View this in:
ഈശാവാസ്യോപനിഷദ്
ഓം പൂര്ണമദഃ പൂര്ണമിദം പൂര്ണാത്പൂര്ണമുദച്യതേ |
പൂര്ണസ്യ പൂര്ണമാദായ പൂര്ണമേവാവശിഷ്യതേ ‖
ഓം ശാംതിഃ ശാംതിഃ ശാംതിഃ ‖
ഓം ഈശാ വാസ്യ'മിദഗ്^മ് സര്വം യത്കിംച ജഗ'ത്വാം ജഗ'ത് |
തേന' ത്യക്തേന' ഭുംജീഥാ മാ ഗൃ'ധഃ കസ്യ'സ്വിദ്ധനമ്'' ‖ 1 ‖
കുര്വന്നേവേഹ കര്മാ''ണി ജിജീവിഷേച്ചതഗ്^മ് സമാ''ഃ |
ഏവം ത്വയി നാന്യഥേതോ''ഽസ്തി ന കര്മ' ലിപ്യതേ' നരേ'' ‖ 2 ‖
അസുര്യാ നാമ തേ ലോകാ അംധേന തമസാഽഽവൃ'താഃ |
താഗംസ്തേ പ്രേത്യാഭിഗ'ച്ഛംതി യേ കേ ചാ''ത്മഹനോ ജനാ''ഃ ‖ 3 ‖
അനേ''ജദേകം മന'സോ ജവീ''യോ നൈന'ദ്ദേവാ ആ''പ്നുവന്പൂര്വമര്ഷ'ത് |
തദ്ധാവ'തോഽന്യാനത്യേ''തി തിഷ്ഠത്തസ്മിന്''നപോ മാ''തരിശ്വാ'' ദധാതി ‖ 4 ‖
തദേ''ജതി തന്നേജ'തി തദ്ദൂരേ തദ്വം'തികേ |
തദംതര'സ്യ സര്വ'സ്യ തദു സര്വ'സ്യാസ്യ ബാഹ്യതഃ ‖ 5 ‖
യസ്തു സര്വാ''ണി ഭൂതാന്യാത്മന്യേവാനുപശ്യ'തി |
സര്വഭൂതേഷു' ചാത്മാനം തതോ ന വിഹു'ഗുപ്സതേ ‖ 6 ‖
യസ്മിന്സര്വാ''ണി ഭൂതാന്യാത്മൈവാഭൂ''ദ്വിജാനതഃ |
തത്ര കോ മോഹഃ കഃ ശോകഃ' ഏകത്വമ'നുപശ്യ'തഃ ‖ 7 ‖
സ പര്യ'ഗാച്ചുക്രമ'കായമ'പ്രണമ'സ്നാവിരഗ്^മ് ശുദ്ധമപാ''പവിദ്ധമ് |
കവിര്മ'നീഷീ പ'രിഭൂഃ സ്വ'യംഭൂ-ര്യാ''ഥാതഥ്യതോഽര്ഥാന്
വ്യ'ദധാച്ഛാശ്വതീഭ്യഃ സമാ''ഭ്യഃ ‖ 8 ‖
അംധം തമഃ പ്രവി'ശംതി യേഽവി'ദ്യാമുപാസ'തേ |
തതോ ഭൂയ' ഇവ തേ തമോ യ ഉ' വിദ്യായാ''ഗ്^മ് രതാഃ ‖ 9 ‖
അന്യദേവായുരിദ്യയാഽന്യദാ''ഹുരവി'ദ്യയാ |
ഇതി' ശുശുമ ധീരാ''ണാം യേ നസ്തദ്വി'ചചക്ഷിരേ ‖ 10 ‖
വിദ്യാം ചാവി'ദ്യാം ച യസ്തദ്വേദോഭയ'ഗ്^മ് സഹ |
അവി'ദ്യയാ മൃത്യും തീര്ത്വാ വിദ്യയാഽമൃത'മശ്നുതേ ‖ 11 ‖
അംധം തമഃ പ്രവി'ശംതി യേഽസമ്''ഭൂതിമുപാസ'തേ |
തതോ ഭൂയ' ഇവ തേ തമോ യ ഉ സംഭൂ''ത്യാഗ്^മ് രതാഃ ‖ 12 ‖
അന്യദേവാഹുഃ സമ്''ഭവാദന്യദാ''ഹുരസമ്''ഭവാത് |
ഇതി' ശുശ്രുമ ധീരാ''ണാം യേ നസ്തദ്വി'ചചക്ഷിരേ ‖ 13 ‖
സംഭൂ''തിം ച വിണാശം ച യസ്തദ്വേദോഭയ'ഗ്^മ് സഹ |
വിനാശേന' മൃത്യും തീര്ത്വാ സംഭൂ''ത്യാഽമൃത'മശ്നുതേ ‖ 14 ‖
ഹിരണ്മയേ''ന പാത്രേ''ണ സത്യസ്യാപി'ഹിതം മുഖമ്'' |
തത്വം പൂ''ഷന്നപാവൃ'ണു സത്യധ''ര്മായ ദൃഷ്ടയേ'' ‖ 15 ‖
പൂഷ'ന്നേകര്ഷേ യമ സൂര്യ പ്രാജാ''പത്യ വ്യൂ''ഹ രശ്മീന്
സമൂ''ഹ തേജോ യത്തേ'' രൂപം കല്യാ''ണതമം തത്തേ'' പശ്യാമി |
യോഽസാവസൌ പുരു'ഷഃ സോഽഹമ'സ്മി ‖ 16 ‖
വായുരനി'ലമമൃതമഥേദം ഭസ്മാ''ംതഗ്ം ശരീ'രമ് |
ഓം 3 ക്രതോ സ്മര' കൃതഗ്^മ് സ്മ'ര ക്രതോ സ്മര' കൃതഗ്^മ് സ്മ'ര ‖ 17 ‖
അഗ്നേ നയ' സുപഥാ'' രായേ അസ്മാന് വിശ്വാ'നി ദേവ വയനാ'നി വിദ്വാന് |
യുയോധ്യസ്മജ്ജു'ഹുരാണമേനോ ഭൂയി'ഷ്ടാം തേ നമ'ഉക്തിം വിധേമ ‖ 18 ‖
ഓം പൂര്ണമദഃ പൂര്ണമിദം പൂര്ണാത്പൂര്ണമുദച്യതേ |
പൂര്ണസ്യ പൂര്ണമാദായ പൂര്ണമേവാവശിഷ്യതേ ‖
ഓം ശാംതിഃ ശാംതിഃ ശാംതിഃ ‖
Last Updated: 27 December, 2020