View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

দেবী মাহাত্ম্যং দুর্গা সপ্তশতি তৃতীযোঽধ্যাযঃ

মহিষাসুরবধো নাম তৃতীযোঽধ্যাযঃ ॥

ধ্যানং
ওং উদ্যদ্ভানুসহস্রকাংতিং অরুণক্ষৌমাং শিরোমালিকাং
রক্তালিপ্ত পযোধরাং জপবটীং বিদ্যামভীতিং বরম্ ।
হস্তাব্জৈর্ধধতীং ত্রিনেত্রবক্ত্রারবিংদশ্রিযং
দেবীং বদ্ধহিমাংশুরত্নমকুটাং বংদেঽরবিংদস্থিতাম্ ॥

ঋষিরুবাচ ॥1॥

নিহন্যমানং তত্সৈন্যং অবলোক্য মহাসুরঃ।
সেনানীশ্চিক্ষুরঃ কোপাদ্ ধ্যযৌ যোদ্ধুমথাংবিকাম্ ॥2॥

স দেবীং শরবর্ষেণ ববর্ষ সমরেঽসুরঃ।
যথা মেরুগিরেঃশৃংগং তোযবর্ষেণ তোযদঃ ॥3॥

তস্য ছিত্বা ততো দেবী লীলযৈব শরোত্করান্।
জঘান তুরগান্বাণৈর্যংতারং চৈব বাজিনাম্ ॥4॥

চিচ্ছেদ চ ধনুঃসধ্যো ধ্বজং চাতিসমুচ্ছৃতম্।
বিব্যাধ চৈব গাত্রেষু চিন্নধন্বানমাশুগৈঃ ॥5॥

সচ্ছিন্নধন্বা বিরথো হতাশ্বো হতসারথিঃ।
অভ্যধাবত তাং দেবীং খড্গচর্মধরোঽসুরঃ ॥6॥

সিংহমাহত্য খড্গেন তীক্ষ্ণধারেণ মূর্ধনি।
আজঘান ভুজে সব্যে দেবীং অব্যতিবেগবান্ ॥6॥

তস্যাঃ খড্গো ভুজং প্রাপ্য পফাল নৃপনংদন।
ততো জগ্রাহ শূলং স কোপাদ্ অরুণলোচনঃ ॥8॥

চিক্ষেপ চ ততস্তত্তু ভদ্রকাল্যাং মহাসুরঃ।
জাজ্বল্যমানং তেজোভী রবিবিংবমিবাংবরাত্ ॥9॥

দৃষ্ট্বা তদাপতচ্ছূলং দেবী শূলমমুংচত।
তচ্ছূলংশতধা তেন নীতং শূলং স চ মহাসুরঃ ॥10॥

হতে তস্মিন্মহাবীর্যে মহিষস্য চমূপতৌ।
আজগাম গজারূডঃ শ্চামরস্ত্রিদশার্দনঃ ॥11॥

সোঽপি শক্তিংমুমোচাথ দেব্যাস্তাং অংবিকা দ্রুতম্।
হুংকারাভিহতাং ভূমৌ পাতযামাসনিষ্প্রভাম্ ॥12॥

ভগ্নাং শক্তিং নিপতিতাং দৃষ্ট্বা ক্রোধসমন্বিতঃ
চিক্ষেপ চামরঃ শূলং বাণৈস্তদপি সাচ্ছিনত্ ॥13॥

ততঃ সিংহঃসমুত্পত্য গজকুংতরে ংভাংতরেস্থিতঃ।
বাহুযুদ্ধেন যুযুধে তেনোচ্চৈস্ত্রিদশারিণা ॥14॥

যুধ্যমানৌ ততস্তৌ তু তস্মান্নাগান্মহীং গতৌ
যুযুধাতেঽতিসংরব্ধৌ প্রহারৈ অতিদারুণৈঃ ॥15॥

ততো বেগাত্ খমুত্পত্য নিপত্য চ মৃগারিণা।
করপ্রহারেণ শিরশ্চামরস্য পৃথক্ কৃতম্ ॥16॥

উদগ্রশ্চ রণে দেব্যা শিলাবৃক্ষাদিভির্হতঃ।
দংত মুষ্টিতলৈশ্চৈব করালশ্চ নিপাতিতঃ ॥17॥

দেবী কৃদ্ধা গদাপাতৈঃ শ্চূর্ণযামাস চোদ্ধতম্।
ভাষ্কলং ভিংদিপালেন বাণৈস্তাম্রং তথাংধকম্ ॥18॥

উগ্রাস্যমুগ্রবীর্যং চ তথৈব চ মহাহনুম্
ত্রিনেত্রা চ ত্রিশূলেন জঘান পরমেশ্বরী ॥19॥

বিডালস্যাসিনা কাযাত্ পাতযামাস বৈ শিরঃ।
দুর্ধরং দুর্মুখং চোভৌ শরৈর্নিন্যে যমক্ষযম্ ॥20॥

এবং সংক্ষীযমাণে তু স্বসৈন্যে মহিষাসুরঃ।
মাহিষেণ স্বরূপেণ ত্রাসযামাসতান্ গণান্ ॥21॥

কাংশ্চিত্তুংডপ্রহারেণ খুরক্ষেপৈস্তথাপরান্।
লাংগূলতাডিতাংশ্চান্যান্ শৃংগাভ্যাং চ বিদারিতা ॥22॥

বেগেন কাংশ্চিদপরান্নাদেন ভ্রমণেন চ।
নিঃ শ্বাসপবনেনান্যান্ পাতযামাস ভূতলে॥23॥

নিপাত্য প্রমথানীকমভ্যধাবত সোঽসুরঃ
সিংহং হংতুং মহাদেব্যাঃ কোপং চক্রে ততোঽংভিকা ॥24॥

সোঽপি কোপান্মহাবীর্যঃ খুরক্ষুণ্ণমহীতলঃ।
শৃংগাভ্যাং পর্বতানুচ্চাংশ্চিক্ষেপ চ ননাদ চ ॥25॥

বেগ ভ্রমণ বিক্ষুণ্ণা মহী তস্য ব্যশীর্যত।
লাংগূলেনাহতশ্চাব্ধিঃ প্লাবযামাস সর্বতঃ ॥26॥

ধুতশৃংগ্বিভিন্নাশ্চ খংডং খংডং যযুর্ঘনাঃ।
শ্বাসানিলাস্তাঃ শতশো নিপেতুর্নভসোঽচলাঃ ॥27॥

ইতিক্রোধসমাধ্মাতমাপতংতং মহাসুরম্।
দৃষ্ট্বা সা চংডিকা কোপং তদ্বধায তদাঽকরোত্ ॥28॥

সা ক্ষিত্প্বা তস্য বৈপাশং তং ববংধ মহাসুরম্।
তত্যাজমাহিষং রূপং সোঽপি বদ্ধো মহামৃধে ॥29॥

ততঃ সিংহোঽভবত্সধ্যো যাবত্তস্যাংবিকা শিরঃ।
ছিনত্তি তাবত্ পুরুষঃ খড্গপাণি রদৃশ্যত ॥30॥

তত এবাশু পুরুষং দেবী চিচ্ছেদ সাযকৈঃ।
তং খড্গচর্মণা সার্ধং ততঃ সোঽ ভূন্মহা গজঃ ॥31॥

করেণ চ মহাসিংহং তং চকর্ষ জগর্জচ ।
কর্ষতস্তু করং দেবী খড্গেন নিরকৃংতত ॥32॥

ততো মহাসুরো ভূযো মাহিষং বপুরাস্থিতঃ।
তথৈব ক্ষোভযামাস ত্রৈলোক্যং সচরাচরম্ ॥33॥

ততঃ ক্রুদ্ধা জগন্মাতা চংডিকা পান মুত্তমম্।
পপৌ পুনঃ পুনশ্চৈব জহাসারুণলোচনা ॥34॥

ননর্দ চাসুরঃ সোঽপি বলবীর্যমদোদ্ধতঃ।
বিষাণাভ্যাং চ চিক্ষেপ চংডিকাং প্রতিভূধরান্॥35॥

সা চ তা ন্প্রহিতাং স্তেন চূর্ণযংতী শরোত্করৈঃ।
উবাচ তং মদোদ্ধূতমুখরাগাকুলাক্ষরম্ ॥36॥

দেব্যু​উবাচ॥

গর্জ গর্জ ক্ষণং মূঢ মধু যাবত্পিবাম্যহম্।
মযাত্বযি হতেঽত্রৈব গর্জিষ্যংত্যাশু দেবতাঃ ॥37॥

ঋষিরুবাচ॥

এবমুক্ত্বা সমুত্পত্য সারূঢা তং মহাসুরম্।
পাদেনা ক্রম্য কংঠে চ শূলেনৈন মতাডযত্ ॥38॥

ততঃ সোঽপি পদাক্রাংতস্তযা নিজমুখাত্ততঃ।
অর্ধ নিষ্ক্রাংত এবাসীদ্দেব্যা বীর্যেণ সংবৃতঃ ॥40॥

অর্ধ নিষ্ক্রাংত এবাসৌ যুধ্যমানো মহাসুরঃ ।
তযা মহাসিনা দেব্যা শিরশ্ছিত্ত্বা নিপাতিতঃ ॥41॥

ততো হাহাকৃতং সর্বং দৈত্যসৈন্যং ননাশ তত্।
প্রহর্ষং চ পরং জগ্মুঃ সকলা দেবতাগণাঃ ॥42॥

তুষ্টু বুস্তাং সুরা দেবীং সহদিব্যৈর্মহর্ষিভিঃ।
জগুর্গুংধর্বপতযো ননৃতুশ্চাপ্সরোগণাঃ ॥43॥

॥ ইতি শ্রী মার্কংডেয পুরাণে সাবর্নিকে মন্বংতরে দেবি মহত্ম্যে মহিষাসুরবধো নাম তৃতীযোঽধ্যাযং সমাপ্তম্ ॥

আহুতি
হ্রীং জযংতী সাংগাযৈ সাযুধাযৈ সশক্তিকাযৈ সপরিবারাযৈ সবাহনাযৈ শ্রী মহালক্ষ্ম্যৈ লক্ষ্মী বীজাদিষ্টাযৈ মহাহুতিং সমর্পযামি নমঃ স্বাহা ॥




Browse Related Categories: