View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

ଗଂଗା ସ୍ତୋତ୍ରମ୍

ଦେଵି! ସୁରେଶ୍ଵରି! ଭଗଵତି! ଗଂଗେ ତ୍ରିଭୁଵନତାରିଣି ତରଳତରଂଗେ ।
ଶଂକରମୌଳିଵିହାରିଣି ଵିମଲେ ମମ ମତିରାସ୍ତାଂ ତଵ ପଦକମଲେ ॥ 1 ॥

ଭାଗୀରଥିସୁଖଦାୟିନି ମାତସ୍ତଵ ଜଲମହିମା ନିଗମେ ଖ୍ୟାତଃ ।
ନାହଂ ଜାନେ ତଵ ମହିମାନଂ ପାହି କୃପାମୟି ମାମଜ୍ଞାନମ୍ ॥ 2 ॥

ହରିପଦପାଦ୍ୟତରଂଗିଣି ଗଂଗେ ହିମଵିଧୁମୁକ୍ତାଧଵଳତରଂଗେ ।
ଦୂରୀକୁରୁ ମମ ଦୁଷ୍କୃତିଭାରଂ କୁରୁ କୃପୟା ଭଵସାଗରପାରମ୍ ॥ 3 ॥

ତଵ ଜଲମମଲଂ ୟେନ ନିପୀତଂ ପରମପଦଂ ଖଲୁ ତେନ ଗୃହୀତମ୍ ।
ମାତର୍ଗଂଗେ ତ୍ଵୟି ୟୋ ଭକ୍ତଃ କିଲ ତଂ ଦ୍ରଷ୍ଟୁଂ ନ ୟମଃ ଶକ୍ତଃ ॥ 4 ॥

ପତିତୋଦ୍ଧାରିଣି ଜାହ୍ନଵି ଗଂଗେ ଖଂଡିତ ଗିରିଵରମଂଡିତ ଭଂଗେ ।
ଭୀଷ୍ମଜନନି ହେ ମୁନିଵରକନ୍ୟେ ପତିତନିଵାରିଣି ତ୍ରିଭୁଵନ ଧନ୍ୟେ ॥ 5 ॥

କଲ୍ପଲତାମିଵ ଫଲଦାଂ ଲୋକେ ପ୍ରଣମତି ୟସ୍ତ୍ଵାଂ ନ ପତତି ଶୋକେ ।
ପାରାଵାରଵିହାରିଣି ଗଂଗେ ଵିମୁଖୟୁଵତି କୃତତରଲାପାଂଗେ ॥ 6 ॥

ତଵ ଚେନ୍ମାତଃ ସ୍ରୋତଃ ସ୍ନାତଃ ପୁନରପି ଜଠରେ ସୋପି ନ ଜାତଃ ।
ନରକନିଵାରିଣି ଜାହ୍ନଵି ଗଂଗେ କଲୁଷଵିନାଶିନି ମହିମୋତ୍ତୁଂଗେ ॥ 7 ॥

ପୁନରସଦଂଗେ ପୁଣ୍ୟତରଂଗେ ଜୟ ଜୟ ଜାହ୍ନଵି କରୁଣାପାଂଗେ ।
ଇଂଦ୍ରମୁକୁଟମଣିରାଜିତଚରଣେ ସୁଖଦେ ଶୁଭଦେ ଭୃତ୍ୟଶରଣ୍ୟେ ॥ 8 ॥

ରୋଗଂ ଶୋକଂ ତାପଂ ପାପଂ ହର ମେ ଭଗଵତି କୁମତିକଲାପମ୍ ।
ତ୍ରିଭୁଵନସାରେ ଵସୁଧାହାରେ ତ୍ଵମସି ଗତିର୍ମମ ଖଲୁ ସଂସାରେ ॥ 9 ॥

ଅଲକାନଂଦେ ପରମାନଂଦେ କୁରୁ କରୁଣାମୟି କାତରଵଂଦ୍ୟେ ।
ତଵ ତଟନିକଟେ ୟସ୍ୟ ନିଵାସଃ ଖଲୁ ଵୈକୁଂଠେ ତସ୍ୟ ନିଵାସଃ ॥ 10 ॥

ଵରମିହ ନୀରେ କମଠୋ ମୀନଃ କିଂ ଵା ତୀରେ ଶରଟଃ କ୍ଷୀଣଃ ।
ଅଥଵାଶ୍ଵପଚୋ ମଲିନୋ ଦୀନସ୍ତଵ ନ ହି ଦୂରେ ନୃପତିକୁଲୀନଃ ॥ 11 ॥

ଭୋ ଭୁଵନେଶ୍ଵରି ପୁଣ୍ୟେ ଧନ୍ୟେ ଦେଵି ଦ୍ରଵମୟି ମୁନିଵରକନ୍ୟେ ।
ଗଂଗାସ୍ତଵମିମମମଲଂ ନିତ୍ୟଂ ପଠତି ନରୋ ୟଃ ସ ଜୟତି ସତ୍ୟମ୍ ॥ 12 ॥

ୟେଷାଂ ହୃଦୟେ ଗଂଗା ଭକ୍ତିସ୍ତେଷାଂ ଭଵତି ସଦା ସୁଖମୁକ୍ତିଃ ।
ମଧୁରାକଂତା ପଂଝଟିକାଭିଃ ପରମାନଂଦକଲିତଲଲିତାଭିଃ ॥ 13 ॥

ଗଂଗାସ୍ତୋତ୍ରମିଦଂ ଭଵସାରଂ ଵାଂଛିତଫଲଦଂ ଵିମଲଂ ସାରମ୍ ।
ଶଂକରସେଵକ ଶଂକର ରଚିତଂ ପଠତି ସୁଖୀଃ ତଵ ଇତି ଚ ସମାପ୍ତଃ ॥ 14 ॥




Browse Related Categories: