View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

জগন্নাথাষ্টকম্

কদাচিত্-কালিংদী তটবিপিন সংগীতকরবো
মুদাভীরী নারীবদন কমলাস্বাদমধুপঃ ।
রমা শংভু ব্রহ্মামরপতি গণেশার্চিত পদো
জগন্নাথঃ স্বামী নযনপথগামী ভবতু মে ॥ 1 ॥

ভুজে সব্যে বেণুং শিরসি শিখিপিংছং কটিতটে
দুকূলং নেত্রাংতে সহচরকটাক্ষং বিদধতে ।
সদা শ্রীমদ্বৃংদাবনবসতিলীলাপরিচযো
জগন্নাথঃ স্বামী নযনপথগামী ভবতু নে ॥ 2 ॥

মহাংভোধেস্তীরে কনকরুচিরে নীলশিখরে
বসন্ প্রাসাদাংতস্সহজ বলভদ্রেণ বলিনা ।
সুভদ্রা মধ্যস্থস্সকলসুর সেবাবসরদো
জগন্নাথঃ স্বামী নযনপথগামী ভবতু মে ॥ 3 ॥

কৃপা পারাবারাস্সজল জলদ শ্রেণিরুচিরো
রমাবাণী রামস্ফুরদমল পংকেরুহমুখঃ ।
সুরেংদ্রৈরারাধ্যঃ শ্রুতিগণশিখা গীত চরিতো
জগন্নাথঃ স্বামী নযনপথগামী ভবতু মে ॥ 4 ॥

রথারূঢো গচ্ছন্ পথি মিলিত ভূদেবপটলৈঃ
স্তুতি প্রাদুর্ভাবং প্রতিপদমুপাকর্ণ্য সদযঃ ।
দযাসিংধুর্বংধুস্সকল জগতা সিংধুসুতযা
জগন্নাথঃ স্বামী নযনপথগামী ভবতু মে ॥ 5 ॥

পরব্রহ্মাপীডঃ কুবলয-দলোত্ফুল্লনযনো
নিবাসী নীলাদ্রৌ নিহিত-চরণোঽনংত-শিরসি ।
রসানংদো রাধা-সরস-বপুরালিংগন-সখো
জগন্নাথঃ স্বামী নযনপথগামী ভবতু মে ॥ 6 ॥

ন বৈ যাচে রাজ্যং ন চ কনক মাণিক্য বিভবং
ন যাচেঽহং রম্যাং নিখিলজন-কাম্যাং বরবধূম্ ।
সদা কালে কালে প্রমথ-পতিনা গীতচরিতো
জগন্নাথঃ স্বামী নযনপথগামী ভবতু মে ॥ 7 ॥

হর ত্বং সংসারং দ্রুততরমসারং সুরপতে
হর ত্বং পাপানাং বিততিমপরাং যাদবপতে ।
অহো দীনোঽনাথে নিহিতচরণো নিশ্চিতমিদং
জগন্নাথঃ স্বামী নযনপথগামী ভবতু মে ॥ 8 ॥

জগন্নাথাষ্টকং পুন্যং যঃ পঠেত্ প্রযতঃ শুচিঃ ।
সর্বপাপ বিশুদ্ধাত্মা বিষ্ণুলোকং স গচ্ছতি ॥

ইতি শ্রীমদ্ শংকরাচার্যবিরচিতং জগন্নাথাষ্টকং সংপূর্ণং॥




Browse Related Categories: