View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

মূক পংচ শতি 3 - স্তুতি শতকম্

পাংডিত্যং পরমেশ্বরি স্তুতিবিধৌ নৈবাশ্রযংতে গিরাং
বৈরিংচান্যপি গুংফনানি বিগলদ্গর্বাণি শর্বাণি তে ।
স্তোতুং ত্বাং পরিফুল্লনীলনলিনশ্যামাক্ষি কামাক্ষি মাং
বাচালীকুরুতে তথাপি নিতরাং ত্বত্পাদসেবাদরঃ ॥1॥

তাপিংছস্তবকত্বিষে তনুভৃতাং দারিদ্র্যমুদ্রাদ্বিষে
সংসারাখ্যতমোমুষে পুররিপোর্বামাংকসীমাজুষে ।
কংপাতীরমুপেযুষে কবযতাং জিহ্বাকুটীং জগ্মুষে
বিশ্বত্রাণপুষে নমোঽস্তু সততং তস্মৈ পরংজ্যোতিষে ॥2॥

যে সংধ্যারুণযংতি শংকরজটাকাংতারচন্রার্ভকং
সিংদূরংতি চ যে পুরংদরবধূসীমংতসীমাংতরে ।
পুণ্য.ং যে পরিপক্কযংতি ভজতাং কাংচীপুরে মামমী
পাযাসুঃ পরমেশ্বরপ্রণযিনীপাদোদ্ভবাঃ পাংসবঃ ॥3॥

কামাডংবরপূরযা শশিরুচা কম্রস্মিতানাং ত্বিষা
কামারেরনুরাগসিংধুমধিকং কল্লোলিতং তন্বতী ।
কামাক্ষীতি সমস্তসজ্জননুতা কল্যাণদাত্রী নৃণাং
কারুণ্যাকুলমানসা ভগবতী কংপাতটে জৃংভতে ॥4॥

কামাক্ষীণপরাক্রমপ্রকটনং সংভাবযংতী দৃশা
শ্যামা ক্ষীরসহোদরস্মিতরুচিপ্রক্ষালিতাশাংতরা ।
কামাক্ষীজনমৌলিভূষণমণির্বাচাং পরা দেবতা
কামাক্ষীতি বিভাতি কাপি করুণা কংপাতটিন্যাস্তটে ॥5॥

শ্যামা কাচন চংদ্রিকা ত্রিভুবনে পুণ্যাত্মনামাননে
সীমাশূন্যকবিত্ববর্ষজননী যা কাপি কাদংবিনী ।
মারারাতিমনোবিমোহনবিধৌ কাচিতত্তমঃকংদলী
কামাক্ষ্যাঃ করুণাকটাক্ষলহরী কামায মে কল্পতাম্ ॥6॥

প্রৌঢধ্বাংতকদংবকে কুমুদিনীপুণ্যাংকুরং দর্শযন্
জ্যোত্স্নাসংগমনেঽপি কোকমিথুনং মিশ্রং সমুদ্ভাবযন্ ।
কালিংদীলহরীদশাং প্রকটযন্কম্রাং নভস্যদ্ভুতাং
কশ্চিন্নেত্রমহোত্সবো বিজযতে কাংচীপুরে শূলিনঃ ॥7॥

তংদ্রাহীনতমালনীলসুষমৈস্তারুণ্যলীলাগৃহৈঃ
তারানাথকিশোরলাংছিতকচৈস্তাম্রারবিংদেক্ষণৈঃ ।
মাতঃ সংশ্রযতাং মনো মনসিজপ্রাগল্ভ্যনাডিংধমৈঃ
কংপাতীরচরৈর্ঘনস্তনভরৈঃ পুণ্যাংকরৈঃ শাংকরৈঃ ॥8॥

নিত্যং নিশ্চলতামুপেত্য মরুতাং রক্ষাবিধিং পুষ্ণতী
তেজস্সংচযপাটবেন কিরণানুষ্ণদ্যুতের্মুষ্ণতী ।
কাংচীমধ্যগতাপি দীপ্তিজননী বিশ্বাংতরে জৃংভতে
কাচিচ্চিত্রমহো স্মৃতাপি তমসাং নির্বাপিকা দীপিকা ॥9॥

কাংতৈঃ কেশরুচাং চযৈর্ভ্রমরিতং মংদস্মিতৈঃ পুষ্পিতং
কাংত্যা পল্লবিতং পদাংবুরুহযোর্নেত্রত্বিষা পত্রিতম্ ।
কংপাতীরবনাংতরং বিদধতী কল্যাণজন্মস্থলী
কাংচীমধ্যমহামণির্বিজযতে কাচিত্কৃপাকংদলী ॥10॥

রাকাচংদ্রসমানকাংতিবদনা নাকাধিরাজস্তুতা
মূকানামপি কুর্বতী সুরধনীনীকাশবাগ্বৈভবম্ ।
শ্রীকাংচীনগরীবিহাররসিকা শোকাপহংত্রী সতাম্
একা পুণ্যপরংপরা পশুপতেরাকারিণী রাজতে ॥11॥

জাতা শীতলশৈলতঃ সুকৃতিনাং দৃশ্যা পরং দেহিনাং
লোকানাং ক্ষণমাত্রসংস্মরণতঃ সংতাপবিচ্ছেদিনী ।
আশ্চর্যং বহু খেলনং বিতনুতে নৈশ্চল্যমাবিভ্রতী
কংপাযাস্তটসীম্নি কাপি তটিনী কারুণ্যপাথোমযী ॥12॥

ঐক্যং যেন বিরচ্যতে হরতনৌ দংভাবপুংভাবুকে
রেখা যত্কচসীম্নি শেখরদশাং নৈশাকরী গাহতে ।
ঔন্নত্যং মুহুরেতি যেন স মহান্মেনাসখঃ সানুমান্
কংপাতীরবিহারিণা সশরণাস্তেনৈব ধাম্না বযম্ ॥13॥

অক্ষ্ণোশ্চ স্তনযোঃ শ্রিযা শ্রবণযোর্বাহ্বোশ্চ মূলং স্পৃশন্
উত্তংসেন মুখেন চ প্রতিদিনং দ্রুহ্যন্পযোজন্মনে ।
মাধুর্যেণ গিরাং গতেন মৃদুনা হংসাংগনাং হ্রেপযন্
কাংচীসীম্নি চকাস্তি কোঽপি কবিতাসংতানবীজাংকুরঃ ॥14॥

খংডং চাংদ্রমসং বতংসমনিশং কাংচীপুরে খেলনং
কালাযশ্ছবিতস্করীং তনুরুচিং কর্ণজপে লোচনে ।
তারুণ্যোষ্মনখংপচং স্তনভরং জংঘাস্পৃশং কুংতলং
ভাগ্যং দেশিকসংচিতং মম কদা সংপাদযেদংবিকে ॥15॥

তন্বানং নিজকেলিসৌধসরণিং নৈসর্গিকীণাং গিরাং
কেদারং কবিমল্লসূক্তিলহরীসস্যশ্রিযাং শাশ্বতম্ ।
অংহোবংচনচুংচু কিংচন ভজে কাংচীপুরীমংডনং
পর্যাযচ্ছবি পাকশাসনমণেঃ পৌষ্পেষবং পৌরুষম্ ॥16॥

আলোকে মুখপংকজে চ দধতী সৌধাকরীং চাতুরীং
চূডালংক্রিযমাণপংকজবনীবৈরাগমপ্রক্রিযা ।
মুগ্ধস্মেরমুখী ঘন্সতনতটীমূর্চ্ছালমধ্যাংচিতা
কাংচীসীমনি কামিনী বিজযতে কাচিজ্জগন্মোহিনী ॥17॥

যস্মিন্নংব ভবত্কটাক্ষরজনী মংদেঽপি মংদস্মিত-
জ্যোত্স্নাসংস্নপিতা ভবত্যভিমুখী তং প্রত্যহো দেহিনম্ ।
দ্রক্ষামাক্ষিকমাধুরীমদভরব্রীডাকরী বৈখরী
কামাক্ষি স্বযমাতনোত্যভিসৃতিং বামেক্ষণেব ক্ষণম্ ॥18॥

কালিংদীজলকাংতযঃ স্মিতরুচিস্বর্বাহিনীপাথসি
প্রৌঢধ্বাংতরুচঃ স্ফুটাধরমহোলৌহিত্যসংধ্যোদযে ।
মণিক্যোপলকুংডলাংশুশিখিনি ব্যামিশ্রধূমশ্রিযঃ
কল্যাণৈকভুবঃ কটাক্ষসুষমাঃ কামাক্ষি রাজংতি তে ॥19॥

কলকলরণত্কাংচী কাংচীবিভূষণমালিকা
কচভরলসচ্চংদ্রা চংদ্রাবতংসসধর্মিণী ।
কবিকুলগিরঃ শ্রাবংশ্রাবং মিলত্পুলকাংকুরা
বিরচিতশিরঃকংপা কংপাতটে পরিশোভতে ॥20॥

সরসবচসাং বীচী নীচীভবন্মধুমাধুরী
ভরিতভুবনা কীর্তির্মূর্তির্মনোভবজিত্বরী ।
জননি মনসো যোগ্যং ভোগ্যং নৃণাং তব জাযতে
কথমিব বিনা কাংচীভূষে কটাক্ষতরংগিতম্ ॥21॥

ভ্রমরিতসরিত্কূলো নীলোত্পলপ্রভযাঽঽভযা
নতজনতমঃখংডী তুংডীরসীম্নি বিজৃংভতে ।
অচলতপসামেকঃ পাকঃ প্রসূনশরাসন-
প্রতিভটমনোহারী নারীকুলৈকশিখামণিঃ ॥22॥

মধুরবচসো মংদস্মেরা মতংগজগামিনঃ
তরুণিমজুষস্তাপিচ্ছাভাস্তমঃপরিপংথিনঃ ।
কুচভরনতাঃ কুর্যুর্ভদ্রং কুরংগবিলোচনাঃ
কলিতকরুণাঃ কাংচীভাজঃ কপালিমহোত্সবাঃ ॥23॥

কমলসুষমাক্ষ্যারোহে বিচক্ষণবীক্ষণাঃ
কুমুদসুকৃতক্রীডাচূডালকুংতলবংধুরাঃ ।
রুচিররুচিভিস্তাপিচ্ছশ্রীপ্রপংচনচুংচবঃ
পুরবিজযিনঃ কংপাতীরে স্ফুরংতি মনোরথাঃ ॥24॥

কলিতরতযঃ কাংচীলীলাবিধৌ কবিমংডলী-
বচনলহরীবাসংতীনাং বসংতবিভূতযঃ ।
কুশলবিধযে ভূযাসুর্মে কুরংগবিলোচনাঃ
কুসুমবিশিখারাতেরক্ষ্ণাং কুতূহলবিভ্রমাঃ ॥25॥

কবলিততমস্কাংডাস্তুংডীরমংডলমংডনাঃ
সরসিজবনীসংতানানামরুংতুদশেখরাঃ ।
নযনসরণের্নেদীযংসঃ কদা নু ভবংতি মে
তরুণজলদশ্যামাঃ শংভোস্তপঃফলবিভ্রমাঃ ॥26॥

অচরমমিষুং দীনং মীনধ্বজস্য মুখশ্রিযা
সরসিজভুবো যানং ম্লানং গতেন চ মংজুনা ।
ত্রিদশসদসামন্নং খিন্নং গিরা চ বিতন্বতী
তিলকযতি সা কংপাতীরং ত্রিলোচনসুংদরী ॥27॥

জননি ভুবনে চংক্রম্যেঽহং কিযংতমনেহসং
কুপুরুষকরভ্রষ্টৈর্দুষ্টৈর্ধনৈরুদরংভরিঃ ।
তরুণকরুণে তংদ্রাশূন্যে তরংগয লোচনে
নমতি মযি তে কিংচিত্কাংচীপুরীমণিদীপিকে ॥28॥

মুনিজনমনঃপেটীরত্নং স্ফুরত্করুণানটী-
বিহরণকলাগেহং কাংচীপুরীমণিভূষণম্ ।
জগতি মহতো মোহব্যাধের্নৃণাং পরমৌষধং
পুরহরদৃশাং সাফল্যং মে পুরঃ পরিজৃংভতাম্ ॥29॥

মুনিজনমোধাম্নে ধাম্নে বচোমযজাহ্নবী-
হিমগিরিতটপ্রাগ্ভারাযাক্ষরায পরাত্মনে ।
বিহরণজুষে কাংচীদেশে মহেশ্বরলোচন-
ত্রিতযসরসক্রীডাসৌধাংগণায নমো নমঃ ॥30॥

মরকতরুচাং প্রত্যাদেশং মহেশ্বরচক্ষুষাম্
অমৃতলহরীপূরং পারং ভবাখ্যপযোনিধেঃ ।
সুচরিতফলং কাংচীভাজো জনস্য পচেলিমং
হিমশিখরিণো বংশস্যৈকং বতংসমুপাস্মহে ॥31॥

প্রণমনদিনারংভে কংপানদীসখি তাবকে
সরসকবিতোন্মেষঃ পূষা সতাং সমুদংচিতঃ ।
প্রতিভটমহাপ্রৌঢপ্রোদ্যত্কবিত্বকুমুদ্বতীং
নযতি তরসা নিদ্রামুদ্রাং নগেশ্বরকন্যকে ॥32॥

শমিতজডিমারংভা কংপাতটীনিকটেচরী
নিহতদুরিতস্তোমা সোমার্ধমুদ্রিতকুংতলা ।
ফলিতসুমনোবাংছা পাংচাযুধী পরদেবতা
সফলযতু মে নেত্রে গোত্রেশ্বরপ্রিযনংদিনী ॥33॥

মম তু ধিষণা পীড্যা জাড্যাতিরেক কথং ত্বযা
কুমুদসুষমামৈত্রীপাত্রীবতংসিতকুংতলাম্ ।
জগতি শমিতস্তংভাং কংপানদীনিলযামসৌ
শ্রিযতি হি গলত্তংদ্রা চংদ্রাবতংসসধর্মিণীম্ ॥34॥

পরিমলপরীপাকোদ্রেকং পযোমুচি কাংচনে
শিখরিণি পুনর্দ্বৈধীভাবং শশিন্যরুণাতপম্ ।
অপি চ জনযন্কংবোর্লক্ষ্মীমনংবুনি কোঽপ্যসৌ
কুসুমধনুষঃ কাংচীদেশে চকাস্তি পরাক্রমঃ ॥35॥

পুরদমযিতুর্বামোত্সংগস্থলেন রসজ্ঞযা
সরসকবিতাভাজা কাংচীপুরোদরসীমযা ।
তটপরিসরৈর্নীহারাদ্রের্বচোভিরকৃত্রিমৈঃ
কিমিব ন তুলামস্মচ্চেতো মহেশ্বরি গাহতে ॥36॥

নযনযুগলীমাস্মাকীনাং কদা নু ফলেগ্রহীং
বিদধতি গতৌ ব্যাকুর্বাণা গজেংদ্রচমত্ক্রিযাম্ ।
মরতকরুচো মাহেশানা ঘনস্তননম্রিতাঃ
সুকৃতবিভবাঃ প্রাংচঃ কাংচীবতংসধুরংধরাঃ ॥37॥

মনসিজযশঃপারংপর্যং মরংদঝরীসুবাং
কবিকুলগিরাং কংদং কংপানদীতটমংডনম্ ।
মধুরললিতং মত্কং চক্ষুর্মনীষিমনোহরং
পুরবিজযিনঃ সর্বস্বং তত্পুরস্কুরুতে কদা ॥38॥

শিথিলিততমোলীলাং নীলারবিংদবিলোচনাং
দহনবিলসত্ফালাং শ্রীকামকোটিমুপাস্মহে ।
করধৃতসচ্ছূলাং কালারিচিত্তহরাং পরাং
মনসিজকৃপালীলাং লোলালকামলিকেক্ষণাম্ ॥39॥

কলালীলাশালা কবিকুলবচঃকৈরববনী-
শরজ্জ্যোত্স্নাধারা শশধরশিশুশ্লাঘ্যমুকুটী ।
পুনীতে নঃ কংপাপুলিনতটসৌহার্দতরলা
কদা চক্ষুর্মার্গং কনকগিরিধানুষ্কমহিষী ॥40॥

নমঃ স্তান্নম্রেভ্যঃ স্তনগরিমগর্বেণ গুরুণা
দধানেভ্যশ্চূডাভরণমমৃতস্যংদি শিশিরম্ ।
সদা বাস্তবেভ্যঃ সুবিধভুবি কংপাখ্যসরিতে
যশোব্যাপারেভ্যঃ সুকৃতবিভবেভ্যো রতিপতেঃ ॥41॥

অসূযংতী কাচিন্মরকতরুচো নাকিমুকুটী-
কদংবং চুংবংতী চরণনখচংদ্রাংশুপটলৈঃ ।
তমোমুদ্রাং বিদ্রাবযতু মম কাংচীর্নিলযনা
হরোত্সংগশ্রীমন্মণিগৃহমহাদীপকলিকা ॥42॥

অনাদ্যংতা কাচিত্সুজননযনানংদজননী
নিরুংধানা কাংতিং নিজরুচিবিলাসৈর্জলমুচাম্ ।
স্মরারেস্তারল্যং মনসি জনযংতী স্বযমহো
গলত্কংপা শংপা পরিলসতি কংপাপরিসরে ॥43॥

সুধাডিংডীরশ্রীঃ স্মিতরুচিষু তুংডীরবিষযং
পরিষ্কুর্বাণাসৌ পরিহসিতনীলোত্পলরুচিঃ ।
স্তনাভ্যামানম্রা স্তবকযতু মে কাংক্ষিততরুং
দৃশামৈশানীনাং সুকৃতফলপাংডিত্যগরিমা ॥44॥

কৃপাধারাদ্রোণী কৃপণধিষণানাং প্রণমতাং
নিহংত্রী সংতাপং নিগমমুকুটোত্তংসকলিকা ।
পরা কাংচীলীলাপরিচযবতী পর্বতসুতা
গিরাং নীবী দেবী গিরিশপরতংত্রা বিজযতে ॥45॥

কবিত্বশ্রীকংদঃ সুকৃতপরিপাটী হিমগিরেঃ
বিধাত্রী বিশ্বেষাং বিষমশরবীরধ্বজপটী ।
সখী কংপানদ্যাঃ পদহসিতপাথোজযুগলী
পুরাণো পাযান্নঃ পুরমথনসাম্রাজ্যপদবী ॥46॥

দরিদ্রাণা মধ্যে দরদলিততাপিচ্ছসুষমাঃ
স্তনাভোগক্কাংতাস্তরুণহরিণাংকাংকিতকচাঃ ।
হরাধীনা নানাবিবুধমুকুটীচুংবিতপদাঃ
কদা কংপাতীরে কথয বিহরামো গিরিসুতে ॥47॥

বরীবর্তু স্থেমা ত্বযি মম গিরাং দেবি মনসো
নরীনর্তু প্রৌঢা বদনকমলে বাক্যলহরী ।
চরীচর্তু প্রজ্ঞাজননি জডিমানঃ পরজনে
সরীসর্তু স্বৈরং জননি মযি কামাক্ষি করুণা ॥48॥

ক্ষণাত্তে কামাক্ষি ভ্রমরসুষমাশিক্ষণগুরুঃ
কটাক্ষব্যাক্ষেপো মম ভবতু মোক্ষায বিপদাম্ ।
নরীনর্তু স্বৈরং বচনলহরী নির্জরপুরী-
সরিদ্বীচীনীচীকরণপটুরাস্যে মম সদা ॥49॥

পুরস্তান্মে ভূযঃপ্রশমনপরঃ স্তান্মম রুজাং
প্রচারস্তে কংপাতটবিহৃতিসংপাদিনি দৃশোঃ ।
ইমাং যাচ্ঞামূরীকুরু সপদি দূরীকুরু তমঃ-
পরীপাকং মত্কং সপদি বুধলোকং চ নয মাম্ ॥50॥

উদংচংতী কাংচীনগরনিলযে ত্বত্করুণযা
সমৃদ্ধা বাগ্ধাটী পরিহসিতমাধ্বী কবযতাম্ ।
উপাদত্তে মারপ্রতিভটজটাজূটমুকুটী-
কুটীরোল্লাসিন্যাঃ শতমখতটিন্যা জযপটীম্ ॥51॥

শ্রিযং বিদ্যাং দদ্যাজ্জননি নমতাং কীর্তিমমিতাং
সুপুত্রান্ প্রাদত্তে তব ঝটিতি কামাক্ষি করুণা ।
ত্রিলোক্যামাধিক্যং ত্রিপুরপরিপংথিপ্রণযিনি
প্রণামস্ত্বত্পাদে শমিতদুরিতে কিং ন কুরুতে ॥52॥

মনঃস্তংভং স্তংভং গমযদুপকংপং প্রণমতাং
সদা লোলং নীলং চিকুরজিতলোলংবনিকরম্ ।
গিরাং দূরং স্মেরং ধৃতশশিকিশোরং পশুপতেঃ
দৃশাং যোগ্যং ভোগ্যং তুহিনগিরিভাগ্যং বিজযতে ॥53॥

ঘনশ্যামান্কামাংতকমহিষি কামাক্ষি মধুরান্
দৃশাং পাতানেতানমৃতজলশীতাননুপমান্ ।
ভবোত্পাতে ভীতে মযি বিতর নাথে দৃঢভব-
ন্মনশ্শোকে মূকে হিমগিরিপতাকে করুণযা ॥54॥

নতানাং মংদানাং ভবনিগলবংধাকুলধিযাং
মহাংধ্যাং রুংধানামভিলষিতসংতানলতিকাম্ ।
চরংতীং কংপাযাস্তটভুবি সবিত্রীং ত্রিজগতাং
স্মরামস্তাং নিত্যং স্মরমথনজীবাতুকলিকাম্ ॥55॥

পরা বিদ্যা হৃদ্যাশ্রিতমদনবিদ্যা মরকত-
প্রভানীলা লীলাপরবশিতশূলাযুধমনাঃ ।
তমঃপূরং দূরং চরণনতপৌরংদরপুরী-
মৃগাক্ষী কামাক্ষী কমলতরলাক্ষী নযতু মে ॥56॥

অহংতাখ্যা মত্কং কবলযতি হা হংত হরিণী
হঠাত্সংবিদ্রূপং হরমহিষি সস্যাংকুরমসৌ ।
কটাক্ষব্যাক্ষেপপ্রকটহরিপাষাণপটলৈঃ
ইমামুচ্চৈরুচ্চাটয ঝটিতি কামাক্ষি কৃপযা ॥57॥

বুধে বা মূকে বা তব পততি যস্মিন্ক্ষণমসৌ
কটাক্ষঃ কামাক্ষি প্রকটজডিমক্ষোদপটিমা ।
কথংকারং নাস্মৈ করমুকুলচূডালমুকুটা
নমোবাকং ব্রূযুর্নমুচিপরিপংথিপ্রভৃতযঃ ॥58॥

প্রতীচীং পশ্যামঃ প্রকটরুচিনীবারকমণি-
প্রভাসধ্রীচীনাং প্রদলিতষডাধারকমলাম্ ।
চরংতীং সৌষুম্নে পথি পরপদেংদুপ্রবিগল-
ত্সুধার্দ্রাং কামাক্ষীং পরিণতপরংজ্যোতিরুদযাম্ ॥59॥

জংভারাতিপ্রভৃতিমুকুটীঃ পাদযোঃ পীঠযংতী
গুংফান্বাচাং কবিজনকৃতান্স্বৈরমারামযংতী ।
শংপালক্ষ্মীং মণিগণরুচাপাটলৈঃ প্রাপযংতী
কংপাতীরে কবিপরিষদাং জৃংভতে ভাগ্যসীমা ॥60॥

চংদ্রাপীডাং চতুরবদনাং চংচলাপাংগলীলাং
কুংদস্মেরাং কুচভরনতাং কুংতলোদ্ধূতভৃংগাম্ ।
মারারাতের্মদনশিখিনং মাংসলং দীপযংতীং
কামাক্ষীং তাং কবিকুলগিরাং কল্পবল্লীমুপাসে ॥61॥

কালাংভোদপ্রকরসুষমাং কাংতিভিস্তির্জযংতী
কল্যাণানামুদযসরণিঃ কল্পবল্লী কবীনাম্ ।
কংদর্পারেঃ প্রিযসহচরী কল্মষাণাং নিহংত্রী
কাংচীদেশং তিলকযতি সা কাপি কারুণ্যসীমা ॥62॥

ঊরীকুর্বন্নুরসিজতটে চাতুরীং ভূধরাণাং
পাথোজানাং নযনযুগলে পরিপংথ্যং বিতন্বন্ ।
কংপাতীরে বিহরতি রুচা মোঘযন্মেঘশৈলীং
কোকদ্বেষং শিরসি কলযন্কোঽপি বিদ্যাবিশেষঃ ॥63॥

কাংচীলীলাপরিচযবতী কাপি তাপিচ্ছলক্ষ্মীঃ
জাড্যারণ্যে হুতবহশিখা জন্মভূমিঃ কৃপাযাঃ ।
মাকংদশ্রীর্মধুরকবিতাচাতুরী কোকিলানাং
মার্গে ভূযান্মম নযনযোর্মান্মথী কাপি বিদ্যা ॥64॥

সেতুর্মাতর্মরতকমযো ভক্তিভাজাং ভবাব্ধৌ
লীলালোলা কুবলযমযী মান্মথী বৈজযংতী ।
কাংচীভূষা পশুপতিদৃশাং কাপি কালাংজনালী
মত্কং দুঃখং শিথিলযতু তে মংজুলাপাংগমালা ॥65॥

ব্যাবৃণ্বানাঃ কুবলযদলপ্রক্রিযাবৈরমুদ্রাং
ব্যাকুর্বাণা মনসিজমহারাজসাম্রাজ্যলক্ষ্মীম্ ।
কাংচীলীলাবিহৃতিরসিকে কাংক্ষিতং নঃ ক্রিযাসুঃ
বংধচ্ছেদে তব নিযমিনাং বদ্ধদীক্ষাঃ কটাক্ষাঃ ॥66॥

কালাংভোদে শশিরুচি দলং কৈতকং দর্শযংতী
মধ্যেসৌদামিনি মধুলিহাং মালিকাং রাজযংতী ।
হংসারাবং বিকচকমলে মংজুমুল্লাসযংতী
কংপাতীরে বিলসতি নবা কাপি কারুণ্যলক্ষ্মীঃ ॥67॥

চিত্রং চিত্রং নিজমৃদুতযা ভর্ত্সযন্পল্লবালীং
পুংসাং কামান্ভুবি চ নিযতং পূরযন্পুণ্যভাজাম্ ।
জাতঃ শৈলান্ন তু জলনিধেঃ স্বৈরসংচারশীলঃ
কাংচীভূষা কলযতু শিবং কোঽপি চিংতামণির্মে ॥68॥

তাম্রাংভোজং জলদনিকটে তত্র বংধূকপুষ্পং
তস্মিন্মল্লীকুসুমসুষমাং তত্র বীণানিনাদম্ ।
ব্যাবৃন্বানা সুকৃতলহরী কাপি কাংচিনগর্যাম্
ঐশানী সা কলযতিতরামৈংদ্রজালং বিলাসম্ ॥69॥

আহারাংশং ত্রিদশসদসামাশ্রযে চাতকানাম্
আকাশোপর্যপি চ কলযন্নালযং তুংগমেষাম্ ।
কংপাতীরে বিহরতিতরাং কামধেনুঃ কবীনাং
মংদস্মেরো মদননিগমপ্রক্রিযাসংপ্রদাযঃ ॥70॥

আর্দ্রীভূতৈরবিরলকৃপৈরাত্তলীলাবিলাসৈঃ
আস্থাপূর্ণৈরধিকচপলৈরংচিতাংভোজশিল্পৈঃ ।
কাংতৈর্লক্ষ্মীললিতভবনৈঃ কাংতিকৈবল্যসারৈঃ
কাশ্মল্যং নঃ কবলযতু সা কামকোটী কটাক্ষৈঃ ॥71॥

আধূন্বংত্যৈ তরলনযনৈরাংগজীং বৈজযংতীম্
আনংদিন্যৈ নিজপদজুষামাত্তকাংচীপুরাযৈ ।
আস্মাকীনং হৃদযমখিলৈরাগমানাং প্রপংচৈঃ
আরাধ্যাযৈ স্পৃহযতিতরামদিমাযৈ জনন্যৈ ॥72॥

দূরং বাচাং ত্রিদশসদসাং দুঃখসিংধোস্তরিত্রং
মোহক্ষ্বেলক্ষিতিরুহবনে ক্রূরধারং কুঠারম্ ।
কংপাতীরপ্রণযি কবিভির্বর্ণিতোদ্যচ্চরিত্রং
শাংত্যৈ সেবে সকলবিপদাং শাংকরং তত্কলত্রম্ ॥73॥

খংডীকৃত্য প্রকৃতিকুটিলং কল্মষং প্রাতিভশ্রী-
শুংডীরত্বং নিজপদজুষাং শূন্যতংদ্রং দিশংতী ।
তুংডীরাখ্যৈ মহতি বিষযে স্বর্ণবৃষ্টিপ্রদাত্রী
চংডী দেবী কলযতি রতিং চংদ্রচূডালচূডে ॥74॥

যেন খ্যাতো ভবতি স গৃহী পূরুষো মেরুধন্বা
যদ্দৃক্কোণে মদননিগমপ্রাভবং বোভবীতি ।
যত্প্রীত্যৈব ত্রিজগদধিপো জৃংভতে কিংপচানঃ
কংপাতীরে স জযতি মহান্কশ্চিদোজোবিশেষঃ ॥75॥

ধন্যা ধন্যা গতিরিহ গিরাং দেবি কামাক্ষি যন্মে
নিংদ্যাং ভিংদ্যাত্সপদি জডতাং কল্মষাদুন্মিষংতীম্ ।
সাধ্বী মাধ্বীরসমধুরতাভংজিনী মংজুরীতিঃ
বাণীবেণী ঝটিতি বৃণুতাত্স্বর্ধুনীস্পর্ধিনী মাম্ ॥76॥

যস্যা বাটী হৃদযকমলং কৌসুমী যোগভাজাং
যস্যাঃ পীঠী সততশিশিরা শীকরৈর্মাকরংদৈঃ ।
যস্যাঃ পেটী শ্রুতিপরিচলন্মৌলিরত্নস্য কাংচী
সা মে সোমাভরণমহিষী সাধযেত্কাংক্ষিতানি ॥77॥

একা মাতা সকলজগতামীযুষী ধ্যানমুদ্রাম্
একাম্রাধীশ্বরচরণযোরেকতানাং সমিংধে ।
তাটংকোদ্যন্মণিগণরুচা তাম্রকর্ণপ্রদেশা
তারুণ্যশ্রীস্তবকিততনুস্তাপসী কাপি বালা ॥78॥

দংতাদংতিপ্রকটনকরী দংতিভির্মংদযানৈঃ
মংদারাণাং মদপরিণতিং মথ্নতী মংদহাসৈঃ ।
অংকূরাভ্যাং মনসিজতরোরংকিতোরাঃ কুচাভ্যা-
মংতঃকাংচি স্ফুরতি জগতামাদিমা কাপি মাতা ॥79॥

ত্রিযংবককুটুংবিনীং ত্রিপুরসুংদরীমিংদিরাং
পুলিংদপতিসুংদরীং ত্রিপুরভৈরবীং ভারতীম্ ।
মতংগকুলনাযিকাং মহিষমর্দনীং মাতৃকাং
ভণংতি বিবুধোত্তমা বিহৃতিমেব কামাক্ষি তে ॥80॥

মহামুনিমনোনটী মহিতরম্যকংপাতটী-
কুটীরকবিহারিণী কুটিলবোধসংহারিণী ।
সদা ভবতু কামিনী সকলদেহিনাং স্বামিনী
কৃপাতিশযকিংকরী মম বিভূতযে শাংকরী ॥81॥

জডাঃ প্রকৃতিনির্ধনা জনবিলোচনারুংতুদা
নরা জননি বীক্ষণং ক্ষণমবাপ্য কামাক্ষি তে ।
বচস্সু মধুমাধুরীং প্রকটযংতি পৌরংদরী-
বিভূতিষু বিডংবনাং বপুষি মান্মথীং প্রক্রিযাম্ ॥82॥

ঘন্সতনতটস্ফুটস্ফুরিতকংচুলীচংচলী-
কৃতত্রিপুরশাসনা সুজনশীলিতোপাসনা ।
দৃশোঃ সরণিমশ্নুতে মম কদা নু কাংচীপুরে
পরা পরমযোগিনাং মনসি চিত্কুলা পুষ্কলা ॥83॥

কবীংদ্রহৃদযেচরী পরিগৃহীতকাংচীপুরী
নিরূঢকরুণাঝরী নিখিললোকরক্ষাকরী ।
মনঃপথদবীযসী মদনশাসনপ্রেযসী
মহাগুণগরীযসী মম দৃশোঽস্তু নেদীযসী ॥84॥

ধনেন ন রমামহে খলজনান্ন সেবামহে
ন চাপলমযামহে ভবভযান্ন দূযামহে ।
স্থিরাং তনুমহেতরাং মনসি কিং চ কাংচীরত-
স্মরাংতককুটুংবিনীচরণপল্লবোপাসনাম্ ॥85॥

সুরাঃ পরিজনা বপুর্মনসিজায বৈরাযতে
ত্রিবিষ্টপনিতংবিনীকুচতটী চ কেলীগিরিঃ ।
গিরঃ সুরভযো বযস্তরুণিমা দরিদ্রস্য বা
কটাক্ষসরণৌ ক্ষণং নিপতিতস্য কামাক্ষি তে ॥86॥

পবিত্রয জগত্ত্রযীবিবুধবোধজীবাতুভিঃ
পুরত্রযবিমর্দিনঃ পুলককংচুলীদাযিভিঃ ।
ভবক্ষযবিচক্ষণৈর্ব্যসনমোক্ষণৈর্বীক্ষণৈঃ
নিরক্ষরশিরোমণিং করুণযৈব কামাক্ষি মাম্ ॥87॥

কদা কলিতখেলনাঃ করুণযৈব কাংচীপুরে
কলাযমুকুলত্বিষঃ শুভকদংবপূর্ণাংকুরাঃ ।
পযোধরভরালসাঃ কবিজনেষু তে বংধুরাঃ
পচেলিমকৃপারসা পরিপতংতি মার্গে দৃশোঃ ॥88॥

অশোধ্যমচলোদ্ভবং হৃদযনংদনং দেহিনাম্
অনর্ঘমধিকাংচি তত্কিমপি রত্নমুদ্দ্যোততে ।
অনেন সমলংকৃতা জযতি শংকরাংকস্থলী
কদাস্য মম মানসং ব্রজতি পেটিকাবিভ্রমম্ ॥89॥

পরামৃতঝরীপ্লুতা জযতি নিত্যমংতশ্চরী
ভুবামপি বহিশ্চরী পরমসংবিদেকাত্মিকা ।
মহদ্ভিরপরোক্ষিতা সততমেব কাংচীপুরে
মমান্বহমহংমতির্মনসি ভাতু মাহেশ্বরী ॥90॥

তমোবিপিনধাবিনং সততমেব কাংচীপুরে
বিহাররসিকা পরা পরমসংবিদুর্বীরুহে ।
কটাক্ষনিগলৈর্দৃঢং হৃদযদুষ্টদংতাবলং
চিরং নযতু মামকং ত্রিপুরবৈরিসীমংতিনী ॥91॥

ত্বমেব সতি চংডিকা ত্বমসি দেবি চামুংডিকা
ত্বমেব পরমাতৃকা ত্বমপি যোগিনীরূপিণী ।
ত্বমেব কিল শাংভবী ত্বমসি কামকোটী জযা
ত্বমেব বিজযা ত্বযি ত্রিজগদংব কিং ব্রূমহে ॥92॥

পরে জননি পার্বতি প্রণতপালিনি প্রাতিভ-
প্রদাত্রি পরমেশ্বরি ত্রিজগদাশ্রিতে শাশ্বতে ।
ত্রিযংবককুটুংবিনি ত্রিপদসংগিনি ত্রীক্ষণে
ত্রিশক্তিমযি বীক্ষণং মযি নিধেহি কামাক্ষি তে ॥93॥

মনোমধুকরোত্সবং বিদধতী মনীষাজুষাং
স্বযংপ্রভববৈখরীবিপিনবীথিকালংবিনী ।
অহো শিশিরিতা কৃপামধুরসেন কংপাতটে
চরাচরবিধাযিনী চলতি কাপি চিন্মংজরী ॥94॥

কলাবতি কলাভৃতো মুকুটসীম্নি লীলাবতি
স্পৃহাবতি মহেশ্বরে ভুবনমোহনে ভাস্বতি ।
প্রভাবতি রমে সদা মহিতরূপশোভাবতি
ত্বরাবতি পরে সতাং গুরুকৃপাংবুধারাবতি ॥95॥

ত্বযৈব জগদংবযা ভুবনমংডলং সূযতে
ত্বযৈব করুণার্দ্রযা তদপি রক্ষণং নীযতে ।
ত্বযৈব খরকোপযা নযনপাবকে হূযতে
ত্বযৈব কিল নিত্যযা জগতি সংততং স্থীযতে ॥96॥

চরাচরজগন্মযীং সকলহৃন্মযীং চিন্মযীং
গুণত্রযমযীং জগত্ত্রযমযীং ত্রিধামামযীম্ ।
পরাপরমযীং সদা দশদিশাং নিশাহর্মযীং
পরাং সততসন্মযীং মনসি চিন্মযীং শীলযে ॥97॥

জয জগদংবিকে হরকুটুংবিনি বক্ত্ররুচা
জিতশরদংবুজে ঘনবিডংবিনি কেশরুচা ।
পরমবলংবনং কুরু সদা পররূপধরে
মম গতসংবিদো জডিমডংবরতাংডবিনঃ ॥98॥

ভুবনজননি ভূষাভূতচংদ্রে নমস্তে
কলুষশমনি কংপাতীরগেহে নমস্তে ।
নিখিলনিগমবেদ্যে নিত্যরূপে নমস্তে
পরশিবমযি পাশচ্ছেদহস্তে নমস্তে ॥99॥

ক্বণত্কাংচী কাংচীপুরমণিবিপংচীলযঝরী-
শিরঃকংপা কংপাবসতিরনুকংপাজলনিধিঃ ।
ঘনশ্যামা শ্যামা কঠিনকুচসীমা মনসি মে
মৃগাক্ষী কামাক্ষী হরনটনসাক্ষী বিহরতাত্ ॥100॥

সমরবিজযকোটী সাধকানংদধাটী
মৃদুগুণপরিপেটী মুখ্যকাদংববাটী ।
মুনিনুতপরিপাটী মোহিতাজাংডকোটী
পরমশিববধূটী পাতু মাং কামকোটী ॥101॥

ইমং পরবরপ্রদং প্রকৃতিপেশলং পাবনং
পরাপরচিদাকৃতিপ্রকটনপ্রদীপাযিতম্ ।
স্তবং পঠতি নিত্যদা মনসি ভাবযন্নংবিকাং
জপৈরলমলং মখৈরধিকদেহসংশোষণৈঃ ॥102॥

॥ ইতি স্তুতিশতকং সংপূর্ণম্ ॥




Browse Related Categories: