View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

দুর্গা সূক্তম্

ওম্ ॥ জা॒তবে॑দসে সুনবাম॒ সোম॑ মরাতীয॒তো নিদ॑হাতি॒ বেদঃ॑ ।
স নঃ॑ পর্-ষ॒দতি॑ দু॒র্গাণি॒ বিশ্বা॑ না॒বেব॒ সিংধুং॑ দুরি॒তাঽত্য॒গ্নিঃ ॥

তাম॒গ্নিব॑র্ণাং॒ তপ॑সা জ্বলং॒তীং-বৈঁ॑রোচ॒নীং ক॑র্মফ॒লেষু॒ জুষ্টা᳚ম্ ।
দু॒র্গাং দে॒বীগ্​ম্ শর॑ণম॒হং প্রপ॑দ্যে সু॒তর॑সি তরসে॒ নমঃ॑ ॥

অগ্নে॒ ত্বং পা॑রযা॒ নব্যো॑ অ॒স্মাংথ্​স্ব॒স্তিভি॒রতি॑ দু॒র্গাণি॒ বিশ্বা᳚ ।
পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায॒ তন॑যায॒ শং​যোঁঃ ॥

বিশ্বা॑নি নো দু॒র্গহা॑ জাতবেদঃ॒ সিংধু॒ন্ন না॒বা দু॑রি॒তাঽতি॑পর্-ষি ।
অগ্নে॑ অত্রি॒বন্মন॑সা গৃণা॒নো᳚ঽস্মাকং॑ বোধ্যবি॒তা ত॒নূনা᳚ম্ ॥

পৃ॒ত॒না॒ জিত॒গ্​ম্॒ সহ॑মানমু॒গ্রম॒গ্নিগ্​ম্ হু॑বেম পর॒মাথ্স॒ধস্থা᳚ত্ ।
স নঃ॑ পর্-ষ॒দতি॑ দু॒র্গাণি॒ বিশ্বা॒ ক্ষাম॑দ্দে॒বো অতি॑ দুরি॒তাঽত্য॒গ্নিঃ ॥

প্র॒ত্নোষি॑ ক॒মীড্যো॑ অধ্ব॒রেষু॑ স॒নাচ্চ॒ হোতা॒ নব্য॑শ্চ॒ সত্সি॑ ।
স্বাংচা᳚ঽগ্নে ত॒নুবং॑ পি॒প্রয॑স্বা॒স্মভ্যং॑ চ॒ সৌভ॑গ॒মায॑জস্ব ॥

গোভি॒র্জুষ্ট॑মযুজো॒ নিষি॑ক্তং॒ তবেং᳚দ্র বিষ্ণো॒রনু॒সংচ॑রেম ।
নাক॑স্য পৃ॒ষ্ঠম॒ভি সং॒​বঁসা॑নো॒ বৈষ্ণ॑বীং-লোঁ॒ক ই॒হ মা॑দযংতাম্ ॥

ওং কা॒ত্যা॒য॒নায॑ বি॒দ্মহে॑ কন্যকু॒মারি॑ ধীমহি । তন্নো॑ দুর্গিঃ প্রচো॒দযা᳚ত্ ॥

ওং শাংতিঃ॒ শাংতিঃ॒ শাংতিঃ॑ ॥




Browse Related Categories: