மஹிம்ன: பன்தா²னம் மத³னபரிபன்தி²ப்ரணயினி
ப்ரபு⁴ர்னிர்ணேதும் தே ப⁴வதி யதமானோபி கதம: ।
ததா²பி ஶ்ரீகாஞ்சீவிஹ்ருதிரஸிகே கோபி மனஸோ
விபாகஸ்த்வத்பாத³ஸ்துதிவிதி⁴ஷு ஜல்பாகயதி மாம் ॥1॥
க³லக்³ராஹீ பௌரன்த³ரபுரவனீபல்லவருசாம்
த்⁴ருதபாத²ம்யானாமருணமஹஸாமாதி³மகு³ரு: ।
ஸமின்தே⁴ ப³ன்தூ⁴கஸ்தப³கஸஹயுத்⁴வா தி³ஶி தி³ஶி
ப்ரஸர்பன்காமாக்ஷ்யாஶ்சரணகிரணானாமருணிமா ॥2॥
மராலீனாம் யானாப்⁴யஸனகலனாமூலகு³ரவே
த³ரித்³ராணாம் த்ராணவ்யதிகரஸுரோத்³யானதரவே ।
தமஸ்காண்ட³ப்ரௌடி⁴ப்ரகடனதிரஸ்காரபடவே
ஜனோயம் காமாக்ஷ்யாஶ்சரணனலினாய ஸ்ப்ருஹயதே ॥3॥
வஹன்தீ ஸைன்தூ³ரீம் ஸரணிமவனம்ராமரபுறீ-
புரன்த்⁴ரீஸீமன்தே கவிகமலபா³லார்கஸுஷமா ।
த்ரயீஸீமன்தின்யா: ஸ்தனதடனிசோலாருணபடீ
விபா⁴ன்தீ காமாக்ஷ்யா: பத³னலினகான்திர்விஜயதே ॥4॥
ப்ரணம்ரீபூ⁴தஸ்ய ப்ரணயகலஹத்ரஸ்தமனஸ:
ஸ்மராராதேஶ்சூடா³வியதி க்³ருஹமேதீ⁴ ஹிமகர: ।
யயோ: ஸான்த்⁴யாம் கான்திம் வஹதி ஸுஷமாபி⁴ஶ்சரணயோ:
தயோர்மே காமாக்ஷ்யா ஹ்ருத³யமபதன்த்³ரம் விஹரதாம் ॥5॥
யயோ: பீடா²யன்தே விபு³த⁴முகுடீனாம் படலிகா
யயோ: ஸௌதா⁴யன்தே ஸ்வயமுத³யபா⁴ஜோ ப⁴ணிதய: ।
யயோ: தா³ஸாயன்தே ஸரஸிஜப⁴வாத்³யாஶ்சரணயோ:
தயோர்மே காமாக்ஷ்யா தி³னமனு வரீவர்து ஹ்ருத³யம் ॥6॥
நயன்தீ ஸங்கோசம் ஸரஸிஜருசம் தி³க்பரிஸரே
ஸ்ருஜன்தீ லௌஹித்யம் நக²கிரணசன்த்³ரார்த⁴க²சிதா ।
கவீன்த்³ராணாம் ஹ்ருத்கைரவவிகஸனோத்³யோகஜ³னநீ
ஸ்பு²ரன்தீ காமாக்ஷ்யா: சரணருசிஸன்த்⁴யா விஜயதே ॥7॥
விராவைர்மாஞ்ஜீரை: கிமபி கத²யன்தீவ மது⁴ரம்
புரஸ்தாதா³னம்ரே புரவிஜயினி ஸ்மேரவத³னே ।
வயஸ்யேவ ப்ரௌடா⁴ ஶிதி²லயதி யா ப்ரேமகலஹ-
ப்ரரோஹம் காமாக்ஷ்யா: சரணயுக³லீ ஸா விஜயதே ॥8॥
ஸுபர்வஸ்த்ரீலோலாலகபரிசிதம் ஷட்பத³குலை:
ஸ்பு²ரல்லாக்ஷாராக³ம் தருணதரணிஜ்யோதிரருணை: ।
ப்⁴ருதம் கான்த்யம்போ⁴பி⁴: விஸ்ருமரமரன்தை³: ஸரஸிஜை:
வித⁴த்தே காமாக்ஷ்யா: சரணயுக³லம் ப³ன்து⁴பத³வீம் ॥9॥
ரஜ:ஸம்ஸர்கே³பி ஸ்தி²தமரஜஸாமேவ ஹ்ருத³யே
பரம் ரக்தத்வேன ஸ்தி²தமபி விரக்தைகஶரணம் ।
அலப்⁴யம் மன்தா³னாம் த³த⁴த³பி ஸதா³ மன்த³க³திதாம்
வித⁴த்தே காமாக்ஷ்யா: சரணயுக³மாஶ்சர்யலஹரீம் ॥1௦॥
ஜடாலா மஞ்ஜீரஸ்பு²ரத³ருணரத்னாம்ஶுனிகரை:
நிஷித³ன்தீ மத்⁴யே நக²ருசிஜ²ரீகா³ங்க³பயஸாம் ।
ஜக³த்த்ராணம் கர்தும் ஜனநி மம காமாக்ஷி நியதம்
தபஶ்சர்யாம் த⁴த்தே தவ சரணபாதோ²ஜயுக³லீ ॥11॥
துலாகோடித்³வன்த்³வக்கணிதப⁴ணிதாபீ⁴திவசஸோ:
வினம்ரம் காமாக்ஷீ விஸ்ருமரமஹ:பாடலிதயோ: ।
க்ஷணம் வின்யாஸேன க்ஷபிததமஸோர்மே லலிதயோ:
புனீயான்மூர்தா⁴னம் புரஹரபுரன்த்⁴ரீ சரணயோ: ॥12॥
ப⁴வானி த்³ருஹ்யேதாம் ப⁴வனிபி³டி³தேப்⁴யோ மம முஹு-
ஸ்தமோவ்யாமோஹேப்⁴யஸ்தவ ஜனநி காமாக்ஷி சரணௌ ।
யயோர்லாக்ஷாபி³ன்து³ஸ்பு²ரணத⁴ரணாத்³த்⁴வர்ஜடிஜடா-
குடீரா ஶோணாங்கம் வஹதி வபுரேணாங்ககலிகா ॥13॥
பவித்ரீகுர்யுர்னு: பத³தலபு⁴வ: பாடலருச:
பராகா³ஸ்தே பாபப்ரஶமனது⁴ரீணா: பரஶிவே ।
கணம் லப்³து⁴ம் யேஷாம் நிஜஶிரஸி காமாக்ஷி விவஶா
வலன்தோ வ்யாதன்வன்த்யஹமஹமிகாம் மாத⁴வமுகா²: ॥14॥
ப³லாகாமாலாபி⁴ர்னக²ருசிமயீபி⁴: பரிவ்ருதே
வினம்ரஸ்வர்னாரீவிகசகசகாலாம்பு³த³குலே ।
ஸ்பு²ரன்த: காமாக்ஷி ஸ்பு²டத³லிதப³ன்தூ⁴கஸுஹ்ருத-³
ஸ்தடில்லேகா²யன்தே தவ சரணபாதோ²ஜகிரணா: ॥15॥
ஸராக:³ ஸத்³வேஷ: ப்ரஸ்ருமரஸரோஜே ப்ரதிதி³னம்
நிஸர்கா³தா³க்ராமன்விபு³தஜ⁴னமூர்தா⁴னமதி⁴கம் ।
கத²ங்காரம் மாத: கத²ய பத³பத்³மஸ்தவ ஸதாம்
நதானாம் காமாக்ஷி ப்ரகடயதி கைவல்யஸரணிம் ॥16॥
ஜபாலக்ஷ்மீஶோணோ ஜனிதபரமஜ்ஞானநலினீ-
விகாஸவ்யாஸங்கோ³ விப²லிதஜகஜ³்ஜாட்³யக³ரிமா ।
மன:பூர்வாத்³ரிம் மே திலகயது காமாக்ஷி தரஸா
தமஸ்காண்ட³த்³ரோஹீ தவ சரணபாதோ²ஜரமண: ॥17॥
நமஸ்குர்ம: ப்ரேங்க²ன்மணிகடகனீலோத்பலமஹ:-
பயோதௌ⁴ ரிங்க²த்³பி⁴ர்னக²கிரணபே²னைர்த⁴வலிதே ।
ஸ்பு²டம் குர்வாணாய ப்ரப³லசலதௌ³ர்வானலஶிகா²-
விதர்கம் காமாக்ஷ்யா: ஸததமருணிம்னே சரணயோ: ॥18॥
ஶிவே பாஶாயேதாமலகு⁴னி தம:கூபகுஹரே
தி³னாதீ⁴ஶாயேதாம் மம ஹ்ருத³யபாதோ²ஜவிபினே ।
நபோ⁴மாஸாயேதாம் ஸரஸகவிதாரீதிஸரிதி
த்வதீ³யௌ காமாக்ஷி ப்ரஸ்ருதகிரணௌ தே³வி சரணௌ ॥19॥
நிஷக்தம் ஶ்ருத்யன்தே நயனமிவ ஸத்³வ்ருத்தருசிரை:
ஸமைர்ஜுஷ்டம் ஶுத்³தை⁴ரத⁴ரமிவ ரம்யைர்த்³விஜக³ணை: ।
ஶிவே வக்ஷோஜன்மத்³விதயமிவ முக்தாஶ்ரிதமுமே
த்வதீ³யம் காமாக்ஷி ப்ரணதஶரணம் நௌமி சரணம் ॥2௦॥
நமஸ்யாஸம்ஸஜ்ஜன்னமுசிபரிபன்தி²ப்ரணயினீ-
நிஸர்க³ப்ரேங்கோ²லத்குரலகுலகாலாஹிஶப³லே ।
நக²ச்சா²யாது³க்³தோ⁴த³தி⁴பயஸி தே வைத்³ருமருசாம்
ப்ரசாரம் காமாக்ஷி ப்ரசுரயதி பாதா³ப்³ஜஸுஷமா ॥21॥
கதா³ தூ³ரீகர்தும் கடுது³ரிதகாகோலஜனிதம்
மஹான்தம் ஸன்தாபம் மத³னபரிபன்தி²ப்ரியதமே ।
க்ஷணாத்தே காமாக்ஷி த்ரிபு⁴வனபரீதாபஹரணே
படீயாம்ஸம் லப்ஸ்யே பத³கமலஸேவாம்ருதரஸம் ॥22॥
யயோ: ஸான்த்⁴யம் ரோசி: ஸததமருணிம்னே ஸ்ப்ருஹயதே
யயோஶ்சான்த்³ரீ கான்தி: பரிபததி த்³ருஷ்ட்வா நக²ருசிம் ।
யயோ: பாகோத்³ரேகம் பிபடி²ஷதி ப⁴க்த்யா கிஸலயம்
ம்ரதி³ம்ன: காமாக்ஷ்யா மனஸி சரணௌ தௌ தனுமஹே ॥23॥
ஜக³ன்னேத³ம் நேத³ம் பரமிதி பரித்யஜ்ய யதிபி⁴:
குஶாக்³ரீயஸ்வான்தை: குஶலதி⁴ஷணை: ஶாஸ்த்ரஸரணௌ ।
க³வேஷ்யம் காமாக்ஷி த்⁴ருவமக்ருதகானாம் கி³ரிஸுதே
கி³ராமைத³ம்பர்யம் தவ சரணபத்³மம் விஜயதே ॥24॥
க்ருதஸ்னானம் ஶாஸ்த்ராம்ருதஸரஸி காமாக்ஷி நிதராம்
த³தா⁴னம் வைஶத்³யம் கலிதரஸமானந்த³ஸுத⁴யா ।
அலங்காரம் பூ⁴மேர்முனிஜனமனஶ்சின்மயமஹா-
பயோதே⁴ரன்தஸ்ஸ்த²ம் தவ சரணரத்னம் ம்ருக³யதே ॥25॥
மனோகே³ஹே மோஹோத்³ப⁴வதிமிரபூர்ணே மம முஹு:
த³ரித்³ராணீகுர்வன்தி³னகரஸஹஸ்ராணி கிரணை: ।
வித⁴த்தாம் காமாக்ஷி ப்ரஸ்ருமரதமோவஞ்சனசண:
க்ஷணார்த⁴ம் ஸான்னித்⁴யம் சரணமணிதீ³போ ஜனநி தே ॥26॥
கவீனாம் சேதோவன்னக²ரருசிஸம்பர்கி விபு³த-⁴
ஸ்ரவன்தீஸ்ரோதோவத்படுமுக²ரிதம் ஹம்ஸகரவை: ।
தி³னாரம்ப⁴ஶ்ரீவன்னியதமருணச்சா²யஸுப⁴க³ம்
மத³ன்த: காமாக்ஷ்யா: ஸ்பு²ரது பத³பங்கேருஹயுக³ம் ॥27॥
ஸதா³ கிம் ஸம்பர்காத்ப்ரக்ருதிகடி²னைர்னாகிமுகுடை:
தடைர்னீஹாராத்³ரேரதி⁴கமணுனா யோகி³மனஸா ।
விபி⁴ன்தே ஸம்மோஹம் ஶிஶிரயதி ப⁴க்தானபி த்³ருஶாம்
அத்³ருஶ்யம் காமாக்ஷி ப்ரகடயதி தே பாத³யுக³லம் ॥28॥
பவித்ராப்⁴யாமம்ப³ ப்ரக்ருதிம்ருது³லாப்⁴யாம் தவ ஶிவே
பதா³ப்⁴யாம் காமாக்ஷி ப்ரஸப⁴மபி⁴பூ⁴தை: ஸசகிதை: ।
ப்ரவாலைரம்போ⁴ஜைரபி ச வனவாஸவ்ரதத³ஶா:
ஸதை³வாரப்⁴யன்தே பரிசரிதனானாத்³விஜக³ணை: ॥29॥
சிராத்³த்³ருஶ்யா ஹம்ஸை: கத²மபி ஸதா³ ஹம்ஸஸுலப⁴ம்
நிரஸ்யன்தீ ஜாட்³யம் நியதஜட³மத்⁴யைகஶரணம் ।
அதோ³ஷவ்யாஸங்கா³ ஸததமபி தோ³ஷாப்திமலினம்
பயோஜம் காமாக்ஷ்யா: பரிஹஸதி பாதா³ப்³ஜயுக³லீ ॥3௦॥
ஸுராணாமானந்த³ப்ரப³லனதயா மண்ட³னதயா
நகே²ன்து³ஜ்யோத்ஸ்னாபி⁴ர்விஸ்ருமரதம:க²ண்ட³னதயா ।
பயோஜஶ்ரீத்³வேஷவ்ரதரததயா த்வச்சரணயோ:
விலாஸ: காமாக்ஷி ப்ரகடயதி நைஶாகரத³ஶாம் ॥31॥
ஸிதிம்னா கான்தீனாம் நக²ரஜனுஷாம் பாத³னலின-
ச்ச²வீனாம் ஶோணிம்னா தவ ஜனநி காமாக்ஷி நமனே ।
லப⁴ன்தே மன்தா³ரக்³ரதி²தனவப³ன்தூ⁴ககுஸும-
ஸ்ரஜாம் ஸாமீசீன்யம் ஸுரபுரபுரன்த்⁴ரீகசப⁴ரா: ॥32॥
ஸ்பு²ரன்மத்⁴யே ஶுத்³தே⁴ நக²கிரணது³க்³தா⁴ப்³தி⁴பயஸாம்
வஹன்னப்³ஜம் சக்ரம் த³ரமபி ச லேகா²த்மகதயா ।
ஶ்ரிதோ மாத்ஸ்யம் ரூபம் ஶ்ரியமபி த³தா⁴னோ நிருபமாம்
த்ரிதா⁴மா காமாக்ஷ்யா: பத³னலினநாமா விஜயதே ॥33॥
நக²ஶ்ரீஸன்னத்³த⁴ஸ்தப³கனிசித: ஸ்வைஶ்ச கிரணை:
பிஶங்கை³: காமாக்ஷி ப்ரகடிதலஸத்பல்லவருசி: ।
ஸதாம் க³ம்ய: ஶங்கே ஸகலப²லதா³தா ஸுரதரு:
த்வதீ³ய: பாதோ³யம் துஹினகி³ரிராஜன்யதனயே ॥34॥
வஷட்குர்வன்மாஞ்ஜீரகலகலை: கர்மலஹரீ-
ஹவீம்ஷி ப்ரௌத்³த³ண்ட³ம் ஜ்வலதி பரமஜ்ஞானத³ஹனே ।
மஹீயான்காமாக்ஷி ஸ்பு²டமஹஸி ஜோஹோதி ஸுதி⁴யாம்
மனோவேத்³யாம் மாதஸ்தவ சரணயஜ்வா கி³ரிஸுதே ॥35॥
மஹாமன்த்ரம் கிஞ்சின்மணிகடகனாதை³ர்ம்ருது³ ஜபன்
க்ஷிபன்தி³க்ஷு ஸ்வச்ச²ம் நக²ருசிமயம் பா⁴ஸ்மனரஜ: ।
நதானாம் காமாக்ஷி ப்ரக்ருதிபடுரச்சாட்ய மமதா-
பிஶாசீம் பாதோ³யம் ப்ரகடயதி தே மான்த்ரிகத³ஶாம் ॥36॥
உதீ³தே போ³தே⁴ன்தௌ³ தமஸி நிதராம் ஜக்³முஷி த³ஶாம்
த³ரித்³ராம் காமாக்ஷி ப்ரகடமனுராக³ம் வித³த⁴தீ ।
ஸிதேனாச்சா²த்³யாங்க³ம் நக²ருசிபடேனாங்க்⁴ரியுக³லீ-
புரன்த்⁴ரீ தே மாத: ஸ்வயமபி⁴ஸரத்யேவ ஹ்ருத³யம் ॥37॥
தி³னாரம்ப:⁴ ஸம்பன்னலினவிபினானாமபி⁴னவோ
விகாஸோ வாஸன்த: ஸுகவிபிகலோகஸ்ய நியத: ।
ப்ரதோ³ஷ: காமாக்ஷி ப்ரகடபரமஜ்ஞானஶஶின-
ஶ்சகாஸ்தி த்வத்பாத³ஸ்மரணமஹிமா ஶைலதனயே ॥38॥
த்⁴ருதச்சா²யம் நித்யம் ஸரஸிருஹமைத்ரீபரிசிதம்
நிதா⁴னம் தீ³ப்தீனாம் நிகி²லஜக³தாம் போ³தஜ⁴னகம் ।
முமுக்ஷூணாம் மார்க³ப்ரத²னபடு காமாக்ஷி பத³வீம்
பத³ம் தே பாதங்கீ³ம் பரிகலயதே பர்வதஸுதே ॥39॥
ஶனைஸ்தீர்த்வா மோஹாம்பு³தி⁴மத² ஸமாரோடு⁴மனஸ:
க்ரமாத்கைவல்யாக்²யாம் ஸுக்ருதிஸுலபா⁴ம் ஸௌத⁴வலபீ⁴ம் ।
லப⁴ன்தே நி:ஶ்ரேணீமிவ ஜ²டிதி காமாக்ஷி சரணம்
புரஶ்சர்யாபி⁴ஸ்தே புரமத²னஸீமன்தினி ஜனா: ॥4௦॥
ப்ரசண்டா³ர்திக்ஷோப⁴ப்ரமத²னக்ருதே ப்ராதிப⁴ஸரி-
த்ப்ரவாஹப்ரோத்³த³ண்டீ³கரணஜலதா³ய ப்ரணமதாம் ।
ப்ரதீ³பாய ப்ரௌடே⁴ ப⁴வதமஸி காமாக்ஷி சரண-
ப்ரஸாதௌ³ன்முக்²யாய ஸ்ப்ருஹயதி ஜனோயம் ஜனநி தே ॥41॥
மருத்³பி⁴: ஸம்ஸேவ்யா ஸததமபி சாஞ்சல்யரஹிதா
ஸதா³ருண்யம் யான்தீ பரிணதித³ரித்³ராணஸுஷமா ।
கு³ணோத்கர்ஷான்மாஞ்ஜீரககலகலைஸ்தர்ஜனபடு:
ப்ரவாலம் காமாக்ஷ்யா: பரிஹஸதி பாதா³ப்³ஜயுக³லீ ॥42॥
ஜக³த்³ரக்ஷாத³க்ஷா ஜலஜருசிஶிக்ஷாபடுதரா
ஸமைர்னம்யா ரம்யா ஸததமபி⁴க³ம்யா பு³தஜ⁴னை: ।
த்³வயீ லீலாலோலா ஶ்ருதிஷு ஸுரபாலாதி³முகுடீ-
தடீஸீமாதா⁴மா தவ ஜனநி காமாக்ஷி பத³யோ: ॥43॥
கி³ராம் தூ³ரௌ சோரௌ ஜடி³மதிமிராணாம் க்ருதஜக-³
த்பரித்ராணௌ ஶோணௌ முனிஹ்ருத³யலீலைகனிபுணௌ ।
நகை²: ஸ்மேரௌ ஸாரௌ நிக³மவசஸாம் க²ண்டி³தப⁴வ-
க்³ரஹோன்மாதௌ³ பாதௌ³ தவ ஜனநி காமாக்ஷி கலயே ॥44॥
அவிஶ்ரான்தம் பங்கம் யத³பி கலயன்யாவகமயம்
நிரஸ்யன்காமாக்ஷி ப்ரணமனஜுஷாம் பங்கமகி²லம் ।
துலாகோடித்³வன்த³ம் த³த⁴த³பி ச க³ச்ச²ன்னதுலதாம்
கி³ராம் மார்க³ம் பாதோ³ கி³ரிவரஸுதே லங்க⁴யதி தே ॥45॥
ப்ரவாலம் ஸவ்ரீலம் விபினவிவரே வேபயதி யா
ஸ்பு²ரல்லீலம் பா³லாதபமதி⁴கபா³லம் வத³தி யா ।
ருசிம் ஸான்த்⁴யாம் வன்த்⁴யாம் விரசயதி யா வர்த⁴யது ஸா
ஶிவம் மே காமாக்ஷ்யா: பத³னலினபாடல்யலஹரீ ॥46॥
கிரஞ்ஜ்யோத்ஸ்னாரீதிம் நக²முக²ருசா ஹம்ஸமனஸாம்
விதன்வான: ப்ரீதிம் விகசதருணாம்போ⁴ருஹருசி: ।
ப்ரகாஶ: ஶ்ரீபாத³ஸ்தவ ஜனநி காமாக்ஷி தனுதே
ஶரத்காலப்ரௌடி⁴ம் ஶஶிஶகலசூட³ப்ரியதமே ॥47॥
நகா²ங்கூரஸ்மேரத்³யுதிவிமலக³ங்கா³ம்ப⁴ஸி ஸுக²ம்
க்ருதஸ்னானம் ஜ்ஞானாம்ருதமமலமாஸ்வாத்³ய நியதம் ।
உத³ஞ்சன்மஞ்ஜீரஸ்பு²ரணமணிதீ³பே மம மனோ
மனோஜ்ஞே காமாக்ஷ்யாஶ்சரணமணிஹர்ம்யே விஹரதாம் ॥48॥
ப⁴வாம்போ⁴தௌ⁴ நௌகாம் ஜடி³மவிபினே பாவகஶிகா²-
மமர்த்யேன்த்³ராதீ³னாமதி⁴முகுடமுத்தம்ஸகலிகாம் ।
ஜக³த்தாபே ஜ்யோத்ஸ்னாமக்ருதகவச:பஞ்ஜரபுடே
ஶுகஸ்த்ரீம் காமாக்ஷ்யா மனஸி கலயே பாத³யுக³லீம் ॥49॥
பரத்மப்ராகாஶ்யப்ரதிப²லனசுஞ்சு: ப்ரணமதாம்
மனோஜ்ஞஸ்த்வத்பாதோ³ மணிமுகுரமுத்³ராம் கலயதே ।
யதீ³யாம் காமாக்ஷி ப்ரக்ருதிமஸ்ருணா: ஶோத⁴கத³ஶாம்
விதா⁴தும் சேஷ்ட²ன்தே ப³லரிபுவதூ⁴டீகசப⁴ரா: ॥5௦॥
அவிஶ்ரான்தம் திஷ்ட²ன்னக்ருதகவச:கன்த³ரபுடீ-
குடீரான்த: ப்ரௌட⁴ம் நக²ருசிஸடாலீம் ப்ரகடயன் ।
ப்ரசண்ட³ம் க²ண்ட³த்வம் நயது மம காமாக்ஷி தரஸா
தமோவேதண்டே³ன்த்³ரம் தவ சரணகண்டீ²ரவபதி: ॥51॥
புரஸ்தாத்காமாக்ஷி ப்ரசுரரஸமாக²ண்ட³லபுரீ-
புரன்த்⁴ரீணாம் லாஸ்யம் தவ லலிதமாலோக்ய ஶனகை: ।
நக²ஶ்ரீபி⁴: ஸ்மேரா ப³ஹு விதனுதே நூபுரரவை-
ஶ்சமத்க்ருத்யா ஶங்கே சரணயுக³லீ சாடுரசனா: ॥52॥
ஸரோஜம் நின்த³ன்தீ நக²கிரணகர்பூரஶிஶிரா
நிஷிக்தா மாராரேர்முகுடஶஶிரேகா²ஹிமஜலை: ।
ஸ்பு²ரன்தீ காமாக்ஷி ஸ்பு²டருசிமயே பல்லவசயே
தவாத⁴த்தே மைத்ரீம் பதி²கஸுத்³ருஶா பாத³யுக³லீ ॥53॥
நதானாம் ஸம்பத்தேரனவரதமாகர்ஷணஜப:
ப்ரரோஹத்ஸம்ஸாரப்ரஸரக³ரிமஸ்தம்ப⁴னஜப: ।
த்வதீ³ய: காமாக்ஷி ஸ்மரஹரமனோமோஹனஜப:
படீயான்ன: பாயாத்பத³னலினமஞ்ஜீரனினத:³ ॥54॥
விதன்வீதா² நாதே² மம ஶிரஸி காமாக்ஷி க்ருபயா
பதா³ம்போ⁴ஜன்யாஸம் பஶுபரிப்³ருட⁴ப்ராணத³யிதே ।
பிப³ன்தோ யன்முத்³ராம் ப்ரகடமுபகம்பாபரிஸரம்
த்³ருஶா நானந்த்³யன்தே நலினப⁴வனாராயணமுகா²: ॥55॥
ப்ரணாமோத்³யத்³ப்³ருன்தா³ரமுகுடமன்தா³ரகலிகா-
விலோலல்லோலம்ப³ப்ரகரமயதூ⁴மப்ரசுரிமா ।
ப்ரதீ³ப்த: பாதா³ப்³ஜத்³யுதிவிததிபாடல்யலஹரீ-
க்ருஶானு: காமாக்ஷ்யா மம த³ஹது ஸம்ஸாரவிபினம் ॥56॥
வலக்ஷஶ்ரீர்ருக்ஷாதி⁴பஶிஶுஸத்³ருக்ஷைஸ்தவ நகை²:
ஜிக்⁴ருக்ஷுர்த³க்ஷத்வம் ஸரஸிருஹபி⁴க்ஷுத்வகரணே ।
க்ஷணான்மே காமாக்ஷி க்ஷபிதப⁴வஸங்க்ஷோப⁴க³ரிமா
வசோவைசக்ஷன்யம் சரணயுக³லீ பக்ஷ்மலயதாத் ॥57॥
ஸமன்தாத்காமாக்ஷி க்ஷததிமிரஸன்தானஸுப⁴கா³ன்
அனந்தாபி⁴ர்பா⁴பி⁴ர்தி³னமனு தி³க³ன்தான்விரசயன் ।
அஹன்தாயா ஹன்தா மம ஜடி³மத³ன்தாவலஹரி:
விபி⁴ன்தாம் ஸன்தாபம் தவ சரணசின்தாமணிரஸௌ ॥58॥
த³தா⁴னோ பா⁴ஸ்வத்தாமம்ருதனிலயோ லோஹிதவபு:
வினம்ராணாம் ஸௌம்யோ கு³ருரபி கவித்வம் ச கலயன் ।
க³தௌ மன்தோ³ க³ங்கா³த⁴ரமஹிஷி காமாக்ஷி பஜ⁴தாம்
தம:கேதுர்மாதஸ்தவ சரணபத்³மோ விஜயதே ॥59॥
நயன்தீம் தா³ஸத்வம் நலினப⁴வமுக்²யானஸுலப-⁴
ப்ரதா³னாத்³தீ³னானாமமரதருதௌ³ர்பா⁴க்³யஜனநீம் ।
ஜகஜ³்ஜன்மக்ஷேமக்ஷயவிதி⁴ஷு காமாக்ஷி பத³யோ-
ர்து⁴ரீணாமீஷ்டே கரஸ்தவ ப⁴ணிதுமாஹோபுருஷிகாம் ॥6௦॥
ஜனோயம் ஸன்தப்தோ ஜனநி ப⁴வசண்டா³ம்ஶுகிரணை:
அலப்³த⁴வைகம் ஶீதம் கணமபி பரஜ்ஞானபயஸ: ।
தமோமார்கே³ பான்த²ஸ்தவ ஜ²டிதி காமாக்ஷி ஶிஶிராம்
பதா³ம்போ⁴ஜச்சா²யாம் பரமஶிவஜாயே ம்ருக³யதே ॥61॥
ஜயத்யம்ப³ ஶ்ரீமன்னக²கிரணசீனாம்ஶுகமயம்
விதானம் பி³ப்⁴ராணே ஸுரமுகுடஸங்க⁴ட்டமஸ்ருணே ।
நிஜாருண்யக்ஷௌமாஸ்தரணவதி காமாக்ஷி ஸுலபா⁴
பு³தை⁴: ஸம்வின்னாரீ தவ சரணமாணிக்யப⁴வனே ॥62॥
ப்ரதீம: காமாக்ஷி ஸ்பு²ரிததருணாதி³த்யகிரண-
ஶ்ரியோ மூலத்³ரவ்யம் தவ சரணமத்³ரீன்த்³ரதனயே ।
ஸுரேன்த்³ராஶாமாபூரயதி யத³ஸௌ த்⁴வான்தமகி²லம்
து⁴னீதே தி³க்³பா⁴கா³னபி ச மஹஸா பாடலயதே ॥63॥
மஹாபா⁴ஷ்யவ்யாக்²யாபடுஶயனமாரோபயதி வா
ஸ்மரவ்யாபாரேர்ஷ்யாபிஶுனநிடிலம் காரயதி வா ।
த்³விரேபா²ணாமத்⁴யாஸயதி ஸததம் வாதி⁴வஸதிம்
ப்ரணம்ரான்காமாக்ஷ்யா: பத³னலினமாஹாத்ம்யக³ரிமா ॥64॥
விவேகாம்ப⁴ஸ்ஸ்ரோதஸ்ஸ்னபனபரிபாடீஶிஶிரிதே
ஸமீபூ⁴தே ஶாஸ்த்ரஸ்மரணஹலஸங்கர்ஷணவஶாத் ।
ஸதாம் சேத:க்ஷேத்ரே வபதி தவ காமாக்ஷி சரணோ
மஹாஸம்வித்ஸஸ்யப்ரகரவரபீ³ஜம் கி³ரிஸுதே ॥65॥
த³தா⁴னோ மன்தா³ரஸ்தப³கபரிபாடீம் நக²ருசா
வஹன்தீ³ப்தாம் ஶோணாங்கு³லிபடலசாம்பேயகலிகாம் ।
அஶோகோல்லாஸம் ந: ப்ரசுரயது காமாக்ஷி சரணோ
விகாஸீ வாஸன்த: ஸமய இவ தே ஶர்வத³யிதே ॥66॥
நகா²ம்ஶுப்ராசுர்யப்ரஸ்ருமரமராலாலித⁴வல:
ஸ்பு²ரன்மஞ்ஜீரோத்³யன்மரகதமஹஶ்ஶைவலயுத: ।
ப⁴வத்யா: காமாக்ஷி ஸ்பு²டசரணபாடல்யகபடோ
நத:³ ஶோணாபி⁴க்²யோ நக³பதிதனூஜே விஜயதே ॥67॥
து⁴னானம் பங்கௌக⁴ம் பரமஸுலப⁴ம் கண்டககுலை:
விகாஸவ்யாஸங்க³ம் வித³த⁴த³பராதீ⁴னமனிஶம் ।
நகே²ன்து³ஜ்யோத்ஸ்னாபி⁴ர்விஶத³ருசி காமாக்ஷி நிதராம்
அஸாமான்யம் மன்யே ஸரஸிஜமித³ம் தே பத³யுக³ம் ॥68॥
கரீன்த்³ராய த்³ருஹ்யத்யலஸக³திலீலாஸு விமலை:
பயோஜைர்மாத்ஸர்யம் ப்ரகடயதி காமம் கலயதே ।
பதா³ம்போ⁴ஜத்³வன்த்³வம் தவ தத³பி காமாக்ஷி ஹ்ருத³யம்
முனீனாம் ஶான்தானாம் கத²மனிஶமஸ்மை ஸ்ப்ருஹயதே ॥69॥
நிரஸ்தா ஶோணிம்னா சரணகிரணானாம் தவ ஶிவே
ஸமின்தா⁴னா ஸன்த்⁴யாருசிரசலராஜன்யதனயே ।
அஸாமர்த்²யாதே³னம் பரிப⁴விதுமேதத்ஸமருசாம்
ஸரோஜானாம் ஜானே முகுலயதி ஶோபா⁴ம் ப்ரதிதி³னம் ॥7௦॥
உபாதி³க்ஷத்³தா³க்ஷ்யம் தவ சரணனாமா கு³ருரஸௌ
மராலானாம் ஶங்கே மஸ்ருணக³திலாலித்யஸரணௌ ।
அதஸ்தே நிஸ்தன்த்³ரம் நியதமமுனா ஸக்²யபத³வீம்
ப்ரபன்னம் பாதோ²ஜம் ப்ரதி த³த⁴தி காமாக்ஷி குதுகம் ॥71॥
த³தா⁴னை: ஸம்ஸர்க³ம் ப்ரக்ருதிமலினை: ஷட்பத³குலை:
த்³விஜாதீ⁴ஶஶ்லாகா⁴விதி⁴ஷு வித³த⁴த்³பி⁴ர்முகுலதாம் ।
ரஜோமிஶ்ரை: பத்³மைர்னியதமபி காமாக்ஷி பத³யோ:
விரோத⁴ஸ்தே யுக்தோ விஷமஶரவைரிப்ரியதமே ॥72॥
கவித்வஶ்ரீமிஶ்ரீகரணனிபுணௌ ரக்ஷணசணௌ
விபன்னானாம் ஶ்ரீமன்னலினமஸ்ருணௌ ஶோணகிரணௌ ।
முனீன்த்³ராணாமன்த:கரணஶரணௌ மன்த³ஸரணௌ
மனோஜ்ஞௌ காமாக்ஷ்யா து³ரிதஹரணௌ நௌமி சரணௌ ॥73॥
பரஸ்மாத்ஸர்வஸ்மாத³பி ச பரயோர்முக்திகரயோ:
நக²ஶ்ரீபி⁴ர்ஜ்யோத்ஸ்னாகலிததுலயோஸ்தாம்ரதலயோ: ।
நிலீயே காமாக்ஷ்யா நிக³மனுதயோர்னாகினதயோ:
நிரஸ்தப்ரோன்மீலன்னலினமத³யோரேவ பத³யோ: ॥74॥
ஸ்வபா⁴வாத³ன்யோன்யம் கிஸலயமபீத³ம் தவ பத³ம்
ம்ரதி³ம்னா ஶோணிம்னா ப⁴க³வதி த³தா⁴தே ஸத்³ருஶதாம் ।
வனே பூர்வஸ்யேச்சா² ஸததமவனே கிம் து ஜக³தாம்
பரஸ்யேத்த²ம் பே⁴த:³ ஸ்பு²ரதி ஹ்ருதி³ காமாக்ஷி ஸுதி⁴யாம் ॥75॥
கத²ம் வாசாலோபி ப்ரகடமணிமஞ்ஜீரனினதை³:
ஸதை³வானந்தா³ர்த்³ரான்விரசயதி வாசம்யமஜனான் ।
ப்ரக்ருத்யா தே ஶோணச்ச²விரபி ச காமாக்ஷி சரணோ
மனீஷானைர்மல்யம் கத²மிவ ந்ருணாம் மாம்ஸலயதே ॥76॥
சலத்த்ருஷ்ணாவீசீபரிசலனபர்யாகுலதயா
முஹுர்ப்⁴ரான்தஸ்தான்த: பரமஶிவவாமாக்ஷி பரவான் ।
திதீர்ஷு: காமாக்ஷி ப்ரசுரதரகர்மாம்பு³தி⁴மமும்
கதா³ஹம் லப்ஸ்யே தே சரணமணிஸேதும் கி³ரிஸுதே ॥77॥
விஶுஷ்யன்த்யாம் ப்ரஜ்ஞாஸரிதி து³ரிதக்³ரீஷ்மஸமய-
ப்ரபா⁴வேண க்ஷீணே ஸதி மம மன:கேகினி ஶுசா ।
த்வதீ³ய: காமாக்ஷி ஸ்பு²ரிதசரணாம்போ⁴த³மஹிமா
நபோ⁴மாஸாடோபம் நக³பதிஸுதே கிம் ந குருதே ॥78॥
வினம்ராணாம் சேதோப⁴வனவலபீ⁴ஸீம்னி சரண-
ப்ரதீ³பே ப்ராகாஶ்யம் த³த⁴தி தவ நிர்தூ⁴ததமஸி ।
அஸீமா காமாக்ஷி ஸ்வயமலகு⁴து³ஷ்கர்மலஹரீ
விகூ⁴ர்ணன்தீ ஶான்திம் ஶலப⁴பரிபாடீவ பஜ⁴தே ॥79॥
விராஜன்தீ ஶுக்திர்னக²கிரணமுக்தாமணிததே:
விபத்பாதோ²ராஶௌ தரிரபி நராணாம் ப்ரணமதாம் ।
த்வதீ³ய: காமாக்ஷி த்⁴ருவமலகு⁴வஹ்னிர்ப⁴வவனே
முனீனாம் ஜ்ஞானாக்³னேரரணிரயமங்கி⁴ர்விஜயதே ॥8௦॥
ஸமஸ்தை: ஸம்ஸேவ்ய: ஸததமபி காமாக்ஷி விபு³தை⁴:
ஸ்துதோ க³ன்த⁴ர்வஸ்த்ரீஸுலலிதவிபஞ்சீகலரவை: ।
ப⁴வத்யா பி⁴ன்தா³னோ ப⁴வகி³ரிகுலம் ஜ்ரும்பி⁴ததமோ-
ப³லத்³ரோஹீ மாதஶ்சரணபுருஹூதோ விஜயதே ॥81॥
வஸன்தம் ப⁴க்தானாமபி மனஸி நித்யம் பரிலஸத்³-
க⁴னச்சா²யாபூர்ணம் ஶுசிமபி ந்ருணாம் தாபஶமனம் ।
நகே²ன்து³ஜ்யோத்ஸ்னாபி⁴: ஶிஶிரமபி பத்³மோத³யகரம்
நமாம: காமாக்ஷ்யாஶ்சரணமதி⁴காஶ்சர்யகரணம் ॥82॥
கவீன்த்³ராணாம் நானாப⁴ணிதிகு³ணசித்ரீக்ருதவச:-
ப்ரபஞ்சவ்யாபாரப்ரகடனகலாகௌஶலனிதி⁴: ।
அத:⁴குர்வன்னப்³ஜம் ஸனகப்⁴ருகு³முக்²யைர்முனிஜனை:
நமஸ்ய: காமாக்ஷ்யாஶ்சரணபரமேஷ்டீ² விஜயதே ॥83॥
ப⁴வத்யா: காமாக்ஷி ஸ்பு²ரிதபத³பங்கேருஹபு⁴வாம்
பராகா³ணாம் பூரை: பரிஹ்ருதகலங்கவ்யதிகரை: ।
நதானாமாம்ருஷ்டே ஹ்ருத³யமுகுரே நிர்மலருசி
ப்ரஸன்னே நிஶ்ஶேஷம் ப்ரதிப²லதி விஶ்வம் கி³ரிஸுதே ॥84॥
தவ த்ரஸ்தம் பாதா³த்கிஸலயமரண்யான்தரமகா³த்
பரம் ரேகா²ரூபம் கமலமமுமேவாஶ்ரிதமபூ⁴த் ।
ஜிதானாம் காமாக்ஷி த்³விதயமபி யுக்தம் பரிப⁴வே
விதே³ஶே வாஸோ வா ஶரணக³மனம் வா நிஜரிபோ: ॥85॥
க்³ருஹீத்வா யாதா²ர்த்²யம் நிக³மவசஸாம் தே³ஶிகக்ருபா-
கடாக்ஷர்கஜ்யோதிஶ்ஶமிதமமதாப³ன்த⁴தமஸ: ।
யதன்தே காமாக்ஷி ப்ரதிதி³வஸமன்தர்த்³ரட⁴யிதும்
த்வதீ³யம் பாதா³ப்³ஜம் ஸுக்ருதபரிபாகேன ஸுஜனா: ॥86॥
ஜடா³னாமப்யம்ப³ ஸ்மரணஸமயே தவச்சரணயோ:
ப்⁴ரமன்மன்த²க்ஷ்மாப்⁴ருத்³து⁴முகு⁴மிதஸின்து⁴ப்ரதிப⁴டா: ।
ப்ரஸன்னா: காமாக்ஷி ப்ரஸப⁴மத⁴ரஸ்பன்த³னகரா
ப⁴வன்தி ஸ்வச்ச²ன்த³ம் ப்ரக்ருதிபரிபக்கா ப⁴ணிதய: ॥87॥
வஹன்னப்யஶ்ரான்தம் மது⁴ரனினத³ம் ஹம்ஸகமஸௌ
தமேவாத:⁴ கர்தும் கிமிவ யததே கேலிக³மனே ।
ப⁴வஸ்யைவானந்த³ம் வித³த⁴த³பி காமாக்ஷி சரணோ
ப⁴வத்யாஸ்தத்³த்³ரோஹம் ப⁴க³வதி கிமேவம் விதனுதே ॥88॥
யத³த்யன்தம் தாம்யத்யலஸக³திவார்தாஸ்வபி ஶிவே
ததே³தத்காமாக்ஷி ப்ரக்ருதிம்ருது³லம் தே பத³யுக³ம் ।
கிரீடை: ஸங்க⁴ட்டம் கத²மிவ ஸுரௌக⁴ஸ்ய ஸஹதே
முனீன்த்³ராணாமாஸ்தே மனஸி ச கத²ம் ஸூசினிஶிதே ॥89॥
மனோரங்கே³ மத்கே விபு³தஜ⁴னஸம்மோதஜ³னநீ
ஸராக³வ்யாஸங்க³ம் ஸரஸம்ருது³ஸஞ்சாரஸுப⁴கா³ ।
மனோஜ்ஞா காமாக்ஷி ப்ரகடயது லாஸ்யப்ரகரணம்
ரணன்மஞ்ஜீரா தே சரணயுக³லீனர்தகவதூ⁴: ॥9௦॥
பரிஷ்குர்வன்மாத: பஶுபதிகபர்த³ம் சரணராட்
பராசாம் ஹ்ருத்பத்³மம் பரமப⁴ணிதீனாம் ச மகுடம் ।
ப⁴வாக்²யே பாதோ²தௌ⁴ பரிஹரது காமாக்ஷி மமதா-
பராதீ⁴னத்வம் மே பரிமுஷிதபாதோ²ஜமஹிமா ॥91॥
ப்ரஸூனை: ஸம்பர்காத³மரதருணீகுன்தலப⁴வை:
அபீ⁴ஷ்டானாம் தா³னாத³னிஶமபி காமாக்ஷி நமதாம் ।
ஸ்வஸங்கா³த்கங்கேலிப்ரஸவஜனகத்வேன ச ஶிவே
த்ரிதா⁴ த⁴த்தே வார்தாம் ஸுரபி⁴ரிதி பாதோ³ கி³ரிஸுதே ॥92॥
மஹாமோஹஸ்தேனவ்யதிகரப⁴யாத்பாலயதி யோ
வினிக்ஷிப்தம் ஸ்வஸ்மின்னிஜஜனமனோரத்னமனிஶம் ।
ஸ ராக³ஸ்யோத்³ரேகாத்ஸததமபி காமாக்ஷி தரஸா
கிமேவம் பாதோ³ஸௌ கிஸலயருசிம் சோரயதி தே ॥93॥
ஸதா³ ஸ்வாது³ங்காரம் விஷயலஹரீஶாலிகணிகாம்
ஸமாஸ்வாத்³ய ஶ்ரான்தம் ஹ்ருத³யஶுகபோதம் ஜனநி மே ।
க்ருபாஜாலே பா²லேக்ஷணமஹிஷி காமாக்ஷி ரப⁴ஸாத்
க்³ருஹீத்வா ருன்தீ⁴தா²ரஸ்தவ பத³யுகீ³பஞ்ஜரபுடே ॥94॥
து⁴னானம் காமாக்ஷி ஸ்மரணலவமாத்ரேண ஜடி³ம-
ஜ்வரப்ரௌடி⁴ம் கூ³ட⁴ஸ்தி²தி நிக³மனைகுஞ்ஜகுஹரே ।
அலப்⁴யம் ஸர்வேஷாம் கதிசன லப⁴ன்தே ஸுக்ருதின:
சிராத³ன்விஷ்யன்தஸ்தவ சரணஸித்³தௌ⁴ஷத⁴மித³ம் ॥95॥
ரணன்மஞ்ஜீராப்⁴யாம் லலிதக³மனாப்⁴யாம் ஸுக்ருதினாம்
மனோவாஸ்தவ்யாப்⁴யாம் மதி²ததிமிராப்⁴யாம் நக²ருசா ।
நிதே⁴யாப்⁴யாம் பத்யா நிஜஶிரஸி காமாக்ஷி ஸததம்
நமஸ்தே பாதா³ப்⁴யாம் நலினம்ருது³லாப்⁴யாம் கி³ரிஸுதே ॥96॥
ஸுராகே³ ராகேன்து³ப்ரதினிதி⁴முகே² பர்வதஸுதே
சிரால்லப்⁴யே ப⁴க்த்யா ஶமத⁴னஜனானாம் பரிஷதா³ ।
மனோப்⁴ருங்கோ³ மத்க: பத³கமலயுக்³மே ஜனநி தே
ப்ரகாமம் காமாக்ஷி த்ரிபுரஹரவாமாக்ஷி ரமதாம் ॥97॥
ஶிவே ஸம்வித்³ரூபே ஶஶிஶகலசூட³ப்ரியதமே
ஶனைர்க³த்யாக³த்யா ஜிதஸுரவரேபே⁴ கி³ரிஸுதே ।
யதன்தே ஸன்தஸ்தே சரணனலினாலானயுக³லே
ஸதா³ ப³த்³த⁴ம் சித்தப்ரமத³கரியூத²ம் த்³ருட⁴தரம் ॥98॥
யஶ: ஸூதே மாதர்மது⁴ரகவிதாம் பக்ஷ்மலயதே
ஶ்ரியம் த³த்தே சித்தே கமபி பரிபாகம் ப்ரத²யதே ।
ஸதாம் பாஶக்³ரன்தி²ம் ஶிதி²லயதி கிம் கிம் ந குருதே
ப்ரபன்னே காமாக்ஷ்யா: ப்ரணதிபரிபாடீ சரணயோ: ॥99॥
மனீஷாம் மாஹேன்த்³ரீம் ககுப⁴மிவ தே காமபி த³ஶாம்
ப்ரத⁴த்தே காமாக்ஷ்யாஶ்சரணதருணாதி³த்யகிரண: ।
யதீ³யே ஸம்பர்கே த்⁴ருதரஸமரன்தா³ கவயதாம்
பரீபாகம் த⁴த்தே பரிமலவதீ ஸூக்தினலினீ ॥1௦௦॥
புரா மாராராதி: புரமஜயத³ம்ப³ ஸ்தவஶதை:
ப்ரஸன்னாயாம் ஸத்யாம் த்வயி துஹினஶைலேன்த்³ரதனயே ।
அதஸ்தே காமாக்ஷி ஸ்பு²ரது தரஸா காலஸமயே
ஸமாயாதே மாதர்மம மனஸி பாதா³ப்³ஜயுக³லம் ॥1௦1॥
பத³த்³வன்த்³வம் மன்த³ம் க³திஷு நிவஸன்தம் ஹ்ருதி³ ஸதாம்
கி³ராமன்தே ப்⁴ரான்தம் க்ருதகரஹிதானாம் பரிப்³ருடே⁴ ।
ஜனானாமானந்த³ம் ஜனநி ஜனயன்தம் ப்ரணமதாம்
த்வதீ³யம் காமாக்ஷி ப்ரதிதி³னமஹம் நௌமி விமலம் ॥1௦2॥
இத³ம் ய: காமாக்ஷ்யாஶ்சரணனலினஸ்தோத்ரஶதகம்
ஜபேன்னித்யம் ப⁴க்த்யா நிகி²லஜக³தா³ஹ்லாதஜ³னகம் ।
ஸ விஶ்வேஷாம் வன்த்³ய: ஸகலகவிலோகைகதிலக:
சிரம் பு⁴க்த்வா போ⁴கா³ன்பரிணமதி சித்³ரூபகலயா ॥1௦3॥
॥ இதி பாதா³ரவின்த³ஶதகம் ஸம்பூர்ணம் ॥
