View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

মূক পংচ শতি 4 - কটাক্ষ শতকম্

মোহাংধকারনিবহং বিনিহংতুমীডে
মূকাত্মনামপি মহাকবিতাবদান্যান্ ।
শ্রীকাংচিদেশশিশিরীকৃতিজাগরূকান্
একাম্রনাথতরুণীকরুণাবলোকান্ ॥1॥

মাতর্জযংতি মমতাগ্রহমোক্ষণানি
মাহেংদ্রনীলরুচিশিক্ষণদক্ষিণানি ।
কামাক্ষি কল্পিতজগত্ত্রযরক্ষণানি
ত্বদ্বীক্ষণানি বরদানবিচক্ষণানি ॥2॥

আনংগতংত্রবিধিদর্শিতকৌশলানাম্
আনংদমংদপরিঘূর্ণিতমংথরাণাম্ ।
তারল্যমংব তব তাডিতকর্ণসীম্নাং
কামাক্ষি খেলতি কটাক্ষনিরীক্ষণানাম্ ॥3॥

কল্লোলিতেন করুণারসবেল্লিতেন
কল্মাষিতেন কমনীযমৃদুস্মিতেন ।
মামংচিতেন তব কিংচন কুংচিতেন
কামাক্ষি তেন শিশিরীকুরু বীক্ষিতেন ॥4॥

সাহায্যকং গতবতী মুহুরর্জনস্য
মংদস্মিতস্য পরিতোষিতভীমচেতাঃ ।
কামাক্ষি পাংডবচমূরিব তাবকীনা
কর্ণাংতিকং চলতি হংত কটাক্ষলক্ষ্মীঃ ॥5॥

অস্তং ক্ষণান্নযতু মে পরিতাপসূর্যম্
আনংদচংদ্রমসমানযতাং প্রকাশম্ ।
কালাংধকারসুষুমাং কলযংদিগংতে
কামাক্ষি কোমলকটাক্ষনিশাগমস্তে ॥6॥

তাটাংকমৌক্তিকরুচাংকুরদংতকাংতিঃ
কারুণ্যহস্তিপশিখামণিনাধিরূঢঃ ।
উন্মূলযত্বশুভপাদপমস্মদীযং
কামাক্ষি তাবককটাক্ষমতংগজেতংদ্রঃ ॥7॥

ছাযাভরণে জগতাং পরিতাপহারী
তাটংকরত্নমণিতল্লজপল্লবশ্রীঃ ।
কারুণ্যনাম বিকিরন্মকরংদজালং
কামাক্ষি রাজতি কটাক্ষসুরদ্রুমস্তে ॥8॥

সূর্যাশ্রযপ্রণযিনী মণিকুংডলাংশু-
লৌহিত্যকোকনদকাননমাননীযা ।
যাংতী তব স্মরহরাননকাংতিসিংধুং
কামাক্ষি রাজতি কটাক্ষকলিংদকন্যা ॥9॥

প্রাপ্নোতি যং সুকৃতিনং তব পক্ষপাতাত্
কামাক্ষি বীক্ষণবিলাসকলাপুরংধ্রী ।
সদ্যস্তমেব কিল মুক্তিবধূর্বৃণীতে
তস্মান্নিতাংতমনযোরিদমৈকমত্যম্ ॥10॥

যাংতী সদৈব মরুতামনুকূলভাবং
ভ্রূবল্লিশক্রধনুরুল্লসিতা রসার্দ্রা ।
কামাক্ষি কৌতুকতরংগিতনীলকংঠা
কাদংবিনীব তব ভাতি কটাক্ষমালা ॥11॥

গংগাংভসি স্মিতমযে তপনাত্মজেব
গংগাধরোরসি নবোত্পলমালিকেব ।
বক্ত্রপ্রভাসরসি শৈবলমংডলীব
কামাক্ষি রাজতি কটাক্ষরুচিচ্ছটা তে ॥12॥

সংস্কারতঃ কিমপি কংদলিতান্ রসজ্ঞ-
কেদারসীম্নি সুধিযামুপভোগযোগ্যান্ ।
কল্যাণসূক্তিলহরীকলমাংকুরান্নঃ
কামাক্ষি পক্ষ্মলযতু ত্বদপাংগমেঘঃ ॥13॥

চাংচল্যমেব নিযতং কলযন্প্রকৃত্যা
মালিন্যভূঃ শ্রতিপথাক্রমজাগরূকঃ ।
কৈবল্যমেব কিমু কল্পযতে নতানাং
কামাক্ষি চিত্রমপি তে করুণাকটাক্ষঃ ॥14॥

সংজীবনে জননি চূতশিলীমুখস্য
সংমোহনে শশিকিশোরকশেখরস্য ।
সংস্তংভনে চ মমতাগ্রহচেষ্টিতস্য
কামাক্ষি বীক্ষণকলা পরমৌষধং তে ॥15॥

নীলোঽপি রাগমধিকং জনযন্পুরারেঃ
লোলোঽপি ভক্তিমধিকাং দৃঢযন্নরাণাম্ ।
বক্রোঽপি দেবি নমতাং সমতাং বিতন্বন্
কামাক্ষি নৃত্যতু মযি ত্বদপাংগপাতঃ ॥16॥

কামদ্রুহো হৃদযযংত্রণজাগরূকা
কামাক্ষি চংচলদৃগংচলমেখলা তে ।
আশ্চর্যমংব ভজতাং ঝটিতি স্বকীয-
সংপর্ক এব বিধুনোতি সমস্তবংধান্ ॥17॥

কুংঠীকরোতু বিপদং মম কুংচিতভ্রূ-
চাপাংচিতঃ শ্রিতবিদেহভবানুরাগঃ ।
রক্ষোপকারমনিশং জনযংজগত্যাং
কামাক্ষি রাম ইব তে করুণাকটাক্ষঃ ॥18॥

শ্রীকামকোটি শিবলোচনশোষিতস্য
শৃংগারবীজবিভবস্য পুনঃপ্ররোহে ।
প্রেমাংভসার্দ্রমচিরাত্প্রচুরেণ শংকে
কেদারমংব তব কেবলদৃষ্টিপাতম্ ॥19॥

মাহাত্ম্যশেবধিরসৌ তব দুর্বিলংঘ্য-
সংসারবিংধ্যগিরিকুংঠনকেলিচুংচুঃ ।
ধৈর্যাংবুধিং পশুপতেশ্চুলকীকরোতি
কামাক্ষি বীক্ষণবিজৃংভণকুংভজন্মা ॥20॥

পীযূষবর্ষবশিশিরা স্ফুটদুত্পলশ্রী-
মৈত্রী নিসর্গমধুরা কৃততারকাপ্তিঃ ।
কামাক্ষি সংশ্রিতবতী বপুরষ্টমূর্তেঃ
জ্যোত্স্নাযতে ভগবতি ত্বদপাংগমালা ॥21॥

অংব স্মরপ্রতিভটস্য বপুর্মনোজ্ঞম্
অংভোজকাননমিবাংচিতকংটকাভম্ ।
ভৃংগীব চুংবতি সদৈব সপক্ষপাতা
কামাক্ষি কোমলরুচিস্ত্বদপাংগমালা ॥22॥

কেশপ্রভাপটলনীলবিতানজালে
কামাক্ষি কুংডলমণিচ্ছবিদীপশোভে ।
শংকে কটাক্ষরুচিরংগতলে কৃপাখ্যা
শৈলূষিকা নটতি শংকরবল্লভে তে ॥23॥

অত্যংতশীতলমতংদ্রযতু ক্ষণার্ধম্
অস্তোকবিভ্রমমনংগবিলাসকংদম্ ।
অল্পস্মিতাদৃতমপারকৃপাপ্রবাহম্
অক্ষিপ্ররোহমচিরান্মযি কামকোটি ॥24॥

মংদাক্ষরাগতরলীকৃতিপারতংত্র্যাত্
কামাক্ষি মংথরতরাং ত্বদপাংগডোলাম্ ।
আরুহ্য মংদমতিকৌতুকশালি চক্ষুঃ
আনংদমেতি মুহুরর্ধশশাংকমৌলেঃ ॥25॥

ত্রৈযংবকং ত্রিপুরসুংদরি হর্ম্যভূমি-
রংগং বিহারসরসী করুণাপ্রবাহঃ ।
দাসাশ্চ বাসবমুখাঃ পরিপালনীযং
কামাক্ষি বিশ্বমপি বীক্ষণভূভৃতস্তে ॥26॥

বাগীশ্বরী সহচরী নিযমেন লক্ষ্মীঃ
ভ্রূবল্লরীবশকরী ভুবনানি গেহম্ ।
রূপং ত্রিলোকনযনামৃতমংব তেষাং
কামাক্ষি যেষু তব বীক্ষণপারতংত্রী ॥27॥

মাহেশ্বরং ঝটিতি মানসমীনমংব
কামাক্ষি ধৈর্যজলধৌ নিতরাং নিমগ্নম্ ।
জালেন শৃংখলযতি ত্বদপাংগনাম্না
বিস্তারিতেন বিষমাযুধদাশকোঽসৌ ॥28॥

উন্মথ্য বোধকমলাকারমংব জাড্য-
স্তংবেরমং মম মনোবিপিনে ভ্রমংতম্ ।
কুংঠীকুরুষ্ব তরসা কুটিলাগ্রসীম্না
কামাক্ষি তাবককটাক্ষমহাংকুশেন ॥29॥

উদ্বেল্লিতস্তবকিতৈর্ললিতৈর্বিলাসৈঃ
উত্থায দেবি তব গাঢকটাক্ষকুংজাত্ ।
দূরং পলাযযতু মোহমৃগীকুলং মে
কামাক্ষি স্তবরমনুগ্রহকেসরীংদ্রঃ ॥30॥

স্নেহাদৃতাং বিদলিতোত্পলকংতিচোরাং
জেতারমেব জগদীশ্বরি জেতুকামঃ ।
মানোদ্ধতো মকরকেতুরসৌ ধুনীতে
কামাক্ষি তাবককটাক্ষকৃপাণবল্লীম্ ॥31॥

শ্রৌতীং ব্রজন্নপি সদা সরণিং মুনীনাং
কামাক্ষি সংততমপি স্মৃতিমার্গগামী ।
কৌটিল্যমংব কথমস্থিরতাং চ ধত্তে
চৌর্যং চ পংকজরুচাং ত্বদপাংগপাতঃ ॥32॥

নিত্যং শ্রেতুঃ পরিচিতৌ যতমানমেব
নীলোত্পলং নিজসমীপনিবাসলোলম্ ।
প্রীত্যৈব পাঠযতি বীক্ষণদেশিকেংদ্রঃ
কামাক্ষী কিংতু তব কালিমসংপ্রদাযম্ ॥33॥

ভ্রাংত্বা মুহুঃ স্তবকিতস্মিতফেনরাশৌ
কামাক্ষি বক্ত্ররুচিসংচযবারিরাশৌ ।
আনংদতি ত্রিপুরমর্দননেত্রলক্ষ্মীঃ
আলংব্য দেবি তব মংদমপাংগসেতুম্ ॥34॥

শ্যামা তব ত্রিপুরসুংদরি লোচনশ্রীঃ
কামাক্ষি কংদলিতমেদুরতারকাংতিঃ ।
জ্যোত্স্নাবতী স্মিতরুচাপি কথং তনোতি
স্পর্ধামহো কুবলযৈশ্চ তথা চকোরৈঃ ॥35॥

কালাংজনং চ তব দেবি নিরীক্ষণং চ
কামাক্ষি সাম্যসরণিং সমুপৈতি কাংত্যা ।
নিশ্শেষনেত্রসুলভং জগতীষু পূর্ব-
মন্যত্ত্রিনেত্রসুলভং তুহিনাদ্রিকন্যে ॥36॥

ধূমাংকুরো মকরকেতনপাবকস্য
কামাক্ষি নেত্ররুচিনীলিমচাতুরী তে ।
অত্যংতমদ্ভুতমিদং নযনত্রযস্য
হর্ষোদযং জনযতে হরুণাংকমৌলেঃ ॥37॥

আরভ্ভলেশসমযে তব বীক্ষণস্স
কামাক্ষি মূকমপি বীক্ষণমাত্রনম্রম্ ।
সর্বজ্ঞতা সকললোকসমক্ষমেব
কীর্তিস্বযংবরণমাল্যবতী বৃণীতে ॥38॥

কালাংবুবাহ উব তে পরিতাপহারী
কামাক্ষি পুষ্করমধঃকুরুতে কটাখ্ক্ষ্ষঃ ।
পূর্বঃ পরং ক্ষণরুচা সমুপৈতি মৈত্রী-
মন্যস্তু স.ততরুচিং প্রকটীকরোতি ॥39॥

সূক্ষ্মেঽপি দুর্গমতরেঽপি গুরুপ্রসাদ-
সাহায্যকেন বিচরন্নপবর্গমার্গে ।
সংসারপংকনিচযে ন পতত্যমূং তে
কামাক্ষি গাঢমবলংব্য কটাক্ষযষ্টিম্ ॥40॥

কামাক্ষি সংততমসৌ হরিনীলরত্ন-
স্তংভে কটাক্ষরুচিপুংজমযে ভবত্যাঃ ।
বদ্ধোঽপি ভক্তিনিগলৈর্মম চিত্তহস্তী
স্তংভং চ বংধমপি মুংচতি হংত চিত্রম্ ॥41॥

কামাক্ষি কাষ্ণর্যমপি সংততমংজনং চ
বিভ্রন্নিসর্গতরলোঽপি ভবত্কটাক্ষঃ ।
বৈমল্যমন্বহমনংজনতা চ ভূযঃ
স্থৈর্যং চ ভক্তহৃদযায কথং দদাতি ॥42॥

মংদস্মিতস্তবকিতং মণিকুংডলাংশু-
স্তোমপ্রবালরুচিরং শিশিরীকৃতাশম্ ।
কামাক্ষি রাজতি কটাক্ষরুচেঃ কদংবম্
উদ্যানমংব করুণাহরিণেক্ষণাযাঃ ॥43॥

কামাক্ষি তাবককটাক্ষমহেংদ্রনীল-
সিংহাসনং শ্রিতবতো মকরধ্বজস্য ।
সাম্রাজ্যমংগলবিধৌ মুণিকুংডলশ্রীঃ
নীরাজনোত্সবতরংগিতদীপমালা ॥44॥

মাতঃ ক্ষণং স্নপয মাং তব বীক্ষিতেন
মংদাক্ষিতেন সুজনৈরপরোক্ষিতেন ।
কামাক্ষি কর্মতিমিরোত্করভাস্করেণ
শ্রেযস্করেণ মধুপদ্যুতিতস্করেণ ॥45॥

প্রেমাপগাপযসি মজ্জনমারচয্য
যুক্তঃ স্মিতাংশুকৃতভস্মবিলেপনেন ।
কামাক্ষি কুংডলমণিদ্যুতিভির্জটালঃ
শ্রীকংঠমেব ভজতে তব দৃষ্টিপাতঃ ॥46॥

কৈবল্যদায করুণারসকিংকরায
কামাক্ষি কংদলিতবিভ্রমশংকরায ।
আলোকনায তব ভক্তশিবংকরায
মাতর্নমোঽস্তু পরতংত্রিতশংকরায ॥47॥

সাম্রাজ্যমংগলবিধৌ মকরধ্বজস্য
লোলালকালিকৃততোরণমাল্যশোভে ।
কামেশ্বরি প্রচলদুত্পলবৈজযংতী-
চাতুর্যমেতি তব চংচলদৃষ্টিপাতঃ ॥48॥

মার্গেণ মংজুকচকাংতিতমোবৃতেন
মংদাযমানগমনা মদনাতুরাসৌ ।
কামাক্ষি দৃষ্টিরযতে তব শংকরায
সংকেতভূমিমচিরাদভিসারিকেব ॥49॥

ব্রীডনুবৃত্তিরমণীকৃতসাহচর্যা
শৈবালিতাং গলরুচা শশিশেখরস্য ।
কামাক্ষি কাংতিসরসীং ত্বদপাংগলক্ষ্মীঃ
মংদং সমাশ্রযতি মজ্জনখেলনায ॥50॥

কাষাযমংশুকমিব প্রকটং দধানো
মাণিক্যকুংডলরুচিং মমতাবিরোধী ।
শ্রুত্যংতসীমনি রতঃ সুতরাং চকাস্তি
কামাক্ষি তাবককটাক্ষযতীশ্বরোঽসৌ ॥51॥

পাষাণ এব হরিনীলমণির্দিনেষু
প্রম্লনতাং কুবলযং প্রকটীকরোতি ।
নৌমিত্তিকো জলদমেচকিমা ততস্তে
কামাক্ষি শূন্যমুপমনমপাংগলক্ষ্ম্যাঃ ॥52॥

শৃংগারবিভ্রমবতী সুতরাং সলজ্জা
নাসাগ্রমৌক্তিকরুচা কৃতমংদহাসা ।
শ্যামা কটাক্ষসুষমা তব যুক্তমেতত্
কামাক্ষি চুংবতি দিগংবরবক্ত্রবিংবম্ ॥53॥

নীলোত্পলেন মধুপেন চ দৃষ্টিপাতঃ
কামাক্ষি তুল্য ইতি তে কথমামনংতি ।
শৈত্যেন নিংদযতি যদন্বহমিংদুপাদান্
পাথোরুহেণ যদসৌ কলহাযতে চ ॥54॥

ওষ্ঠপ্রভাপটলবিদ্রুমমুদ্রিতে তে
ভ্রূবল্লিবীচিসুভগে মুখকাংতিসিংধৌ ।
কামাক্ষি বারিভরপূরণলংবমান-
কালাংবুবাহসরণিং লভতে কটাক্ষঃ ॥55॥

মংদস্মিতৈর্ধবলিতা মণিকুংডলাংশু-
সংপর্কলোহিতরুচিস্ত্বদপাংগধারা ।
কামাক্ষি মল্লিকুসুমৈর্নবপল্লবৈশ্চ
নীলোত্পলৈশ্চ রচিতেব বিভাতি মালা ॥56॥

কামাক্ষি শীতলকৃপারসনির্ঝরাংভঃ-
সংপর্কপক্ষ্মলরুচিস্ত্বদপাংগমালা ।
গোভিঃ সদা পুররিপোরভিলষ্যমাণা
দূর্বাকদংবকবিডংবনমাতনোতি ॥57॥

হৃত্পংকজং মম বিকাসযতু প্রমুষ্ণ-
ন্নুল্লাসমুত্পলরুচেস্তমসাং নিরোদ্ধা ।
দোষানুষংগজডতাং জগতাং ধুনানঃ
কামাক্ষি বীক্ষণবিলাসদিনোদযস্তে ॥58॥

চক্ষুর্বিমোহযতি চংদ্রবিভূষণস্য
কামাক্ষি তাবককটাক্ষতমঃপ্ররোহঃ ।
প্রত্যঙ্মুখং তু নযনং স্তিমিতং মুনীনাং
প্রাকাশ্যমেব নযতীতি পরং বিচিত্রম্ ॥59॥

কামাক্ষি বীক্ষণরুচা যুধি নির্জিতং তে
নীলোত্পলং নিরবশেষগতাভিমানম্ ।
আগত্য তত্পরিসরং শ্রবণবতংস-
ব্যোজেন নূনমভযার্থনমাতনোতি ॥60॥

আশ্চর্যমংব মদানাভ্যুদযাবলংবঃ
কামাক্ষি চংচলনিরীক্ষণবিভ্রমস্তে ।
ধৈর্যং বিধূয তনুতে হৃদি রাগবংধং
শংভোস্তদেব বিপরীততযা মুনীনাম্ ॥61॥

জংতোঃ সকৃত্প্রণমতো জগদীড্যতাং চ
তেজাস্বিতাং চ নিশিতাং চ মতিং সভাযাম্ ।
কামাক্ষি মাক্ষিকঝরীমিব বৈখরীং চ
লক্ষ্মীং চ পক্ষ্মলযতি ক্ষণবীক্ষণং তে ॥62॥

কাদংবিনী কিমযতে ন জলানুষংগং
ভৃংগাবলী কিমুররীকুরুতে ন পদ্মম্ ।
কিং বা কলিংদতনযা সহতে ন ভংগং
কামাক্ষি নিশ্চযপদং ন তবাক্ষিলক্ষ্মীঃ ॥63॥

কাকোলপাবকতৃণীকরণেঽপি দক্ষঃ
কামাক্ষি বালকসুধাকরশেখরস্য ।
অত্যংতশীতলতমোঽপ্যনুপারতং তে
চিত্তং বিমোহযতি চিত্রমযং কটাক্ষঃ ॥64॥

কার্পণ্যপূরপরিবর্ধিতমংব মোহ-
কংদোদ্গতং ভবমযং বিষপাদপং মে ।
তুংগং ছিনত্তু তুহিনাদ্রিসুতে ভবত্যাঃ
কাংচীপুরেশ্বরি কটাক্ষকুঠারধারা ॥65॥

কামাক্ষি ঘোরভবরোগচিকিত্সনার্থ-
মভ্যর্থ্য দেশিককটাক্ষভিষক্প্রসাদাত্ ।
তত্রাপি দেবি লভতে সুকৃতী কদাচি-
দন্যস্য দুর্লভমপাংগমহৌষধং তে ॥66॥

কামাক্ষি দেশিককৃপাংকুরমাশ্রযংতো
নানাতপোনিযমনাশিতপাশবংধাঃ ।
বাসালযং তব কটাক্ষমমুং মহাংতো
লব্ধ্বা সুখং সমাধিযো বিচরংতি লোকে ॥67॥

সাকূতসংলপিতসংভৃতমুগ্ধহাসং
ব্রীডানুরাগসহচারি বিলোকনং তে ।
কামাক্ষি কামপরিপংথিনি মারবীর-
সাম্রাজ্যবিভ্রমদশাং সফলীকরোতি ॥68॥

কামাক্ষি বিভ্রমবলৈকনিধির্বিধায
ভ্রূবল্লিচাপকুটিলীকৃতিমেব চিত্রম্ ।
স্বাধীনতাং তব নিনায শশাংকমৌলে-
রংগার্ধরাজ্যসুখলাভমপাংগবীরঃ ॥69॥

কামাংকুরৈকনিলযস্তব দৃষ্টিপাতঃ
কামাক্ষি ভক্তমনসাং প্রদদাতু কামান্ ।
রাগান্বিতঃ স্বযমপি প্রকটীকরোতি
বৈরাগ্যমেব কথমেষ মহামুনীনাম্ ॥70॥

কালাংবুবাহনিবহৈঃ কলহাযতে তে
কামাক্ষি কালিমমদেন সদা কটাক্ষঃ ।
চিত্রং তথাপি নিতরামমুমেব দৃষ্ট্বা
সোত্কংঠ এব রমতে কিল নীলকংঠঃ ॥71॥

কামাক্ষি মন্মথরিপুং প্রতি মারতাপ-
মোহাংধকারজলদাগমনেন নৃত্যন্ ।
দুষ্কর্মকংচুকিকুলং কবলীকরোতু
ব্যামিশ্রমেচকরুচিস্ত্বদপাংগকেকী ॥72॥

কামাক্ষি মন্মথরিপোরবলোকনেষু
কাংতং পযোজমিব তাবকমক্ষিপাতম্ ।
প্রেমাগমো দিবসবদ্বিকচীকরোতি
লজ্জাভরো রজনিবন্মুকুলীকরোতি ॥73॥

মূকো বিরিংচতি পরং পুরুষঃ কুরূপঃ
কংদর্পতি ত্রিদশরাজতি কিংপচানঃ ।
কামাক্ষি কেবলমুপক্রমকাল এব
লীলাতরংগিতকটাক্ষরুচঃ ক্ষণং তে ॥74॥

নীলালকা মধুকরংতি মনোজ্ঞনাসা-
মুক্তারুচঃ প্রকটকংদবিসাংকুরংতি ।
কারুণ্যমংব মকরংদতি কামকোটি
মন্যে ততঃ কমলমেব বিলোচনং তে ॥75॥

আকাংক্ষ্যমাণফলদানবিচক্ষণাযাঃ ।
কামাক্ষি তাবককটাক্ষককামধেনোঃ ।
সংপর্ক এব কথমংব বিমুক্তপাশ-
বংধাঃ স্ফুটং তনুভৃতঃ পশুতাং ত্যজংতি ॥76॥

সংসারঘর্মপরিতাপজুষাং নরাণাং
কামাক্ষি শীতলতরাণি তবেক্ষিতানি ।
চংদ্রাতপংতি ঘনচংদনকর্দমংতি
মুক্তাগুণংতি হিমবারিনিষেচনংতি ॥77॥

প্রেমাংবুরাশিসততস্নপিতানি চিত্রং
কামাক্ষি তাবককটাক্ষনিরীক্ষণানি ।
সংধুক্ষযংতি মুহুরিংধনরাশিরীত্যা
মারদ্রুহো মনসি মন্মথচিত্রভানুম্ ॥78॥

কালাংজনপ্রতিভটং কমনীযকাংত্যা
কংদর্পতংত্রকলযা কলিতানুভাবম্ ।
কাংচীবিহাররসিকে কলুষার্তিচোরং
কল্লোলযস্ব মযি তে করুণাকটাক্ষম্ ॥79॥

ক্রাংতেন মন্মথদেন বিমোহ্যমান-
স্বাংতেন চূততরুমূলগতস্য পুংসঃ ।
কাংতেন কিংচিদবলোকয লোচনস্য
প্রাংতেন মাং জননি কাংচিপুরীবিভূষে ॥80॥

কামাক্ষি কোঽপি সুজনাস্ত্বদপাংগসংগে
কংঠেন কংদলিতকালিমসংপ্রদাযাঃ ।
উত্তংসকল্পিতচকোরকুটুংবপোষা
নক্তংদিবসপ্রসবভূনযনা ভবংতি ॥81॥

নীলোত্পলপ্রসবকাংতিনির্দশনেন
কারুণ্যবিভ্রমজুষা তব বীক্ষণেন ।
কামাক্ষি কর্মজলধেঃ কলশীসুতেন
পাশত্রযাদ্বযমমী পরিমোচনীযাঃ ॥82॥

অত্যংতচংচলমকৃত্রিমমংজনং কিং
ঝংকারভংগিরহিতা কিমু ভৃংগমালা ।
ধূমাংকুরঃ কিমু হুতাশনসংগহীনঃ
কামাক্ষি নেত্ররুচিনীলিমকংদলী তে ॥83॥

কামাক্ষি নিত্যমযমংজলিরস্তু মুক্তি-
বীজায বিভ্রমমদোদযঘূর্ণিতায ।
কংদর্পদর্পপুনরুদ্ভবসিদ্ধিদায
কল্যাণদায তব দেবি দৃগংচলায ॥84॥

দর্পাংকুরো মকরকেতনবিভ্রমাণাং
নিংদাংকুরো বিদলিতোত্পলচাতুরীণাম্ ।
দীপাংকুরো ভবতমিস্রকদংবকানাং
কামাক্ষি পালযতু মাং ত্বদপাংগপাতঃ ॥85॥

কৈবল্যদিব্যমণিরোহণপর্বতেভ্যঃ
কারুণ্যনির্ঝরপযঃকৃতমংজনেভ্যঃ ।
কামাক্ষি কিংকরিতশংকরমানসেভ্য-
স্তেভ্যো নমোঽস্তু তব বীক্ষণবিভ্রমেভ্যঃ ॥86॥

অল্পীয এব নবমুত্পলমংব হীনা
মীনস্য বা সরণিরংবুরুহাং চ কিং বা ।
দূরে মৃগীদৃগসমংজসমংজনং চ
কামাক্ষি বীক্ষণরুচৌ তব তর্কযামঃ ॥87॥

মিশ্রীভবদ্গরলপংকিলশংকরোরস্-
সীমাংগণে কিমপি রিংখণমাদধানঃ ।
হেলাবধূতললিতশ্রবণোত্পলোঽসৌ
কামাক্ষি বাল ইব রাজতি তে কটাক্ষঃ ॥88॥

প্রৌঢিকরোতি বিদুষাং নবসূক্তিধাটী-
চূতাটবীষু বুধকোকিললাল্যমানম্ ।
মাধ্বীরসং পরিমলং চ নিরর্গলং তে
কামাক্ষি বীক্ষণবিলাসবসংতলক্ষ্মীঃ ॥89॥

কূলংকষং বিতনুতে করুণাংবুবর্ষী
সারস্বতং সুকৃতিনঃ সুলভং প্রবাহম্ ।
তুচ্ছীকরোতি যমুনাংবুতরংগভংগীং
কামাক্ষি কিং তব কটাক্ষমহাংবুবাহঃ ॥90॥

জগর্তি দেবি করুণাশুকসুংদরী তে
তাটংকরত্নরুচিদাডিমখংডশোণে ।
কামাক্ষি নির্ভরকটাক্ষমরীচিপুংজ-
মাহেংদ্রনীলমণিপংজরমধ্যভাগে ॥91॥

কামাক্ষি সত্কুবলযস্য সগোত্রভাবা-
দাক্রামতি শ্রুতিমসৌ তব দৃষ্টিপাতঃ ।
কিংচ স্ফুটং কুটিলতাং প্রকটীকরোতি
ভ্রূবল্লরীপরিচিতস্য ফলং কিমেতত্ ॥92॥

এষা তবাক্ষিসুষমা বিষমাযুধস্য
নারাচবর্ষলহরী নগরাজকন্যে ।
শংকে করোতি শতধা হৃদি ধৈর্যমুদ্রাং
শ্রীকামকোটি যদসৌ শিশিরাংশুমৌলেঃ ॥93॥

বাণেন পুষ্পধনুষঃ পরিকল্প্যমান-
ত্রাণেন ভক্তমনসাং করুণাকরেণ ।
কোণেন কোমলদৃশস্তব কামকোটি
শোণেন শোষয শিবে মম শোকসিংধুম্ ॥94॥

মারদ্রুহা মুকুটসীমনি লাল্যমানে
মংদাকিনীপযসি তে কুটিলং চরিষ্ণুঃ ।
কামাক্ষি কোপরভসাদ্বলমানমীন-
সংদেহমংকুরযতি ক্ষণমক্ষিপাতঃ ॥95॥

কামাক্ষি সংবলিতমৌক্তিককুংডলাংশু-
চংচত্সিতশ্রবণচামরচাতুরীকঃ ।
স্তংভে নিরংতরমপাংগমযে ভবত্যা
বদ্ধশ্চকাস্তি মকরধ্বজমত্তহস্তী ॥96॥

যাবত্কটাক্ষরজনীসমযাগমস্তে
কামাক্ষি তাবদচিরান্নমতাং নরাণাম্ ।
আবির্ভবত্যমৃতদীধিতিবিংবমংব
সংবিন্মযং হৃদযপূর্বগিরীংদ্রশৃংগে ॥97॥

কামাক্ষি কল্পবিটপীব ভবত্কটাক্ষো
দিত্সুঃ সমস্তবিভবং নমতাং নরাণাম্ ।
ভৃংগস্য নীলনলিনস্য চ কাংতিসংপ-
ত্সর্বস্বমেব হরতীতি পরং বিচিত্রম্ ॥98॥

অত্যংতশীতলমনর্গলকর্মপাক-
কাকোলহারি সুলভং সুমনোভিরেতত্ ।
পীযূষমেব তব বীক্ষণমংব কিংতু
কামাক্ষি নীলমিদমিত্যযমেব ভেদঃ ॥99॥

অজ্ঞাতভক্তিরসমপ্রসরদ্বিবেক-
মত্যংতগর্বমনধীতসমস্তশাস্ত্রম্ ।
অপ্রাপ্তসত্যমসমীপগতং চ মুক্তেঃ
কামাক্ষি নৈব তব স্পৃহযতি দৃষ্টিপাতঃ ॥100॥

(কামাক্ষি মামবতু তে করুণাকটাক্ষঃ)
পাতেন লোচনরুচেস্তব কামকোটি
পোতেন পতকপযোধিভযাতুরাণাম্ ।
পূতেন তেন নবকাংচনকুংডলাংশু-
বীতেন শীতলয ভূধরকন্যকে মাম্ ॥101॥

॥ ইতি কটাক্ষশতকং সংপূর্ণম্ ॥




Browse Related Categories: