View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

দেবী মাহাত্ম্যং দুর্গা সপ্তশতি ষষ্ঠোঽধ্যাযঃ

শুংভনিশুংভসেনানীধূম্রলোচনবধো নাম ষষ্টো ধ্যাযঃ ॥

ধ্যানং
নগাধীশ্বর বিষ্ত্রাং ফণি ফণোত্তংসোরু রত্নাবলী
ভাস্বদ্ দেহ লতাং নিভৌ নেত্রযোদ্ভাসিতাম্ ।
মালা কুংভ কপাল নীরজ করাং চংদ্রা অর্ধ চূঢাংবরাং
সর্বেশ্বর ভৈরবাংগ নিলযাং পদ্মাবতীচিংতযে ॥

ঋষিরুবাচ ॥1॥

ইত্যাকর্ণ্য বচো দেব্যাঃ স দূতোঽমর্ষপূরিতঃ ।
সমাচষ্ট সমাগম্য দৈত্যরাজায বিস্তরাত্ ॥ 2 ॥

তস্য দূতস্য তদ্বাক্যমাকর্ণ্যাসুররাট্ ততঃ ।
স ক্রোধঃ প্রাহ দৈত্যানামধিপং ধূম্রলোচনম্ ॥3॥

হে ধূম্রলোচনাশু ত্বং স্বসৈন্য পরিবারিতঃ।
তামানয বল্লাদ্দুষ্টাং কেশাকর্ষণ বিহ্বলাম্ ॥4॥

তত্পরিত্রাণদঃ কশ্চিদ্যদি বোত্তিষ্ঠতেঽপরঃ।
স হংতব্যোঽমরোবাপি যক্ষো গংধর্ব এব বা ॥5॥

ঋষিরুবাচ ॥6॥

তেনাজ্ঞপ্তস্ততঃ শীঘ্রং স দৈত্যো ধূম্রলোচনঃ।
বৃতঃ ষষ্ট্যা সহস্রাণাং অসুরাণাংদ্রুতংযমৌ ॥6॥

ন দৃষ্ট্বা তাং ততো দেবীং তুহিনাচল সংস্থিতাং।
জগাদোচ্চৈঃ প্রযাহীতি মূলং শুংবনিশুংভযোঃ ॥8॥

ন চেত্প্রীত্যাদ্য ভবতী মদ্ভর্তারমুপৈষ্যতি
ততো বলান্নযাম্যেষ কেশাকর্ষণবিহ্বলাম্ ॥9॥

দেব্যুবাচ ॥10॥

দৈত্যেশ্বরেণ প্রহিতো বলবান্বলসংবৃতঃ।
বলান্নযসি মামেবং ততঃ কিং তে করোম্যহম্ ॥11॥

ঋষিরুবাচ ॥12॥

ইত্যুক্তঃ সোঽভ্যধাবত্তাং অসুরো ধূম্রলোচনঃ।
হূংকারেণৈব তং ভস্ম সা চকারাংবিকা তদা॥13॥

অথ ক্রুদ্ধং মহাসৈন্যং অসুরাণাং তথাংবিকা।
ববর্ষ সাযুকৈস্তীক্ষ্ণৈস্তথা শক্তিপরশ্বধৈঃ ॥14॥

ততো ধুতসটঃ কোপাত্কৃত্বা নাদং সুভৈরবম্।
পপাতাসুর সেনাযাং সিংহো দেব্যাঃ স্ববাহনঃ ॥15॥

কাংশ্চিত্করপ্রহারেণ দৈত্যানাস্যেন চাপারান্।
আক্রাংত্যা চাধরেণ্যান্ জঘান স মহাসুরান্ ॥16॥

কেষাংচিত্পাটযামাস নখৈঃ কোষ্ঠানি কেসরী।
তথা তলপ্রহারেণ শিরাংসি কৃতবান্ পৃথক্ ॥17॥

বিচ্ছিন্নবাহুশিরসঃ কৃতাস্তেন তথাপরে।
পপৌচ রুধিরং কোষ্ঠাদন্যেষাং ধুতকেসরঃ ॥18॥

ক্ষণেন তদ্বলং সর্বং ক্ষযং নীতং মহাত্মনা।
তেন কেসরিণা দেব্যা বাহনেনাতিকোপিনা ॥19॥

শ্রুত্বা তমসুরং দেব্যা নিহতং ধূম্রলোচনম্।
বলং চ ক্ষযিতং কৃত্স্নং দেবী কেসরিণা ততঃ॥20॥

চুকোপ দৈত্যাধিপতিঃ শুংভঃ প্রস্ফুরিতাধরঃ।
আজ্ঞাপযামাস চ তৌ চংডমুংডৌ মহাসুরৌ ॥21॥

হেচংড হে মুংড বলৈর্বহুভিঃ পরিবারিতৌ
তত্র গচ্ছত গত্বা চ সা সমানীযতাং লঘু ॥22॥

কেশেষ্বাকৃষ্য বদ্ধ্বা বা যদি বঃ সংশযো যুধি।
তদাশেষা যুধৈঃ সর্বৈর্ অসুরৈর্বিনিহন্যতাং ॥23॥

তস্যাং হতাযাং দুষ্টাযাং সিংহে চ বিনিপাতিতে।
শীঘ্রমাগম্যতাং বদ্বা গৃহীত্বাতামথাংবিকাম্ ॥24॥

॥ স্বস্তি শ্রী মার্কংডেয পুরাণে সাবর্নিকেমন্বংতরে দেবি মহত্ম্যে শুংভনিশুংভসেনানীধূম্রলোচনবধো নাম ষষ্টো ধ্যাযঃ ॥

আহুতি
ওং ক্লীং জযংতী সাংগাযৈ সশক্তিকাযৈ সপরিবারাযৈ সবাহনাযৈ মহাহুতিং সমর্পযামি নমঃ স্বাহা ॥




Browse Related Categories: