം ജുഷതാഗ്​മ് ഹ॒വിര്നഃ॑ ।
പ്ര॒മും॒ചമാ॑നൌ ദുരി॒താനി॒ വിശ്വാ᳚ । അപാ॒ഘശഗ്​മ്॑ സന്നു-ദതാ॒മരാ॑തിമ് ॥ 4

നക്ഷത്രം - പുനര്വസു, ദേവതാ - അദിതിഃ
പുന॑ര്നോ ദേ॒വ്യദി॑തി-സ്പൃണോതു । പുന॑ര്വസൂ നഃ॒ പുന॒രേതാം᳚-യഁ॒ജ്ഞമ് ।
പുന॑ര്നോ ദേ॒വാ അ॒ഭിയം॑തു॒ സര്വേ᳚ । പുനഃ॑ പുനര്വോ ഹ॒വിഷാ॑ യജാമഃ ।
ഏ॒വാ ന ദേ॒വ്യ-ദി॑തിരന॒ര്വാ । വിശ്വ॑സ്യ ഭ॒ര്ത്രീ ജഗ॑തഃ പ്രതി॒ഷ്ഠാ ।
പുന॑ര്വസൂ ഹ॒വിഷാ॑ വ॒ര്ധയം॑തീ । പ്രി॒യം ദേ॒വാനാ॒-മപ്യേ॑തു॒ പാഥഃ॑ ॥ 5

നക്ഷത്രം - പുഷ്യഃ, ദേവതാ - ബൃഹസ്പതിഃ
ബൃഹ॒സ്പതിഃ॑ പ്രഥ॒മംജായ॑മാനഃ । തി॒ഷ്യം॑ നക്ഷ॑ത്രമ॒ഭി സംബ॑ഭൂവ ।
ശ്രേഷ്ഠോ॑ ദേ॒വാനാം॒ പൃത॑നാസു ജി॒ഷ്ണുഃ । ദി॒ശോഽനു॒ സര്വാ॒ അഭ॑യന്നോ അസ്തു ।
തി॒ഷ്യഃ॑ പു॒രസ്താ॑ദു॒ത മ॑ധ്യ॒തോ നഃ॑ । ബൃഹ॒സ്പതി॑ര്നഃ॒ പരി॑പാതു പ॒ശ്ചാത് ।
ബാധേ॑ താം॒ദ്വേഷോ॒ അഭ॑യം കൃണുതാമ് । സു॒വീര്യ॑സ്യ॒ പത॑യസ്യാമ ॥ 6

നക്ഷത്രം -ആശ്രേഷം, ദേവതാ - സര്പാഃ
ഇ॒ദഗ്​മ് സ॒ര്പേഭ്യോ॑ ഹ॒വിര॑സ്തു॒ ജുഷ്ട᳚മ് । ആ॒ശ്രേ॒ഷാ യേഷാ॑മനു॒യംതി॒ ചേതഃ॑ ।
യേ അം॒തരി॑ക്ഷം പൃഥി॒വീം-ക്ഷി॒യംതി॑ । തേന॑ സ്സ॒ര്പാസോ॒ ഹവ॒മാഗ॑മിഷ്ഠാഃ ।
യേ രോ॑ച॒നേ സൂര്യ॒സ്യാപി॑ സ॒ര്പാഃ । യേ ദിവം॑ ദേ॒വീ-മനു॑സം॒ചരം॑തി ।
യേഷാ॑മാശ്രേ॒ഷാ അ॑നു॒യംതി॒ കാമ᳚മ് । തേഭ്യ॑-സ്സ॒ര്പേഭ്യോ॒ മധു॑-മജ്ജുഹോമി ॥ 7

നക്ഷത്രം - മഘാ, ദേവതാ - പിതരഃ
ഉപ॑ഹൂതാഃ പി॒തരോ॒ യേ മ॒ഘാസു॑ । മനോ॑ജവസ-സ്സു॒കൃത॑-സ്സുകൃ॒ത്യാഃ ।
തേ നോ॒ നക്ഷ॑ത്രേ॒ ഹവ॒മാഗ॑മിഷ്ഠാഃ । സ്വ॒ധാഭി॑ര്യ॒ജ്ഞം പ്രയ॑തം ജുഷംതാമ് ।
യേ അ॑ഗ്നിദ॒ഗ്ധാ യേഽന॑ഗ്നി-ദഗ്ധാഃ । യേ॑ഽമുല്ലോ॒കം പി॒തരഃ॑, ക്ഷി॒യംതി॑ ।
യാഗ്ഗ്​ശ്ച॑ വി॒ദ്മയാഗ്​മ് ഉ॑ ച॒ ന പ്ര॑വി॒ദ്മ । മ॒ഘാസു॑ യ॒ജ്ഞഗ്​മ് സുകൃ॑തം ജുഷംതാമ് ॥ 8

നക്ഷത്രം - പൂര്വഫല്ഗുനീ, ദേവതാ - അര്യമാ
ഗവാം॒ പതിഃ॒ ഫല്ഗു॑നീ-നാമസി॒ ത്വമ് । തദ॑ര്യമന്വരുണ മിത്ര॒ ചാരു॑ ।
തം ത്വാ॑ വ॒യഗ്​മ് സ॑നി॒താരഗ്​മ്॑ സനീ॒നാമ് । ജീ॒വാ ജീവം॑ത॒മുപ॒ സം​വിഁ ॑ശേമ ।
യേനേ॒മാ വിശ്വാ॒ ഭുവ॑നാനി॒ സംജി॑താ । യസ്യ॑ ദേ॒വാ അ॑നുസം॒​യംഁതി॒ ചേതഃ॑ ।
അ॒ര്യ॒മാ രാജാ॒ഽജര॒സ്തു വി॑ഷ്മാന് । ഫല്ഗു॑നീനാ-മൃഷ॒ഭോ രോ॑രവീതി ॥ 9

നക്ഷത്രം - ഉത്തര ഫല്ഗുനീ, ദേവതാ - ഭഗഃ
ശ്രേഷ്ഠോ॑ ദേ॒വാനാം᳚ ഭഗവോ ഭഗാസി । തത്ത്വാ॑ വിദുഃ॒ ഫല്ഗു॑നീ॒-സ്തസ്യ॑ വിത്താത് ।
അ॒സ്മഭ്യം॑-ക്ഷ॒ത്രമ॒ജരഗ്​മ്॑ സു॒വീര്യ᳚മ് । ഗോമ॒ദശ്വ॑-വ॒ദുപ॒സന്നു॑-ദേ॒ഹ ।
ഭഗോ॑ഹ ദാ॒താ ഭഗ॒ ഇത്പ്ര॑ദാ॒താ । ഭഗോ॑ ദേ॒വീഃ ഫല്ഗു॑നീ॒-രാവി॑വേശ ।
ഭഗ॒സ്യേത്തം പ്ര॑സ॒വം ഗ॑മേമ । യത്ര॑ ദേ॒വൈ-സ്സ॑ധ॒മാദം॑ മദേമ ॥ 10

നക്ഷത്രം - ഹസ്തഃ, ദേവതാ - സവിതാ
ആയാ॑തു ദേ॒വ-സ്സ॑വി॒തോ പ॑യാതു । ഹി॒ര॒ണ്യയേ॑ന സു॒വൃതാ॒ രഥേ॑ന ।
വഹ॒ന॒, ഹസ്തഗ്​മ്॑ സു॒ഭഗം॑-വിഁദ്മ॒നാപ॑സമ് । പ്ര॒യച്ഛം॑തം॒ പപു॑രിം॒ പുണ്യ॒മച്ഛ॑ ।
ഹസ്തഃ॒ പ്രയ॑ച്ഛ ത്വ॒മൃതം॒-വഁസീ॑യഃ । ദക്ഷി॑ണേന॒ പ്രതി॑ഗൃഭ്ണീമ ഏനത് ।
ദാ॒താര॑-മ॒ദ്യ സ॑വി॒താ വി॑ദേയ । യോ നോ॒ ഹസ്താ॑യ പ്രസു॒വാതി॑ യ॒ജ്ഞമ് ॥ 11

നക്ഷത്രം - ചിത്രാ, ദേവതാ - ത്വഷ്ടാ
ത്വഷ്ടാ॒ നക്ഷ॑ത്ര-മ॒ഭ്യേ॑തി ചി॒ത്രാമ് । സു॒ഭഗ്​മ് സ॑സം​യുഁവ॒തിഗ്​മ് രോച॑മാനാമ് ।
നി॒വേ॒ശയ॑-ന്ന॒മൃതാ॒-ന്മര്ത്യാഗ്ഗ്॑ശ്ച । രൂ॒പാണി॑ പി॒ഗ്​മ്॒ശന് ഭുവ॑നാനി॒ വിശ്വാ᳚ ।
തന്ന॒സ്ത്വഷ്ടാ॒ തദു॑ ചി॒ത്രാ വിച॑ഷ്ടാമ് । തന്നക്ഷ॑ത്രം ഭൂരി॒ദാ അ॑സ്തു॒ മഹ്യ᳚മ് ।
തന്നഃ॑ പ്ര॒ജാം-വീഁ॒രവ॑തീഗ്​മ് സനോതു । ഗോഭി॑ര്നോ॒ അശ്വൈ॒-സ്സമ॑നക്തു യ॒ജ്ഞമ് ॥ 12

നക്ഷത്രം - സ്വാതീ, ദേവതാ - വായുഃ
വാ॒യു-ര്നക്ഷ॑ത്ര-മ॒ഭ്യേ॑തി॒ നിഷ്ട്യാ᳚മ് । തി॒ഗ്മശൃം॑ഗോ വൃഷ॒ഭോ രോരു॑വാണഃ ।
സ॒മീ॒രയ॒ന് ഭുവ॑നാ മാത॒രിശ്വാ᳚ । അപ॒ ദ്വേഷാഗ്​മ്॑സി നുദതാ॒മരാ॑തീഃ ।
തന്നോ॑ വാ॒യസ്തദു॒ നിഷ്ട്യാ॑ ശൃണോതു । തന്നക്ഷ॑ത്രം ഭൂരി॒ദാ അ॑സ്തു॒ മഹ്യ᳚മ് ।
തന്നോ॑ ദേ॒വാസോ॒ അനു॑ ജാനംതു॒ കാമ᳚മ് । യഥാ॒ തരേ॑മ ദുരി॒താനി॒ വിശ്വാ᳚ ॥ 13

നക്ഷത്രം - വിശാഖാ, ദേവതാ - ഇംദ്രാഗ്നീ
ദൂ॒രമ॒സ്മച്ഛത്ര॑വോ യംതു ഭീ॒താഃ । തദിം॑ദ്രാ॒ഗ്നീ കൃ॑ണുതാം॒ തദ്വിശാ॑ഖേ ।
തന്നോ॑ ദേ॒വാ അനു॑മദംതു യ॒ജ്ഞമ് । പ॒ശ്ചാത് പു॒രസ്താ॒-ദഭ॑യന്നോ അസ്തു ।
നക്ഷ॑ത്രാണാ॒-മധി॑പത്നീ॒ വിശാ॑ഖേ । ശ്രേഷ്ഠാ॑-വിംദ്രാ॒ഗ്നീ ഭുവ॑നസ്യ ഗോ॒പൌ ।
വിഷൂ॑ച॒-ശ്ശത്രൂ॑നപ॒ബാധ॑മാനൌ । അപ॒ക്ഷുധ॑-ന്നുദതാ॒മരാ॑തിമ് ॥ 14

പൌര്ണമാസി
പൂ॒ര്ണാ പ॒ശ്ചാദു॒ത പൂ॒ര്ണാ പു॒രസ്താ᳚ത് । ഉന്മ॑ധ്യ॒തഃ പൌ᳚ര്ണമാ॒സീ ജി॑ഗായ ।
തസ്യാം᳚ ദേ॒വാ അധി॑ സം॒-വഁസം॑തഃ । ഉ॒ത്ത॒മേ നാക॑ ഇ॒ഹ മാ॑ദയംതാമ് ।
പൃ॒ഥ്വീ സു॒വര്ചാ॑ യുവ॒തി-സ്സ॒ജോഷാഃ᳚ । പൌ॒ര്ണ॒മാ॒സ്യുദ॑ഗാ॒-ച്ഛോഭ॑മാനാ ।
ആ॒പ്യാ॒യയം॑തീ ദുരി॒താനി॒ വിശ്വാ᳚ । ഉ॒രും ദുഹാം॒-യഁജ॑മാനായ യ॒ജ്ഞമ് ॥ 15

നക്ഷത്രം - അനൂരാധാ, ദേവതാ - മിത്രഃ
ഋ॒ദ്ധ്യാസ്മ॑ ഹ॒വ്യൈ-ര്നമ॑സോപ॒-സദ്യ॑ । മി॒ത്രം ദേ॒വം മി॑ത്ര॒ധേയ॑ന്നോ അസ്തു ।
അ॒നൂ॒രാ॒ധാന്, ഹ॒വിഷാ॑ വ॒ര്ധയം॑തഃ । ശ॒തം ജീ॑വേമ ശ॒രദ॒-സ്സവീ॑രാഃ ।
ചി॒ത്രം-നക്ഷ॑ത്ര॒-മുദ॑ഗാ-ത്പു॒രസ്താ᳚ത് । അ॒നൂ॒രാ॒ധാ സ॒ ഇതി॒ യദ്വദം॑തി ।
തന്മി॒ത്ര ഏ॑തി പ॒ഥിഭി॑-ര്ദേവ॒യാനൈഃ᳚ । ഹി॒ര॒ണ്യയൈ॒-ര്വിത॑തൈ-രം॒തരി॑ക്ഷേ ॥ 16

നക്ഷത്രം - ജ്യേഷ്ഠാ, ദേവതാ - ഇംദ്രഃ
ഇംദ്രോ᳚ ജ്യേ॒ഷ്ഠാ മനു॒ നക്ഷ॑ത്രമേതി । യസ്മി॑ന് വൃ॒ത്രം-വൃഁ ॑ത്ര॒ തൂര്യേ॑ ത॒താര॑ ।
തസ്മി॑ന്വ॒യ-മ॒മൃതം॒ ദുഹാ॑നാഃ । ക്ഷുധം॑തരേമ॒ ദുരി॑തിം॒ ദുരി॑ഷ്ടിമ് ।
പു॒രം॒ദ॒രായ॑ വൃഷ॒ഭായ॑ ധൃ॒ഷ്ണവേ᳚ । അഷാ॑ഢായ॒ സഹ॑മാനായ മീ॒ഢുഷേ᳚ ।
ഇംദ്രാ॑യ ജ്യേ॒ഷ്ഠാ മധു॑മ॒ദ്ദുഹാ॑നാ । ഉ॒രും കൃ॑ണോതു॒ യജ॑മാനായ ലോ॒കമ് ॥ 17

നക്ഷത്രം - മൂലം, ദേവതാ - പ്രജാപതിഃ
മൂലം॑ പ്ര॒ജാം-വീഁ॒രവ॑തീം-വിഁദേയ । പരാ᳚ച്യേതു॒ നിര്​ഋ॑തിഃ പരാ॒ചാ ।
ഗോഭി॒-ര്നക്ഷ॑ത്രം പ॒ശുഭി॒-സ്സമ॑ക്തമ് । അഹ॑-ര്ഭൂയാ॒-ദ്യജ॑മാനായ॒ മഹ്യ᳚മ് ।
അഹ॑ര്നോ അ॒ദ്യ സു॑വി॒തേ ദ॑ധാതു । മൂലം॒ നക്ഷ॑ത്ര॒മിതി॒ യദ്വദം॑തി ।
പരാ॑ചീം-വാഁ॒ചാ നിര്​ഋ॑തിം നുദാമി । ശി॒വം പ്ര॒ജായൈ॑ ശി॒വമ॑സ്തു॒ മഹ്യ᳚മ് ॥ 18

നക്ഷത്രം - പൂര്വാഷാഢാ, ദേവതാ - ആപഃ
യാ ദി॒വ്യാ ആപഃ॒ പയ॑സാ സംബഭൂ॒വുഃ । യാ അം॒തരി॑ക്ഷ ഉ॒ത പാര്ഥി॑വീ॒ര്യാഃ ।
യാസാ॑മഷാ॒ഢാ അ॑നു॒യംതി॒ കാമ᳚മ് । താ ന॒ ആപഃ॒ ശഗ്ഗ്​ സ്യോ॒നാ ഭ॑വംതു ।
യാശ്ച॒ കൂപ്യാ॒ യാശ്ച॑ നാ॒ദ്യാ᳚-സ്സമു॒ദ്രിയാഃ᳚ । യാശ്ച॑ വൈശം॒തീരു॒ത പ്രാ॑സ॒ചീര്യാഃ ।
യാസാ॑മഷാ॒ഢാ മധു॑ ഭ॒ക്ഷയം॑തി । താ ന॒ ആപഃ॒ ശഗ്ഗ്​ സ്യോ॒നാ ഭ॑വംതു ॥ 19

നക്ഷത്രം - ഉത്തരാഷാഢാ, ദേവതാ - വിശ്വേദേവഃ
തന്നോ॒ വിശ്വേ॒ ഉപ॑ ശൃണ്വംതു ദേ॒വാഃ । തദ॑ഷാ॒ഢാ അ॒ഭിസം​യഁ ം॑തു യ॒ജ്ഞമ് ।
തന്നക്ഷ॑ത്രം പ്രഥതാം പ॒ശുഭ്യഃ॑ । കൃ॒ഷി-ര്വൃ॒ഷ്ടി-ര്യജ॑മാനായ കല്പതാമ് ।
ശു॒ഭ്രാഃ ക॒ന്യാ॑ യുവ॒തയ॑-സ്സു॒പേശ॑സഃ । ക॒ര്മ॒കൃത॑-സ്സു॒കൃതോ॑ വീ॒ര്യാ॑വതീഃ ।
വിശ്വാ᳚ന് ദേ॒വാന്, ഹ॒വിഷാ॑ വ॒ര്ധയം॑തീഃ ।
അ॒ഷാ॒ഢാഃ കാമ॒ മുപ॑യാംതു യ॒ജ്ഞമ് ॥ 20

നക്ഷത്രം - അഭിജിത്, ദേവതാ - ബ്രഹ്മാ
യസ്മി॒ന് ബ്രഹ്മാ॒ഭ്യജ॑യ॒ഥ് സര്വ॑മേ॒തത് । അ॒മുംച॑ ലോ॒ക മി॒ദമൂ॑ച॒ സര്വ᳚മ് ।
തന്നോ॒ നക്ഷ॑ത്ര-മഭി॒ജി-ദ്വി॒ജിത്യ॑ । ശ്രിയം॑ ദധാ॒ത്വ-ഹൃ॑ണീയമാനമ് ।
ഉ॒ഭൌ ലോ॒കൌ ബ്രഹ്മ॑ണാ॒ സംജി॑തേ॒മൌ । തന്നോ॒ നക്ഷ॑ത്ര-മഭി॒ജി-ദ്വിച॑ഷ്ടാമ് ।
തസ്മി॑ന് വ॒യം പൃത॑നാ॒ സ്സംജ॑യേമ । തന്നോ॑ ദേ॒വാസോ॒ അനു॑ജാനംതു॒ കാമ᳚മ് ॥ 21

നക്ഷത്രം - ശ്രവണം, ദേവതാ - വിഷ്ണുഃ
ശൃ॒ണ്വംതി॑ ശ്രോ॒ണാ-മ॒മൃത॑സ്യ ഗോ॒പാമ് । പുണ്യാ॑മസ്യാ॒ ഉപ॑ശൃണോമി॒ വാച᳚മ് ।
മ॒ഹീം ദേ॒വീം-വിഁഷ്ണു॑പത്നീ മജൂ॒ര്യാമ് । പ്ര॒തീചീ॑ മേനാഗ്​മ് ഹ॒വിഷാ॑ യജാമഃ ।
ത്രേ॒ധാ വിഷ്ണു॑-രുരുഗാ॒യോ വിച॑ക്രമേ । മ॒ഹീം ദിവം॑ പൃഥി॒വീ-മം॒തരി॑ക്ഷമ് ।
തച്ഛ്രോ॒ണൈതി॒ ശ്രവ॑-ഇ॒ച്ഛമാ॑നാ । പുണ്യ॒ഗ്ഗ്॒ ശ്ലോകം॒-യഁജ॑മാനായ കൃണ്വ॒തീ ॥ 22

നക്ഷത്രം - ശ്രവിഷ്ടാ, ദേവതാ - വസവഃ
അ॒ഷ്ടൌ ദേ॒വാ വസ॑വസ്സോ॒മ്യാസഃ॑ । ചത॑സ്രോ ദേ॒വീ ര॒ജരാഃ॒ ശ്രവി॑ഷ്ഠാഃ ।
തേ യ॒ജ്ഞം പാം᳚തു॒ രജ॑സഃ പ॒രസ്താ᳚ത് । സം॒​വഁ॒ഥ്സ॒രീണ॑-മ॒മൃതഗ്ഗ്॑ സ്വ॒സ്തി ।
യ॒ജ്ഞം നഃ॑ പാംതു॒ വസ॑വഃ പു॒രസ്താ᳚ത് । ദ॒ക്ഷി॒ണ॒തോ॑-ഽഭിയം॑തു॒ ശ്രവി॑ഷ്ഠാഃ ।
പുണ്യ॒ന്നക്ഷ॑ത്രമ॒ഭി സം​വിഁ ॑ശാമ । മാ നോ॒ അരാ॑തി-ര॒ഘശ॒ഗ്​മ്॒ സാഗന്ന്॑ ॥ 23

നക്ഷത്രം - ശതഭിഷക്, ദേവതാ - വരുണഃ
ക്ഷ॒ത്രസ്യ॒ രാജാ॒ വരു॑ണോഽധിരാ॒ജഃ । നക്ഷ॑ത്രാണാഗ്​മ് ശ॒തഭി॑ഷ॒ഗ് വസി॑ഷ്ഠഃ ।
തൌ ദേ॒വേഭ്യഃ॑ കൃണുതോ ദീ॒ര്ഘമായഃ॑ । ശ॒തഗ്​മ് സ॒ഹസ്രാ॑ ഭേഷ॒ജാനി॑ ധത്തഃ ।
യ॒ജ്ഞന്നോ॒ രാജാ॒ വരു॑ണ॒ ഉപ॑യാതു । തന്നോ॒ വിശ്വേ॑ അ॒ഭിസം​യഁ ം॑തു ദേ॒വാഃ ।
തന്നോ॒ നക്ഷ॑ത്രഗ്​മ് ശ॒തഭി॑ഷഗ് ജുഷാ॒ണമ് । ദീ॒ര്ഘമായുഃ॒ പ്രതി॑ര-ദ്ഭേഷ॒ജാനി॑ ॥ 24

നക്ഷത്രം - പൂര്വപ്രോഷ്ഠപദാ, ദേവതാ - അജയേകപാദഃ
അ॒ജ ഏക॑പാ॒- ദുദ॑ഗാത് പു॒രസ്താ᳚ത് । വിശ്വാ॑ ഭൂ॒താനി॑ പ്രതി॒ മോദ॑മാനഃ ।
തസ്യ॑ ദേ॒വാഃ പ്ര॑സ॒വം-യഁ ം॑തി॒ സര്വേ᳚ । പ്രോ॒ഷ്ഠ॒പ॒ദാസോ॑ അ॒മൃത॑സ്യ ഗോ॒പാഃ ।
വി॒ഭ്രാജ॑മാന-സ്സമിധാ॒ന ഉ॒ഗ്രഃ । ആഽംതരി॑ക്ഷ-മരുഹ॒ദ-ദ്ഗം॒ദ്യാമ് ।
തഗ്​മ് സൂര്യം॑ ദേ॒വ-മ॒ജമേക॑പാദമ് । പ്രോ॒ഷ്ഠ॒പ॒ദാസോ॒ അനു॑യംതി॒ സര്വേ᳚ ॥ 25

നക്ഷത്രം - ഉത്തരപ്രോഷ്ഠപദാ, ദേവതാ - അഹിര്ബുദ്ധ്നിയഃ
അഹി॑-ര്ബു॒ദ്ധ്നിയഃ॒ പ്രഥ॑മാന ഏതി । ശ്രേഷ്ഠോ॑ ദേ॒വാനാ॑മു॒ത മാനു॑ഷാണാമ് ।
തം ബ്രാ᳚ഹ്മ॒ണാ-സ്സോ॑മ॒പാ-സ്സോ॒മ്യാസഃ॑ । പ്രോ॒ഷ്ഠ॒പ॒ദാസോ॑ അ॒ഭിര॑ക്ഷംതി॒ സര്വേ᳚ ।
ച॒ത്വാര॒ ഏക॑മ॒ഭി കര്മ॑ ദേ॒വാഃ । പ്രോ॒ഷ്ഠ॒പ॒ദാസ॒ ഇതി॒ യാന്, വദം॑തി ।
തേ ബു॒ദ്ധനിയം॑ പരി॒ഷദ്യഗ്ഗ്॑ സ്തു॒വംതഃ॑ । അഹിഗ്​മ്॑ രക്ഷംതി॒ നമ॑സോപ॒ സദ്യ॑ ॥ 26

നക്ഷത്രം - രേവതീ, ദേവതാ - പൂഷാ
പൂ॒ഷാ രേ॒വത്യന്വേ॑തി॒ പംഥാ᳚മ് । പു॒ഷ്ടി॒പതീ॑ പശു॒പാ വാജ॑ബസ്ത്യൌ ।
ഇ॒മാനി॑ ഹ॒വ്യാ പ്രയ॑താ ജുഷാ॒ണാ । സു॒ഗൈര്നോ॒ യാനൈ॒രുപ॑യാതാം-യഁ॒ജ്ഞമ് ।
ക്ഷു॒ദ്രാന് പ॒ശൂന് ര॑ക്ഷതു രേ॒വതീ॑ നഃ । ഗാവോ॑ നോ॒ അശ്വാ॒ഗ്​മ്॒ അന്വേ॑തു പൂ॒ഷാ ।
അന്ന॒ഗ്​മ്॒ രക്ഷം॑തൌ ബഹു॒ധാ വിരൂ॑പമ് । വാജഗ്​മ്॑ സനുതാം॒-യഁജ॑മാനായ യ॒ജ്ഞമ് ॥ 27

നക്ഷത്രം - അശ്വിനീ, ദേവതാ - അശ്വിനീ ദേവ
തദ॒ശ്വിനാ॑-വശ്വ॒യുജോ-പ॑യാതാമ് । ശുഭം॒ഗമി॑ഷ്ഠൌ സു॒യമേ॑ഭി॒രശ്വൈഃ᳚ ।
സ്വന്നക്ഷ॑ത്രഗ്​മ് ഹ॒വിഷാ॒ യജം॑തൌ । മദ്ധ്വാ॒-സംപൃ॑ക്തൌ॒ യജു॑ഷാ॒ സമ॑ക്തൌ ।
യൌ ദേ॒വാനാം᳚ ഭി॒ഷജൌ॑ ഹവ്യവാ॒ഹൌ । വിശ്വ॑സ്യ ദൂ॒താ-വ॒മൃത॑സ്യ ഗോ॒പൌ ।
തൌ നക്ഷ॑ത്രം-ജുജുഷാ॒ണോ-പ॑യാതാമ് । നമോ॒ഽശ്വിഭ്യാം᳚ കൃണുമോ-ഽശ്വ॒ഗ്യുഭ്യാ᳚മ് ॥ 28

നക്ഷത്രം - അപഭരണീ, ദേവതാ - യമഃ
അപ॑ പാ॒പ്മാനം॒ ഭര॑ണീ-ര്ഭരംതു । തദ്യ॒മോ രാജാ॒ ഭഗ॑വാ॒ന്॒, വിച॑ഷ്ടാമ് ।
ലോ॒കസ്യ॒ രാജാ॑ മഹ॒തോ മ॒ഹാന്, ഹി । സു॒ഗന്നഃ॒ പംഥാ॒മഭ॑യം കൃണോതു ।
യസ്മി॒-ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേന-മ॒ഭ്യഷിം॑ചംത ദേ॒വാഃ ।
തദ॑സ്യ ചി॒ത്രഗ്​മ് ഹ॒വിഷാ॑ യജാമ । അപ॑ പാ॒പ്മാനം॒ ഭര॑ണീ-ര്ഭരംതു ॥ 29

അമാവാസി
നി॒വേശ॑നീ സം॒ഗമ॑നീ॒ വസൂ॑നാം॒-വിഁശ്വാ॑ രൂ॒പാണി॒ വസൂ᳚ന്യാ-വേ॒ശയം॑തീ ।
സ॒ഹ॒സ്ര॒-പോ॒ഷഗ്​മ് സു॒ഭഗാ॒ രരാ॑ണാ॒ സാ ന॒ ആഗ॒ന് വര്ച॑സാ സം​വിഁദാ॒നാ ।
യത്തേ॑ ദേ॒വാ അദ॑ധു-ര്ഭാഗ॒ധേയ॒-മമാ॑വാസ്യേ സം॒​വഁസം॑തോ മഹി॒ത്വാ ।
സാ നോ॑ യ॒ജ്ഞം പി॑പൃഹി വിശ്വവാരേ ര॒യിന്നോ॑ ധേഹി സുഭഗേ സു॒വീര᳚മ് ॥ 30

ഓം ശാംതിഃ॒ ശാംതിഃ॒ ശാംതിഃ॑ ॥

31-40: Optional for Additional Chanting

ചംദ്രമാ
നവോ॑ നവോ ഭവതി॒ ജായ॑മാ॒നോഽഹ്നാം᳚ കേ॒തു-രു॒ഷസാ॑ മേ॒ത്യഗ്രേ᳚ ।
ഭാ॒ഗം ദേ॒വേഭ്യോ॒ വിദ॑ധാത്യാ॒യന് പ്രചം॒ദ്രമാ᳚സ്തിരിതി ദീ॒ര്ഘമായുഃ॑ ॥
യമാ॑ദി॒ത്യാ അ॒ഗ്​മ്॒ശുമാ᳚പ്യാ॒യയം॑തി॒ യമക്ഷി॑ത॒-മക്ഷി॑തയഃ॒ പിബം॑തി ।
തേന॑ നോ॒ രാജാ॒ വരു॑ണോ॒ ബൃഹ॒സ്പതി॒ രാപ്യാ॑യയംതു॒ ഭുവ॑നസ്യ ഗോ॒പാഃ ॥ 31

അഹോ രാത്ര
യേ വിരൂ॑പേ॒ സമ॑നസാ സം​വ്യഁയം॑തീ । സ॒മാ॒നം തംതും॑ പരിതാ-ത॒നാതേ᳚ ।
വി॒ഭൂ പ്ര॒ഭൂ അ॑നു॒ഭൂ വി॒ശ്വതോ॑ ഹുവേ । തേ നോ॒ നക്ഷ॑ത്രേ॒ ഹവ॒മാഗ॑-മേതമ് ।
വ॒യം ദേ॒വീ ബ്രഹ്മ॑ണാ സം​വിഁദാ॒നാഃ । സു॒രത്നാ॑സോ ദേ॒വവീ॑തിം॒ ദധാ॑നാഃ ।
അ॒ഹോ॒രാ॒ത്രേ ഹ॒വിഷാ॑ വ॒ര്ധയം॑തഃ । അതി॑ പാ॒പ്മാന॒-മതി॑മുക്ത്യാ ഗമേമ ॥ 32

ഉഷാ
പ്രത്യു॑വ ദൃശ്യായ॒തീ । വ്യു॒ച്ഛംതീ॑ ദുഹി॒താ ദി॒വഃ ।
അ॒പോ മ॒ഹീ വൃ॑ണുതേ॒ ചക്ഷു॑ഷാ । തമോ॒ ജ്യോതി॑ഷ്​കൃണോതി സൂ॒നരീ᳚ ।
ഉദു॒ സ്ത്രിയാ᳚സ്സചതേ॒ സൂര്യഃ॑ । സ ചാ॑ ഉ॒ദ്യന്നക്ഷ॑ത്ര മര്ചി॒മത് ।
ത വേദു॑ഷോ॒ വ്യുഷി॒ സൂര്യ॑സ്യ ച । സംഭ॒ക്തേന॑ ഗമേമഹി ॥ 33

നക്ഷത്രഃ
തന്നോ॒ നക്ഷ॑ത്ര മര്ചി॒മത് । ഭാ॒നു॒മത്തേജ॑ ഉ॒ച്ഛര॑ത് ।
ഉപ॑യ॒ജ്ഞ-മി॒ഹാഗ॑മത് । പ്രനക്ഷ॑ത്രായ ദേ॒വായ॑ । ഇംദ്രാ॒യേംദുഗ്​മ്॑ ഹവാമഹേ ।
സ ന॑ സ്സവി॒താ സു॑വഥ്സ॒നിമ് । പു॒ഷ്ടി॒ദാം-വീഁ॒രവ॑ത്തമമ് ॥ 34

സൂര്യഃ
ഉദു॒ത്യം ജാ॒തവേ॑ദസം ദേ॒വം-വഁ ॑ഹംതി കേ॒തവഃ॑ । ദൃ॒ശേ വിശ്വാ॑യ॒ സൂര്യ᳚മ് ।
ചി॒ത്രം ദേ॒വാനാ॒ മുദ॑ഗാ॒ദനീ॑കം॒ ചക്ഷു॑-ര്മി॒ത്രസ്യ॒ വരു॑ണസ്യാ॒ഗ്നേഃ ।
ആഽപ്രാ॒ ദ്യാവാ॑പൃഥി॒വീ അം॒തരി॑ക്ഷ॒ഗ്​മ്॒ സൂര്യ॑ ആ॒ത്മാ ജഗ॑തസ്ത॒സ്ഥുഷ॑ശ്ച ॥ 35

അദിതിഃ
അദി॑തിര്ന ഉരുഷ്യ॒-ത്വദി॑തിഃ॒ ശര്മ॑ യച്ഛതു । അദി॑തിഃ പാ॒ത്വഗ്​മ് ഹ॑സഃ।
മ॒ഹീമൂ॒ഷു മാ॒തരഗ്​മ്॑ സുവ്ര॒താനാ॑-മൃ॒തസ്യ॒ പത്നീ॒ മവ॑സേ ഹുവേമ ।
തു॒വി॒ക്ഷ॒ത്രാ-മ॒ജരം॑തീ മുരൂ॒ചീഗ്​മ് സു॒ശര്മാ॑ണ॒-മദി॑തിഗ്​മ് സു॒പ്രണീ॑തിമ് ॥ 36

വിഷ്ണുഃ
ഇ॒ദം-വിഁഷ്ണു॒-ര്വിച॑ക്രമേ ത്രേ॒ധാ നിദ॑ധേ പ॒ദമ് । സമൂ॑ഢമസ്യ പാഗ്​മ് സു॒രേ ।
പ്രതദ്വിഷ്ണു॑ സ്തവതേ വീ॒ര്യാ॑യ । മൃ॒ഗോ ന ഭീ॒മഃ കു॑ച॒രോ ഗി॑രി॒ഷ്ഠാഃ ।
യസ്യോ॒രുഷു॑ ത്രി॒ഷു വി॒ക്രമ॑ണേഷു । അധി॑ക്ഷി॒യംതി॒ ഭുവ॑നാനി॒ വിശ്വാ᳚ ॥ 37

അഗ്നിഃ
അ॒ഗ്നി-ര്മൂ॒ദ്​ര്ധാ ദി॒വഃ ക॒കുത്പതിഃ॑ പൃഥി॒വ്യാ അ॒യമ് ।
അ॒പാഗ്​മ് രേതാഗ്​മ്॑സി ജിന്വതി ।
ഭുവോ॑ യ॒ജ്ഞസ്യ॒ രജ॑സശ്ച നേ॒താ യത്രാ॑ നി॒യുദ്ഭിഃ॒ സച॑സേ ശി॒വാഭിഃ॑ ।
ദി॒വി മൂ॒ദ്​ര്ധാനം॑ ദധിഷേ സുവ॒ര്॒ഷാം ജി॒ഹ്വാമ॑ഗ്നേ ചകൃഷേ ഹവ്യ॒വാഹം᳚ ॥ 38

അനുമതീ
അനു॑നോ॒ഽദ്യാനു॑മതി-ര്യ॒ജ്ഞം ദേ॒വേഷു॑ മന്യതാമ് ।
അ॒ഗ്നിശ്ച॑ ഹവ്യ॒വാഹ॑നോ॒ ഭവ॑താം ദാ॒ശുഷേ॒ മയഃ॑ ।
അന്വിദ॑നുമതേ॒ ത്വം മന്യാ॑സൈ॒ ശംച॑ നഃ കൃധി ।
ക്രത്വേ॒ ദക്ഷാ॑യ നോ ഹിനു॒ പ്രണ॒ ആയൂഗ്​മ്॑ഷി താരിഷഃ ॥ 39

ഹവ്യവാഹഃ (അഗ്നിഃ)
ഹ॒വ്യ॒വാഹ॑മഭി-മാതി॒ഷാഹ᳚മ് । ര॒ക്ഷോ॒ഹണം॒ പൃത॑നാസു ജി॒ഷ്ണുമ് ।
ജ്യോതി॑ഷ്മംതം॒ ദീദ്യ॑തം॒ പുരം॑ധിമ് । അ॒ഗ്നിഗ്ഗ്​ സ്വി॑ഷ്ട॒ കൃത॒മാഹു॑വേമ ।
സ്വി॑ഷ്ട മഗ്നേ അ॒ഭിതത് പൃ॑ണാഹി । വിശ്വാ॑ ദേവ॒ പൃത॑നാ അ॒ഭിഷ്യ ।
ഉ॒രുന്നഃ॒ പംഥാം᳚ പ്രദി॒ശന് വിഭാ॑ഹി । ജ്യോതി॑ഷ്മദ്ധേഹ്യ॒ ജര॑ന്ന॒ ആയുഃ॑ ॥ 40

ഓം ശാംതിഃ॒ ശാംതിഃ॒ ശാംതിഃ॑ ॥




Browse Related Categories: