தே³வி! ஸுரேஶ்வரி! ப⁴க³வதி! க³ங்கே³ த்ரிபு⁴வனதாரிணி தரளதரங்கே³ ।
ஶங்கரமௌளிவிஹாரிணி விமலே மம மதிராஸ்தாம் தவ பத³கமலே ॥ 1 ॥

பா⁴கீ³ரதி²ஸுக²தா³யினி மாதஸ்தவ ஜலமஹிமா நிக³மே க்²யாத: ।
நாஹம் ஜானே தவ மஹிமானம் பாஹி க்ருபாமயி மாமஜ்ஞானம் ॥ 2 ॥

ஹரிபத³பாத்³யதரங்கி³ணி க³ங்கே³ ஹிமவிது⁴முக்தாத⁴வளதரங்கே³ ।
தூ³ரீகுரு மம து³ஷ்க்ருதிபா⁴ரம் குரு க்ருபயா ப⁴வஸாக³ரபாரம் ॥ 3 ॥

தவ ஜலமமலம் யேன நிபீதம் பரமபத³ம் க²லு தேன க்³ருஹீதம் ।
மாதர்க³ங்கே³ த்வயி யோ ப⁴க்த: கில தம் த்³ரஷ்டும் ந யம: ஶக்த: ॥ 4 ॥

பதிதோத்³தா⁴ரிணி ஜாஹ்னவி க³ங்கே³ க²ண்டி³த கி³ரிவரமண்டி³த ப⁴ங்கே³ ।
பீ⁴ஷ்மஜனநி ஹே முனிவரகன்யே பதிதனிவாரிணி த்ரிபு⁴வன த⁴ன்யே ॥ 5 ॥

கல்பலதாமிவ ப²லதா³ம் லோகே ப்ரணமதி யஸ்த்வாம் ந பததி ஶோகே ।
பாராவாரவிஹாரிணி க³ங்கே³ விமுக²யுவதி க்ருததரலாபாங்கே³ ॥ 6 ॥

தவ சேன்மாத: ஸ்ரோத: ஸ்னாத: புனரபி ஜட²ரே ஸோபி ந ஜாத: ।
நரகனிவாரிணி ஜாஹ்னவி க³ங்கே³ கலுஷவினாஶினி மஹிமோத்துங்கே³ ॥ 7 ॥

புனரஸத³ங்கே³ புண்யதரங்கே³ ஜய ஜய ஜாஹ்னவி கருணாபாங்கே³ ।
இன்த்³ரமுகுடமணிராஜிதசரணே ஸுக²தே³ ஶுப⁴தே³ ப்⁴ருத்யஶரண்யே ॥ 8 ॥

ரோக³ம் ஶோகம் தாபம் பாபம் ஹர மே ப⁴க³வதி குமதிகலாபம் ।
த்ரிபு⁴வனஸாரே வஸுதா⁴ஹாரே த்வமஸி க³திர்மம க²லு ஸம்ஸாரே ॥ 9 ॥

அலகானந்தே³ பரமானந்தே³ குரு கருணாமயி காதரவன்த்³யே ।
தவ தடனிகடே யஸ்ய நிவாஸ: க²லு வைகுண்டே² தஸ்ய நிவாஸ: ॥ 1௦ ॥

வரமிஹ நீரே கமடோ² மீன: கிம் வா தீரே ஶரட: க்ஷீண: ।
அத²வாஶ்வபசோ மலினோ தீ³னஸ்தவ ந ஹி தூ³ரே ந்ருபதிகுலீன: ॥ 11 ॥

போ⁴ பு⁴வனேஶ்வரி புண்யே த⁴ன்யே தே³வி த்³ரவமயி முனிவரகன்யே ।
க³ங்கா³ஸ்தவமிமமமலம் நித்யம் பட²தி நரோ ய: ஸ ஜயதி ஸத்யம் ॥ 12 ॥

யேஷாம் ஹ்ருத³யே க³ங்கா³ ப⁴க்திஸ்தேஷாம் ப⁴வதி ஸதா³ ஸுக²முக்தி: ।
மது⁴ராகன்தா பஞ்ஜ²டிகாபி⁴: பரமானந்த³கலிதலலிதாபி⁴: ॥ 13 ॥

க³ங்கா³ஸ்தோத்ரமித³ம் ப⁴வஸாரம் வாஞ்சி²தப²லத³ம் விமலம் ஸாரம் ।
ஶங்கரஸேவக ஶங்கர ரசிதம் பட²தி ஸுகீ²: தவ இதி ச ஸமாப்த: ॥ 14 ॥