ಓಂ ಅ॒ಹಂ ರು॒ದ್ರೇಭಿ॒ರ್ವಸು॑ಭಿಶ್ಚರಾಮ್ಯ॒ಹಮಾ᳚ದಿ॒ತ್ಯೈರು॒ತ ವಿ॒ಶ್ವದೇ᳚ವೈಃ ।
ಅ॒ಹಂ ಮಿ॒ತ್ರಾವರು॑ಣೋ॒ಭಾ ಬಿ॑ಭರ್ಮ್ಯ॒ಹಮಿಂ᳚ದ್ರಾ॒ಗ್ನೀ ಅ॒ಹಮ॒ಶ್ವಿನೋ॒ಭಾ ॥1॥
ಅ॒ಹಂ ಸೋಮ॑ಮಾಹ॒ನಸಂ᳚ ಬಿಭರ್ಮ್ಯ॒ಹಂ ತ್ವಷ್ಟಾ᳚ರಮು॒ತ ಪೂ॒ಷಣಂ॒ ಭಗಂ᳚ ।
ಅ॒ಹಂ ದ॑ಧಾಮಿ॒ ದ್ರವಿ॑ಣಂ ಹ॒ವಿಷ್ಮ॑ತೇ ಸುಪ್ರಾ॒ವ್ಯೇ॒ ಯೇ॑ 3 ಯಜ॑ಮಾನಾಯ ಸುನ್ವ॒ತೇ ॥2॥
ಅ॒ಹಂ ರಾಷ್ಟ್ರೀ᳚ ಸಂ॒ಗಮ॑ನೀ॒ ವಸೂ᳚ನಾಂ ಚಿಕಿ॒ತುಷೀ᳚ ಪ್ರಥ॒ಮಾ ಯ॒ಜ್ಞಿಯಾ᳚ನಾಮ್ ।
ತಾಂ ಮಾ᳚ ದೇ॒ವಾ ವ್ಯ॑ದಧುಃ ಪುರು॒ತ್ರಾ ಭೂರಿ॑ಸ್ಥಾತ್ರಾಂ॒ ಭೂ~ರ್ಯಾ᳚ವೇ॒ಶಯಂತೀ᳚ಮ್ ॥3॥
ಮಯಾ॒ ಸೋ ಅನ್ನ॑ಮತ್ತಿ ಯೋ ವಿ॒ಪಶ್ಯ॑ತಿ॒ ಯಃ ಪ್ರಾಣಿ॑ತಿ॒ ಯ ಈಂ᳚ ಶೃ॒ಣೋತ್ಯು॒ಕ್ತಮ್ ।
ಅ॒ಮಂ॒ತ॒ವೋ॒ಮಾಂತ ಉಪ॑ಕ್ಷಿಯಂತಿ॒ ಶ್ರು॒ಧಿ ಶ್ರು॑ತಂ ಶ್ರದ್ಧಿ॒ವಂ ತೇ᳚ ವದಾಮಿ ॥4॥
ಅ॒ಹಮೇ॒ವ ಸ್ವ॒ಯಮಿ॒ದಂ-ವಁದಾ॑ಮಿ॒ ಜುಷ್ಟಂ᳚ ದೇ॒ವೇಭಿ॑ರು॒ತ ಮಾನು॑ಷೇಭಿಃ ।
ಯಂ ಕಾ॒ಮಯೇ॒ ತಂ ತ॑ಮು॒ಗ್ರಂ ಕೃ॑ಣೋಮಿ॒ ತಂ ಬ್ರ॒ಹ್ಮಾಣಂ॒ ತಮೃಷಿಂ॒ ತಂ ಸು॑ಮೇ॒ಧಾಮ್ ॥5॥
ಅ॒ಹಂ ರು॒ದ್ರಾಯ॒ ಧನು॒ರಾತ॑ನೋಮಿ ಬ್ರಹ್ಮ॒ದ್ವಿಷೇ॒ ಶರ॑ವೇ ಹಂತ॒ ವಾ ಉ॑ ।
ಅ॒ಹಂ ಜನಾ᳚ಯ ಸ॒ಮದಂ᳚ ಕೃಣೋಮ್ಯ॒ಹಂ ದ್ಯಾವಾ᳚ಪೃಥಿ॒ವೀ ಆವಿ॑ವೇಶ ॥6॥
ಅ॒ಹಂ ಸು॑ವೇ ಪಿ॒ತರ॑ಮಸ್ಯ ಮೂ॒ರ್ಧನ್ ಮಮ॒ ಯೋನಿ॑ರ॒ಪ್ಸ್ವಂ॒ತಃ ಸ॑ಮು॒ದ್ರೇ ।
ತತೋ॒ ವಿತಿ॑ಷ್ಠೇ॒ ಭುವ॒ನಾನು॒ ವಿಶ್ವೋ॒ತಾಮೂಂ ದ್ಯಾಂ-ವಁ॒ರ್ಷ್ಮಣೋಪ॑ ಸ್ಪೃಶಾಮಿ ॥7॥
ಅ॒ಹಮೇ॒ವ ವಾತ॑ ಇವ॒ ಪ್ರವಾ᳚ಮ್ಯಾ॒-ರಭ॑ಮಾಣಾ॒ ಭುವ॑ನಾನಿ॒ ವಿಶ್ವಾ᳚ ।
ಪ॒ರೋ ದಿ॒ವಾಪರ॒ ಏ॒ನಾ ಪೃ॑ಥಿ॒ವ್ಯೈ-ತಾವ॑ತೀ ಮಹಿ॒ನಾ ಸಂಬ॑ಭೂವ ॥8॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
॥ ಇತಿ ಋಗ್ವೇದೋಕ್ತಂ ದೇವೀಸೂಕ್ತಂ ಸಮಾಪ್ತಮ್ ॥
॥ತತ್ ಸತ್ ॥
