kadaachit-kaaliMdee taTavipina sangeetakaravO
mudaabheeree naareevadana kamalaasvaadamadhupaH ।
ramaa shaMbhu brahmaamarapati gaNEshaarchita padO
jagannaathaH svaamee nayanapathagaamee bhavatu mE ॥ 1 ॥
bhujE savyE vENuM shirasi shikhipiMChaM kaTitaTE
dukoolaM nEtraaMtE sahacharakaTaakshhaM vidadhatE ।
sadaa shreemadvRRiMdaavanavasatileelaaparichayO
jagannaathaH svaamee nayanapathagaamee bhavatu nE ॥ 2 ॥
mahaaMbhOdhEsteerE kanakaruchirE neelashikharE
vasan praasaadaaMtassahaja balabhadrENa balinaa ।
subhadraa madhyasthassakalasura sEvaavasaradO
jagannaathaH svaamee nayanapathagaamee bhavatu mE ॥ 3 ॥
kRRipaa paaraavaaraassajala jalada shrENiruchirO
ramaavaaNee raamasphuradamala paMkeruhamukhaH ।
surEMdrairaaraadhyaH shrutigaNashikhaa geeta charitO
jagannaathaH svaamee nayanapathagaamee bhavatu mE ॥ 4 ॥
rathaarooDhO gachChan pathi milita bhoodEvapaTalaiH
stuti praadurbhaavaM pratipadamupaakarNya sadayaH ।
dayaasiMdhurbaMdhussakala jagataa siMdhusutayaa
jagannaathaH svaamee nayanapathagaamee bhavatu mE ॥ 5 ॥
parabrahmaapeeDaH kuvalaya-dalOtphullanayanO
nivaasee neelaadrau nihita-charaNO.anaMta-shirasi ।
rasaanaMdO raadhaa-sarasa-vapuraalingana-sakhO
jagannaathaH svaamee nayanapathagaamee bhavatu mE ॥ 6 ॥
na vai yaacE raajyaM na cha kanaka maaNikya vibhavaM
na yaachE.ahaM ramyaaM nikhilajana-kaamyaaM varavadhoom ।
sadaa kaalE kaalE pramatha-patinaa geetacharitO
jagannaathaH svaamee nayanapathagaamee bhavatu mE ॥ 7 ॥
hara tvaM saMsaaraM drutataramasaaraM surapatE
hara tvaM paapaanaaM vitatimaparaaM yaadavapatE ।
ahO deenO.anaathE nihitacaraNO nishchitamidaM
jagannaathaH svaamee nayanapathagaamee bhavatu mE ॥ 8 ॥
jagannaathaashhTakaM punyaM yaH paThEt prayataH shuchiH ।
sarvapaapa vishuddhaatmaa vishhNulOkaM sa gachChati ॥
iti shreemad shankaraachaaryaviracitaM jagannaathaashhTakaM saMpoorNaM॥
Browse Related Categories: