PDF, Large PDF, Multimedia, Meaning
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali |
This stotram is in శుద్ధ తెలుగు. View this in సరళ తెలుగు, with simplified anuswaras for easy reading.

కనక ధారా స్తోత్రమ్


వన్దే వన్దారు మన్దారమిన్దిరానన్ద కన్దలం
అమన్దానన్ద సన్దోహ బన్ధురం సిన్ధురాననమ్

అఙ్గం హరేః పులకభూషణమాశ్రయన్తీ
భృఙ్గాఙ్గనేవ ముకుళాభరణం తమాలమ్ |
అఙ్గీకృతాఖిల విభూతిరపాఙ్గలీలా
మాఙ్గల్యదాస్తు మమ మఙ్గళదేవతాయాః ‖ 1 ‖

ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని |
మాలాదృశోర్మధుకరీవ మహోత్పలే యా
సా మే శ్రియం దిశతు సాగర సమ్భవా యాః ‖ 2 ‖

ఆమీలితాక్షమధిగ్యమ ముదా ముకున్దమ్
ఆనన్దకన్దమనిమేషమనఙ్గ తన్త్రం |
ఆకేకరస్థితకనీనికపక్ష్మనేత్రం
భూత్యై భవన్మమ భుజఙ్గ శయాఙ్గనా యాః ‖ 3 ‖

బాహ్వన్తరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతోఽపి కటాక్షమాలా
కళ్యాణమావహతు మే కమలాలయా యాః ‖ 4 ‖

కాలామ్బుదాళి లలితోరసి కైటభారేః
ధారాధరే స్ఫురతి యా తటిదఙ్గనేవ |
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనన్దనా యాః ‖ 5 ‖

ప్రాప్తం పదం ప్రథమతః ఖలు యత్ప్రభావాత్
మాఙ్గల్యభాజి మధుమాథిని మన్మథేన |
మయ్యాపతేత్తదిహ మన్థరమీక్షణార్థం
మన్దాలసం చ మకరాలయ కన్యకా యాః ‖ 6 ‖

విశ్వామరేన్ద్ర పద విభ్రమ దానదక్షమ్
ఆనన్దహేతురధికం మురవిద్విషోఽపి |
ఈషన్నిషీదతు మయి క్షణమీక్షణార్థం
ఇన్దీవరోదర సహోదరమిన్దిరా యాః ‖ 7 ‖

ఇష్టా విశిష్టమతయోపి యయా దయార్ద్ర
దృష్ట్యా త్రివిష్టపపదం సులభం లభన్తే |
దృష్టిః ప్రహృష్ట కమలోదర దీప్తిరిష్టాం
పుష్టిం కృషీష్ట మమ పుష్కర విష్టరా యాః ‖ 8 ‖

దద్యాద్దయాను పవనో ద్రవిణామ్బుధారాం
అస్మిన్నకిఞ్చన విహఙ్గ శిశౌ విషణ్ణే |
దుష్కర్మఘర్మమపనీయ చిరాయ దూరం
నారాయణ ప్రణయినీ నయనామ్బువాహః ‖ 9 ‖

గీర్దేవతేతి గరుడధ్వజ సున్దరీతి
శాకమ్బరీతి శశిశేఖర వల్లభేతి |
సృష్టి స్థితి ప్రళయ కేళిషు సంస్థితాయై
తస్యై నమస్త్రిభువనైక గురోస్తరుణ్యై ‖ 10 ‖

శ్రుత్యై నమోఽస్తు శుభకర్మ ఫలప్రసూత్యై
రత్యై నమోఽస్తు రమణీయ గుణార్ణవాయై |
శక్త్యై నమోఽస్తు శతపత్ర నికేతనాయై
పుష్ట్యై నమోఽస్తు పురుషోత్తమ వల్లభాయై ‖ 11 ‖

నమోఽస్తు నాళీక నిభాననాయై
నమోఽస్తు దుగ్ధోదధి జన్మభూమ్యై |
నమోఽస్తు సోమామృత సోదరాయై
నమోఽస్తు నారాయణ వల్లభాయై ‖ 12 ‖

నమోఽస్తు హేమామ్బుజ పీఠికాయై
నమోఽస్తు భూమణ్డల నాయికాయై |
నమోఽస్తు దేవాది దయాపరాయై
నమోఽస్తు శార్ఙ్గాయుధ వల్లభాయై ‖ 13 ‖

నమోఽస్తు దేవ్యై భృగునన్దనాయై
నమోఽస్తు విష్ణోరురసి స్థితాయై |
నమోఽస్తు లక్ష్మ్యై కమలాలయాయై
నమోఽస్తు దామోదర వల్లభాయై ‖ 14 ‖

నమోఽస్తు కాన్త్యై కమలేక్షణాయై
నమోఽస్తు భూత్యై భువనప్రసూత్యై |
నమోఽస్తు దేవాదిభిరర్చితాయై
నమోఽస్తు నన్దాత్మజ వల్లభాయై ‖ 15 ‖

సమ్పత్కరాణి సకలేన్ద్రియ నన్దనాని
సామ్రాజ్య దానవిభవాని సరోరుహాక్షి |
త్వద్వన్దనాని దురితా హరణోద్యతాని
మామేవ మాతరనిశం కలయన్తు మాన్యే ‖ 16 ‖

యత్కటాక్ష సముపాసనా విధిః
సేవకస్య సకలార్థ సమ్పదః |
సన్తనోతి వచనాఙ్గ మానసైః
త్వాం మురారిహృదయేశ్వరీం భజే ‖ 17 ‖

సరసిజనిలయే సరోజహస్తే
ధవళతమాంశుక గన్ధమాల్యశోభే |
భగవతి హరివల్లభే మనోజ్ఞే
త్రిభువనభూతికరీ ప్రసీదమహ్యం ‖ 18 ‖

దిగ్ఘస్తిభిః కనక కుమ్భముఖావసృష్ట
స్వర్వాహినీ విమలచారుజలాప్లుతాఙ్గీమ్ |
ప్రాతర్నమామి జగతాం జననీమశేష
లోకధినాథ గృహిణీమమృతాబ్ధిపుత్రీం ‖ 19 ‖

కమలే కమలాక్ష వల్లభే త్వం
కరుణాపూర తరఙ్గితైరపాఙ్గైః |
అవలోకయ మామకిఞ్చనానాం
ప్రథమం పాత్రమకృతిమం దయాయాః ‖ 20 ‖

దేవి ప్రసీద జగదీశ్వరి లోకమాతః
కళ్యాణగాత్రి కమలేక్షణ జీవనాథే |
దారిద్ర్యభీతిహృదయం శరణాగతం మాం
ఆలోకయ ప్రతిదినం సదయైరపాఙ్గైః ‖ 21 ‖

స్తువన్తి యే స్తుతిభిరమీభిరన్వహం
త్రయీమయీం త్రిభువనమాతరం రమాం |
గుణాధికా గురుతుర భాగ్య భాగినః
భవన్తి తే భువి బుధ భావితాశయాః ‖ 22 ‖

సువర్ణధారా స్తోత్రం యచ్ఛఙ్కరాచార్య నిర్మితం
త్రిసన్ధ్యం యః పఠేన్నిత్యం స కుబేరసమో భవేత్ ‖