ಬ್ರಹ್ಮಮುರಾರಿ ಸುರಾರ್ಚಿತ ಲಿಙ್ಗಂ
ನಿರ್ಮಲಭಾಸಿತ ಶೋಭಿತ ಲಿಙ್ಗಮ್ ।
ಜನ್ಮಜ ದುಃಖ ವಿನಾಶಕ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 1 ॥
ದೇವಮುನಿ ಪ್ರವರಾರ್ಚಿತ ಲಿಙ್ಗಂ
ಕಾಮದಹನ ಕರುಣಾಕರ ಲಿಙ್ಗಮ್ ।
ರಾವಣ ದರ್ಪ ವಿನಾಶನ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 2 ॥
ಸರ್ವ ಸುಗನ್ಧ ಸುಲೇಪಿತ ಲಿಙ್ಗಂ
ಬುದ್ಧಿ ವಿವರ್ಧನ ಕಾರಣ ಲಿಙ್ಗಮ್ ।
ಸಿದ್ಧ ಸುರಾಸುರ ವನ್ದಿತ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 3 ॥
ಕನಕ ಮಹಾಮಣಿ ಭೂಷಿತ ಲಿಙ್ಗಂ
ಫಣಿಪತಿ ವೇಷ್ಟಿತ ಶೋಭಿತ ಲಿಙ್ಗಮ್ ।
ದಕ್ಷಸುಯಜ್ಞ ವಿನಾಶನ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 4 ॥
ಕುಙ್ಕುಮ ಚನ್ದನ ಲೇಪಿತ ಲಿಙ್ಗಂ
ಪಙ್ಕಜ ಹಾರ ಸುಶೋಭಿತ ಲಿಙ್ಗಮ್ ।
ಸಞ್ಚಿತ ಪಾಪ ವಿನಾಶನ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 5 ॥
ದೇವಗಣಾರ್ಚಿತ ಸೇವಿತ ಲಿಙ್ಗಂ
ಭಾವೈ-ರ್ಭಕ್ತಿಭಿರೇವ ಚ ಲಿಙ್ಗಮ್ ।
ದಿನಕರ ಕೋಟಿ ಪ್ರಭಾಕರ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 6 ॥
ಅಷ್ಟದಳೋಪರಿವೇಷ್ಟಿತ ಲಿಙ್ಗಂ
ಸರ್ವಸಮುದ್ಭವ ಕಾರಣ ಲಿಙ್ಗಮ್ ।
ಅಷ್ಟದರಿದ್ರ ವಿನಾಶನ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 7 ॥
ಸುರಗುರು ಸುರವರ ಪೂಜಿತ ಲಿಙ್ಗಂ
ಸುರವನ ಪುಷ್ಪ ಸದಾರ್ಚಿತ ಲಿಙ್ಗಮ್ ।
ಪರಾತ್ಪರಂ (ಪರಮಪದಂ) ಪರಮಾತ್ಮಕ ಲಿಙ್ಗಂ
ತತ್ಪ್ರಣಮಾಮಿ ಸದಾಶಿವ ಲಿಙ್ಗಮ್ ॥ 8 ॥
ಲಿಙ್ಗಾಷ್ಟಕಮಿದಂ ಪುಣ್ಯಂ ಯಃ ಪಠೇಶ್ಶಿವ ಸನ್ನಿಧೌ ।
ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ॥