View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

નક્ષત્ર સૂક્તમ્ (નક્ષત્રેષ્ટિ)

તૈત્તિરીય બ્રાહ્મણ - અષ્ટકં 3, પ્રશ્નઃ 1,
તૈત્તિરીય સંહિતા - કાંડ 3, પ્રપાઠકઃ 5, અનુવાકં 1

નક્ષત્રં - કૃત્તિકા, દેવતા - અગ્નિઃ
ઓં અ॒ગ્નિર્નઃ॑ પાતુ॒ કૃત્તિ॑કાઃ । નક્ષ॑ત્રં દે॒વમિં॑દ્રિ॒યમ્ ।
ઇ॒દમા॑સાં-વિઁચક્ષ॒ણમ્ । હ॒વિરા॒સં જુ॑હોતન ।
યસ્ય॒ ભાંતિ॑ ર॒શ્મયો॒ યસ્ય॑ કે॒તવઃ॑ । યસ્યે॒મા વિશ્વા॒ ભુવ॑નાનિ॒ સર્વા᳚ ।
સ કૃત્તિ॑કાભિ-ર॒ભિસં॒​વઁસા॑નઃ । અ॒ગ્નિર્નો॑ દે॒વસ્સુ॑વિ॒તે દ॑ધાતુ ॥ 1

નક્ષત્રં - રોહિણી, દેવતા - પ્રજાપતિઃ
પ્ર॒જાપ॑તે રોહિ॒ણીવે॑તુ॒ પત્ની᳚ । વિ॒શ્વરૂ॑પા બૃહ॒તી ચિ॒ત્રભા॑નુઃ ।
સા નો॑ ય॒જ્ઞસ્ય॑ સુવિ॒તે દ॑ધાતુ । યથા॒ જીવે॑મ શ॒રદ॒સ્સવી॑રાઃ ।
રો॒હિ॒ણી દે॒વ્યુદ॑ગાત્પુ॒રસ્તા᳚ત્ । વિશ્વા॑ રૂ॒પાણિ॑ પ્રતિ॒મોદ॑માના ।
પ્ર॒જાપ॑તિગ્​મ્ હ॒વિષા॑ વ॒ર્ધયં॑તી । પ્રિ॒યા દે॒વાના॒-મુપ॑યાતુ ય॒જ્ઞમ્ ॥ 2

નક્ષત્રં - મૃગશીર્​ષઃ, દેવતા - સોમઃ
સોમો॒ રાજા॑ મૃગશી॒ર્॒ષેણ॒ આગન્ન્॑ । શિ॒વં નક્ષ॑ત્રં પ્રિ॒યમ॑સ્ય॒ ધામ॑ ।
આ॒પ્યાય॑માનો બહુ॒ધા જને॑ષુ । રેતઃ॑ પ્ર॒જાં-યઁજ॑માને દધાતુ ।
યત્તે॒ નક્ષ॑ત્રં મૃગશી॒ર્॒ષમસ્તિ॑ । પ્રિ॒યગ્​મ્ રા॑જન્ પ્રિ॒યત॑મં પ્રિ॒યાણા᳚મ્ ।
તસ્મૈ॑ તે સોમ હ॒વિષા॑ વિધેમ । શન્ન॑ એધિ દ્વિ॒પદે॒ શંચતુ॑ષ્પદે ॥ 3

નક્ષત્રં - આર્દ્રા, દેવતા - રુદ્રઃ
આ॒ર્દ્રયા॑ રુ॒દ્રઃ પ્રથ॑મા ન એતિ । શ્રેષ્ઠો॑ દે॒વાનાં॒ પતિ॑રઘ્નિ॒યાના᳚મ્ ।
નક્ષ॑ત્રમસ્ય હ॒વિષા॑ વિધેમ । મા નઃ॑ પ્ર॒જાગ્​મ્ રી॑રિષ॒ન્મોત વી॒રાન્ ।
હે॒તી રુ॒દ્રસ્ય॒ પરિ॑ણો વૃણક્તુ । આ॒ર્દ્રા નક્ષ॑ત્રં જુષતાગ્​મ્ હ॒વિર્નઃ॑ ।
પ્ર॒મું॒ચમા॑નૌ દુરિ॒તાનિ॒ વિશ્વા᳚ । અપા॒ઘશગ્​મ્॑ સન્નુ-દતા॒મરા॑તિમ્ ॥ 4

નક્ષત્રં - પુનર્વસુ, દેવતા - અદિતિઃ
પુન॑ર્નો દે॒વ્યદિ॑તિ-સ્પૃણોતુ । પુન॑ર્વસૂ નઃ॒ પુન॒રેતાં᳚-યઁ॒જ્ઞમ્ ।
પુન॑ર્નો દે॒વા અ॒ભિયં॑તુ॒ સર્વે᳚ । પુનઃ॑ પુનર્વો હ॒વિષા॑ યજામઃ ।
એ॒વા ન દે॒વ્ય-દિ॑તિરન॒ર્વા । વિશ્વ॑સ્ય ભ॒ર્ત્રી જગ॑તઃ પ્રતિ॒ષ્ઠા ।
પુન॑ર્વસૂ હ॒વિષા॑ વ॒ર્ધયં॑તી । પ્રિ॒યં દે॒વાના॒-મપ્યે॑તુ॒ પાથઃ॑ ॥ 5

નક્ષત્રં - પુષ્યઃ, દેવતા - બૃહસ્પતિઃ
બૃહ॒સ્પતિઃ॑ પ્રથ॒મંજાય॑માનઃ । તિ॒ષ્યં॑ નક્ષ॑ત્રમ॒ભિ સંબ॑ભૂવ ।
શ્રેષ્ઠો॑ દે॒વાનાં॒ પૃત॑નાસુ જિ॒ષ્ણુઃ । દિ॒શોઽનુ॒ સર્વા॒ અભ॑યન્નો અસ્તુ ।
તિ॒ષ્યઃ॑ પુ॒રસ્તા॑દુ॒ત મ॑ધ્ય॒તો નઃ॑ । બૃહ॒સ્પતિ॑ર્નઃ॒ પરિ॑પાતુ પ॒શ્ચાત્ ।
બાધે॑ તાં॒દ્વેષો॒ અભ॑યં કૃણુતામ્ । સુ॒વીર્ય॑સ્ય॒ પત॑યસ્યામ ॥ 6

નક્ષત્રં -આશ્રેષં, દેવતા - સર્પાઃ
ઇ॒દગ્​મ્ સ॒ર્પેભ્યો॑ હ॒વિર॑સ્તુ॒ જુષ્ટ᳚મ્ । આ॒શ્રે॒ષા યેષા॑મનુ॒યંતિ॒ ચેતઃ॑ ।
યે અં॒તરિ॑ક્ષં પૃથિ॒વીં-ક્ષિ॒યંતિ॑ । તેન॑ સ્સ॒ર્પાસો॒ હવ॒માગ॑મિષ્ઠાઃ ।
યે રો॑ચ॒ને સૂર્ય॒સ્યાપિ॑ સ॒ર્પાઃ । યે દિવં॑ દે॒વી-મનુ॑સં॒ચરં॑તિ ।
યેષા॑માશ્રે॒ષા અ॑નુ॒યંતિ॒ કામ᳚મ્ । તેભ્ય॑-સ્સ॒ર્પેભ્યો॒ મધુ॑-મજ્જુહોમિ ॥ 7

નક્ષત્રં - મઘા, દેવતા - પિતરઃ
ઉપ॑હૂતાઃ પિ॒તરો॒ યે મ॒ઘાસુ॑ । મનો॑જવસ-સ્સુ॒કૃત॑-સ્સુકૃ॒ત્યાઃ ।
તે નો॒ નક્ષ॑ત્રે॒ હવ॒માગ॑મિષ્ઠાઃ । સ્વ॒ધાભિ॑ર્ય॒જ્ઞં પ્રય॑તં જુષંતામ્ ।
યે અ॑ગ્નિદ॒ગ્ધા યેઽન॑ગ્નિ-દગ્ધાઃ । યે॑ઽમુલ્લો॒કં પિ॒તરઃ॑, ક્ષિ॒યંતિ॑ ।
યાગ્ગ્​શ્ચ॑ વિ॒દ્મયાગ્​મ્ ઉ॑ ચ॒ ન પ્ર॑વિ॒દ્મ । મ॒ઘાસુ॑ ય॒જ્ઞગ્​મ્ સુકૃ॑તં જુષંતામ્ ॥ 8

નક્ષત્રં - પૂર્વફલ્ગુની, દેવતા - અર્યમા
ગવાં॒ પતિઃ॒ ફલ્ગુ॑ની-નામસિ॒ ત્વમ્ । તદ॑ર્યમન્વરુણ મિત્ર॒ ચારુ॑ ।
તં ત્વા॑ વ॒યગ્​મ્ સ॑નિ॒તારગ્​મ્॑ સની॒નામ્ । જી॒વા જીવં॑ત॒મુપ॒ સં​વિઁ॑શેમ ।
યેને॒મા વિશ્વા॒ ભુવ॑નાનિ॒ સંજિ॑તા । યસ્ય॑ દે॒વા અ॑નુસં॒​યંઁતિ॒ ચેતઃ॑ ।
અ॒ર્ય॒મા રાજા॒ઽજર॒સ્તુ વિ॑ષ્માન્ । ફલ્ગુ॑નીના-મૃષ॒ભો રો॑રવીતિ ॥ 9

નક્ષત્રં - ઉત્તર ફલ્ગુની, દેવતા - ભગઃ
શ્રેષ્ઠો॑ દે॒વાનાં᳚ ભગવો ભગાસિ । તત્ત્વા॑ વિદુઃ॒ ફલ્ગુ॑ની॒-સ્તસ્ય॑ વિત્તાત્ ।
અ॒સ્મભ્યં॑-ક્ષ॒ત્રમ॒જરગ્​મ્॑ સુ॒વીર્ય᳚મ્ । ગોમ॒દશ્વ॑-વ॒દુપ॒સન્નુ॑-દે॒હ ।
ભગો॑હ દા॒તા ભગ॒ ઇત્પ્ર॑દા॒તા । ભગો॑ દે॒વીઃ ફલ્ગુ॑ની॒-રાવિ॑વેશ ।
ભગ॒સ્યેત્તં પ્ર॑સ॒વં ગ॑મેમ । યત્ર॑ દે॒વૈ-સ્સ॑ધ॒માદં॑ મદેમ ॥ 10

નક્ષત્રં - હસ્તઃ, દેવતા - સવિતા
આયા॑તુ દે॒વ-સ્સ॑વિ॒તો પ॑યાતુ । હિ॒ર॒ણ્યયે॑ન સુ॒વૃતા॒ રથે॑ન ।
વહ॒ન॒, હસ્તગ્​મ્॑ સુ॒ભગં॑-વિઁદ્મ॒નાપ॑સમ્ । પ્ર॒યચ્છં॑તં॒ પપુ॑રિં॒ પુણ્ય॒મચ્છ॑ ।
હસ્તઃ॒ પ્રય॑ચ્છ ત્વ॒મૃતં॒-વઁસી॑યઃ । દક્ષિ॑ણેન॒ પ્રતિ॑ગૃભ્ણીમ એનત્ ।
દા॒તાર॑-મ॒દ્ય સ॑વિ॒તા વિ॑દેય । યો નો॒ હસ્તા॑ય પ્રસુ॒વાતિ॑ ય॒જ્ઞમ્ ॥ 11

નક્ષત્રં - ચિત્રા, દેવતા - ત્વષ્ટા
ત્વષ્ટા॒ નક્ષ॑ત્ર-મ॒ભ્યે॑તિ ચિ॒ત્રામ્ । સુ॒ભગ્​મ્ સ॑સં​યુઁવ॒તિગ્​મ્ રોચ॑માનામ્ ।
નિ॒વે॒શય॑-ન્ન॒મૃતા॒-ન્મર્ત્યાગ્ગ્॑શ્ચ । રૂ॒પાણિ॑ પિ॒ગ્​મ્॒શન્ ભુવ॑નાનિ॒ વિશ્વા᳚ ।
તન્ન॒સ્ત્વષ્ટા॒ તદુ॑ ચિ॒ત્રા વિચ॑ષ્ટામ્ । તન્નક્ષ॑ત્રં ભૂરિ॒દા અ॑સ્તુ॒ મહ્ય᳚મ્ ।
તન્નઃ॑ પ્ર॒જાં-વીઁ॒રવ॑તીગ્​મ્ સનોતુ । ગોભિ॑ર્નો॒ અશ્વૈ॒-સ્સમ॑નક્તુ ય॒જ્ઞમ્ ॥ 12

નક્ષત્રં - સ્વાતી, દેવતા - વાયુઃ
વા॒યુ-ર્નક્ષ॑ત્ર-મ॒ભ્યે॑તિ॒ નિષ્ટ્યા᳚મ્ । તિ॒ગ્મશૃં॑ગો વૃષ॒ભો રોરુ॑વાણઃ ।
સ॒મી॒રય॒ન્ ભુવ॑ના માત॒રિશ્વા᳚ । અપ॒ દ્વેષાગ્​મ્॑સિ નુદતા॒મરા॑તીઃ ।
તન્નો॑ વા॒યસ્તદુ॒ નિષ્ટ્યા॑ શૃણોતુ । તન્નક્ષ॑ત્રં ભૂરિ॒દા અ॑સ્તુ॒ મહ્ય᳚મ્ ।
તન્નો॑ દે॒વાસો॒ અનુ॑ જાનંતુ॒ કામ᳚મ્ । યથા॒ તરે॑મ દુરિ॒તાનિ॒ વિશ્વા᳚ ॥ 13

નક્ષત્રં - વિશાખા, દેવતા - ઇંદ્રાગ્ની
દૂ॒રમ॒સ્મચ્છત્ર॑વો યંતુ ભી॒તાઃ । તદિં॑દ્રા॒ગ્ની કૃ॑ણુતાં॒ તદ્વિશા॑ખે ।
તન્નો॑ દે॒વા અનુ॑મદંતુ ય॒જ્ઞમ્ । પ॒શ્ચાત્ પુ॒રસ્તા॒-દભ॑યન્નો અસ્તુ ।
નક્ષ॑ત્રાણા॒-મધિ॑પત્ની॒ વિશા॑ખે । શ્રેષ્ઠા॑-વિંદ્રા॒ગ્ની ભુવ॑નસ્ય ગો॒પૌ ।
વિષૂ॑ચ॒-શ્શત્રૂ॑નપ॒બાધ॑માનૌ । અપ॒ક્ષુધ॑-ન્નુદતા॒મરા॑તિમ્ ॥ 14

પૌર્ણમાસિ
પૂ॒ર્ણા પ॒શ્ચાદુ॒ત પૂ॒ર્ણા પુ॒રસ્તા᳚ત્ । ઉન્મ॑ધ્ય॒તઃ પૌ᳚ર્ણમા॒સી જિ॑ગાય ।
તસ્યાં᳚ દે॒વા અધિ॑ સં॒-વઁસં॑તઃ । ઉ॒ત્ત॒મે નાક॑ ઇ॒હ મા॑દયંતામ્ ।
પૃ॒થ્વી સુ॒વર્ચા॑ યુવ॒તિ-સ્સ॒જોષાઃ᳚ । પૌ॒ર્ણ॒મા॒સ્યુદ॑ગા॒-ચ્છોભ॑માના ।
આ॒પ્યા॒યયં॑તી દુરિ॒તાનિ॒ વિશ્વા᳚ । ઉ॒રું દુહાં॒-યઁજ॑માનાય ય॒જ્ઞમ્ ॥ 15

નક્ષત્રં - અનૂરાધા, દેવતા - મિત્રઃ
ઋ॒દ્ધ્યાસ્મ॑ હ॒વ્યૈ-ર્નમ॑સોપ॒-સદ્ય॑ । મિ॒ત્રં દે॒વં મિ॑ત્ર॒ધેય॑ન્નો અસ્તુ ।
અ॒નૂ॒રા॒ધાન્, હ॒વિષા॑ વ॒ર્ધયં॑તઃ । શ॒તં જી॑વેમ શ॒રદ॒-સ્સવી॑રાઃ ।
ચિ॒ત્રં-નક્ષ॑ત્ર॒-મુદ॑ગા-ત્પુ॒રસ્તા᳚ત્ । અ॒નૂ॒રા॒ધા સ॒ ઇતિ॒ યદ્વદં॑તિ ।
તન્મિ॒ત્ર એ॑તિ પ॒થિભિ॑-ર્દેવ॒યાનૈઃ᳚ । હિ॒ર॒ણ્યયૈ॒-ર્વિત॑તૈ-રં॒તરિ॑ક્ષે ॥ 16

નક્ષત્રં - જ્યેષ્ઠા, દેવતા - ઇંદ્રઃ
ઇંદ્રો᳚ જ્યે॒ષ્ઠા મનુ॒ નક્ષ॑ત્રમેતિ । યસ્મિ॑ન્ વૃ॒ત્રં-વૃઁ॑ત્ર॒ તૂર્યે॑ ત॒તાર॑ ।
તસ્મિ॑ન્વ॒ય-મ॒મૃતં॒ દુહા॑નાઃ । ક્ષુધં॑તરેમ॒ દુરિ॑તિં॒ દુરિ॑ષ્ટિમ્ ।
પુ॒રં॒દ॒રાય॑ વૃષ॒ભાય॑ ધૃ॒ષ્ણવે᳚ । અષા॑ઢાય॒ સહ॑માનાય મી॒ઢુષે᳚ ।
ઇંદ્રા॑ય જ્યે॒ષ્ઠા મધુ॑મ॒દ્દુહા॑ના । ઉ॒રું કૃ॑ણોતુ॒ યજ॑માનાય લો॒કમ્ ॥ 17

નક્ષત્રં - મૂલં, દેવતા - પ્રજાપતિઃ
મૂલં॑ પ્ર॒જાં-વીઁ॒રવ॑તીં-વિઁદેય । પરા᳚ચ્યેતુ॒ નિર્​ઋ॑તિઃ પરા॒ચા ।
ગોભિ॒-ર્નક્ષ॑ત્રં પ॒શુભિ॒-સ્સમ॑ક્તમ્ । અહ॑-ર્ભૂયા॒-દ્યજ॑માનાય॒ મહ્ય᳚મ્ ।
અહ॑ર્નો અ॒દ્ય સુ॑વિ॒તે દ॑ધાતુ । મૂલં॒ નક્ષ॑ત્ર॒મિતિ॒ યદ્વદં॑તિ ।
પરા॑ચીં-વાઁ॒ચા નિર્​ઋ॑તિં નુદામિ । શિ॒વં પ્ર॒જાયૈ॑ શિ॒વમ॑સ્તુ॒ મહ્ય᳚મ્ ॥ 18

નક્ષત્રં - પૂર્વાષાઢા, દેવતા - આપઃ
યા દિ॒વ્યા આપઃ॒ પય॑સા સંબભૂ॒વુઃ । યા અં॒તરિ॑ક્ષ ઉ॒ત પાર્થિ॑વી॒ર્યાઃ ।
યાસા॑મષા॒ઢા અ॑નુ॒યંતિ॒ કામ᳚મ્ । તા ન॒ આપઃ॒ શગ્ગ્​ સ્યો॒ના ભ॑વંતુ ।
યાશ્ચ॒ કૂપ્યા॒ યાશ્ચ॑ ના॒દ્યા᳚-સ્સમુ॒દ્રિયાઃ᳚ । યાશ્ચ॑ વૈશં॒તીરુ॒ત પ્રા॑સ॒ચીર્યાઃ ।
યાસા॑મષા॒ઢા મધુ॑ ભ॒ક્ષયં॑તિ । તા ન॒ આપઃ॒ શગ્ગ્​ સ્યો॒ના ભ॑વંતુ ॥ 19

નક્ષત્રં - ઉત્તરાષાઢા, દેવતા - વિશ્વેદેવઃ
તન્નો॒ વિશ્વે॒ ઉપ॑ શૃણ્વંતુ દે॒વાઃ । તદ॑ષા॒ઢા અ॒ભિસં​યઁં॑તુ ય॒જ્ઞમ્ ।
તન્નક્ષ॑ત્રં પ્રથતાં પ॒શુભ્યઃ॑ । કૃ॒ષિ-ર્વૃ॒ષ્ટિ-ર્યજ॑માનાય કલ્પતામ્ ।
શુ॒ભ્રાઃ ક॒ન્યા॑ યુવ॒તય॑-સ્સુ॒પેશ॑સઃ । ક॒ર્મ॒કૃત॑-સ્સુ॒કૃતો॑ વી॒ર્યા॑વતીઃ ।
વિશ્વા᳚ન્ દે॒વાન્, હ॒વિષા॑ વ॒ર્ધયં॑તીઃ ।
અ॒ષા॒ઢાઃ કામ॒ મુપ॑યાંતુ ય॒જ્ઞમ્ ॥ 20

નક્ષત્રં - અભિજિત્, દેવતા - બ્રહ્મા
યસ્મિ॒ન્ બ્રહ્મા॒ભ્યજ॑ય॒થ્ સર્વ॑મે॒તત્ । અ॒મુંચ॑ લો॒ક મિ॒દમૂ॑ચ॒ સર્વ᳚મ્ ।
તન્નો॒ નક્ષ॑ત્ર-મભિ॒જિ-દ્વિ॒જિત્ય॑ । શ્રિયં॑ દધા॒ત્વ-હૃ॑ણીયમાનમ્ ।
ઉ॒ભૌ લો॒કૌ બ્રહ્મ॑ણા॒ સંજિ॑તે॒મૌ । તન્નો॒ નક્ષ॑ત્ર-મભિ॒જિ-દ્વિચ॑ષ્ટામ્ ।
તસ્મિ॑ન્ વ॒યં પૃત॑ના॒ સ્સંજ॑યેમ । તન્નો॑ દે॒વાસો॒ અનુ॑જાનંતુ॒ કામ᳚મ્ ॥ 21

નક્ષત્રં - શ્રવણં, દેવતા - વિષ્ણુઃ
શૃ॒ણ્વંતિ॑ શ્રો॒ણા-મ॒મૃત॑સ્ય ગો॒પામ્ । પુણ્યા॑મસ્યા॒ ઉપ॑શૃણોમિ॒ વાચ᳚મ્ ।
મ॒હીં દે॒વીં-વિઁષ્ણુ॑પત્ની મજૂ॒ર્યામ્ । પ્ર॒તીચી॑ મેનાગ્​મ્ હ॒વિષા॑ યજામઃ ।
ત્રે॒ધા વિષ્ણુ॑-રુરુગા॒યો વિચ॑ક્રમે । મ॒હીં દિવં॑ પૃથિ॒વી-મં॒તરિ॑ક્ષમ્ ।
તચ્છ્રો॒ણૈતિ॒ શ્રવ॑-ઇ॒ચ્છમા॑ના । પુણ્ય॒ગ્ગ્॒ શ્લોકં॒-યઁજ॑માનાય કૃણ્વ॒તી ॥ 22

નક્ષત્રં - શ્રવિષ્ટા, દેવતા - વસવઃ
અ॒ષ્ટૌ દે॒વા વસ॑વસ્સો॒મ્યાસઃ॑ । ચત॑સ્રો દે॒વી ર॒જરાઃ॒ શ્રવિ॑ષ્ઠાઃ ।
તે ય॒જ્ઞં પાં᳚તુ॒ રજ॑સઃ પ॒રસ્તા᳚ત્ । સં॒​વઁ॒થ્સ॒રીણ॑-મ॒મૃતગ્ગ્॑ સ્વ॒સ્તિ ।
ય॒જ્ઞં નઃ॑ પાંતુ॒ વસ॑વઃ પુ॒રસ્તા᳚ત્ । દ॒ક્ષિ॒ણ॒તો॑-ઽભિયં॑તુ॒ શ્રવિ॑ષ્ઠાઃ ।
પુણ્ય॒ન્નક્ષ॑ત્રમ॒ભિ સં​વિઁ॑શામ । મા નો॒ અરા॑તિ-ર॒ઘશ॒ગ્​મ્॒ સાગન્ન્॑ ॥ 23

નક્ષત્રં - શતભિષક્, દેવતા - વરુણઃ
ક્ષ॒ત્રસ્ય॒ રાજા॒ વરુ॑ણોઽધિરા॒જઃ । નક્ષ॑ત્રાણાગ્​મ્ શ॒તભિ॑ષ॒ગ્ વસિ॑ષ્ઠઃ ।
તૌ દે॒વેભ્યઃ॑ કૃણુતો દી॒ર્ઘમાયઃ॑ । શ॒તગ્​મ્ સ॒હસ્રા॑ ભેષ॒જાનિ॑ ધત્તઃ ।
ય॒જ્ઞન્નો॒ રાજા॒ વરુ॑ણ॒ ઉપ॑યાતુ । તન્નો॒ વિશ્વે॑ અ॒ભિસં​યઁં॑તુ દે॒વાઃ ।
તન્નો॒ નક્ષ॑ત્રગ્​મ્ શ॒તભિ॑ષગ્ જુષા॒ણમ્ । દી॒ર્ઘમાયુઃ॒ પ્રતિ॑ર-દ્ભેષ॒જાનિ॑ ॥ 24

નક્ષત્રં - પૂર્વપ્રોષ્ઠપદા, દેવતા - અજયેકપાદઃ
અ॒જ એક॑પા॒- દુદ॑ગાત્ પુ॒રસ્તા᳚ત્ । વિશ્વા॑ ભૂ॒તાનિ॑ પ્રતિ॒ મોદ॑માનઃ ।
તસ્ય॑ દે॒વાઃ પ્ર॑સ॒વં-યઁં॑તિ॒ સર્વે᳚ । પ્રો॒ષ્ઠ॒પ॒દાસો॑ અ॒મૃત॑સ્ય ગો॒પાઃ ।
વિ॒ભ્રાજ॑માન-સ્સમિધા॒ન ઉ॒ગ્રઃ । આઽંતરિ॑ક્ષ-મરુહ॒દ-દ્ગં॒દ્યામ્ ।
તગ્​મ્ સૂર્યં॑ દે॒વ-મ॒જમેક॑પાદમ્ । પ્રો॒ષ્ઠ॒પ॒દાસો॒ અનુ॑યંતિ॒ સર્વે᳚ ॥ 25

નક્ષત્રં - ઉત્તરપ્રોષ્ઠપદા, દેવતા - અહિર્બુદ્ધ્નિયઃ
અહિ॑-ર્બુ॒દ્ધ્નિયઃ॒ પ્રથ॑માન એતિ । શ્રેષ્ઠો॑ દે॒વાના॑મુ॒ત માનુ॑ષાણામ્ ।
તં બ્રા᳚હ્મ॒ણા-સ્સો॑મ॒પા-સ્સો॒મ્યાસઃ॑ । પ્રો॒ષ્ઠ॒પ॒દાસો॑ અ॒ભિર॑ક્ષંતિ॒ સર્વે᳚ ।
ચ॒ત્વાર॒ એક॑મ॒ભિ કર્મ॑ દે॒વાઃ । પ્રો॒ષ્ઠ॒પ॒દાસ॒ ઇતિ॒ યાન્, વદં॑તિ ।
તે બુ॒દ્ધનિયં॑ પરિ॒ષદ્યગ્ગ્॑ સ્તુ॒વંતઃ॑ । અહિગ્​મ્॑ રક્ષંતિ॒ નમ॑સોપ॒ સદ્ય॑ ॥ 26

નક્ષત્રં - રેવતી, દેવતા - પૂષા
પૂ॒ષા રે॒વત્યન્વે॑તિ॒ પંથા᳚મ્ । પુ॒ષ્ટિ॒પતી॑ પશુ॒પા વાજ॑બસ્ત્યૌ ।
ઇ॒માનિ॑ હ॒વ્યા પ્રય॑તા જુષા॒ણા । સુ॒ગૈર્નો॒ યાનૈ॒રુપ॑યાતાં-યઁ॒જ્ઞમ્ ।
ક્ષુ॒દ્રાન્ પ॒શૂન્ ર॑ક્ષતુ રે॒વતી॑ નઃ । ગાવો॑ નો॒ અશ્વા॒ગ્​મ્॒ અન્વે॑તુ પૂ॒ષા ।
અન્ન॒ગ્​મ્॒ રક્ષં॑તૌ બહુ॒ધા વિરૂ॑પમ્ । વાજગ્​મ્॑ સનુતાં॒-યઁજ॑માનાય ય॒જ્ઞમ્ ॥ 27

નક્ષત્રં - અશ્વિની, દેવતા - અશ્વિની દેવ
તદ॒શ્વિના॑-વશ્વ॒યુજો-પ॑યાતામ્ । શુભં॒ગમિ॑ષ્ઠૌ સુ॒યમે॑ભિ॒રશ્વૈઃ᳚ ।
સ્વન્નક્ષ॑ત્રગ્​મ્ હ॒વિષા॒ યજં॑તૌ । મદ્ધ્વા॒-સંપૃ॑ક્તૌ॒ યજુ॑ષા॒ સમ॑ક્તૌ ।
યૌ દે॒વાનાં᳚ ભિ॒ષજૌ॑ હવ્યવા॒હૌ । વિશ્વ॑સ્ય દૂ॒તા-વ॒મૃત॑સ્ય ગો॒પૌ ।
તૌ નક્ષ॑ત્રં-જુજુષા॒ણો-પ॑યાતામ્ । નમો॒ઽશ્વિભ્યાં᳚ કૃણુમો-ઽશ્વ॒ગ્યુભ્યા᳚મ્ ॥ 28

નક્ષત્રં - અપભરણી, દેવતા - યમઃ
અપ॑ પા॒પ્માનં॒ ભર॑ણી-ર્ભરંતુ । તદ્ય॒મો રાજા॒ ભગ॑વા॒ન્॒, વિચ॑ષ્ટામ્ ।
લો॒કસ્ય॒ રાજા॑ મહ॒તો મ॒હાન્, હિ । સુ॒ગન્નઃ॒ પંથા॒મભ॑યં કૃણોતુ ।
યસ્મિ॒-ન્નક્ષ॑ત્રે ય॒મ એતિ॒ રાજા᳚ । યસ્મિ॑ન્નેન-મ॒ભ્યષિં॑ચંત દે॒વાઃ ।
તદ॑સ્ય ચિ॒ત્રગ્​મ્ હ॒વિષા॑ યજામ । અપ॑ પા॒પ્માનં॒ ભર॑ણી-ર્ભરંતુ ॥ 29

અમાવાસિ
નિ॒વેશ॑ની સં॒ગમ॑ની॒ વસૂ॑નાં॒-વિઁશ્વા॑ રૂ॒પાણિ॒ વસૂ᳚ન્યા-વે॒શયં॑તી ।
સ॒હ॒સ્ર॒-પો॒ષગ્​મ્ સુ॒ભગા॒ રરા॑ણા॒ સા ન॒ આગ॒ન્ વર્ચ॑સા સં​વિઁદા॒ના ।
યત્તે॑ દે॒વા અદ॑ધુ-ર્ભાગ॒ધેય॒-મમા॑વાસ્યે સં॒​વઁસં॑તો મહિ॒ત્વા ।
સા નો॑ ય॒જ્ઞં પિ॑પૃહિ વિશ્વવારે ર॒યિન્નો॑ ધેહિ સુભગે સુ॒વીર᳚મ્ ॥ 30

ઓં શાંતિઃ॒ શાંતિઃ॒ શાંતિઃ॑ ॥

31-40: Optional for Additional Chanting

ચંદ્રમા
નવો॑ નવો ભવતિ॒ જાય॑મા॒નોઽહ્નાં᳚ કે॒તુ-રુ॒ષસા॑ મે॒ત્યગ્રે᳚ ।
ભા॒ગં દે॒વેભ્યો॒ વિદ॑ધાત્યા॒યન્ પ્રચં॒દ્રમા᳚સ્તિરિતિ દી॒ર્ઘમાયુઃ॑ ॥
યમા॑દિ॒ત્યા અ॒ગ્​મ્॒શુમા᳚પ્યા॒યયં॑તિ॒ યમક્ષિ॑ત॒-મક્ષિ॑તયઃ॒ પિબં॑તિ ।
તેન॑ નો॒ રાજા॒ વરુ॑ણો॒ બૃહ॒સ્પતિ॒ રાપ્યા॑યયંતુ॒ ભુવ॑નસ્ય ગો॒પાઃ ॥ 31

અહો રાત્ર
યે વિરૂ॑પે॒ સમ॑નસા સં​વ્યઁયં॑તી । સ॒મા॒નં તંતું॑ પરિતા-ત॒નાતે᳚ ।
વિ॒ભૂ પ્ર॒ભૂ અ॑નુ॒ભૂ વિ॒શ્વતો॑ હુવે । તે નો॒ નક્ષ॑ત્રે॒ હવ॒માગ॑-મેતમ્ ।
વ॒યં દે॒વી બ્રહ્મ॑ણા સં​વિઁદા॒નાઃ । સુ॒રત્ના॑સો દે॒વવી॑તિં॒ દધા॑નાઃ ।
અ॒હો॒રા॒ત્રે હ॒વિષા॑ વ॒ર્ધયં॑તઃ । અતિ॑ પા॒પ્માન॒-મતિ॑મુક્ત્યા ગમેમ ॥ 32

ઉષા
પ્રત્યુ॑વ દૃશ્યાય॒તી । વ્યુ॒ચ્છંતી॑ દુહિ॒તા દિ॒વઃ ।
અ॒પો મ॒હી વૃ॑ણુતે॒ ચક્ષુ॑ષા । તમો॒ જ્યોતિ॑ષ્​કૃણોતિ સૂ॒નરી᳚ ।
ઉદુ॒ સ્ત્રિયા᳚સ્સચતે॒ સૂર્યઃ॑ । સ ચા॑ ઉ॒દ્યન્નક્ષ॑ત્ર મર્ચિ॒મત્ ।
ત વેદુ॑ષો॒ વ્યુષિ॒ સૂર્ય॑સ્ય ચ । સંભ॒ક્તેન॑ ગમેમહિ ॥ 33

નક્ષત્રઃ
તન્નો॒ નક્ષ॑ત્ર મર્ચિ॒મત્ । ભા॒નુ॒મત્તેજ॑ ઉ॒ચ્છર॑ત્ ।
ઉપ॑ય॒જ્ઞ-મિ॒હાગ॑મત્ । પ્રનક્ષ॑ત્રાય દે॒વાય॑ । ઇંદ્રા॒યેંદુગ્​મ્॑ હવામહે ।
સ ન॑ સ્સવિ॒તા સુ॑વથ્સ॒નિમ્ । પુ॒ષ્ટિ॒દાં-વીઁ॒રવ॑ત્તમમ્ ॥ 34

સૂર્યઃ
ઉદુ॒ત્યં જા॒તવે॑દસં દે॒વં-વઁ॑હંતિ કે॒તવઃ॑ । દૃ॒શે વિશ્વા॑ય॒ સૂર્ય᳚મ્ ।
ચિ॒ત્રં દે॒વાના॒ મુદ॑ગા॒દની॑કં॒ ચક્ષુ॑-ર્મિ॒ત્રસ્ય॒ વરુ॑ણસ્યા॒ગ્નેઃ ।
આઽપ્રા॒ દ્યાવા॑પૃથિ॒વી અં॒તરિ॑ક્ષ॒ગ્​મ્॒ સૂર્ય॑ આ॒ત્મા જગ॑તસ્ત॒સ્થુષ॑શ્ચ ॥ 35

અદિતિઃ
અદિ॑તિર્ન ઉરુષ્ય॒-ત્વદિ॑તિઃ॒ શર્મ॑ યચ્છતુ । અદિ॑તિઃ પા॒ત્વગ્​મ્ હ॑સઃ।
મ॒હીમૂ॒ષુ મા॒તરગ્​મ્॑ સુવ્ર॒તાના॑-મૃ॒તસ્ય॒ પત્ની॒ મવ॑સે હુવેમ ।
તુ॒વિ॒ક્ષ॒ત્રા-મ॒જરં॑તી મુરૂ॒ચીગ્​મ્ સુ॒શર્મા॑ણ॒-મદિ॑તિગ્​મ્ સુ॒પ્રણી॑તિમ્ ॥ 36

વિષ્ણુઃ
ઇ॒દં-વિઁષ્ણુ॒-ર્વિચ॑ક્રમે ત્રે॒ધા નિદ॑ધે પ॒દમ્ । સમૂ॑ઢમસ્ય પાગ્​મ્ સુ॒રે ।
પ્રતદ્વિષ્ણુ॑ સ્તવતે વી॒ર્યા॑ય । મૃ॒ગો ન ભી॒મઃ કુ॑ચ॒રો ગિ॑રિ॒ષ્ઠાઃ ।
યસ્યો॒રુષુ॑ ત્રિ॒ષુ વિ॒ક્રમ॑ણેષુ । અધિ॑ક્ષિ॒યંતિ॒ ભુવ॑નાનિ॒ વિશ્વા᳚ ॥ 37

અગ્નિઃ
અ॒ગ્નિ-ર્મૂ॒દ્​ર્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ ।
અ॒પાગ્​મ્ રેતાગ્​મ્॑સિ જિન્વતિ ।
ભુવો॑ ય॒જ્ઞસ્ય॒ રજ॑સશ્ચ ને॒તા યત્રા॑ નિ॒યુદ્ભિઃ॒ સચ॑સે શિ॒વાભિઃ॑ ।
દિ॒વિ મૂ॒દ્​ર્ધાનં॑ દધિષે સુવ॒ર્॒ષાં જિ॒હ્વામ॑ગ્ને ચકૃષે હવ્ય॒વાહં᳚ ॥ 38

અનુમતી
અનુ॑નો॒ઽદ્યાનુ॑મતિ-ર્ય॒જ્ઞં દે॒વેષુ॑ મન્યતામ્ ।
અ॒ગ્નિશ્ચ॑ હવ્ય॒વાહ॑નો॒ ભવ॑તાં દા॒શુષે॒ મયઃ॑ ।
અન્વિદ॑નુમતે॒ ત્વં મન્યા॑સૈ॒ શંચ॑ નઃ કૃધિ ।
ક્રત્વે॒ દક્ષા॑ય નો હિનુ॒ પ્રણ॒ આયૂગ્​મ્॑ષિ તારિષઃ ॥ 39

હવ્યવાહઃ (અગ્નિઃ)
હ॒વ્ય॒વાહ॑મભિ-માતિ॒ષાહ᳚મ્ । ર॒ક્ષો॒હણં॒ પૃત॑નાસુ જિ॒ષ્ણુમ્ ।
જ્યોતિ॑ષ્મંતં॒ દીદ્ય॑તં॒ પુરં॑ધિમ્ । અ॒ગ્નિગ્ગ્​ સ્વિ॑ષ્ટ॒ કૃત॒માહુ॑વેમ ।
સ્વિ॑ષ્ટ મગ્ને અ॒ભિતત્ પૃ॑ણાહિ । વિશ્વા॑ દેવ॒ પૃત॑ના અ॒ભિષ્ય ।
ઉ॒રુન્નઃ॒ પંથાં᳚ પ્રદિ॒શન્ વિભા॑હિ । જ્યોતિ॑ષ્મદ્ધેહ્ય॒ જર॑ન્ન॒ આયુઃ॑ ॥ 40

ઓં શાંતિઃ॒ શાંતિઃ॒ શાંતિઃ॑ ॥




Browse Related Categories: