ப²லஶ்ருதிர்னாம த்³வாத³ஶோத்⁴யாய: ॥
த்⁴யானம்
வித்⁴யுத்³தா⁴ம ஸமப்ரபா⁴ம் ம்ருக³பதி ஸ்கன்த⁴ ஸ்தி²தாம் பீ⁴ஷணாம்।
கன்யாபி⁴: கரவால கே²ட விலஸத்³த³ஸ்தாபி⁴ ராஸேவிதாம்
ஹஸ்தைஶ்சக்ர க³தா⁴ஸி கே²ட விஶிகா²ம் கு³ணம் தர்ஜனீம்
விப்⁴ராண மனலாத்மிகாம் ஶிஶித⁴ராம் து³ர்கா³ம் த்ரினேத்ராம் பஜ⁴ே
தே³வ்யுவாச॥1॥
ஏபி⁴: ஸ்தவைஶ்ச மா நித்யம் ஸ்தோஷ்யதே ய: ஸமாஹித:।
தஸ்யாஹம் ஸகலாம் பா³தா⁴ம் நாஶயிஷ்யாம்ய ஸம்ஶயம் ॥2॥
மது⁴கைடப⁴னாஶம் ச மஹிஷாஸுரகா⁴தனம்।
கீர்தியிஷ்யன்தி யே த த்³வத்³வத⁴ம் ஶும்ப⁴னிஶும்ப⁴யோ: ॥3॥
அஷ்டம்யாம் ச சதுர்த⁴ஶ்யாம் நவம்யாம் சைகசேதஸ:।
ஶ்ரோஷ்யன்தி சைவ யே ப⁴க்த்யா மம மாஹாத்ம்யமுத்தமம் ॥4॥
ந தேஷாம் து³ஷ்க்ருதம் கிஞ்சித்³ து³ஷ்க்ருதோத்தா² ந சாபத:³।
ப⁴விஷ்யதி ந தா³ரித்³ர்யம் ந சை வேஷ்டவியோஜனம் ॥5॥
ஶத்ருப்⁴யோ ந ப⁴யம் தஸ்ய த³ஸ்யுதோ வா ந ராஜத:।
ந ஶஸ்த்ரானலதோ யௌகா⁴த் கதா³சித் ஸம்ப⁴விஷ்யதி ॥6॥
தஸ்மான்மமைதன்மாஹத்ம்யம் படி²தவ்யம் ஸமாஹிதை:।
ஶ்ரோதவ்யம் ச ஸதா³ ப⁴க்த்யா பரம் ஸ்வஸ்த்யயனம் ஹி தத் ॥7॥
உப ஸர்கா³ன ஶேஷாம்ஸ்து மஹாமாரீ ஸமுத்³ப⁴வான்।
ததா² த்ரிவித⁴ முத்பாதம் மாஹாத்ம்யம் ஶமயேன்மம ॥8॥
யத்ரைத த்பட்²யதே ஸம்யங்னித்யமாயதனே மம।
ஸதா³ ந தத்³விமோக்ஷ்யாமி ஸான்னித்⁴யம் தத்ர மேஸ்தி²தம் ॥9॥
ப³லி ப்ரதா³னே பூஜாயாமக்³னி கார்யே மஹோத்ஸவே।
ஸர்வம் மமைதன்மாஹாத்ம்யம் உச்சார்யம் ஶ்ராவ்யமேவச ॥1௦॥
ஜானதாஜானதா வாபி ப³லி பூஜாம் ததா² க்ருதாம்।
ப்ரதீக்ஷிஷ்யாம்யஹம் ப்ரீத்யா வஹ்னி ஹோமம் ததா² க்ருதம் ॥11॥
ஶரத்காலே மஹாபூஜா க்ரியதே யாச வார்ஷிகீ।
தஸ்யாம் மமைதன்மாஹாத்ம்யம் ஶ்ருத்வா ப⁴க்திஸமன்வித: ॥12॥
ஸர்வபா³தா⁴வினிர்முக்தோ த⁴னதா⁴ன்யஸமன்வித:।
மனுஷ்யோ மத்ப்ரஸாதே³ன ப⁴விஷ்யதி ந ஸம்ஶய:॥13॥
ஶ்ருத்வா மமைதன்மாஹாத்ம்யம் ததா² சோத்பத்தய: ஶுபா⁴:।
பராக்ரமம் ச யுத்³தே⁴ஷு ஜாயதே நிர்ப⁴ய: புமான்॥14॥
ரிபவ: ஸங்க்ஷயம் யான்தி கள்யாணாம் சோபபத்⁴யதே।
நன்த³தே ச குலம் பும்ஸாம் மஹாத்ம்யம் மமஶ்ருண்வதாம்॥15॥
ஶான்திகர்மாணி ஸர்வத்ர ததா² து³:ஸ்வப்னத³ர்ஶனே।
க்³ரஹபீடா³ஸு சோக்³ராஸு மஹாத்ம்யம் ஶ்ருணுயான்மம॥16॥
உபஸர்கா³: ஶமம் யான்தி க்³ரஹபீடா³ஶ்ச தா³ருணா:
து³:ஸ்வப்னம் ச ந்ருபி⁴ர்த்³ருஷ்டம் ஸுஸ்வப்னமுபஜாயதே॥17॥
பா³லக்³ரஹாபி⁴பூ⁴தானம் பா³லானாம் ஶான்திகாரகம்।
ஸங்கா⁴தபே⁴தே³ ச ந்ருணாம் மைத்ரீகரணமுத்தமம்॥18॥
து³ர்வ்ருத்தானாமஶேஷாணாம் ப³லஹானிகரம் பரம்।
ரக்ஷோபூ⁴தபிஶாசானாம் பட²னாதே³வ நாஶனம்॥19॥
ஸர்வம் மமைதன்மாஹாத்ம்யம் மம ஸன்னிதி⁴காரகம்।
பஶுபுஷ்பார்க்⁴யதூ⁴பைஶ்ச க³ன்த⁴தீ³பைஸ்ததோ²த்தமை:॥2௦॥
விப்ராணாம் போ⁴ஜனைர்ஹோமை: ப்ரொக்ஷணீயைரஹர்னிஶம்।
அன்யைஶ்ச விவிதை⁴ர்போ⁴கை³: ப்ரதா³னைர்வத்ஸரேண யா॥21॥
ப்ரீதிர்மே க்ரியதே ஸாஸ்மின் ஸக்ருது³ச்சரிதே ஶ்ருதே।
ஶ்ருதம் ஹரதி பாபானி ததா²ரோக்³யம் ப்ரயச்ச²தி॥22॥
ரக்ஷாம் கரோதி பூ⁴தேப்⁴யோ ஜன்மனாம் கீர்தினம் மம।
யுத்³தே³ஷு சரிதம் யன்மே து³ஷ்ட தை³த்ய நிப³ர்ஹணம்॥23॥
தஸ்மிஞ்ச்²ருதே வைரிக்ருதம் ப⁴யம் பும்ஸாம் ந ஜாயதே।
யுஷ்மாபி⁴: ஸ்துதயோ யாஶ்ச யாஶ்ச ப்³ரஹ்மர்ஷிபி⁴: க்ருதா:॥24॥
ப்³ரஹ்மணா ச க்ருதாஸ்தாஸ்து ப்ரயச்ச²ன்து ஶுபா⁴ம் மதிம்।
அரண்யே ப்ரான்தரே வாபி தா³வாக்³னி பரிவாரித:॥25॥
த³ஸ்யுபி⁴ர்வா வ்ருத: ஶூன்யே க்³ருஹீதோ வாபி ஶத்ருபி⁴:।
ஸிம்ஹவ்யாக்⁴ரானுயாதோ வா வனேவா வன ஹஸ்திபி⁴:॥26॥
ராஜ்ஞா க்ருத்³தே³ன சாஜ்ஞப்தோ வத்⁴யோ ப³ன்த³ க³தோபிவா।
ஆகூ⁴ர்ணிதோ வா வாதேன ஸ்தி²த: போதே மஹார்ணவே॥27॥
பதத்ஸு சாபி ஶஸ்த்ரேஷு ஸங்க்³ராமே ப்⁴ருஶதா³ருணே।
ஸர்வாபா³தா⁴ஶு கோ⁴ராஸு வேத³னாப்⁴யர்தி³தோபிவா॥28॥
ஸ்மரன் மமைதச்சரிதம் நரோ முச்யேத ஸங்கடாத்।
மம ப்ரபா⁴வாத்ஸிம்ஹாத்³யா த³ஸ்யவோ வைரிண ஸ்ததா²॥29॥
தூ³ராதே³வ பலாயன்தே ஸ்மரதஶ்சரிதம் மம॥3௦॥
ருஷிருவாச॥31॥
இத்யுக்த்வா ஸா ப⁴க³வதீ சண்டி³கா சண்ட³விக்ரமா।
பஶ்யதாம் ஸர்வ தே³வானாம் தத்ரைவான்தரதீ⁴யத॥32॥
தேபி தே³வா நிராதங்கா: ஸ்வாதி⁴காரான்யதா² புரா।
யஜ்ஞபா⁴க³பு⁴ஜ: ஸர்வே சக்ருர்வி நிஹதாரய:॥33॥
தை³த்யாஶ்ச தே³வ்யா நிஹதே ஶும்பே⁴ தே³வரிபஉ யுதி⁴
ஜக³த்³வித்⁴வம்ஸகே தஸ்மின் மஹோக்³ரேதுல விக்ரமே॥34॥
நிஶும்பே⁴ ச மஹாவீர்யே ஶேஷா: பாதாளமாயயு:॥35॥
ஏவம் ப⁴க³வதீ தே³வீ ஸா நித்யாபி புன: புன:।
ஸம்பூ⁴ய குருதே பூ⁴ப ஜக³த: பரிபாலனம்॥36॥
தயைதன்மோஹ்யதே விஶ்வம் ஸைவ விஶ்வம் ப்ரஸூயதே।
ஸாயாசிதா ச விஜ்ஞானம் துஷ்டா ருத்³தி⁴ம் ப்ரயச்ச²தி॥37॥
வ்யாப்தம் தயைதத்ஸகலம் ப்³ரஹ்மாண்ட³ம் மனுஜேஶ்வர।
மஹாதே³வ்யா மஹாகாளீ மஹாமாரீ ஸ்வரூபயா॥38॥
ஸைவ காலே மஹாமாரீ ஸைவ ஸ்ருஷ்திர்ப⁴வத்யஜா।
ஸ்தி²திம் கரோதி பூ⁴தானாம் ஸைவ காலே ஸனாதனீ॥39॥
ப⁴வகாலே ந்ருணாம் ஸைவ லக்ஷ்மீர்வ்ருத்³தி⁴ப்ரதா³ க்³ருஹே।
ஸைவாபா⁴வே ததா² லக்ஷ்மீ ர்வினாஶாயோபஜாயதே॥4௦॥
ஸ்துதா ஸம்பூஜிதா புஷ்பைர்க³ன்த⁴தூ⁴பாதி³பி⁴ஸ்ததா²।
த³தா³தி வித்தம் புத்ராம்ஶ்ச மதிம் த⁴ர்மே க³திம் ஶுபா⁴ம்॥41॥
॥ இதி ஶ்ரீ மார்கண்டே³ய புராணே ஸாவர்னிகே மன்வன்தரே தே³வீ மஹத்ம்யே ப²லஶ்ருதிர்னாம த்³வாத³ஶோத்⁴யாய ஸமாப்தம் ॥
ஆஹுதி
ஓம் க்லீம் ஜயன்தீ ஸாங்கா³யை ஸஶக்திகாயை ஸபரிவாராயை ஸவாஹனாயை வரப்ரதா⁴யை வைஷ்ணவீ தே³வ்யை அஹாஹுதிம் ஸமர்பயாமி நம: ஸ்வாஹா ॥
