View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

மூக பஞ்ச ஶதி 3 - ஸ்துதி ஶதகம்

பாண்டி³த்யம் பரமேஶ்வரி ஸ்துதிவிதௌ⁴ நைவாஶ்ரயன்தே கி³ராம்
வைரிஞ்சான்யபி கு³ம்ப²னானி விக³லத்³க³ர்வாணி ஶர்வாணி தே ।
ஸ்தோதும் த்வாம் பரிபு²ல்லனீலனலினஶ்யாமாக்ஷி காமாக்ஷி மாம்
வாசாலீகுருதே ததா²பி நிதராம் த்வத்பாத³ஸேவாத³ர: ॥1॥

தாபிஞ்ச²ஸ்தப³கத்விஷே தனுப்⁴ருதாம் தா³ரித்³ர்யமுத்³ராத்³விஷே
ஸம்ஸாராக்²யதமோமுஷே புரரிபோர்வாமாங்கஸீமாஜுஷே ।
கம்பாதீரமுபேயுஷே கவயதாம் ஜிஹ்வாகுடீம் ஜக்³முஷே
விஶ்வத்ராணபுஷே நமோஸ்து ஸததம் தஸ்மை பரஞ்ஜ்யோதிஷே ॥2॥

யே ஸன்த்⁴யாருணயன்தி ஶங்கரஜடாகான்தாரசன்ரார்ப⁴கம்
ஸின்தூ³ரன்தி ச யே புரன்த³ரவதூ⁴ஸீமன்தஸீமான்தரே ।
புண்யஂ யே பரிபக்கயன்தி பஜ⁴தாம் காஞ்சீபுரே மாமமீ
பாயாஸு: பரமேஶ்வரப்ரணயினீபாதோ³த்³ப⁴வா: பாம்ஸவ: ॥3॥

காமாட³ம்ப³ரபூரயா ஶஶிருசா கம்ரஸ்மிதானாம் த்விஷா
காமாரேரனுராக³ஸின்து⁴மதி⁴கம் கல்லோலிதம் தன்வதீ ।
காமாக்ஷீதி ஸமஸ்தஸஜ்ஜனநுதா கல்யாணதா³த்ரீ ந்ருணாம்
காருண்யாகுலமானஸா ப⁴க³வதீ கம்பாதடே ஜ்ரும்ப⁴தே ॥4॥

காமாக்ஷீணபராக்ரமப்ரகடனம் ஸம்பா⁴வயன்தீ த்³ருஶா
ஶ்யாமா க்ஷீரஸஹோத³ரஸ்மிதருசிப்ரக்ஷாலிதாஶான்தரா ।
காமாக்ஷீஜனமௌலிபூ⁴ஷணமணிர்வாசாம் பரா தே³வதா
காமாக்ஷீதி விபா⁴தி காபி கருணா கம்பாதடின்யாஸ்தடே ॥5॥

ஶ்யாமா காசன சன்த்³ரிகா த்ரிபு⁴வனே புண்யாத்மனாமானநே
ஸீமாஶூன்யகவித்வவர்ஷஜனநீ யா காபி காத³ம்பி³னீ ।
மாராராதிமனோவிமோஹனவிதௌ⁴ காசிதத்தம:கன்த³லீ
காமாக்ஷ்யா: கருணாகடாக்ஷலஹரீ காமாய மே கல்பதாம் ॥6॥

ப்ரௌட⁴த்⁴வான்தகத³ம்ப³கே குமுதி³னீபுண்யாங்குரம் த³ர்ஶயன்
ஜ்யோத்ஸ்னாஸங்க³மனேபி கோகமிது²னம் மிஶ்ரம் ஸமுத்³பா⁴வயன் ।
காலின்தீ³லஹரீத³ஶாம் ப்ரகடயன்கம்ராம் நப⁴ஸ்யத்³பு⁴தாம்
கஶ்சின்னேத்ரமஹோத்ஸவோ விஜயதே காஞ்சீபுரே ஶூலின: ॥7॥

தன்த்³ராஹீனதமாலனீலஸுஷமைஸ்தாருண்யலீலாக்³ருஹை:
தாரானாத²கிஶோரலாஞ்சி²தகசைஸ்தாம்ராரவின்தே³க்ஷணை: ।
மாத: ஸம்ஶ்ரயதாம் மனோ மனஸிஜப்ராக³ல்ப்⁴யனாடி³ன்த⁴மை:
கம்பாதீரசரைர்க⁴னஸ்தனப⁴ரை: புண்யாங்கரை: ஶாங்கரை: ॥8॥

நித்யம் நிஶ்சலதாமுபேத்ய மருதாம் ரக்ஷாவிதி⁴ம் புஷ்ணதீ
தேஜஸ்ஸஞ்சயபாடவேன கிரணானுஷ்ணத்³யுதேர்முஷ்ணதீ ।
காஞ்சீமத்⁴யக³தாபி தீ³ப்திஜனநீ விஶ்வான்தரே ஜ்ரும்ப⁴தே
காசிச்சித்ரமஹோ ஸ்ம்ருதாபி தமஸாம் நிர்வாபிகா தீ³பிகா ॥9॥

கான்தை: கேஶருசாம் சயைர்ப்⁴ரமரிதம் மன்த³ஸ்மிதை: புஷ்பிதம்
கான்த்யா பல்லவிதம் பதா³ம்பு³ருஹயோர்னேத்ரத்விஷா பத்ரிதம் ।
கம்பாதீரவனான்தரம் வித³த⁴தீ கல்யாணஜன்மஸ்த²லீ
காஞ்சீமத்⁴யமஹாமணிர்விஜயதே காசித்க்ருபாகன்த³லீ ॥1௦॥

ராகாசன்த்³ரஸமானகான்திவத³னா நாகாதி⁴ராஜஸ்துதா
மூகானாமபி குர்வதீ ஸுரத⁴னீனீகாஶவாக்³வைப⁴வம் ।
ஶ்ரீகாஞ்சீனக³ரீவிஹாரரஸிகா ஶோகாபஹன்த்ரீ ஸதாம்
ஏகா புண்யபரம்பரா பஶுபதேராகாரிணீ ராஜதே ॥11॥

ஜாதா ஶீதலஶைலத: ஸுக்ருதினாம் த்³ருஶ்யா பரம் தே³ஹினாம்
லோகானாம் க்ஷணமாத்ரஸம்ஸ்மரணத: ஸன்தாபவிச்சே²தி³னீ ।
ஆஶ்சர்யம் ப³ஹு கே²லனம் விதனுதே நைஶ்சல்யமாபி³ப்⁴ரதீ
கம்பாயாஸ்தடஸீம்னி காபி தடினீ காருண்யபாதோ²மயீ ॥12॥

ஐக்யம் யேன விரச்யதே ஹரதனௌ த³ம்பா⁴வபும்பா⁴வுகே
ரேகா² யத்கசஸீம்னி ஶேக²ரத³ஶாம் நைஶாகரீ கா³ஹதே ।
ஔன்னத்யம் முஹுரேதி யேன ஸ மஹான்மேனாஸக:² ஸானுமான்
கம்பாதீரவிஹாரிணா ஸஶரணாஸ்தேனைவ தா⁴ம்னா வயம் ॥13॥

அக்ஷ்ணோஶ்ச ஸ்தனயோ: ஶ்ரியா ஶ்ரவணயோர்பா³ஹ்வோஶ்ச மூலம் ஸ்ப்ருஶன்
உத்தம்ஸேன முகே²ன ச ப்ரதிதி³னம் த்³ருஹ்யன்பயோஜன்மனே ।
மாது⁴ர்யேண கி³ராம் க³தேன ம்ருது³னா ஹம்ஸாங்க³னாம் ஹ்ரேபயன்
காஞ்சீஸீம்னி சகாஸ்தி கோபி கவிதாஸன்தானபீ³ஜாங்குர: ॥14॥

க²ண்ட³ம் சான்த்³ரமஸம் வதம்ஸமனிஶம் காஞ்சீபுரே கே²லனம்
காலாயஶ்ச²விதஸ்கரீம் தனுருசிம் கர்ணஜபே லோசனே ।
தாருண்யோஷ்மனக²ம்பசம் ஸ்தனப⁴ரம் ஜங்கா⁴ஸ்ப்ருஶம் குன்தலம்
பா⁴க்³யம் தே³ஶிகஸஞ்சிதம் மம கதா³ ஸம்பாத³யேத³ம்பி³கே ॥15॥

தன்வானம் நிஜகேலிஸௌத⁴ஸரணிம் நைஸர்கி³கீணாம் கி³ராம்
கேதா³ரம் கவிமல்லஸூக்திலஹரீஸஸ்யஶ்ரியாம் ஶாஶ்வதம் ।
அம்ஹோவஞ்சனசுஞ்சு கிஞ்சன பஜ⁴ே காஞ்சீபுரீமண்ட³னம்
பர்யாயச்ச²வி பாகஶாஸனமணே: பௌஷ்பேஷவம் பௌருஷம் ॥16॥

ஆலோகே முக²பங்கஜே ச த³த⁴தீ ஸௌதா⁴கரீம் சாதுரீம்
சூடா³லங்க்ரியமாணபங்கஜவனீவைராக³மப்ரக்ரியா ।
முக்³த⁴ஸ்மேரமுகீ² க⁴ன்ஸதனதடீமூர்ச்சா²லமத்⁴யாஞ்சிதா
காஞ்சீஸீமனி காமினீ விஜயதே காசிஜ்ஜக³ன்மோஹினீ ॥17॥

யஸ்மின்னம்ப³ ப⁴வத்கடாக்ஷரஜனீ மன்தே³பி மன்த³ஸ்மித-
ஜ்யோத்ஸ்னாஸம்ஸ்னபிதா ப⁴வத்யபி⁴முகீ² தம் ப்ரத்யஹோ தே³ஹினம் ।
த்³ரக்ஷாமாக்ஷிகமாது⁴ரீமத³ப⁴ரவ்ரீடா³கரீ வைக²ரீ
காமாக்ஷி ஸ்வயமாதனோத்யபி⁴ஸ்ருதிம் வாமேக்ஷணேவ க்ஷணம் ॥18॥

காலின்தீ³ஜலகான்தய: ஸ்மிதருசிஸ்வர்வாஹினீபாத²ஸி
ப்ரௌட⁴த்⁴வான்தருச: ஸ்பு²டாத⁴ரமஹோலௌஹித்யஸன்த்⁴யோத³யே ।
மணிக்யோபலகுண்ட³லாம்ஶுஶிகி²னி வ்யாமிஶ்ரதூ⁴மஶ்ரிய:
கல்யாணைகபு⁴வ: கடாக்ஷஸுஷமா: காமாக்ஷி ராஜன்தி தே ॥19॥

கலகலரணத்காஞ்சீ காஞ்சீவிபூ⁴ஷணமாலிகா
கசப⁴ரலஸச்சன்த்³ரா சன்த்³ராவதம்ஸஸத⁴ர்மிணீ ।
கவிகுலகி³ர: ஶ்ராவம்ஶ்ராவம் மிலத்புலகாங்குரா
விரசிதஶிர:கம்பா கம்பாதடே பரிஶோப⁴தே ॥2௦॥

ஸரஸவசஸாம் வீசீ நீசீப⁴வன்மது⁴மாது⁴ரீ
ப⁴ரிதபு⁴வனா கீர்திர்மூர்திர்மனோப⁴வஜித்வரீ ।
ஜனநி மனஸோ யோக்³யம் போ⁴க்³யம் ந்ருணாம் தவ ஜாயதே
கத²மிவ வினா காஞ்சீபூ⁴ஷே கடாக்ஷதரங்கி³தம் ॥21॥

ப்⁴ரமரிதஸரித்கூலோ நீலோத்பலப்ரப⁴யாப⁴யா
நதஜனதம:க²ண்டீ³ துண்டீ³ரஸீம்னி விஜ்ரும்ப⁴தே ।
அசலதபஸாமேக: பாக: ப்ரஸூனஶராஸன-
ப்ரதிப⁴டமனோஹாரீ நாரீகுலைகஶிகா²மணி: ॥22॥

மது⁴ரவசஸோ மன்த³ஸ்மேரா மதங்கஜ³கா³மின:
தருணிமஜுஷஸ்தாபிச்சா²பா⁴ஸ்தம:பரிபன்தி²ன: ।
குசப⁴ரனதா: குர்யுர்ப⁴த்³ரம் குரங்க³விலோசனா:
கலிதகருணா: காஞ்சீபா⁴ஜ: கபாலிமஹோத்ஸவா: ॥23॥

கமலஸுஷமாக்ஷ்யாரோஹே விசக்ஷணவீக்ஷணா:
குமுத³ஸுக்ருதக்ரீடா³சூடா³லகுன்தலப³ன்து⁴ரா: ।
ருசிரருசிபி⁴ஸ்தாபிச்ச²ஶ்ரீப்ரபஞ்சனசுஞ்சவ:
புரவிஜயின: கம்பாதீரே ஸ்பு²ரன்தி மனோரதா²: ॥24॥

கலிதரதய: காஞ்சீலீலாவிதௌ⁴ கவிமண்ட³லீ-
வசனலஹரீவாஸன்தீனாம் வஸன்தவிபூ⁴தய: ।
குஶலவித⁴யே பூ⁴யாஸுர்மே குரங்க³விலோசனா:
குஸுமவிஶிகா²ராதேரக்ஷ்ணாம் குதூஹலவிப்⁴ரமா: ॥25॥

கப³லிததமஸ்காண்டா³ஸ்துண்டீ³ரமண்ட³லமண்ட³னா:
ஸரஸிஜவனீஸன்தானானாமருன்துத³ஶேக²ரா: ।
நயனஸரணேர்னேதீ³யம்ஸ: கதா³ நு ப⁴வன்தி மே
தருணஜலத³ஶ்யாமா: ஶம்போ⁴ஸ்தப:ப²லவிப்⁴ரமா: ॥26॥

அசரமமிஷும் தீ³னம் மீனத்⁴வஜஸ்ய முக²ஶ்ரியா
ஸரஸிஜபு⁴வோ யானம் ம்லானம் க³தேன ச மஞ்ஜுனா ।
த்ரித³ஶஸத³ஸாமன்னம் கி²ன்னம் கி³ரா ச விதன்வதீ
திலகயதி ஸா கம்பாதீரம் த்ரிலோசனஸுன்த³ரீ ॥27॥

ஜனநி பு⁴வனே சங்க்ரம்யேஹம் கியன்தமனேஹஸம்
குபுருஷகரப்⁴ரஷ்டைர்து³ஷ்டைர்த⁴னைருத³ரம்ப⁴ரி: ।
தருணகருணே தன்த்³ராஶூன்யே தரங்க³ய லோசனே
நமதி மயி தே கிஞ்சித்காஞ்சீபுரீமணிதீ³பிகே ॥28॥

முனிஜனமன:பேடீரத்னம் ஸ்பு²ரத்கருணானடீ-
விஹரணகலாகே³ஹம் காஞ்சீபுரீமணிபூ⁴ஷணம் ।
ஜக³தி மஹதோ மோஹவ்யாதே⁴ர்ன்ருணாம் பரமௌஷத⁴ம்
புரஹரத்³ருஶாம் ஸாப²ல்யம் மே புர: பரிஜ்ரும்ப⁴தாம் ॥29॥

முனிஜனமோதா⁴ம்னே தா⁴ம்னே வசோமயஜாஹ்னவீ-
ஹிமகி³ரிதடப்ராக்³பா⁴ராயாக்ஷராய பராத்மனே ।
விஹரணஜுஷே காஞ்சீதே³ஶே மஹேஶ்வரலோசன-
த்ரிதயஸரஸக்ரீடா³ஸௌதா⁴ங்க³ணாய நமோ நம: ॥3௦॥

மரகதருசாம் ப்ரத்யாதே³ஶம் மஹேஶ்வரசக்ஷுஷாம்
அம்ருதலஹரீபூரம் பாரம் ப⁴வாக்²யபயோனிதே⁴: ।
ஸுசரிதப²லம் காஞ்சீபா⁴ஜோ ஜனஸ்ய பசேலிமம்
ஹிமஶிக²ரிணோ வம்ஶஸ்யைகம் வதம்ஸமுபாஸ்மஹே ॥31॥

ப்ரணமனதி³னாரம்பே⁴ கம்பானதீ³ஸகி² தாவகே
ஸரஸகவிதோன்மேஷ: பூஷா ஸதாம் ஸமுத³ஞ்சித: ।
ப்ரதிப⁴டமஹாப்ரௌட⁴ப்ரோத்³யத்கவித்வகுமுத்³வதீம்
நயதி தரஸா நித்³ராமுத்³ராம் நகே³ஶ்வரகன்யகே ॥32॥

ஶமிதஜடி³மாரம்பா⁴ கம்பாதடீனிகடேசரீ
நிஹதது³ரிதஸ்தோமா ஸோமார்த⁴முத்³ரிதகுன்தலா ।
ப²லிதஸுமனோவாஞ்சா² பாஞ்சாயுதீ⁴ பரதே³வதா
ஸப²லயது மே நேத்ரே கோ³த்ரேஶ்வரப்ரியனந்தி³னீ ॥33॥

மம து தி⁴ஷணா பீட்³யா ஜாட்³யாதிரேக கத²ம் த்வயா
குமுத³ஸுஷமாமைத்ரீபாத்ரீவதம்ஸிதகுன்தலாம் ।
ஜக³தி ஶமிதஸ்தம்பா⁴ம் கம்பானதீ³னிலயாமஸௌ
ஶ்ரியதி ஹி க³லத்தன்த்³ரா சன்த்³ராவதம்ஸஸத⁴ர்மிணீம் ॥34॥

பரிமலபரீபாகோத்³ரேகம் பயோமுசி காஞ்சனே
ஶிக²ரிணி புனர்த்³பை³தீ⁴பா⁴வம் ஶஶின்யருணாதபம் ।
அபி ச ஜனயன்கம்போ³ர்லக்ஷ்மீமனம்பு³னி கோப்யஸௌ
குஸுமத⁴னுஷ: காஞ்சீதே³ஶே சகாஸ்தி பராக்ரம: ॥35॥

புரத³மயிதுர்வாமோத்ஸங்க³ஸ்த²லேன ரஸஜ்ஞயா
ஸரஸகவிதாபா⁴ஜா காஞ்சீபுரோத³ரஸீமயா ।
தடபரிஸரைர்னீஹாராத்³ரேர்வசோபி⁴ரக்ருத்ரிமை:
கிமிவ ந துலாமஸ்மச்சேதோ மஹேஶ்வரி கா³ஹதே ॥36॥

நயனயுக³லீமாஸ்மாகீனாம் கதா³ நு ப²லேக்³ரஹீம்
வித³த⁴தி க³தௌ வ்யாகுர்வாணா கஜ³ேன்த்³ரசமத்க்ரியாம் ।
மரதகருசோ மாஹேஶானா க⁴னஸ்தனநம்ரிதா:
ஸுக்ருதவிப⁴வா: ப்ராஞ்ச: காஞ்சீவதம்ஸது⁴ரன்த⁴ரா: ॥37॥

மனஸிஜயஶ:பாரம்பர்யம் மரன்த³ஜ²ரீஸுவாம்
கவிகுலகி³ராம் கன்த³ம் கம்பானதீ³தடமண்ட³னம் ।
மது⁴ரலலிதம் மத்கம் சக்ஷுர்மனீஷிமனோஹரம்
புரவிஜயின: ஸர்வஸ்வம் தத்புரஸ்குருதே கதா³ ॥38॥

ஶிதி²லிததமோலீலாம் நீலாரவின்த³விலோசனாம்
த³ஹனவிலஸத்பா²லாம் ஶ்ரீகாமகோடிமுபாஸ்மஹே ।
கரத்⁴ருதஸச்சூ²லாம் காலாரிசித்தஹராம் பராம்
மனஸிஜக்ருபாலீலாம் லோலாலகாமலிகேக்ஷணாம் ॥39॥

கலாலீலாஶாலா கவிகுலவச:கைரவவனீ-
ஶரஜ்ஜ்யோத்ஸ்னாதா⁴ரா ஶஶத⁴ரஶிஶுஶ்லாக்⁴யமுகுடீ ।
புனீதே ந: கம்பாபுலினதடஸௌஹார்த³தரலா
கதா³ சக்ஷுர்மார்க³ம் கனககி³ரிதா⁴னுஷ்கமஹிஷீ ॥4௦॥

நம: ஸ்தான்னம்ரேப்⁴ய: ஸ்தனக³ரிமக³ர்வேண கு³ருணா
த³தா⁴னேப்⁴யஶ்சூடா³ப⁴ரணமம்ருதஸ்யன்தி³ ஶிஶிரம் ।
ஸதா³ வாஸ்தவேப்⁴ய: ஸுவித⁴பு⁴வி கம்பாக்²யஸரிதே
யஶோவ்யாபாரேப்⁴ய: ஸுக்ருதவிப⁴வேப்⁴யோ ரதிபதே: ॥41॥

அஸூயன்தீ காசின்மரகதருசோ நாகிமுகுடீ-
கத³ம்ப³ம் சும்ப³ன்தீ சரணனக²சன்த்³ராம்ஶுபடலை: ।
தமோமுத்³ராம் வித்³ராவயது மம காஞ்சீர்னிலயனா
ஹரோத்ஸங்க³ஶ்ரீமன்மணிக்³ருஹமஹாதீ³பகலிகா ॥42॥

அனாத்³யன்தா காசித்ஸுஜனநயனானந்தஜ³னநீ
நிருன்தா⁴னா கான்திம் நிஜருசிவிலாஸைர்ஜலமுசாம் ।
ஸ்மராரேஸ்தாரல்யம் மனஸி ஜனயன்தீ ஸ்வயமஹோ
க³லத்கம்பா ஶம்பா பரிலஸதி கம்பாபரிஸரே ॥43॥

ஸுதா⁴டி³ண்டீ³ரஶ்ரீ: ஸ்மிதருசிஷு துண்டீ³ரவிஷயம்
பரிஷ்குர்வாணாஸௌ பரிஹஸிதனீலோத்பலருசி: ।
ஸ்தனாப்⁴யாமானம்ரா ஸ்தப³கயது மே காங்க்ஷிததரும்
த்³ருஶாமைஶானீனாம் ஸுக்ருதப²லபாண்டி³த்யக³ரிமா ॥44॥

க்ருபாதா⁴ராத்³ரோணீ க்ருபணதி⁴ஷணானாம் ப்ரணமதாம்
நிஹன்த்ரீ ஸன்தாபம் நிக³மமுகுடோத்தம்ஸகலிகா ।
பரா காஞ்சீலீலாபரிசயவதீ பர்வதஸுதா
கி³ராம் நீவீ தே³வீ கி³ரிஶபரதன்த்ரா விஜயதே ॥45॥

கவித்வஶ்ரீகன்த:³ ஸுக்ருதபரிபாடீ ஹிமகி³ரே:
விதா⁴த்ரீ விஶ்வேஷாம் விஷமஶரவீரத்⁴வஜபடீ ।
ஸகீ² கம்பானத்³யா: பத³ஹஸிதபாதோ²ஜயுக³லீ
புராணோ பாயான்ன: புரமத²னஸாம்ராஜ்யபத³வீ ॥46॥

த³ரித்³ராணா மத்⁴யே த³ரத³லிததாபிச்ச²ஸுஷமா:
ஸ்தனாபோ⁴க³க்கான்தாஸ்தருணஹரிணாங்காங்கிதகசா: ।
ஹராதீ⁴னா நானாவிபு³த⁴முகுடீசும்பி³தபதா³:
கதா³ கம்பாதீரே கத²ய விஹராமோ கி³ரிஸுதே ॥47॥

வரீவர்து ஸ்தே²மா த்வயி மம கி³ராம் தே³வி மனஸோ
நரீனர்து ப்ரௌடா⁴ வத³னகமலே வாக்யலஹரீ ।
சரீசர்து ப்ரஜ்ஞாஜனநி ஜடி³மான: பரஜனே
ஸரீஸர்து ஸ்வைரம் ஜனநி மயி காமாக்ஷி கருணா ॥48॥

க்ஷணாத்தே காமாக்ஷி ப்⁴ரமரஸுஷமாஶிக்ஷணகு³ரு:
கடாக்ஷவ்யாக்ஷேபோ மம ப⁴வது மோக்ஷாய விபதா³ம் ।
நரீனர்து ஸ்வைரம் வசனலஹரீ நிர்ஜரபுரீ-
ஸரித்³வீசீனீசீகரணபடுராஸ்யே மம ஸதா³ ॥49॥

புரஸ்தான்மே பூ⁴ய:ப்ரஶமனபர: ஸ்தான்மம ருஜாம்
ப்ரசாரஸ்தே கம்பாதடவிஹ்ருதிஸம்பாதி³னி த்³ருஶோ: ।
இமாம் யாச்ஞாமூரீகுரு ஸபதி³ தூ³ரீகுரு தம:-
பரீபாகம் மத்கம் ஸபதி³ பு³த⁴லோகம் ச நய மாம் ॥5௦॥

உத³ஞ்சன்தீ காஞ்சீனக³ரனிலயே த்வத்கருணயா
ஸம்ருத்³தா⁴ வாக்³தா⁴டீ பரிஹஸிதமாத்⁴வீ கவயதாம் ।
உபாத³த்தே மாரப்ரதிப⁴டஜடாஜூடமுகுடீ-
குடீரோல்லாஸின்யா: ஶதமக²தடின்யா ஜயபடீம் ॥51॥

ஶ்ரியம் வித்³யாம் த³த்³யாஜ்ஜனநி நமதாம் கீர்திமமிதாம்
ஸுபுத்ரான் ப்ராத³த்தே தவ ஜ²டிதி காமாக்ஷி கருணா ।
த்ரிலோக்யாமாதி⁴க்யம் த்ரிபுரபரிபன்தி²ப்ரணயினி
ப்ரணாமஸ்த்வத்பாதே³ ஶமிதது³ரிதே கிம் ந குருதே ॥52॥

மன:ஸ்தம்ப⁴ம் ஸ்தம்ப⁴ம் க³மயது³பகம்பம் ப்ரணமதாம்
ஸதா³ லோலம் நீலம் சிகுரஜிதலோலம்ப³னிகரம் ।
கி³ராம் தூ³ரம் ஸ்மேரம் த்⁴ருதஶஶிகிஶோரம் பஶுபதே:
த்³ருஶாம் யோக்³யம் போ⁴க்³யம் துஹினகி³ரிபா⁴க்³யம் விஜயதே ॥53॥

க⁴னஶ்யாமான்காமான்தகமஹிஷி காமாக்ஷி மது⁴ரான்
த்³ருஶாம் பாதானேதானம்ருதஜலஶீதானநுபமான் ।
ப⁴வோத்பாதே பீ⁴தே மயி விதர நாதே² த்³ருட⁴ப⁴வ-
ந்மனஶ்ஶோகே மூகே ஹிமகி³ரிபதாகே கருணயா ॥54॥

நதானாம் மன்தா³னாம் ப⁴வனிக³லப³ன்தா⁴குலதி⁴யாம்
மஹான்த்⁴யாம் ருன்தா⁴னாமபி⁴லஷிதஸன்தானலதிகாம் ।
சரன்தீம் கம்பாயாஸ்தடபு⁴வி ஸவித்ரீம் த்ரிஜக³தாம்
ஸ்மராமஸ்தாம் நித்யம் ஸ்மரமத²னஜீவாதுகலிகாம் ॥55॥

பரா வித்³யா ஹ்ருத்³யாஶ்ரிதமத³னவித்³யா மரகத-
ப்ரபா⁴னீலா லீலாபரவஶிதஶூலாயுத⁴மனா: ।
தம:பூரம் தூ³ரம் சரணனதபௌரன்த³ரபுரீ-
ம்ருகா³க்ஷீ காமாக்ஷீ கமலதரலாக்ஷீ நயது மே ॥56॥

அஹன்தாக்²யா மத்கம் கப³லயதி ஹா ஹன்த ஹரிணீ
ஹடா²த்ஸம்வித்³ரூபம் ஹரமஹிஷி ஸஸ்யாங்குரமஸௌ ।
கடாக்ஷவ்யாக்ஷேபப்ரகடஹரிபாஷாணபடலை:
இமாமுச்சைருச்சாடய ஜ²டிதி காமாக்ஷி க்ருபயா ॥57॥

பு³தே⁴ வா மூகே வா தவ பததி யஸ்மின்க்ஷணமஸௌ
கடாக்ஷ: காமாக்ஷி ப்ரகடஜடி³மக்ஷோத³படிமா ।
கத²ங்காரம் நாஸ்மை கரமுகுலசூடா³லமுகுடா
நமோவாகம் ப்³ரூயுர்னமுசிபரிபன்தி²ப்ரப்⁴ருதய: ॥58॥

ப்ரதீசீம் பஶ்யாம: ப்ரகடருசினீவாரகமணி-
ப்ரபா⁴ஸத்⁴ரீசீனாம் ப்ரத³லிதஷடா³தா⁴ரகமலாம் ।
சரன்தீம் ஸௌஷும்னே பதி² பரபதே³ன்து³ப்ரவிக³ல-
த்ஸுதா⁴ர்த்³ராம் காமாக்ஷீம் பரிணதபரஞ்ஜ்யோதிருத³யாம் ॥59॥

ஜம்பா⁴ராதிப்ரப்⁴ருதிமுகுடீ: பாத³யோ: பீட²யன்தீ
கு³ம்பா²ன்வாசாம் கவிஜனக்ருதான்ஸ்வைரமாராமயன்தீ ।
ஶம்பாலக்ஷ்மீம் மணிக³ணருசாபாடலை: ப்ராபயன்தீ
கம்பாதீரே கவிபரிஷதா³ம் ஜ்ரும்ப⁴தே பா⁴க்³யஸீமா ॥6௦॥

சன்த்³ராபீடா³ம் சதுரவத³னாம் சஞ்சலாபாங்க³லீலாம்
குன்த³ஸ்மேராம் குசப⁴ரனதாம் குன்தலோத்³தூ⁴தப்⁴ருங்கா³ம் ।
மாராராதேர்மத³னஶிகி²னம் மாம்ஸலம் தீ³பயன்தீம்
காமாக்ஷீம் தாம் கவிகுலகி³ராம் கல்பவல்லீமுபாஸே ॥61॥

காலாம்போ⁴த³ப்ரகரஸுஷமாம் கான்திபி⁴ஸ்திர்ஜயன்தீ
கல்யாணானாமுத³யஸரணி: கல்பவல்லீ கவீனாம் ।
கன்த³ர்பாரே: ப்ரியஸஹசரீ கல்மஷாணாம் நிஹன்த்ரீ
காஞ்சீதே³ஶம் திலகயதி ஸா காபி காருண்யஸீமா ॥62॥

ஊரீகுர்வன்னுரஸிஜதடே சாதுரீம் பூ⁴த⁴ராணாம்
பாதோ²ஜானாம் நயனயுக³லே பரிபன்த்²யம் விதன்வன் ।
கம்பாதீரே விஹரதி ருசா மோக⁴யன்மேக⁴ஶைலீம்
கோகத்³வேஷம் ஶிரஸி கலயன்கோபி வித்³யாவிஶேஷ: ॥63॥

காஞ்சீலீலாபரிசயவதீ காபி தாபிச்ச²லக்ஷ்மீ:
ஜாட்³யாரண்யே ஹுதவஹஶிகா² ஜன்மபூ⁴மி: க்ருபாயா: ।
மாகன்த³ஶ்ரீர்மது⁴ரகவிதாசாதுரீ கோகிலானாம்
மார்கே³ பூ⁴யான்மம நயனயோர்மான்மதீ² காபி வித்³யா ॥64॥

ஸேதுர்மாதர்மரதகமயோ ப⁴க்திபா⁴ஜாம் ப⁴வாப்³தௌ⁴
லீலாலோலா குவலயமயீ மான்மதீ² வைஜயன்தீ ।
காஞ்சீபூ⁴ஷா பஶுபதித்³ருஶாம் காபி காலாஞ்ஜனாலீ
மத்கம் து³:க²ம் ஶிதி²லயது தே மஞ்ஜுலாபாங்க³மாலா ॥65॥

வ்யாவ்ருண்வானா: குவலயத³லப்ரக்ரியாவைரமுத்³ராம்
வ்யாகுர்வாணா மனஸிஜமஹாராஜஸாம்ராஜ்யலக்ஷ்மீம் ।
காஞ்சீலீலாவிஹ்ருதிரஸிகே காங்க்ஷிதம் ந: க்ரியாஸு:
ப³ன்த⁴ச்சே²தே³ தவ நியமினாம் ப³த்³த⁴தீ³க்ஷா: கடாக்ஷா: ॥66॥

காலாம்போ⁴தே³ ஶஶிருசி த³லம் கைதகம் த³ர்ஶயன்தீ
மத்⁴யேஸௌதா³மினி மது⁴லிஹாம் மாலிகாம் ராஜயன்தீ ।
ஹம்ஸாராவம் விகசகமலே மஞ்ஜுமுல்லாஸயன்தீ
கம்பாதீரே விலஸதி நவா காபி காருண்யலக்ஷ்மீ: ॥67॥

சித்ரம் சித்ரம் நிஜம்ருது³தயா ப⁴ர்த்ஸயன்பல்லவாலீம்
பும்ஸாம் காமான்பு⁴வி ச நியதம் பூரயன்புண்யபா⁴ஜாம் ।
ஜாத: ஶைலான்ன து ஜலனிதே⁴: ஸ்வைரஸஞ்சாரஶீல:
காஞ்சீபூ⁴ஷா கலயது ஶிவம் கோபி சின்தாமணிர்மே ॥68॥

தாம்ராம்போ⁴ஜம் ஜலத³னிகடே தத்ர ப³ன்தூ⁴கபுஷ்பம்
தஸ்மின்மல்லீகுஸுமஸுஷமாம் தத்ர வீணானினாத³ம் ।
வ்யாவ்ருன்வானா ஸுக்ருதலஹரீ காபி காஞ்சினக³ர்யாம்
ஐஶானீ ஸா கலயதிதராமைன்த்³ரஜாலம் விலாஸம் ॥69॥

ஆஹாராம்ஶம் த்ரித³ஶஸத³ஸாமாஶ்ரயே சாதகானாம்
ஆகாஶோபர்யபி ச கலயன்னாலயம் துங்க³மேஷாம் ।
கம்பாதீரே விஹரதிதராம் காமதே⁴னு: கவீனாம்
மன்த³ஸ்மேரோ மத³னநிக³மப்ரக்ரியாஸம்ப்ரதா³ய: ॥7௦॥

ஆர்த்³ரீபூ⁴தைரவிரலக்ருபைராத்தலீலாவிலாஸை:
ஆஸ்தா²பூர்ணைரதி⁴கசபலைரஞ்சிதாம்போ⁴ஜஶில்பை: ।
கான்தைர்லக்ஷ்மீலலிதப⁴வனை: கான்திகைவல்யஸாரை:
காஶ்மல்யம் ந: கப³லயது ஸா காமகோடீ கடாக்ஷை: ॥71॥

ஆதூ⁴ன்வன்த்யை தரலனயனைராங்கஜ³ீம் வைஜயன்தீம்
ஆனந்தி³ன்யை நிஜபதஜ³ுஷாமாத்தகாஞ்சீபுராயை ।
ஆஸ்மாகீனம் ஹ்ருத³யமகி²லைராக³மானாம் ப்ரபஞ்சை:
ஆராத்⁴யாயை ஸ்ப்ருஹயதிதராமதி³மாயை ஜனந்யை ॥72॥

தூ³ரம் வாசாம் த்ரித³ஶஸத³ஸாம் து³:க²ஸின்தோ⁴ஸ்தரித்ரம்
மோஹக்ஷ்வேலக்ஷிதிருஹவனே க்ரூரதா⁴ரம் குடா²ரம் ।
கம்பாதீரப்ரணயி கவிபி⁴ர்வர்ணிதோத்³யச்சரித்ரம்
ஶான்த்யை ஸேவே ஸகலவிபதா³ம் ஶாங்கரம் தத்கலத்ரம் ॥73॥

க²ண்டீ³க்ருத்ய ப்ரக்ருதிகுடிலம் கல்மஷம் ப்ராதிப⁴ஶ்ரீ-
ஶுண்டீ³ரத்வம் நிஜபதஜ³ுஷாம் ஶூன்யதன்த்³ரம் தி³ஶன்தீ ।
துண்டீ³ராக்²யை மஹதி விஷயே ஸ்வர்ணவ்ருஷ்டிப்ரதா³த்ரீ
சண்டீ³ தே³வீ கலயதி ரதிம் சன்த்³ரசூடா³லசூடே³ ॥74॥

யேன க்²யாதோ ப⁴வதி ஸ க்³ருஹீ பூருஷோ மேருத⁴ன்வா
யத்³த்³ருக்கோணே மத³னநிக³மப்ராப⁴வம் போ³ப⁴வீதி ।
யத்ப்ரீத்யைவ த்ரிஜக³த³தி⁴போ ஜ்ரும்ப⁴தே கிம்பசான:
கம்பாதீரே ஸ ஜயதி மஹான்கஶ்சிதோ³ஜோவிஶேஷ: ॥75॥

த⁴ன்யா த⁴ன்யா க³திரிஹ கி³ராம் தே³வி காமாக்ஷி யன்மே
நின்த்³யாம் பி⁴ன்த்³யாத்ஸபதி³ ஜட³தாம் கல்மஷாது³ன்மிஷன்தீம் ।
ஸாத்⁴வீ மாத்⁴வீரஸமது⁴ரதாப⁴ஞ்ஜினீ மஞ்ஜுரீதி:
வாணீவேணீ ஜ²டிதி வ்ருணுதாத்ஸ்வர்து⁴னீஸ்பர்தி⁴னீ மாம் ॥76॥

யஸ்யா வாடீ ஹ்ருத³யகமலம் கௌஸுமீ யோக³பா⁴ஜாம்
யஸ்யா: பீடீ² ஸததஶிஶிரா ஶீகரைர்மாகரன்தை³: ।
யஸ்யா: பேடீ ஶ்ருதிபரிசலன்மௌலிரத்னஸ்ய காஞ்சீ
ஸா மே ஸோமாப⁴ரணமஹிஷீ ஸாத⁴யேத்காங்க்ஷிதானி ॥77॥

ஏகா மாதா ஸகலஜக³தாமீயுஷீ த்⁴யானமுத்³ராம்
ஏகாம்ராதீ⁴ஶ்வரசரணயோரேகதானாம் ஸமின்தே⁴ ।
தாடங்கோத்³யன்மணிக³ணருசா தாம்ரகர்ணப்ரதே³ஶா
தாருண்யஶ்ரீஸ்தப³கிததனுஸ்தாபஸீ காபி பா³லா ॥78॥

த³ன்தாத³ன்திப்ரகடனகரீ த³ன்திபி⁴ர்மன்த³யானை:
மன்தா³ராணாம் மத³பரிணதிம் மத்²னதீ மன்த³ஹாஸை: ।
அங்கூராப்⁴யாம் மனஸிஜதரோரங்கிதோரா: குசாப்⁴யா-
மன்த:காஞ்சி ஸ்பு²ரதி ஜக³தாமாதி³மா காபி மாதா ॥79॥

த்ரியம்ப³ககுடும்பி³னீம் த்ரிபுரஸுன்த³ரீமின்தி³ராம்
புலின்த³பதிஸுன்த³ரீம் த்ரிபுரபை⁴ரவீம் பா⁴ரதீம் ।
மதங்க³குலனாயிகாம் மஹிஷமர்த³னீம் மாத்ருகாம்
ப⁴ணன்தி விபு³தோ⁴த்தமா விஹ்ருதிமேவ காமாக்ஷி தே ॥8௦॥

மஹாமுனிமனோனடீ மஹிதரம்யகம்பாதடீ-
குடீரகவிஹாரிணீ குடிலபோ³த⁴ஸம்ஹாரிணீ ।
ஸதா³ ப⁴வது காமினீ ஸகலதே³ஹினாம் ஸ்வாமினீ
க்ருபாதிஶயகிங்கரீ மம விபூ⁴தயே ஶாங்கரீ ॥81॥

ஜடா³: ப்ரக்ருதினிர்த⁴னா ஜனவிலோசனாருன்துதா³
நரா ஜனநி வீக்ஷணம் க்ஷணமவாப்ய காமாக்ஷி தே ।
வசஸ்ஸு மது⁴மாது⁴ரீம் ப்ரகடயன்தி பௌரன்த³ரீ-
விபூ⁴திஷு விட³ம்ப³னாம் வபுஷி மான்மதீ²ம் ப்ரக்ரியாம் ॥82॥

க⁴ன்ஸதனதடஸ்பு²டஸ்பு²ரிதகஞ்சுலீசஞ்சலீ-
க்ருதத்ரிபுரஶாஸனா ஸுஜனஶீலிதோபாஸனா ।
த்³ருஶோ: ஸரணிமஶ்னுதே மம கதா³ நு காஞ்சீபுரே
பரா பரமயோகி³னாம் மனஸி சித்குலா புஷ்கலா ॥83॥

கவீன்த்³ரஹ்ருத³யேசரீ பரிக்³ருஹீதகாஞ்சீபுரீ
நிரூட⁴கருணாஜ²ரீ நிகி²லலோகரக்ஷாகரீ ।
மன:பத²த³வீயஸீ மத³னஶாஸனப்ரேயஸீ
மஹாகு³ணக³ரீயஸீ மம த்³ருஶோஸ்து நேதீ³யஸீ ॥84॥

த⁴னேன ந ரமாமஹே க²லஜனான்ன ஸேவாமஹே
ந சாபலமயாமஹே ப⁴வப⁴யான்ன தூ³யாமஹே ।
ஸ்தி²ராம் தனுமஹேதராம் மனஸி கிம் ச காஞ்சீரத-
ஸ்மரான்தககுடும்பி³னீசரணபல்லவோபாஸனாம் ॥85॥

ஸுரா: பரிஜனா வபுர்மனஸிஜாய வைராயதே
த்ரிவிஷ்டபனிதம்பி³னீகுசதடீ ச கேலீகி³ரி: ।
கி³ர: ஸுரப⁴யோ வயஸ்தருணிமா த³ரித்³ரஸ்ய வா
கடாக்ஷஸரணௌ க்ஷணம் நிபதிதஸ்ய காமாக்ஷி தே ॥86॥

பவித்ரய ஜக³த்த்ரயீவிபு³த⁴போ³தஜ⁴ீவாதுபி⁴:
புரத்ரயவிமர்தி³ன: புலககஞ்சுலீதா³யிபி⁴: ।
ப⁴வக்ஷயவிசக்ஷணைர்வ்யஸனமோக்ஷணைர்வீக்ஷணை:
நிரக்ஷரஶிரோமணிம் கருணயைவ காமாக்ஷி மாம் ॥87॥

கதா³ கலிதகே²லனா: கருணயைவ காஞ்சீபுரே
கலாயமுகுலத்விஷ: ஶுப⁴கத³ம்ப³பூர்ணாங்குரா: ।
பயோத⁴ரப⁴ராலஸா: கவிஜனேஷு தே ப³ன்து⁴ரா:
பசேலிமக்ருபாரஸா பரிபதன்தி மார்கே³ த்³ருஶோ: ॥88॥

அஶோத்⁴யமசலோத்³ப⁴வம் ஹ்ருத³யனந்த³னம் தே³ஹினாம்
அனர்க⁴மதி⁴காஞ்சி தத்கிமபி ரத்னமுத்³த்³யோததே ।
அனேன ஸமலங்க்ருதா ஜயதி ஶங்கராங்கஸ்த²லீ
கதா³ஸ்ய மம மானஸம் வ்ரஜதி பேடிகாவிப்⁴ரமம் ॥89॥

பராம்ருதஜ²ரீப்லுதா ஜயதி நித்யமன்தஶ்சரீ
பு⁴வாமபி ப³ஹிஶ்சரீ பரமஸம்விதே³காத்மிகா ।
மஹத்³பி⁴ரபரோக்ஷிதா ஸததமேவ காஞ்சீபுரே
மமான்வஹமஹம்மதிர்மனஸி பா⁴து மாஹேஶ்வரீ ॥9௦॥

தமோவிபினதா⁴வினம் ஸததமேவ காஞ்சீபுரே
விஹாரரஸிகா பரா பரமஸம்விது³ர்வீருஹே ।
கடாக்ஷனிக³லைர்த்³ருட⁴ம் ஹ்ருத³யது³ஷ்டத³ன்தாவலம்
சிரம் நயது மாமகம் த்ரிபுரவைரிஸீமன்தினீ ॥91॥

த்வமேவ ஸதி சண்டி³கா த்வமஸி தே³வி சாமுண்டி³கா
த்வமேவ பரமாத்ருகா த்வமபி யோகி³னீரூபிணீ ।
த்வமேவ கில ஶாம்ப⁴வீ த்வமஸி காமகோடீ ஜயா
த்வமேவ விஜயா த்வயி த்ரிஜக³த³ம்ப³ கிம் ப்³ரூமஹே ॥92॥

பரே ஜனநி பார்வதி ப்ரணதபாலினி ப்ராதிப-⁴
ப்ரதா³த்ரி பரமேஶ்வரி த்ரிஜக³தா³ஶ்ரிதே ஶாஶ்வதே ।
த்ரியம்ப³ககுடும்பி³னி த்ரிபத³ஸங்கி³னி த்ரீக்ஷணே
த்ரிஶக்திமயி வீக்ஷணம் மயி நிதே⁴ஹி காமாக்ஷி தே ॥93॥

மனோமது⁴கரோத்ஸவம் வித³த⁴தீ மனீஷாஜுஷாம்
ஸ்வயம்ப்ரப⁴வவைக²ரீவிபினவீதி²காலம்பி³னீ ।
அஹோ ஶிஶிரிதா க்ருபாமது⁴ரஸேன கம்பாதடே
சராசரவிதா⁴யினீ சலதி காபி சின்மஞ்ஜரீ ॥94॥

கலாவதி கலாப்⁴ருதோ முகுடஸீம்னி லீலாவதி
ஸ்ப்ருஹாவதி மஹேஶ்வரே பு⁴வனமோஹனே பா⁴ஸ்வதி ।
ப்ரபா⁴வதி ரமே ஸதா³ மஹிதரூபஶோபா⁴வதி
த்வராவதி பரே ஸதாம் கு³ருக்ருபாம்பு³தா⁴ராவதி ॥95॥

த்வயைவ ஜக³த³ம்ப³யா பு⁴வனமண்ட³லம் ஸூயதே
த்வயைவ கருணார்த்³ரயா தத³பி ரக்ஷணம் நீயதே ।
த்வயைவ க²ரகோபயா நயனபாவகே ஹூயதே
த்வயைவ கில நித்யயா ஜக³தி ஸன்ததம் ஸ்தீ²யதே ॥96॥

சராசரஜக³ன்மயீம் ஸகலஹ்ருன்மயீம் சின்மயீம்
கு³ணத்ரயமயீம் ஜக³த்த்ரயமயீம் த்ரிதா⁴மாமயீம் ।
பராபரமயீம் ஸதா³ த³ஶதி³ஶாம் நிஶாஹர்மயீம்
பராம் ஸததஸன்மயீம் மனஸி சின்மயீம் ஶீலயே ॥97॥

ஜய ஜக³த³ம்பி³கே ஹரகுடும்பி³னி வக்த்ரருசா
ஜிதஶரத³ம்பு³ஜே க⁴னவிட³ம்பி³னி கேஶருசா ।
பரமவலம்ப³னம் குரு ஸதா³ பரரூபத⁴ரே
மம க³தஸம்விதோ³ ஜடி³மட³ம்ப³ரதாண்ட³வின: ॥98॥

பு⁴வனஜனநி பூ⁴ஷாபூ⁴தசன்த்³ரே நமஸ்தே
கலுஷஶமனி கம்பாதீரகே³ஹே நமஸ்தே ।
நிகி²லனிக³மவேத்³யே நித்யரூபே நமஸ்தே
பரஶிவமயி பாஶச்சே²த³ஹஸ்தே நமஸ்தே ॥99॥

க்வணத்காஞ்சீ காஞ்சீபுரமணிவிபஞ்சீலயஜ²ரீ-
ஶிர:கம்பா கம்பாவஸதிரனுகம்பாஜலனிதி⁴: ।
க⁴னஶ்யாமா ஶ்யாமா கடி²னகுசஸீமா மனஸி மே
ம்ருகா³க்ஷீ காமாக்ஷீ ஹரனடனஸாக்ஷீ விஹரதாத் ॥1௦௦॥

ஸமரவிஜயகோடீ ஸாத⁴கானந்த³தா⁴டீ
ம்ருது³கு³ணபரிபேடீ முக்²யகாத³ம்ப³வாடீ ।
முனினுதபரிபாடீ மோஹிதாஜாண்ட³கோடீ
பரமஶிவவதூ⁴டீ பாது மாம் காமகோடீ ॥1௦1॥

இமம் பரவரப்ரத³ம் ப்ரக்ருதிபேஶலம் பாவனம்
பராபரசிதா³க்ருதிப்ரகடனப்ரதீ³பாயிதம் ।
ஸ்தவம் பட²தி நித்யதா³ மனஸி பா⁴வயன்னம்பி³காம்
ஜபைரலமலம் மகை²ரதி⁴கதே³ஹஸம்ஶோஷணை: ॥1௦2॥

॥ இதி ஸ்துதிஶதகம் ஸம்பூர்ணம் ॥




Browse Related Categories: