Ganesha Dwadashanama Stotram - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

గణేశ ద్వాదశనామ స్తోత్రమ్

శుక్లామ్బరధరం విష్ణుం శశివర్ణం చతుర్భుజమ్ ।
ప్రసన్నవదనం ధ్యాయేత్సర్వవిఘ్నోపశాన్తయేః ॥ 1 ॥

అభీప్సితార్థ సిధ్యర్థం పూజితో యః సురాసురైః ।
సర్వవిఘ్నహరస్తస్మై గణాధిపతయే నమః ॥ 2 ॥

గణానామధిపశ్చణ్డో గజవక్త్రస్త్రిలోచనః ।
ప్రసన్నో భవ మే నిత్యం వరదాతర్వినాయక ॥ 3 ॥

సుముఖశ్చైకదన్తశ్చ కపిలో గజకర్ణకః ।
లమ్బోదరశ్చ వికటో విఘ్ననాశో వినాయకః ॥ 4 ॥

ధూమ్రకేతుర్గణాధ్యక్షో ఫాలచన్ద్రో గజాననః ।
ద్వాదశైతాని నామాని గణేశస్య తు యః పఠేత్ ॥ 5 ॥

విద్యార్థీ లభతే విద్యాం ధనార్థీ విపులం ధనమ్ ।
ఇష్టకామం తు కామార్థీ ధర్మార్థీ మోక్షమక్షయమ్ ॥ 6 ॥

విధ్యారమ్భే వివాహే చ ప్రవేశే నిర్గమే తథా ।
సఙ్గ్రామే సఙ్కటే చైవ విఘ్నస్తస్య న జాయతే ॥ 7 ॥

॥ ఇతి ముద్గలపురాణోక్తం శ్రీగణేశద్వాదశనామస్తోత్రం సమ్పూర్ణమ్ ॥

Browse Related Categories: