శుమ్భోవధో నామ దశమోఽధ్యాయః ॥
ఋషిరువాచ॥1॥
నిశుమ్భం నిహతం దృష్ట్వా భ్రాతరమ్ప్రాణసమ్మితం।
హన్యమానం బలం చైవ శుమ్బః కృద్ధోఽబ్రవీద్వచః ॥ 2 ॥
బలావలేపదుష్టే త్వం మా దుర్గే గర్వ మావహ।
అన్యాసాం బలమాశ్రిత్య యుద్ద్యసే చాతిమానినీ ॥3॥
దేవ్యువాచ ॥4॥
ఏకైవాహం జగత్యత్ర ద్వితీయా కా మమాపరా।
పశ్యైతా దుష్ట మయ్యేవ విశన్త్యో మద్విభూతయః ॥5॥
తతః సమస్తాస్తా దేవ్యో బ్రహ్మాణీ ప్రముఖాలయమ్।
తస్యా దేవ్యాస్తనౌ జగ్మురేకైవాసీత్తదామ్బికా ॥6॥
దేవ్యువాచ ॥6॥
అహం విభూత్యా బహుభిరిహ రూపైర్యదాస్థితా।
తత్సంహృతం మయైకైవ తిష్టామ్యాజౌ స్థిరో భవ ॥8॥
ఋషిరువాచ ॥9॥
తతః ప్రవవృతే యుద్ధం దేవ్యాః శుమ్భస్య చోభయోః।
పశ్యతాం సర్వదేవానాం అసురాణాం చ దారుణమ్ ॥10॥
శర వర్షైః శితైః శస్త్రైస్తథా చాస్త్రైః సుదారుణైః।
తయోర్యుద్దమభూద్భూయః సర్వలోకభయజ్ఞ్కరమ్ ॥11॥
దివ్యాన్యశ్త్రాణి శతశో ముముచే యాన్యథామ్బికా।
బభజ్ఞ తాని దైత్యేన్ద్రస్తత్ప్రతీఘాతకర్తృభిః ॥12॥
ముక్తాని తేన చాస్త్రాణి దివ్యాని పరమేశ్వరీ।
బభఞ్జ లీలయైవోగ్ర హూజ్కారోచ్చారణాదిభిః॥13॥
తతః శరశతైర్దేవీం ఆచ్చాదయత సోఽసురః।
సాపి తత్కుపితా దేవీ ధనుశ్చిఛ్చేద చేషుభిః॥14॥
చిన్నే ధనుషి దైత్యేన్ద్రస్తథా శక్తిమథాదదే।
చిఛ్చేద దేవీ చక్రేణ తామప్యస్య కరేస్థితామ్॥15॥
తతః ఖడ్గ ముపాదాయ శత చన్ద్రం చ భానుమత్।
అభ్యధావత్తదా దేవీం దైత్యానామధిపేశ్వరః॥16॥
తస్యాపతత ఏవాశు ఖడ్గం చిచ్ఛేద చణ్డికా।
ధనుర్ముక్తైః శితైర్బాణైశ్చర్మ చార్కకరామలమ్॥17॥
హతాశ్వః పతత ఏవాశు ఖడ్గం చిఛ్చేద చణ్డికా।
జగ్రాహ ముద్గరం ఘోరం అమ్బికానిధనోద్యతః॥18॥
చిచ్ఛేదాపతతస్తస్య ముద్గరం నిశితైః శరైః।
తథాపి సోఽభ్యధావత్తం ముష్టిముద్యమ్యవేగవాన్॥19॥
స ముష్టిం పాతయామాస హృదయే దైత్య పుఙ్గవః।
దేవ్యాస్తం చాపి సా దేవీ తలే నో రస్య తాడయత్॥20॥
తలప్రహారాభిహతో నిపపాత మహీతలే।
స దైత్యరాజః సహసా పునరేవ తథోత్థితః॥21॥
ఉత్పత్య చ ప్రగృహ్యోచ్చైర్ దేవీం గగనమాస్థితః।
తత్రాపి సా నిరాధారా యుయుధే తేన చణ్డికా॥22॥
నియుద్ధం ఖే తదా దైత్య శ్చణ్డికా చ పరస్పరమ్।
చక్రతుః ప్రధమం సిద్ధ మునివిస్మయకారకమ్॥23॥
తతో నియుద్ధం సుచిరం కృత్వా తేనామ్బికా సహ।
ఉత్పాట్య భ్రామయామాస చిక్షేప ధరణీతలే॥24॥
సక్షిప్తోధరణీం ప్రాప్య ముష్టిముద్యమ్య వేగవాన్।
అభ్యధావత దుష్టాత్మా చణ్డికానిధనేచ్ఛయా॥25॥
తమాయన్తం తతో దేవీ సర్వదైత్యజనేశర్వమ్।
జగత్యాం పాతయామాస భిత్వా శూలేన వక్షసి॥26॥
స గతాసుః పపాతోర్వ్యాం దేవీశూలాగ్రవిక్షతః।
చాలయన్ సకలాం పృథ్వీం సాబ్దిద్వీపాం సపర్వతామ్ ॥27॥
తతః ప్రసన్న మఖిలం హతే తస్మిన్ దురాత్మని।
జగత్స్వాస్థ్యమతీవాప నిర్మలం చాభవన్నభః ॥28॥
ఉత్పాతమేఘాః సోల్కా యేప్రాగాసంస్తే శమం యయుః।
సరితో మార్గవాహిన్యస్తథాసంస్తత్ర పాతితే ॥29॥
తతో దేవ గణాః సర్వే హర్ష నిర్భరమానసాః।
బభూవుర్నిహతే తస్మిన్ గన్దర్వా లలితం జగుః॥30॥
అవాదయం స్తథైవాన్యే ననృతుశ్చాప్సరోగణాః।
వవుః పుణ్యాస్తథా వాతాః సుప్రభోఽ భూద్ధివాకరః॥31॥
జజ్వలుశ్చాగ్నయః శాన్తాః శాన్తదిగ్జనితస్వనాః॥32॥
॥ స్వస్తి శ్రీ మార్కణ్డేయ పురాణే సావర్నికేమన్వన్తరే దేవి మహత్మ్యే శుమ్భోవధో నామ దశమో ధ్యాయః సమాప్తమ్ ॥
ఆహుతి
ఓం క్లీం జయన్తీ సాఙ్గాయై సశక్తికాయై సపరివారాయై సవాహనాయై కామేశ్వర్యై మహాహుతిం సమర్పయామి నమః స్వాహా ॥
