View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

মন্যু সূক্তম্

ঋগ্বেদ সংহিতা; মংডলং 10; সূক্তং 83,84

যস্তে᳚ ম॒ন্যোঽবি॑ধদ্ বজ্র সাযক॒ সহ॒ ওজঃ॑ পুষ্যতি॒ বিশ্ব॑মানু॒ষক্ ।
সা॒হ্যাম॒ দাস॒মার্যং॒ ত্বযা᳚ যু॒জা সহ॑স্কৃতেন॒ সহ॑সা॒ সহ॑স্বতা ॥ 1 ॥

ম॒ন্যুরিংদ্রো᳚ ম॒ন্যুরে॒বাস॑ দে॒বো ম॒ন্যুর্ হোতা॒ বরু॑ণো জা॒তবে᳚দাঃ ।
ম॒ন্যুং-বিঁশ॑ ঈলতে॒ মানু॑ষী॒র্যাঃ পা॒হি নো᳚ মন্যো॒ তপ॑সা স॒জোষাঃ᳚ ॥ 2 ॥

অ॒ভী᳚হি মন্যো ত॒বস॒স্তবী᳚যা॒ন্ তপ॑সা যু॒জা বি জ॑হি শত্রূ᳚ন্ ।
অ॒মি॒ত্র॒হা বৃ॑ত্র॒হা দ॑স্যু॒হা চ॒ বিশ্বা॒ বসূ॒ন্যা ভ॑রা॒ ত্বং নঃ॑ ॥ 3 ॥

ত্বং হি ম᳚ন্যো অ॒ভিভূ᳚ত্যোজাঃ স্বযং॒ভূর্ভামো᳚ অভিমাতিষা॒হঃ ।
বি॒শ্বচ॑র্-ষণিঃ॒ সহু॑রিঃ॒ সহা᳚বান॒স্মাস্বোজঃ॒ পৃত॑নাসু ধেহি ॥ 4 ॥

অ॒ভা॒গঃ সন্নপ॒ পরে᳚তো অস্মি॒ তব॒ ক্রত্বা᳚ তবি॒ষস্য॑ প্রচেতঃ ।
তং ত্বা᳚ মন্যো অক্র॒তুর্জি॑হীলা॒হং স্বাত॒নূর্ব॑ল॒দেযা᳚য॒ মেহি॑ ॥ 5 ॥

অ॒যং তে᳚ অ॒স্ম্যুপ॒ মেহ্য॒র্বাঙ্ প্র॑তীচী॒নঃ স॑হুরে বিশ্বধাযঃ ।
মন্যো᳚ বজ্রিন্ন॒ভি মামা ব॑বৃত্স্বহনা᳚ব॒ দস্যূ᳚ন্ ঋ॒ত বো᳚ধ্যা॒পেঃ ॥ 6 ॥

অ॒ভি প্রেহি॑ দক্ষিণ॒তো ভ॑বা॒ মেঽধা᳚ বৃ॒ত্রাণি॑ জংঘনাব॒ ভূরি॑ ।
জু॒হোমি॑ তে ধ॒রুণং॒ মধ্বো॒ অগ্র॑মুভা উ॑পাং॒শু প্র॑থ॒মা পি॑বাব ॥ 7 ॥

ত্বযা᳚ মন্যো স॒রথ॑মারু॒জংতো॒ হর্​ষ॑মাণাসো ধৃষি॒তা ম॑রুত্বঃ ।
তি॒গ্মেষ॑ব॒ আযু॑ধা সং॒শিশা᳚না অ॒ভি প্রযং᳚তু॒ নরো᳚ অ॒গ্নিরূ᳚পাঃ ॥ 8 ॥

অ॒গ্নিরি॑ব মন্যো ত্বিষি॒তঃ স॑হস্ব সেনা॒নীর্নঃ॑ সহুরে হূ॒ত এ᳚ধি ।
হ॒ত্বায॒ শত্রূ॒ন্ বি ভ॑জস্ব॒ বেদ॒ ওজো॒ মিমা᳚নো॒ বিমৃধো᳚ নুদস্ব ॥ 9 ॥

সহ॑স্ব মন্যো অ॒ভিমা᳚তিম॒স্মে রু॒জন্ মৃ॒ণন্ প্র॑মৃ॒ণন্ প্রেহি॒ শত্রূ᳚ন্ ।
উ॒গ্রং তে॒ পাজো᳚ ন॒ন্বা রু॑রুধ্রে ব॒শী বশং᳚ নযস একজ॒ ত্বম্ ॥ 10 ॥

একো᳚ বহূ॒নাম॑সি মন্যবীলি॒তো বিশং᳚​বিঁশং-যুঁ॒ধযে॒ সং শি॑শাধি ।
অকৃ॑ত্তরু॒ক্ ত্বযা᳚ যু॒জা ব॒যং দ্যু॒মংতং॒ ঘোষং᳚-বিঁজ॒যায॑ কৃণ্মহে ॥ 11 ॥

বি॒জে॒ষ॒কৃদিংদ্র॑ ইবানবব্র॒বো॒(ও)3॑ঽস্মাকং᳚ মন্যো অধি॒পা ভ॑বে॒হ ।
প্রি॒যং তে॒ নাম॑ সহুরে গৃণীমসি বি॒দ্মাতমুত্সং॒-যঁত॑ আব॒ভূথ॑ ॥ 12 ॥

আভূ᳚ত্যা সহ॒জা ব॑জ্র সাযক॒ সহো᳚ বিভর্​ষ্যভিভূত॒ উত্ত॑রম্ ।
ক্রত্বা᳚ নো মন্যো স॒হমে॒দ্যে᳚ধি মহাধ॒নস্য॑ পুরুহূত সং॒সৃজি॑ ॥ 13 ॥

সংসৃ॑ষ্টং॒ ধন॑মু॒ভযং᳚ স॒মাকৃ॑তম॒স্মভ্যং᳚ দত্তাং॒-বঁরু॑ণশ্চ ম॒ন্যুঃ ।
ভিযং॒ দধা᳚না॒ হৃদ॑যেষু॒ শত্র॑বঃ॒ পরা᳚জিতাসো॒ অপ॒ নিল॑যংতাম্ ॥ 14 ॥

ধন্ব॑না॒গাধন্ব॑ না॒জিংজ॑যেম॒ ধন্ব॑না তী॒ব্রাঃ স॒মদো᳚ জযেম ।
ধনুঃ শত্রো᳚রপকা॒মং কৃ॑ণোতি॒ ধন্ব॑ না॒সর্বাঃ᳚ প্র॒দিশো᳚ জযেম ॥

ভ॒দ্রং নো॒ অপি॑ বাতয॒ মনঃ॑ ॥

ওং শাংতা॑ পৃথিবী শি॑বমং॒তরিক্ষং॒ দ্যৌর্নো᳚ দে॒ব্যঽভ॑যন্নো অস্তু ।
শি॒বা॒ দিশঃ॑ প্র॒দিশ॑ উ॒দ্দিশো᳚ ন॒ঽআপো᳚ বি॒শ্বতঃ॒ পরি॑পাংতু স॒র্বতঃ॒ শাংতিঃ॒ শাংতিঃ॒ শাংতিঃ॑ ॥




Browse Related Categories: